| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
ਪਞ੍ਚਾਬਾਧવਤ੍ਥੁਕਥਾવਣ੍ਣਨਾ
Pañcābādhavatthukathāvaṇṇanā
੮੮-੯. ਪਞ੍ਚਾਬਾਧਾਦਿવਤ੍ਥੂਸੁ ਪਾਲ਼ਿਯਂ ਸੋਮ੍ਹਿ ਅਰੋਗੋ, વਿਬ੍ਭਮਿਸ੍ਸਾਮੀਤਿ ਸੋ ਅਹਂ ਅਰੋਗੋ, વਿਬ੍ਭਮਿਸ੍ਸਾਮੀਤਿ ਅਤ੍ਥੋ। ਨਖਪਿਟ੍ਠਿਪ੍ਪਮਾਣਨ੍ਤਿ ਕਨਿਟ੍ਠਙ੍ਗੁਲਿਨਖਪਿਟ੍ਠਿ ਅਧਿਪ੍ਪੇਤਾ। ‘‘ਪਟਿਚ੍ਛਨ੍ਨੇ ਠਾਨੇ ਨਖਪਿਟ੍ਠਿਪ੍ਪਮਾਣਂ ਅવਡ੍ਢਨਕਪਕ੍ਖੇ ਠਿਤਂ ਹੋਤਿ, વਟ੍ਟਤੀ’’ਤਿ વੁਤ੍ਤਤ੍ਤਾ ਅਪ੍ਪਟਿਚ੍ਛਨ੍ਨਟ੍ਠਾਨੇ ਤਾਦਿਸਮ੍ਪਿ ਨ વਟ੍ਟਤਿ, ਪਟਿਚ੍ਛਨ੍ਨਟ੍ਠਾਨੇਪਿ ਚ વਡ੍ਢਨਕਪਕ੍ਖੇ ਠਿਤੋਪਿ ਨ વਟ੍ਟਤੀਤਿ ਸਿਦ੍ਧਮੇવ ਹੋਤਿ। ਪਾਕਟਟ੍ਠਾਨੇਪਿ ਪਨ ਨਖਪਿਟ੍ਠਿਪ੍ਪਮਾਣਤੋ ਊਨਤਰਂ ਅવਡ੍ਢਨਕਂ વਟ੍ਟਤੀਤਿ ਯੇ ਗਣ੍ਹੇਯ੍ਯੁਂ, ਤੇਸਂ ਤਂ ਗਹਣਂ ਪਟਿਸੇਧੇਤੁਂ ‘‘ਮੁਖੇ ਪਨਾ’’ਤਿਆਦਿ વੁਤ੍ਤਂ।
88-9. Pañcābādhādivatthūsu pāḷiyaṃ somhi arogo, vibbhamissāmīti so ahaṃ arogo, vibbhamissāmīti attho. Nakhapiṭṭhippamāṇanti kaniṭṭhaṅgulinakhapiṭṭhi adhippetā. ‘‘Paṭicchanne ṭhāne nakhapiṭṭhippamāṇaṃ avaḍḍhanakapakkhe ṭhitaṃ hoti, vaṭṭatī’’ti vuttattā appaṭicchannaṭṭhāne tādisampi na vaṭṭati, paṭicchannaṭṭhānepi ca vaḍḍhanakapakkhe ṭhitopi na vaṭṭatīti siddhameva hoti. Pākaṭaṭṭhānepi pana nakhapiṭṭhippamāṇato ūnataraṃ avaḍḍhanakaṃ vaṭṭatīti ye gaṇheyyuṃ, tesaṃ taṃ gahaṇaṃ paṭisedhetuṃ ‘‘mukhe panā’’tiādi vuttaṃ.
ਕੋਲਟ੍ਠਿਮਤ੍ਤਕੋਪੀਤਿ ਬਦਰਟ੍ਠਿਪ੍ਪਮਾਣੋਪਿ। ਅવਡ੍ਢਨਕਪਕ੍ਖੇ ਠਿਤੋਪਿ ਨ વਟ੍ਟਤੀਤਿ ਏਤ੍ਥ ਪਿ-ਸਦ੍ਦੇਨ ਕੋਲਟ੍ਠਿਮਤ੍ਤਤੋ ਖੁਦ੍ਦਕਤਰੋਪਿ ਗਣ੍ਡੋ ਨ વਟ੍ਟਤੀਤਿ ਦਸ੍ਸੇਤਿ। ਤੇਨਾਹ ‘‘ਸਚ੍ਛવਿਂ ਕਾਰੇਤ੍વਾ’’ਤਿ, વਿਜ੍ਜਮਾਨਚ੍ਛવਿਂ ਕਤ੍વਾਤਿ ਅਤ੍ਥੋ। ‘‘ਸਞ੍ਛવਿ’’ਨ੍ਤਿ વਾ ਪਾਠੋ, ਸਞ੍ਜਾਤਚ੍ਛવਿਨ੍ਤਿ ਅਤ੍ਥੋ। ਗਣ੍ਡਾਦੀਸੁ વੂਪਸਨ੍ਤੇਸੁਪਿ ਗਣ੍ਡਾਨਂ વਿવਣ੍ਣਮ੍ਪਿ ਹੋਤਿ, ਤਂ વਟ੍ਟਤਿ।
Kolaṭṭhimattakopīti badaraṭṭhippamāṇopi. Avaḍḍhanakapakkhe ṭhitopi na vaṭṭatīti ettha pi-saddena kolaṭṭhimattato khuddakataropi gaṇḍo na vaṭṭatīti dasseti. Tenāha ‘‘sacchaviṃ kāretvā’’ti, vijjamānacchaviṃ katvāti attho. ‘‘Sañchavi’’nti vā pāṭho, sañjātacchavinti attho. Gaṇḍādīsu vūpasantesupi gaṇḍānaṃ vivaṇṇampi hoti, taṃ vaṭṭati.
ਪਦੁਮਪੁਣ੍ਡਰੀਕਪਤ੍ਤવਣ੍ਣਨ੍ਤਿ ਰਤ੍ਤਪਦੁਮਸੇਤਪਦੁਮਪੁਪ੍ਫਦਲવਣ੍ਣਂ। ਕੁਟ੍ਠੇ વੁਤ੍ਤਨਯੇਨੇવਾਤਿ ਪਟਿਚ੍ਛਨ੍ਨਟ੍ਠਾਨੇ ਅવਡ੍ਢਨਕਂ વਟ੍ਟਤਿ, ਅਞ੍ਞਤ੍ਥ ਨ ਕਿਞ੍ਚਿਪਿ વਟ੍ਟਤੀਤਿ વੁਤ੍ਤਨਯਂ ਦਸ੍ਸੇਤਿ। ਸੋਸਬ੍ਯਾਧੀਤਿ ਖਯਰੋਗੋ। ਯਕ੍ਖੁਮ੍ਮਾਰੋਤਿ ਕਦਾਚਿ ਕਦਾਚਿ ਆਗਨ੍ਤ੍વਾ ਭੂਮਿਯਂ ਪਾਤੇਤ੍વਾ ਹਤ੍ਥਮੁਖਾਦਿਕਂ ਅવਯવਂ ਭੂਮਿਯਂ ਘਂਸਨਕੋ ਯਕ੍ਖੋવ ਰੋਗੋ।
Padumapuṇḍarīkapattavaṇṇanti rattapadumasetapadumapupphadalavaṇṇaṃ. Kuṭṭhe vuttanayenevāti paṭicchannaṭṭhāne avaḍḍhanakaṃ vaṭṭati, aññattha na kiñcipi vaṭṭatīti vuttanayaṃ dasseti. Sosabyādhīti khayarogo. Yakkhummāroti kadāci kadāci āgantvā bhūmiyaṃ pātetvā hatthamukhādikaṃ avayavaṃ bhūmiyaṃ ghaṃsanako yakkhova rogo.
ਪਞ੍ਚਾਬਾਧવਤ੍ਥੁਕਥਾવਣ੍ਣਨਾ ਨਿਟ੍ਠਿਤਾ।
Pañcābādhavatthukathāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੨੬. ਪਞ੍ਚਾਬਾਧવਤ੍ਥੁ • 26. Pañcābādhavatthu
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਪਞ੍ਚਾਬਾਧવਤ੍ਥੁਕਥਾ • Pañcābādhavatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪਞ੍ਚਾਬਾਧવਤ੍ਥੁਕਥਾવਣ੍ਣਨਾ • Pañcābādhavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਪਞ੍ਚਾਬਾਧવਤ੍ਥੁਕਥਾવਣ੍ਣਨਾ • Pañcābādhavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨੬. ਪਞ੍ਚਾਬਾਧવਤ੍ਥੁਕਥਾ • 26. Pañcābādhavatthukathā
