| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
ਪਞ੍ਚਾਬਾਧવਤ੍ਥੁਕਥਾ
Pañcābādhavatthukathā
੮੮. ਮਗਧੇਸੁ ਪਞ੍ਚ ਆਬਾਧਾ ਉਸ੍ਸਨ੍ਨਾ ਹੋਨ੍ਤੀਤਿ ਮਗਧਨਾਮਕੇ ਜਨਪਦੇ ਮਨੁਸ੍ਸਾਨਞ੍ਚ ਅਮਨੁਸ੍ਸਾਨਞ੍ਚ ਪਞ੍ਚ ਰੋਗਾ ਉਸ੍ਸਨ੍ਨਾ વੁਡ੍ਢਿਪ੍ਪਤ੍ਤਾ ਫਾਤਿਪ੍ਪਤ੍ਤਾ ਹੋਨ੍ਤਿ। ਜੀવਕਕੋਮਾਰਭਚ੍ਚਕਥਾ ਚੀવਰਕ੍ਖਨ੍ਧਕੇ ਆવਿਭવਿਸ੍ਸਤਿ। ਨ ਭਿਕ੍ਖવੇ ਪਞ੍ਚਹਿ ਆਬਾਧੇਹਿ ਫੁਟ੍ਠੋ ਪਬ੍ਬਾਜੇਤਬ੍ਬੋਤਿ ਯੇ ਤੇ ਕੁਟ੍ਠਾਦਯੋ ਪਞ੍ਚ ਆਬਾਧਾ ਉਸ੍ਸਨ੍ਨਾ, ਤੇਹਿ ਫੁਟ੍ਠੋ ਅਭਿਭੂਤੋ ਨ ਪਬ੍ਬਾਜੇਤਬ੍ਬੋ।
88.Magadhesupañca ābādhā ussannā hontīti magadhanāmake janapade manussānañca amanussānañca pañca rogā ussannā vuḍḍhippattā phātippattā honti. Jīvakakomārabhaccakathā cīvarakkhandhake āvibhavissati. Na bhikkhave pañcahi ābādhehi phuṭṭho pabbājetabboti ye te kuṭṭhādayo pañca ābādhā ussannā, tehi phuṭṭho abhibhūto na pabbājetabbo.
ਤਤ੍ਥ ਕੁਟ੍ਠਨ੍ਤਿ ਰਤ੍ਤਕੁਟ੍ਠਂ વਾ ਹੋਤੁ ਕਾਲ਼ਕੁਟ੍ਠਂ વਾ, ਯਂਕਿਞ੍ਚਿ ਕਿਟਿਭਦਦ੍ਦੁਕਚ੍ਛੁਆਦਿਪ੍ਪਭੇਦਮ੍ਪਿ ਸਬ੍ਬਂ ਕੁਟ੍ਠਮੇવਾਤਿ વੁਤ੍ਤਂ। ਤਞ੍ਚੇ ਨਖਪਿਟ੍ਠਿਪ੍ਪਮਾਣਮ੍ਪਿ વਡ੍ਢਨਕਪਕ੍ਖੇ ਠਿਤਂ ਹੋਤਿ, ਨ ਪਬ੍ਬਾਜੇਤਬ੍ਬੋ। ਸਚੇ ਪਨ ਨਿવਾਸਨਪਾਰੁਪਨੇਹਿ ਪਕਤਿਪਟਿਚ੍ਛਨ੍ਨੇ ਠਾਨੇ ਨਖਪਿਟ੍ਠਿਪ੍ਪਮਾਣਂ ਅવਡ੍ਢਨਕਪਕ੍ਖੇ ਠਿਤਂ ਹੋਤਿ, વਟ੍ਟਤਿ। ਮੁਖੇ ਪਨ ਹਤ੍ਥਪਾਦਪਿਟ੍ਠੇਸੁ વਾ ਸਚੇਪਿ ਅવਡ੍ਢਨਕਪਕ੍ਖੇ ਠਿਤਂ ਨਖਪਿਟ੍ਠਿਤੋ ਚ ਖੁਦ੍ਦਕਤਰਮ੍ਪਿ, ਨ વਟ੍ਟਤਿਯੇવਾਤਿ ਕੁਰੁਨ੍ਦਿਯਂ વੁਤ੍ਤਂ। ਤਿਕਿਚ੍ਛਾਪੇਤ੍વਾ ਪਬ੍ਬਾਜੇਨ੍ਤੇਨਾਪਿ ਪਕਤਿવਣ੍ਣੇ ਜਾਤੇਯੇવ ਪਬ੍ਬਾਜੇਤਬ੍ਬੋ। ਗੋਧਾਪਿਟ੍ਠਿਸਦਿਸਚੁਣ੍ਣਓਕਿਰਣਕਸਰੀਰਮ੍ਪਿ ਪਬ੍ਬਾਜੇਤੁਂ ਨ વਟ੍ਟਤਿ।
Tattha kuṭṭhanti rattakuṭṭhaṃ vā hotu kāḷakuṭṭhaṃ vā, yaṃkiñci kiṭibhadaddukacchuādippabhedampi sabbaṃ kuṭṭhamevāti vuttaṃ. Tañce nakhapiṭṭhippamāṇampi vaḍḍhanakapakkhe ṭhitaṃ hoti, na pabbājetabbo. Sace pana nivāsanapārupanehi pakatipaṭicchanne ṭhāne nakhapiṭṭhippamāṇaṃ avaḍḍhanakapakkhe ṭhitaṃ hoti, vaṭṭati. Mukhe pana hatthapādapiṭṭhesu vā sacepi avaḍḍhanakapakkhe ṭhitaṃ nakhapiṭṭhito ca khuddakatarampi, na vaṭṭatiyevāti kurundiyaṃ vuttaṃ. Tikicchāpetvā pabbājentenāpi pakativaṇṇe jāteyeva pabbājetabbo. Godhāpiṭṭhisadisacuṇṇaokiraṇakasarīrampi pabbājetuṃ na vaṭṭati.
ਗਣ੍ਡੋਤਿ ਮੇਦਗਣ੍ਡੋ વਾ ਹੋਤੁ ਅਞ੍ਞੋ વਾ ਯੋ ਕੋਚਿ ਕੋਲਟ੍ਠਿਮਤ੍ਤਕੋਪਿ ਚੇ વਡ੍ਢਨਕਪਕ੍ਖੇ ਠਿਤੋ ਗਣ੍ਡੋ ਹੋਤਿ, ਨ ਪਬ੍ਬਾਜੇਤਬ੍ਬੋ। ਪਟਿਚ੍ਛਨ੍ਨਟ੍ਠਾਨੇ ਪਨ ਕੋਲਟ੍ਠਿਮਤ੍ਤੇ ਅવਡ੍ਢਨਕਪਕ੍ਖੇ ਠਿਤੋ વਟ੍ਟਤਿ। ਮੁਖਾਦਿਕੇ ਅਪ੍ਪਟਿਚ੍ਛਨ੍ਨਟ੍ਠਾਨੇ ਅવਡ੍ਢਨਕਪਕ੍ਖੇ ਠਿਤੋਪਿ ਨ વਟ੍ਟਤਿ। ਤਿਕਿਚ੍ਛਾਪੇਤ੍વਾ ਪਬ੍ਬਾਜੇਨ੍ਤੇਨਾਪਿ ਸਰੀਰਂ ਸਞ੍ਛવਿਂ ਕਾਰੇਤ੍વਾવ ਪਬ੍ਬਾਜੇਤਬ੍ਬੋ। ਉਣ੍ਣਿਗਣ੍ਡਾ ਨਾਮ ਹੋਨ੍ਤਿ ਗੋਥਨਾ વਿਯ ਅਙ੍ਗੁਲਿਕਾ વਿਯ ਚ ਤਤ੍ਥ ਤਤ੍ਥ ਲਮ੍ਬਨ੍ਤਿ, ਏਤੇਪਿ ਗਣ੍ਡਾਯੇવ। ਤੇਸੁ ਸਤਿ ਪਬ੍ਬਾਜੇਤੁਂ ਨ વਟ੍ਟਤਿ। ਦਹਰਕਾਲੇ ਖੀਰਪਿਲ਼ਕਾ ਯੋਬ੍ਬਨ੍ਨਕਾਲੇ ਚ ਮੁਖੇ ਖਰਪਿਲ਼ਕਾ ਨਾਮ ਹੋਨ੍ਤਿ, ਮਹਲ੍ਲਕਕਾਲੇ ਨਸ੍ਸਨ੍ਤਿ, ਨ ਤਾ ਗਣ੍ਡਸਙ੍ਖ੍ਯਂ ਗਚ੍ਛਨ੍ਤਿ, ਤਾਸੁ ਸਤਿ ਪਬ੍ਬਾਜੇਤੁਂ વਟ੍ਟਤਿ। ਅਞ੍ਞੇ ਪਨ ਸਰੀਰੇ ਖਰਪਿਲ਼ਕਾ ਨਾਮ ਅਪਰਾ ਪਦੁਮਕਣ੍ਣਿਕਾ ਨਾਮ ਹੋਨ੍ਤਿ, ਅਞ੍ਞਾ ਸਾਸਪਬੀਜਕਾ ਨਾਮ ਸਾਸਪਮਤ੍ਤਾ ਏવ ਸਕਲਸਰੀਰਂ ਫਰਨ੍ਤਿ, ਤਾ ਸਬ੍ਬਾ ਕੁਟ੍ਠਜਾਤਿਕਾ ਏવ। ਤਾਸੁ ਸਤਿ ਨ ਪਬ੍ਬਾਜੇਤਬ੍ਬੋ।
Gaṇḍoti medagaṇḍo vā hotu añño vā yo koci kolaṭṭhimattakopi ce vaḍḍhanakapakkhe ṭhito gaṇḍo hoti, na pabbājetabbo. Paṭicchannaṭṭhāne pana kolaṭṭhimatte avaḍḍhanakapakkhe ṭhito vaṭṭati. Mukhādike appaṭicchannaṭṭhāne avaḍḍhanakapakkhe ṭhitopi na vaṭṭati. Tikicchāpetvā pabbājentenāpi sarīraṃ sañchaviṃ kāretvāva pabbājetabbo. Uṇṇigaṇḍā nāma honti gothanā viya aṅgulikā viya ca tattha tattha lambanti, etepi gaṇḍāyeva. Tesu sati pabbājetuṃ na vaṭṭati. Daharakāle khīrapiḷakā yobbannakāle ca mukhe kharapiḷakā nāma honti, mahallakakāle nassanti, na tā gaṇḍasaṅkhyaṃ gacchanti, tāsu sati pabbājetuṃ vaṭṭati. Aññe pana sarīre kharapiḷakā nāma aparā padumakaṇṇikā nāma honti, aññā sāsapabījakā nāma sāsapamattā eva sakalasarīraṃ pharanti, tā sabbā kuṭṭhajātikā eva. Tāsu sati na pabbājetabbo.
ਕਿਲਾਸੋਤਿ ਨ ਭਿਜ੍ਜਨਕਂ ਨ ਪਗ੍ਘਰਣਕਂ ਪਦੁਮਪੁਣ੍ਡਰੀਕਪਤ੍ਤવਣ੍ਣਂ ਕੁਟ੍ਠਂ, ਯੇਨ ਗੁਨ੍ਨਂ વਿਯ ਸਬਲਂ ਸਰੀਰਂ ਹੋਤਿ, ਤਸ੍ਮਿਂ ਕੁਟ੍ਠੇ વੁਤ੍ਤਨਯੇਨੇવ વਿਨਿਚ੍ਛਯੋ વੇਦਿਤਬ੍ਬੋ। ਸੋਸੋਤਿ ਸੋਸਬ੍ਯਾਧਿ; ਤਸ੍ਮਿਂ ਸਤਿ ਨ ਪਬ੍ਬਾਜੇਤਬ੍ਬੋ। ਅਪਮਾਰੋਤਿ ਪਿਤ੍ਤੁਮ੍ਮਾਰੋ વਾ ਯਕ੍ਖੁਮ੍ਮਾਰੋ વਾ; ਤਤ੍ਥ ਪੁਬ੍ਬવੇਰਿਕੇਨ ਅਮਨੁਸ੍ਸੇਨ ਗਹਿਤੋ ਦੁਤ੍ਤਿਕਿਚ੍ਛੋ ਹੋਤਿ। ਅਪ੍ਪਮਤ੍ਤਕੇਪਿ ਪਨ ਅਪਮਾਰੇ ਸਤਿ ਨ ਪਬ੍ਬਾਜੇਤਬ੍ਬੋ।
Kilāsoti na bhijjanakaṃ na paggharaṇakaṃ padumapuṇḍarīkapattavaṇṇaṃ kuṭṭhaṃ, yena gunnaṃ viya sabalaṃ sarīraṃ hoti, tasmiṃ kuṭṭhe vuttanayeneva vinicchayo veditabbo. Sosoti sosabyādhi; tasmiṃ sati na pabbājetabbo. Apamāroti pittummāro vā yakkhummāro vā; tattha pubbaverikena amanussena gahito duttikiccho hoti. Appamattakepi pana apamāre sati na pabbājetabbo.
ਪਞ੍ਚਾਬਾਧવਤ੍ਥੁਕਥਾ ਨਿਟ੍ਠਿਤਾ।
Pañcābādhavatthukathā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੨੬. ਪਞ੍ਚਾਬਾਧવਤ੍ਥੁ • 26. Pañcābādhavatthu
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪਞ੍ਚਾਬਾਧવਤ੍ਥੁਕਥਾવਣ੍ਣਨਾ • Pañcābādhavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਪਞ੍ਚਾਬਾਧવਤ੍ਥੁਕਥਾવਣ੍ਣਨਾ • Pañcābādhavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਪਞ੍ਚਾਬਾਧવਤ੍ਥੁਕਥਾવਣ੍ਣਨਾ • Pañcābādhavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨੬. ਪਞ੍ਚਾਬਾਧવਤ੍ਥੁਕਥਾ • 26. Pañcābādhavatthukathā
