| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
бан̃жааб̣аад̇хавад̇т̇угат̇аа
Pañcābādhavatthukathā
88. маг̇ад̇хзсу бан̃жа ааб̣аад̇хаа уссаннаа хонд̇ийд̇и маг̇ад̇ханаамагз ж̇анабад̣̇з мануссаанан̃жа амануссаанан̃жа бан̃жа рог̇аа уссаннаа вуд̣дхиббад̇д̇аа паад̇иббад̇д̇аа хонд̇и. ж̇ийвагагомаарабхажжагат̇аа жийварагканд̇хагз аавибхависсад̇и. на бхигкавз бан̃жахи ааб̣аад̇хзхи пудто баб̣б̣ааж̇зд̇аб̣б̣од̇и яз д̇з гудтаад̣̇аяо бан̃жа ааб̣аад̇хаа уссаннаа, д̇зхи пудто абхибхууд̇о на баб̣б̣ааж̇зд̇аб̣б̣о.
88.Magadhesupañca ābādhā ussannā hontīti magadhanāmake janapade manussānañca amanussānañca pañca rogā ussannā vuḍḍhippattā phātippattā honti. Jīvakakomārabhaccakathā cīvarakkhandhake āvibhavissati. Na bhikkhave pañcahi ābādhehi phuṭṭho pabbājetabboti ye te kuṭṭhādayo pañca ābādhā ussannā, tehi phuṭṭho abhibhūto na pabbājetabbo.
д̇ад̇т̇а гудтанд̇и рад̇д̇агудтам̣ ваа ход̇у гаал̣агудтам̣ ваа, яам̣гин̃жи гидибхад̣̇ад̣̇д̣̇угажчуаад̣̇иббабхзд̣̇амби саб̣б̣ам̣ гудтамзваад̇и вуд̇д̇ам̣. д̇ан̃жз накабидтиббамаан̣амби вад̣дханагабагкз тид̇ам̣ ход̇и, на баб̣б̣ааж̇зд̇аб̣б̣о. сажз бана ниваасанабаарубанзхи багад̇ибадижчаннз таанз накабидтиббамаан̣ам̣ авад̣дханагабагкз тид̇ам̣ ход̇и, ваддад̇и. мукз бана хад̇т̇абаад̣̇абидтзсу ваа сажзби авад̣дханагабагкз тид̇ам̣ накабидтид̇о жа куд̣̇д̣̇агад̇арамби, на ваддад̇иязваад̇и гурунд̣̇ияам̣ вуд̇д̇ам̣. д̇игижчаабзд̇ваа баб̣б̣ааж̇знд̇знааби багад̇иван̣н̣з ж̇аад̇зязва баб̣б̣ааж̇зд̇аб̣б̣о. г̇од̇хаабидтисад̣̇исажун̣н̣аогиран̣агасарийрамби баб̣б̣ааж̇зд̇ум̣ на ваддад̇и.
Tattha kuṭṭhanti rattakuṭṭhaṃ vā hotu kāḷakuṭṭhaṃ vā, yaṃkiñci kiṭibhadaddukacchuādippabhedampi sabbaṃ kuṭṭhamevāti vuttaṃ. Tañce nakhapiṭṭhippamāṇampi vaḍḍhanakapakkhe ṭhitaṃ hoti, na pabbājetabbo. Sace pana nivāsanapārupanehi pakatipaṭicchanne ṭhāne nakhapiṭṭhippamāṇaṃ avaḍḍhanakapakkhe ṭhitaṃ hoti, vaṭṭati. Mukhe pana hatthapādapiṭṭhesu vā sacepi avaḍḍhanakapakkhe ṭhitaṃ nakhapiṭṭhito ca khuddakatarampi, na vaṭṭatiyevāti kurundiyaṃ vuttaṃ. Tikicchāpetvā pabbājentenāpi pakativaṇṇe jāteyeva pabbājetabbo. Godhāpiṭṭhisadisacuṇṇaokiraṇakasarīrampi pabbājetuṃ na vaṭṭati.
г̇ан̣д̣од̇и мзд̣̇аг̇ан̣д̣о ваа ход̇у ан̃н̃о ваа яо гожи голадтимад̇д̇агоби жз вад̣дханагабагкз тид̇о г̇ан̣д̣о ход̇и, на баб̣б̣ааж̇зд̇аб̣б̣о. бадижчаннадтаанз бана голадтимад̇д̇з авад̣дханагабагкз тид̇о ваддад̇и. мукаад̣̇игз аббадижчаннадтаанз авад̣дханагабагкз тид̇оби на ваддад̇и. д̇игижчаабзд̇ваа баб̣б̣ааж̇знд̇знааби сарийрам̣ сан̃чавим̣ гаарзд̇ваава баб̣б̣ааж̇зд̇аб̣б̣о. ун̣н̣иг̇ан̣д̣аа наама хонд̇и г̇от̇анаа вияа ан̇г̇улигаа вияа жа д̇ад̇т̇а д̇ад̇т̇а ламб̣анд̇и, зд̇зби г̇ан̣д̣ааязва. д̇зсу сад̇и баб̣б̣ааж̇зд̇ум̣ на ваддад̇и. д̣̇ахарагаалз кийрабил̣агаа яоб̣б̣аннагаалз жа мукз карабил̣агаа наама хонд̇и, махаллагагаалз нассанд̇и, на д̇аа г̇ан̣д̣асан̇кяам̣ г̇ажчанд̇и, д̇аасу сад̇и баб̣б̣ааж̇зд̇ум̣ ваддад̇и. ан̃н̃з бана сарийрз карабил̣агаа наама абараа бад̣̇умаган̣н̣игаа наама хонд̇и, ан̃н̃аа саасабаб̣ийж̇агаа наама саасабамад̇д̇аа зва сагаласарийрам̣ паранд̇и, д̇аа саб̣б̣аа гудтаж̇аад̇игаа зва. д̇аасу сад̇и на баб̣б̣ааж̇зд̇аб̣б̣о.
Gaṇḍoti medagaṇḍo vā hotu añño vā yo koci kolaṭṭhimattakopi ce vaḍḍhanakapakkhe ṭhito gaṇḍo hoti, na pabbājetabbo. Paṭicchannaṭṭhāne pana kolaṭṭhimatte avaḍḍhanakapakkhe ṭhito vaṭṭati. Mukhādike appaṭicchannaṭṭhāne avaḍḍhanakapakkhe ṭhitopi na vaṭṭati. Tikicchāpetvā pabbājentenāpi sarīraṃ sañchaviṃ kāretvāva pabbājetabbo. Uṇṇigaṇḍā nāma honti gothanā viya aṅgulikā viya ca tattha tattha lambanti, etepi gaṇḍāyeva. Tesu sati pabbājetuṃ na vaṭṭati. Daharakāle khīrapiḷakā yobbannakāle ca mukhe kharapiḷakā nāma honti, mahallakakāle nassanti, na tā gaṇḍasaṅkhyaṃ gacchanti, tāsu sati pabbājetuṃ vaṭṭati. Aññe pana sarīre kharapiḷakā nāma aparā padumakaṇṇikā nāma honti, aññā sāsapabījakā nāma sāsapamattā eva sakalasarīraṃ pharanti, tā sabbā kuṭṭhajātikā eva. Tāsu sati na pabbājetabbo.
гилаасод̇и на бхиж̇ж̇анагам̣ на баг̇гхаран̣агам̣ бад̣̇умабун̣д̣арийгабад̇д̇аван̣н̣ам̣ гудтам̣, язна г̇уннам̣ вияа саб̣алам̣ сарийрам̣ ход̇и, д̇асмим̣ гудтз вуд̇д̇анаязнзва винижчаяо взд̣̇ид̇аб̣б̣о. сосод̇и сосаб̣яаад̇хи; д̇асмим̣ сад̇и на баб̣б̣ааж̇зд̇аб̣б̣о. абамаарод̇и бид̇д̇уммааро ваа яагкуммааро ваа; д̇ад̇т̇а буб̣б̣авзригзна амануссзна г̇ахид̇о д̣̇уд̇д̇игижчо ход̇и. аббамад̇д̇агзби бана абамаарз сад̇и на баб̣б̣ааж̇зд̇аб̣б̣о.
Kilāsoti na bhijjanakaṃ na paggharaṇakaṃ padumapuṇḍarīkapattavaṇṇaṃ kuṭṭhaṃ, yena gunnaṃ viya sabalaṃ sarīraṃ hoti, tasmiṃ kuṭṭhe vuttanayeneva vinicchayo veditabbo. Sosoti sosabyādhi; tasmiṃ sati na pabbājetabbo. Apamāroti pittummāro vā yakkhummāro vā; tattha pubbaverikena amanussena gahito duttikiccho hoti. Appamattakepi pana apamāre sati na pabbājetabbo.
бан̃жааб̣аад̇хавад̇т̇угат̇аа нидтид̇аа.
Pañcābādhavatthukathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 26. бан̃жааб̣аад̇хавад̇т̇у • 26. Pañcābādhavatthu
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бан̃жааб̣аад̇хавад̇т̇угат̇ааван̣н̣анаа • Pañcābādhavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бан̃жааб̣аад̇хавад̇т̇угат̇ааван̣н̣анаа • Pañcābādhavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бан̃жааб̣аад̇хавад̇т̇угат̇ааван̣н̣анаа • Pañcābādhavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 26. бан̃жааб̣аад̇хавад̇т̇угат̇аа • 26. Pañcābādhavatthukathā
