| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
பஞ்சாபா³த⁴வத்து²கதா²வண்ணனா
Pañcābādhavatthukathāvaṇṇanā
88-9. பஞ்சாபா³தா⁴தி³வத்தூ²ஸு பாளியங் ஸொம்ஹி அரோகோ³, விப்³ப⁴மிஸ்ஸாமீதி ஸோ அஹங் அரோகோ³, விப்³ப⁴மிஸ்ஸாமீதி அத்தோ². நக²பிட்டி²ப்பமாணந்தி கனிட்ட²ங்கு³லினக²பிட்டி² அதி⁴ப்பேதா. ‘‘படிச்ச²ன்னே டா²னே நக²பிட்டி²ப்பமாணங் அவட்³ட⁴னகபக்கே² டி²தங் ஹோதி, வட்டதீ’’தி வுத்தத்தா அப்படிச்ச²ன்னட்டா²னே தாதி³ஸம்பி ந வட்டதி, படிச்ச²ன்னட்டா²னேபி ச வட்³ட⁴னகபக்கே² டி²தோபி ந வட்டதீதி ஸித்³த⁴மேவ ஹோதி. பாகடட்டா²னேபி பன நக²பிட்டி²ப்பமாணதோ ஊனதரங் அவட்³ட⁴னகங் வட்டதீதி யே க³ண்ஹெய்யுங், தேஸங் தங் க³ஹணங் படிஸேதே⁴துங் ‘‘முகே² பனா’’திஆதி³ வுத்தங்.
88-9. Pañcābādhādivatthūsu pāḷiyaṃ somhi arogo, vibbhamissāmīti so ahaṃ arogo, vibbhamissāmīti attho. Nakhapiṭṭhippamāṇanti kaniṭṭhaṅgulinakhapiṭṭhi adhippetā. ‘‘Paṭicchanne ṭhāne nakhapiṭṭhippamāṇaṃ avaḍḍhanakapakkhe ṭhitaṃ hoti, vaṭṭatī’’ti vuttattā appaṭicchannaṭṭhāne tādisampi na vaṭṭati, paṭicchannaṭṭhānepi ca vaḍḍhanakapakkhe ṭhitopi na vaṭṭatīti siddhameva hoti. Pākaṭaṭṭhānepi pana nakhapiṭṭhippamāṇato ūnataraṃ avaḍḍhanakaṃ vaṭṭatīti ye gaṇheyyuṃ, tesaṃ taṃ gahaṇaṃ paṭisedhetuṃ ‘‘mukhe panā’’tiādi vuttaṃ.
கோலட்டி²மத்தகோபீதி ப³த³ரட்டி²ப்பமாணோபி. அவட்³ட⁴னகபக்கே² டி²தோபி ந வட்டதீதி எத்த² பி-ஸத்³தே³ன கோலட்டி²மத்ததோ கு²த்³த³கதரோபி க³ண்டோ³ ந வட்டதீதி த³ஸ்ஸேதி. தேனாஹ ‘‘ஸச்ச²விங் காரெத்வா’’தி, விஜ்ஜமானச்ச²விங் கத்வாதி அத்தோ². ‘‘ஸஞ்ச²வி’’ந்தி வா பாடோ², ஸஞ்ஜாதச்ச²விந்தி அத்தோ². க³ண்டா³தீ³ஸு வூபஸந்தேஸுபி க³ண்டா³னங் விவண்ணம்பி ஹோதி, தங் வட்டதி.
Kolaṭṭhimattakopīti badaraṭṭhippamāṇopi. Avaḍḍhanakapakkhe ṭhitopi na vaṭṭatīti ettha pi-saddena kolaṭṭhimattato khuddakataropi gaṇḍo na vaṭṭatīti dasseti. Tenāha ‘‘sacchaviṃ kāretvā’’ti, vijjamānacchaviṃ katvāti attho. ‘‘Sañchavi’’nti vā pāṭho, sañjātacchavinti attho. Gaṇḍādīsu vūpasantesupi gaṇḍānaṃ vivaṇṇampi hoti, taṃ vaṭṭati.
பது³மபுண்ட³ரீகபத்தவண்ணந்தி ரத்தபது³மஸேதபது³மபுப்ப²த³லவண்ணங். குட்டே² வுத்தனயேனேவாதி படிச்ச²ன்னட்டா²னே அவட்³ட⁴னகங் வட்டதி, அஞ்ஞத்த² ந கிஞ்சிபி வட்டதீதி வுத்தனயங் த³ஸ்ஸேதி. ஸோஸப்³யாதீ⁴தி க²யரோகோ³. யக்கு²ம்மாரோதி கதா³சி கதா³சி ஆக³ந்த்வா பூ⁴மியங் பாதெத்வா ஹத்த²முகா²தி³கங் அவயவங் பூ⁴மியங் க⁴ங்ஸனகோ யக்கோ²வ ரோகோ³.
Padumapuṇḍarīkapattavaṇṇanti rattapadumasetapadumapupphadalavaṇṇaṃ. Kuṭṭhe vuttanayenevāti paṭicchannaṭṭhāne avaḍḍhanakaṃ vaṭṭati, aññattha na kiñcipi vaṭṭatīti vuttanayaṃ dasseti. Sosabyādhīti khayarogo. Yakkhummāroti kadāci kadāci āgantvā bhūmiyaṃ pātetvā hatthamukhādikaṃ avayavaṃ bhūmiyaṃ ghaṃsanako yakkhova rogo.
பஞ்சாபா³த⁴வத்து²கதா²வண்ணனா நிட்டி²தா.
Pañcābādhavatthukathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 26. பஞ்சாபா³த⁴வத்து² • 26. Pañcābādhavatthu
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / பஞ்சாபா³த⁴வத்து²கதா² • Pañcābādhavatthukathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / பஞ்சாபா³த⁴வத்து²கதா²வண்ணனா • Pañcābādhavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / பஞ்சாபா³த⁴வத்து²கதா²வண்ணனா • Pañcābādhavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 26. பஞ்சாபா³த⁴வத்து²கதா² • 26. Pañcābādhavatthukathā
