| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
26. бан̃жааб̣аад̇хавад̇т̇у
26. Pañcābādhavatthu
88. д̇зна ко бана самаязна маг̇ад̇хзсу бан̃жа ааб̣аад̇хаа уссаннаа хонд̇и – гудтам̣, г̇ан̣д̣о, гилаасо, сосо, абамааро. мануссаа бан̃жахи ааб̣аад̇хзхи пудтаа ж̇ийвагам̣ гомаарабхажжам̣ убасан̇гамид̇ваа звам̣ вад̣̇анд̇и – ‘‘саад̇ху но, аажарияа, д̇игижчаахий’’д̇и. ‘‘ахам̣ кваяяо, б̣ахугижжо б̣ахугаран̣ийяо; рааж̇аа жа мз мааг̇ад̇хо сзнияо б̣имб̣исааро убадтаад̇аб̣б̣о ид̇т̇ааг̇ааран̃жа б̣уд̣̇д̇хаббамуко жа бхигкусан̇гхо; наахам̣ саггоми д̇игижчид̇у’’нд̇и. ‘‘саб̣б̣ам̣ саабад̇зяяан̃жа д̇з, аажарияа, ход̇у; маяан̃жа д̇з д̣̇аасаа; саад̇ху, но, аажарияа, д̇игижчаахий’’д̇и. ‘‘ахам̣ кваяяо, б̣ахугижжо б̣ахугаран̣ийяо рааж̇аа жа мз мааг̇ад̇хо сзнияо б̣имб̣исааро убадтаад̇аб̣б̣о ид̇т̇ааг̇ааран̃жа б̣уд̣̇д̇хаббамуко жа бхигкусан̇гхо; наахам̣ саггоми д̇игижчид̇у’’нд̇и. ат̇а ко д̇зсам̣ мануссаанам̣ зд̇ад̣̇ахоси – ‘‘имз ко саман̣аа сагяабуд̇д̇ияаа сукасийлаа сукасамаажаараа, субхож̇анаани бхун̃ж̇ид̇ваа ниваад̇зсу саяанзсу саяанд̇и. яам̣нууна маяам̣ саман̣зсу сагяабуд̇д̇иязсу баб̣б̣аж̇зяяаама. д̇ад̇т̇а бхигкуу жзва убадтахиссанд̇и, ж̇ийваго жа гомаарабхажжо д̇игижчиссад̇ий’’д̇и . ат̇а ко д̇з мануссаа бхигкуу убасан̇гамид̇ваа баб̣б̣аж̇ж̇ам̣ яаажим̣су. д̇з бхигкуу баб̣б̣ааж̇зсум̣, убасамбаад̣̇зсум̣. д̇з бхигкуу жзва убадтахим̣су ж̇ийваго жа гомаарабхажжо д̇игижчи. д̇зна ко бана самаязна бхигкуу б̣ахуу г̇илаанз бхигкуу убадтаханд̇аа яаажанаб̣ахулаа вин̃н̃ад̇д̇иб̣ахулаа вихаранд̇и – г̇илаанабхад̇д̇ам̣ д̣̇зт̇а, г̇илаанубадтаагабхад̇д̇ам̣ д̣̇зт̇а, г̇илаанабхзсаж̇ж̇ам̣ д̣̇зт̇аад̇и. ж̇ийвагоби гомаарабхажжо б̣ахуу г̇илаанз бхигкуу д̇игижчанд̇о ан̃н̃ад̇арам̣ рааж̇агижжам̣ барихаабзси.
88. Tena kho pana samayena magadhesu pañca ābādhā ussannā honti – kuṭṭhaṃ, gaṇḍo, kilāso, soso, apamāro. Manussā pañcahi ābādhehi phuṭṭhā jīvakaṃ komārabhaccaṃ upasaṅkamitvā evaṃ vadanti – ‘‘sādhu no, ācariya, tikicchāhī’’ti. ‘‘Ahaṃ khvayyo, bahukicco bahukaraṇīyo; rājā ca me māgadho seniyo bimbisāro upaṭṭhātabbo itthāgārañca buddhappamukho ca bhikkhusaṅgho; nāhaṃ sakkomi tikicchitu’’nti. ‘‘Sabbaṃ sāpateyyañca te, ācariya, hotu; mayañca te dāsā; sādhu, no, ācariya, tikicchāhī’’ti. ‘‘Ahaṃ khvayyo, bahukicco bahukaraṇīyo rājā ca me māgadho seniyo bimbisāro upaṭṭhātabbo itthāgārañca buddhappamukho ca bhikkhusaṅgho; nāhaṃ sakkomi tikicchitu’’nti. Atha kho tesaṃ manussānaṃ etadahosi – ‘‘ime kho samaṇā sakyaputtiyā sukhasīlā sukhasamācārā, subhojanāni bhuñjitvā nivātesu sayanesu sayanti. Yaṃnūna mayaṃ samaṇesu sakyaputtiyesu pabbajeyyāma. Tattha bhikkhū ceva upaṭṭhahissanti, jīvako ca komārabhacco tikicchissatī’’ti . Atha kho te manussā bhikkhū upasaṅkamitvā pabbajjaṃ yāciṃsu. Te bhikkhū pabbājesuṃ, upasampādesuṃ. Te bhikkhū ceva upaṭṭhahiṃsu jīvako ca komārabhacco tikicchi. Tena kho pana samayena bhikkhū bahū gilāne bhikkhū upaṭṭhahantā yācanabahulā viññattibahulā viharanti – gilānabhattaṃ detha, gilānupaṭṭhākabhattaṃ detha, gilānabhesajjaṃ dethāti. Jīvakopi komārabhacco bahū gilāne bhikkhū tikicchanto aññataraṃ rājakiccaṃ parihāpesi.
89. ан̃н̃ад̇ароби бурисо бан̃жахи ааб̣аад̇хзхи пудто ж̇ийвагам̣ гомаарабхажжам̣ убасан̇гамид̇ваа зд̇ад̣̇авожа – ‘‘саад̇ху мам̣, аажарияа, д̇игижчаахий’’д̇и. ‘‘ахам̣ кваяяо, б̣ахугижжо, б̣ахугаран̣ийяо, рааж̇аа жа мз мааг̇ад̇хо сзнияо б̣имб̣исааро убадтаад̇аб̣б̣о ид̇т̇ааг̇ааран̃жа б̣уд̣̇д̇хаббамуко жа бхигкусан̇гхо; наахам̣ саггоми д̇игижчид̇у’’нд̇и. ‘‘саб̣б̣ам̣ саабад̇зяяан̃жа д̇з, аажарияа, ход̇у, ахан̃жа д̇з д̣̇аасо; саад̇ху мам̣, аажарияа, д̇игижчаахий’’д̇и. ‘‘ахам̣ кваяяо, б̣ахугижжо б̣ахугаран̣ийяо, рааж̇аа жа мз мааг̇ад̇хо сзнияо б̣имб̣исааро убадтаад̇аб̣б̣о ид̇т̇ааг̇ааран̃жа б̣уд̣̇д̇хаббамуко жа бхигкусан̇гхо, наахам̣ саггоми д̇игижчид̇у’’нд̇и. ат̇а ко д̇асса бурисасса зд̇ад̣̇ахоси – ‘‘имз ко саман̣аа сагяабуд̇д̇ияаа сукасийлаа сукасамаажаараа, субхож̇анаани бхун̃ж̇ид̇ваа ниваад̇зсу саяанзсу саяанд̇и. яам̣нуунаахам̣ саман̣зсу сагяабуд̇д̇иязсу баб̣б̣аж̇зяяам̣. д̇ад̇т̇а бхигкуу жзва убадтахиссанд̇и, ж̇ийваго жа гомаарабхажжо д̇игижчиссад̇и. сомхи 1 арог̇о виб̣бхамиссаамий’’д̇и . ат̇а ко со бурисо бхигку убасан̇гамид̇ваа баб̣б̣аж̇ж̇ам̣ яаажи. д̇ам̣ бхигкуу баб̣б̣ааж̇зсум̣, убасамбаад̣̇зсум̣. д̇ам̣ бхигкуу жзва убадтахим̣су, ж̇ийваго жа гомаарабхажжо д̇игижчи. со арог̇о виб̣бхами. ад̣̇д̣̇асаа ко ж̇ийваго гомаарабхажжо д̇ам̣ бурисам̣ виб̣бханд̇ам̣, д̣̇исваана д̇ам̣ бурисам̣ зд̇ад̣̇авожа – ‘‘нану д̇вам̣, аяяо, бхигкуусу баб̣б̣аж̇ид̇о ахосий’’д̇и? ‘‘звам̣, аажарияаа’’д̇и. ‘‘гисса бана д̇вам̣, аяяо, зваруубамагаасий’’д̇и? ат̇а ко со бурисо ж̇ийвагасса гомаарабхажжасса зд̇амад̇т̇ам̣ аарожзси. ж̇ийваго гомаарабхажжо уж̇жхааяад̇и кияяад̇и вибаажзд̇и – ‘‘гат̇ан̃хи наама бхад̣̇анд̇аа 2 бан̃жахи ааб̣аад̇хзхи пудтам̣ баб̣б̣ааж̇зссанд̇ий’’д̇и. ат̇а ко ж̇ийваго гомаарабхажжо язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ж̇ийваго гомаарабхажжо бхаг̇аванд̇ам̣ зд̇ад̣̇авожа – ‘‘саад̇ху, бханд̇з, аяяаа бан̃жахи ааб̣аад̇хзхи пудтам̣ на баб̣б̣ааж̇зяяу’’нд̇и. ат̇а ко бхаг̇аваа ж̇ийвагам̣ гомаарабхажжам̣ д̇хаммияаа гат̇ааяа санд̣̇ассзси самаад̣̇абзси самуд̇д̇зж̇зси самбахам̣сзси. ат̇а ко ж̇ийваго гомаарабхажжо бхаг̇авад̇аа д̇хаммияаа гат̇ааяа санд̣̇ассид̇о самаад̣̇абид̇о самуд̇д̇зж̇ид̇о самбахам̣сид̇о удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘на, бхигкавз, бан̃жахи ааб̣аад̇хзхи пудто баб̣б̣ааж̇зд̇аб̣б̣о. яо баб̣б̣ааж̇зяяа, аабад̇д̇и д̣̇уггадассаа’’д̇и.
89. Aññataropi puriso pañcahi ābādhehi phuṭṭho jīvakaṃ komārabhaccaṃ upasaṅkamitvā etadavoca – ‘‘sādhu maṃ, ācariya, tikicchāhī’’ti. ‘‘Ahaṃ khvayyo, bahukicco, bahukaraṇīyo, rājā ca me māgadho seniyo bimbisāro upaṭṭhātabbo itthāgārañca buddhappamukho ca bhikkhusaṅgho; nāhaṃ sakkomi tikicchitu’’nti. ‘‘Sabbaṃ sāpateyyañca te, ācariya, hotu, ahañca te dāso; sādhu maṃ, ācariya, tikicchāhī’’ti. ‘‘Ahaṃ khvayyo, bahukicco bahukaraṇīyo, rājā ca me māgadho seniyo bimbisāro upaṭṭhātabbo itthāgārañca buddhappamukho ca bhikkhusaṅgho, nāhaṃ sakkomi tikicchitu’’nti. Atha kho tassa purisassa etadahosi – ‘‘ime kho samaṇā sakyaputtiyā sukhasīlā sukhasamācārā, subhojanāni bhuñjitvā nivātesu sayanesu sayanti. Yaṃnūnāhaṃ samaṇesu sakyaputtiyesu pabbajeyyaṃ. Tattha bhikkhū ceva upaṭṭhahissanti, jīvako ca komārabhacco tikicchissati. Somhi 3 arogo vibbhamissāmī’’ti . Atha kho so puriso bhikkhu upasaṅkamitvā pabbajjaṃ yāci. Taṃ bhikkhū pabbājesuṃ, upasampādesuṃ. Taṃ bhikkhū ceva upaṭṭhahiṃsu, jīvako ca komārabhacco tikicchi. So arogo vibbhami. Addasā kho jīvako komārabhacco taṃ purisaṃ vibbhantaṃ, disvāna taṃ purisaṃ etadavoca – ‘‘nanu tvaṃ, ayyo, bhikkhūsu pabbajito ahosī’’ti? ‘‘Evaṃ, ācariyā’’ti. ‘‘Kissa pana tvaṃ, ayyo, evarūpamakāsī’’ti? Atha kho so puriso jīvakassa komārabhaccassa etamatthaṃ ārocesi. Jīvako komārabhacco ujjhāyati khiyyati vipāceti – ‘‘kathañhi nāma bhadantā 4 pañcahi ābādhehi phuṭṭhaṃ pabbājessantī’’ti. Atha kho jīvako komārabhacco yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho jīvako komārabhacco bhagavantaṃ etadavoca – ‘‘sādhu, bhante, ayyā pañcahi ābādhehi phuṭṭhaṃ na pabbājeyyu’’nti. Atha kho bhagavā jīvakaṃ komārabhaccaṃ dhammiyā kathāya sandassesi samādapesi samuttejesi sampahaṃsesi. Atha kho jīvako komārabhacco bhagavatā dhammiyā kathāya sandassito samādapito samuttejito sampahaṃsito uṭṭhāyāsanā bhagavantaṃ abhivādetvā padakkhiṇaṃ katvā pakkāmi. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘na, bhikkhave, pañcahi ābādhehi phuṭṭho pabbājetabbo. Yo pabbājeyya, āpatti dukkaṭassā’’ti.
бан̃жааб̣аад̇хавад̇т̇у нидтид̇ам̣.
Pañcābādhavatthu niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / бан̃жааб̣аад̇хавад̇т̇угат̇аа • Pañcābādhavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бан̃жааб̣аад̇хавад̇т̇угат̇ааван̣н̣анаа • Pañcābādhavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бан̃жааб̣аад̇хавад̇т̇угат̇ааван̣н̣анаа • Pañcābādhavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бан̃жааб̣аад̇хавад̇т̇угат̇ааван̣н̣анаа • Pañcābādhavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 26. бан̃жааб̣аад̇хавад̇т̇угат̇аа • 26. Pañcābādhavatthukathā
