| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
бан̃жааб̣аад̇хавад̇т̇угат̇ааван̣н̣анаа
Pañcābādhavatthukathāvaṇṇanā
88-9. бан̃жааб̣аад̇хаад̣̇ивад̇т̇уусу баал̣ияам̣ сомхи арог̇о, виб̣бхамиссаамийд̇и со ахам̣ арог̇о, виб̣бхамиссаамийд̇и ад̇т̇о. накабидтиббамаан̣анд̇и ганидтан̇г̇улинакабидти ад̇хиббзд̇аа. ‘‘бадижчаннз таанз накабидтиббамаан̣ам̣ авад̣дханагабагкз тид̇ам̣ ход̇и, ваддад̇ий’’д̇и вуд̇д̇ад̇д̇аа аббадижчаннадтаанз д̇аад̣̇исамби на ваддад̇и, бадижчаннадтаанзби жа вад̣дханагабагкз тид̇оби на ваддад̇ийд̇и сид̣̇д̇хамзва ход̇и. баагададтаанзби бана накабидтиббамаан̣ад̇о уунад̇арам̣ авад̣дханагам̣ ваддад̇ийд̇и яз г̇ан̣хзяяум̣, д̇зсам̣ д̇ам̣ г̇ахан̣ам̣ бадисзд̇хзд̇ум̣ ‘‘мукз банаа’’д̇иаад̣̇и вуд̇д̇ам̣.
88-9. Pañcābādhādivatthūsu pāḷiyaṃ somhi arogo, vibbhamissāmīti so ahaṃ arogo, vibbhamissāmīti attho. Nakhapiṭṭhippamāṇanti kaniṭṭhaṅgulinakhapiṭṭhi adhippetā. ‘‘Paṭicchanne ṭhāne nakhapiṭṭhippamāṇaṃ avaḍḍhanakapakkhe ṭhitaṃ hoti, vaṭṭatī’’ti vuttattā appaṭicchannaṭṭhāne tādisampi na vaṭṭati, paṭicchannaṭṭhānepi ca vaḍḍhanakapakkhe ṭhitopi na vaṭṭatīti siddhameva hoti. Pākaṭaṭṭhānepi pana nakhapiṭṭhippamāṇato ūnataraṃ avaḍḍhanakaṃ vaṭṭatīti ye gaṇheyyuṃ, tesaṃ taṃ gahaṇaṃ paṭisedhetuṃ ‘‘mukhe panā’’tiādi vuttaṃ.
голадтимад̇д̇агобийд̇и б̣ад̣̇арадтиббамаан̣оби. авад̣дханагабагкз тид̇оби на ваддад̇ийд̇и зд̇т̇а би-сад̣̇д̣̇зна голадтимад̇д̇ад̇о куд̣̇д̣̇агад̇ароби г̇ан̣д̣о на ваддад̇ийд̇и д̣̇ассзд̇и. д̇знааха ‘‘сажчавим̣ гаарзд̇ваа’’д̇и, виж̇ж̇амаанажчавим̣ гад̇ваад̇и ад̇т̇о. ‘‘сан̃чави’’нд̇и ваа баато, сан̃ж̇аад̇ажчавинд̇и ад̇т̇о. г̇ан̣д̣аад̣̇ийсу вуубасанд̇зсуби г̇ан̣д̣аанам̣ виван̣н̣амби ход̇и, д̇ам̣ ваддад̇и.
Kolaṭṭhimattakopīti badaraṭṭhippamāṇopi. Avaḍḍhanakapakkhe ṭhitopi na vaṭṭatīti ettha pi-saddena kolaṭṭhimattato khuddakataropi gaṇḍo na vaṭṭatīti dasseti. Tenāha ‘‘sacchaviṃ kāretvā’’ti, vijjamānacchaviṃ katvāti attho. ‘‘Sañchavi’’nti vā pāṭho, sañjātacchavinti attho. Gaṇḍādīsu vūpasantesupi gaṇḍānaṃ vivaṇṇampi hoti, taṃ vaṭṭati.
бад̣̇умабун̣д̣арийгабад̇д̇аван̣н̣анд̇и рад̇д̇абад̣̇умасзд̇абад̣̇умабубпад̣̇алаван̣н̣ам̣. гудтз вуд̇д̇анаязнзваад̇и бадижчаннадтаанз авад̣дханагам̣ ваддад̇и, ан̃н̃ад̇т̇а на гин̃жиби ваддад̇ийд̇и вуд̇д̇анаяам̣ д̣̇ассзд̇и. сосаб̣яаад̇хийд̇и каяарог̇о. яагкуммаарод̇и гад̣̇аажи гад̣̇аажи ааг̇анд̇ваа бхуумияам̣ баад̇зд̇ваа хад̇т̇амукаад̣̇игам̣ аваяавам̣ бхуумияам̣ гхам̣санаго яагкова рог̇о.
Padumapuṇḍarīkapattavaṇṇanti rattapadumasetapadumapupphadalavaṇṇaṃ. Kuṭṭhe vuttanayenevāti paṭicchannaṭṭhāne avaḍḍhanakaṃ vaṭṭati, aññattha na kiñcipi vaṭṭatīti vuttanayaṃ dasseti. Sosabyādhīti khayarogo. Yakkhummāroti kadāci kadāci āgantvā bhūmiyaṃ pātetvā hatthamukhādikaṃ avayavaṃ bhūmiyaṃ ghaṃsanako yakkhova rogo.
бан̃жааб̣аад̇хавад̇т̇угат̇ааван̣н̣анаа нидтид̇аа.
Pañcābādhavatthukathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 26. бан̃жааб̣аад̇хавад̇т̇у • 26. Pañcābādhavatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / бан̃жааб̣аад̇хавад̇т̇угат̇аа • Pañcābādhavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бан̃жааб̣аад̇хавад̇т̇угат̇ааван̣н̣анаа • Pañcābādhavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бан̃жааб̣аад̇хавад̇т̇угат̇ааван̣н̣анаа • Pañcābādhavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 26. бан̃жааб̣аад̇хавад̇т̇угат̇аа • 26. Pañcābādhavatthukathā
