| Library / Tipiṭaka / திபிடக • Tipiṭaka / மஹாவக்³க³-அட்ட²கதா² • Mahāvagga-aṭṭhakathā |
6. பே⁴ஸஜ்ஜக்க²ந்த⁴கங்
6. Bhesajjakkhandhakaṃ
பஞ்சபே⁴ஸஜ்ஜாதி³கதா²
Pañcabhesajjādikathā
260. பே⁴ஸஜ்ஜக்க²ந்த⁴கே – ஸாரதி³கேன ஆபா³தே⁴னாதி ஸரத³காலே உப்பன்னேன பித்தாபா³தே⁴ன, தஸ்மிஞ்ஹி காலே வஸ்ஸோத³கேனபி தேமெந்தி, கத்³த³மம்பி மத்³த³ந்தி, அந்தரந்தரா ஆதபோபி க²ரோ ஹோதி, தேன தேஸங் பித்தங் கொட்ட²ப்³ப⁴ந்தரக³தங் ஹோதி. ஆஹாரத்த²ஞ்ச ப²ரெய்யாதி ஆஹாரத்த²ங் ஸாதெ⁴ய்ய.
260. Bhesajjakkhandhake – sāradikena ābādhenāti saradakāle uppannena pittābādhena, tasmiñhi kāle vassodakenapi tementi, kaddamampi maddanti, antarantarā ātapopi kharo hoti, tena tesaṃ pittaṃ koṭṭhabbhantaragataṃ hoti. Āhāratthañca phareyyāti āhāratthaṃ sādheyya.
261. நச்சா²தெ³ந்தீதி ந ஜிரந்தி, ந வாதரோக³ங் படிப்பஸ்ஸம்பே⁴துங் ஸக்கொந்தி. ஸேனேஸிதானீதி ஸினித்³தா⁴னி. ப⁴த்தாச்சா²த³கேனாதி ப⁴த்தங் அரோசிகேன.
261.Nacchādentīti na jiranti, na vātarogaṃ paṭippassambhetuṃ sakkonti. Senesitānīti siniddhāni. Bhattācchādakenāti bhattaṃ arocikena.
262. அச்ச²வஸந்திஆதீ³ஸு நிஸ்ஸக்³கி³யவண்ணனாயங் வுத்தனயேனேவ வினிச்ச²யோ வேதி³தப்³போ³. காலே படிக்³க³ஹிதந்திஆதீ³ஸு மஜ்ஜ²ன்ஹிகே அவீதிவத்தே படிக்³க³ஹெத்வா பசித்வா பரிஸ்ஸாவெத்வா சாதி அத்தோ². தேலபரிபோ⁴கே³ன பரிபு⁴ஞ்ஜிதுந்தி ஸத்தாஹகாலிகதேலபரிபோ⁴கே³ன பரிபு⁴ஞ்ஜிதுங்.
262.Acchavasantiādīsu nissaggiyavaṇṇanāyaṃ vuttanayeneva vinicchayo veditabbo. Kāle paṭiggahitantiādīsu majjhanhike avītivatte paṭiggahetvā pacitvā parissāvetvā cāti attho. Telaparibhogenaparibhuñjitunti sattāhakālikatelaparibhogena paribhuñjituṃ.
263. மூலபே⁴ஸஜ்ஜாதி³ வினிச்ச²யோபி கு²த்³த³கவண்ணனாயங் வுத்தோயேவ. தஸ்மா இத⁴ யங் யங் புப்³பே³ அவுத்தங் தங் ததே³வ வண்ணயிஸ்ஸாம. வசத்தந்தி ஸேதவசங். நிஸத³ங் நிஸத³போதகந்தி பிஸனஸிலா ச பிஸனபோதோ ச. ப²க்³க³வந்தி லதாஜாதி. நத்தமாலந்தி கரஞ்ஜங். ஹிங்கு³ஹிங்கு³ஜதுஹிங்கு³ஸிபாடிகா ஹிங்கு³ஜாதியோயேவ. தகதகபத்திதகபண்ணியோ லாகா²ஜாதியோ.
263.Mūlabhesajjādi vinicchayopi khuddakavaṇṇanāyaṃ vuttoyeva. Tasmā idha yaṃ yaṃ pubbe avuttaṃ taṃ tadeva vaṇṇayissāma. Vacattanti setavacaṃ. Nisadaṃ nisadapotakanti pisanasilā ca pisanapoto ca. Phaggavanti latājāti. Nattamālanti karañjaṃ. Hiṅguhiṅgujatuhiṅgusipāṭikā hiṅgujātiyoyeva. Takatakapattitakapaṇṇiyo lākhājātiyo.
ஸாமுத்³த³ந்தி ஸமுத்³த³தீரே வாலுகா விய ஸந்திட்ட²தி. காளலோணந்தி பகதிலோணங். ஸிந்த⁴வந்தி ஸேதவண்ணங் பப்³ப³தே உட்ட²ஹதி. உப்³பி⁴த³ந்தி பூ⁴மிதோ அங்குரங் உட்ட²ஹதி. பி³லந்தி த³ப்³ப³ஸம்பா⁴ரேஹி ஸத்³தி⁴ங் பசிதங், தங் ரத்தவண்ணங்.
Sāmuddanti samuddatīre vālukā viya santiṭṭhati. Kāḷaloṇanti pakatiloṇaṃ. Sindhavanti setavaṇṇaṃ pabbate uṭṭhahati. Ubbhidanti bhūmito aṅkuraṃ uṭṭhahati. Bilanti dabbasambhārehi saddhiṃ pacitaṃ, taṃ rattavaṇṇaṃ.
264-6. காயோ வா து³க்³க³ந்தோ⁴தி கஸ்ஸசி அஸ்ஸாதீ³னங் விய காயக³ந்தோ⁴ ஹோதி, தஸ்ஸாபி ஸிரீஸகோஸும்பா³தி³சுண்ணானி வா க³ந்த⁴சுண்ணானி வா ஸப்³பா³னி வட்டந்தி. ச²கணந்தி கோ³மயங். ரஜனநிப்பக்கந்தி ரஜனகஸடங். பாகதிகசுண்ணம்பி கொட்டெத்வா உத³கேன தேமெத்வா ந்ஹாயிதுங் வட்டதி; ஏதம்பி ரஜனநிப்பக்கஸங்கே²பமேவ க³ச்ச²தி.
264-6.Kāyo vā duggandhoti kassaci assādīnaṃ viya kāyagandho hoti, tassāpi sirīsakosumbādicuṇṇāni vā gandhacuṇṇāni vā sabbāni vaṭṭanti. Chakaṇanti gomayaṃ. Rajananippakkanti rajanakasaṭaṃ. Pākatikacuṇṇampi koṭṭetvā udakena temetvā nhāyituṃ vaṭṭati; etampi rajananippakkasaṅkhepameva gacchati.
ஆமகமங்ஸஞ்ச கா²தி³ ஆமகலோஹிதஞ்ச பிவீதி ந தங் பி⁴க்கு² கா²தி³ ந பிவி, அமனுஸ்ஸோ கா²தி³த்வா ச பிவித்வா ச பக்கந்தோ, தேன வுத்தங் – ‘‘தஸ்ஸ ஸோ அமனுஸ்ஸிகாபா³தோ⁴ படிப்பஸ்ஸம்பீ⁴’’தி.
Āmakamaṃsañcakhādi āmakalohitañca pivīti na taṃ bhikkhu khādi na pivi, amanusso khāditvā ca pivitvā ca pakkanto, tena vuttaṃ – ‘‘tassa so amanussikābādho paṭippassambhī’’ti.
அஞ்ஜனந்தி ஸப்³ப³ஸங்கா³ஹிகவசனமேதங். காள்ஞ்ஜனந்தி ஏகா அஞ்ஜனஜாதி. ரஸஞ்ஜனங் நானாஸம்பா⁴ரேஹி கதங். ஸோதஞ்ஜனந்தி நதீ³ஸோதாதீ³ஸு உப்பஜ்ஜனகங் அஞ்ஜனங். கே³ருகோ நாம ஸுவண்ணகே³ருகோ. கபல்லந்தி தீ³பஸிக²தோ க³ஹிதமஸி. அஞ்ஜனூபபிங்ஸனேஹீதி அஞ்ஜனேன ஸத்³தி⁴ங் ஏகதோ பிங்ஸிதப்³பே³ஹி, ந ஹி கிஞ்சி அஞ்ஞனூபபிங்ஸனங் ந வட்டதி. சந்த³னந்தி லோஹிதசந்த³னாதி³கங் யங்கிஞ்சி. தக³ராதீ³னி பாகடானி, அஞ்ஞானிபி நீலுப்பலாதீ³னி வட்டந்தியேவ.
Añjananti sabbasaṅgāhikavacanametaṃ. Kāḷñjananti ekā añjanajāti. Rasañjanaṃ nānāsambhārehi kataṃ. Sotañjananti nadīsotādīsu uppajjanakaṃ añjanaṃ. Geruko nāma suvaṇṇageruko. Kapallanti dīpasikhato gahitamasi. Añjanūpapiṃsanehīti añjanena saddhiṃ ekato piṃsitabbehi, na hi kiñci aññanūpapiṃsanaṃ na vaṭṭati. Candananti lohitacandanādikaṃ yaṃkiñci. Tagarādīni pākaṭāni, aññānipi nīluppalādīni vaṭṭantiyeva.
அட்டி²மயந்தி மனுஸ்ஸட்டி²ங் ட²பெத்வா அவஸேஸஅட்டி²மயங். த³ந்தமயந்தி ஹத்தி²த³ந்தாதி³ஸப்³ப³த³ந்தமயங். விஸாணமயேபி அகப்பியங் நாம நத்தி², நளமயாத³யோ ஏகந்தகப்பியாயேவ. ஸலாகட்டா²னியந்தி யத்த² ஸலாகங் ஓத³ஹந்தி, தங் ஸுஸிரத³ண்ட³கங் வா த²விகங் வா அனுஜானாமீதி அத்தோ². அங்ஸப³த்³த⁴கோதி அஞ்ஜனித்த²விகாய அங்ஸப³த்³த⁴கோ. யமகனத்து²கரணிந்தி ஸமஸோதாஹி த்³வீஹி பனாளிகாஹி ஏகங் நத்து²கரணிங்.
Aṭṭhimayanti manussaṭṭhiṃ ṭhapetvā avasesaaṭṭhimayaṃ. Dantamayanti hatthidantādisabbadantamayaṃ. Visāṇamayepi akappiyaṃ nāma natthi, naḷamayādayo ekantakappiyāyeva. Salākaṭṭhāniyanti yattha salākaṃ odahanti, taṃ susiradaṇḍakaṃ vā thavikaṃ vā anujānāmīti attho. Aṃsabaddhakoti añjanitthavikāya aṃsabaddhako. Yamakanatthukaraṇinti samasotāhi dvīhi panāḷikāhi ekaṃ natthukaraṇiṃ.
267. அனுஜானாமி பி⁴க்க²வே தேலபாகந்தி யங்கிஞ்சி பே⁴ஸஜ்ஜபக்கி²த்தங் ஸப்³ப³ங் அனுஞ்ஞாதமேவ ஹோதி. அதிபக்கி²த்தமஜ்ஜானீதி அதிவிய கி²த்தமஜ்ஜானி; ப³ஹுங் மஜ்ஜங் பக்கி²பித்வா யோஜிதானீதி அத்தோ².
267.Anujānāmi bhikkhave telapākanti yaṃkiñci bhesajjapakkhittaṃ sabbaṃ anuññātameva hoti. Atipakkhittamajjānīti ativiya khittamajjāni; bahuṃ majjaṃ pakkhipitvā yojitānīti attho.
அங்க³வாதோதி ஹத்த²பாதே³ வாதோ. ஸம்பா⁴ரஸேத³ந்தி நானாவித⁴பண்ணப⁴ங்க³ஸேத³ங். மஹாஸேத³ந்தி மஹந்தங் ஸேத³ங்; போரிஸப்பமாணங் ஆவாடங் அங்கா³ரானங் பூரெத்வா பங்ஸுவாலிகாதீ³ஹி பித³ஹித்வா தத்த² நானாவிதா⁴னி வாதஹரணபண்ணானி ஸந்த²ரித்வா தேலமக்கி²தேன க³த்தேன தத்த² நிபஜ்ஜித்வா ஸம்பரிவத்தந்தேன ஸரீரங் ஸேதே³துங் அனுஜானாமீதி அத்தோ². ப⁴ங்கோ³த³கந்தி நானாபண்ணப⁴ங்க³குதி²தங் உத³கங்; தேஹி பண்ணேஹி ச உத³கேன ச ஸிஞ்சித்வா ஸிஞ்சித்வா ஸேதே³தப்³போ³. உத³ககொட்ட²கந்தி உத³ககொட்டே² சாடிங் வா தோ³ணிங் வா உண்ஹோத³கஸ்ஸ பூரெத்வா தத்த² பவிஸித்வா ஸேத³கம்மகரணங் அனுஜானாமீதி அத்தோ².
Aṅgavātoti hatthapāde vāto. Sambhārasedanti nānāvidhapaṇṇabhaṅgasedaṃ. Mahāsedanti mahantaṃ sedaṃ; porisappamāṇaṃ āvāṭaṃ aṅgārānaṃ pūretvā paṃsuvālikādīhi pidahitvā tattha nānāvidhāni vātaharaṇapaṇṇāni santharitvā telamakkhitena gattena tattha nipajjitvā samparivattantena sarīraṃ sedetuṃ anujānāmīti attho. Bhaṅgodakanti nānāpaṇṇabhaṅgakuthitaṃ udakaṃ; tehi paṇṇehi ca udakena ca siñcitvā siñcitvā sedetabbo. Udakakoṭṭhakanti udakakoṭṭhe cāṭiṃ vā doṇiṃ vā uṇhodakassa pūretvā tattha pavisitvā sedakammakaraṇaṃ anujānāmīti attho.
பப்³ப³வாதோ ஹோதீதி பப்³பே³ பப்³பே³ வாதோ விஜ்ஜ²தி. லோஹிதங் மோசேதுந்தி ஸத்த²கேன லோஹிதங் மோசேதுங். பஜ்ஜங் அபி⁴ஸங்க²ரிதுந்தி யேன பா²லிதபாதா³ பாகதிகா ஹொந்தி; தங் நாளிகேராதீ³ஸு நானாபே⁴ஸஜ்ஜானி பக்கி²பித்வா பஜ்ஜங் அபி⁴ஸங்க²ரிதுங்; பாதா³னங் ஸப்பாயபே⁴ஸஜ்ஜங் பசிதுந்தி அத்தோ². திலகக்கேன அத்தோ²தி பிட்டே²ஹி திலேஹி அத்தோ². கப³ளிகந்தி வணமுகே² ஸத்துபிண்ட³ங் பக்கி²பிதுங். ஸாஸபகுட்³டே³னாதி ஸாஸபபிட்டே²ன. வட்³ட⁴மங்ஸந்தி அதி⁴கமங்ஸங் ஆணி விய உட்ட²ஹதி. லோணஸக்க²ரிகாய சி²ந்தி³துந்தி கு²ரேன சி²ந்தி³துங். விகாஸிகந்தி தேலருந்த⁴னபிலோதிகங். ஸப்³ப³ங் வணபடிகம்மந்தி யங்கிஞ்சி வணபரிகம்மங் நாம அத்தி²; ஸப்³ப³ங் அனுஜானாமீதி அத்தோ².
Pabbavātohotīti pabbe pabbe vāto vijjhati. Lohitaṃ mocetunti satthakena lohitaṃ mocetuṃ. Pajjaṃ abhisaṅkharitunti yena phālitapādā pākatikā honti; taṃ nāḷikerādīsu nānābhesajjāni pakkhipitvā pajjaṃ abhisaṅkharituṃ; pādānaṃ sappāyabhesajjaṃ pacitunti attho. Tilakakkena atthoti piṭṭhehi tilehi attho. Kabaḷikanti vaṇamukhe sattupiṇḍaṃ pakkhipituṃ. Sāsapakuḍḍenāti sāsapapiṭṭhena. Vaḍḍhamaṃsanti adhikamaṃsaṃ āṇi viya uṭṭhahati. Loṇasakkharikāya chinditunti khurena chindituṃ. Vikāsikanti telarundhanapilotikaṃ. Sabbaṃ vaṇapaṭikammanti yaṃkiñci vaṇaparikammaṃ nāma atthi; sabbaṃ anujānāmīti attho.
268. ஸாமங் க³ஹெத்வாதி இத³ங் ந கேவலங் ஸப்பத³ட்ட²ஸ்ஸேவ, அஞ்ஞஸ்மிம்பி த³ட்ட²விஸே ஸதி ஸாமங் க³ஹெத்வா பரிபு⁴ஞ்ஜிதப்³ப³ங்; அஞ்ஞேஸு பன காரணேஸு படிக்³க³ஹிதமேவ வட்டதி. கதோ ந புன படிக்³க³ஹேதப்³போ³தி ஸசே பூ⁴மிப்பத்தோ, படிக்³க³ஹேதப்³போ³; அப்பத்தங் பன க³ஹேதுங் வட்டதி.
268.Sāmaṃ gahetvāti idaṃ na kevalaṃ sappadaṭṭhasseva, aññasmimpi daṭṭhavise sati sāmaṃ gahetvā paribhuñjitabbaṃ; aññesu pana kāraṇesu paṭiggahitameva vaṭṭati. Kato na puna paṭiggahetabboti sace bhūmippatto, paṭiggahetabbo; appattaṃ pana gahetuṃ vaṭṭati.
269. க⁴ரதி³ன்னகாபா³தோ⁴தி வஸீகரணபானகஸமுட்டி²தரோகோ³. ஸீதாலோளிந்தி நங்க³லேன கஸந்தஸ்ஸ பா²லே லக்³க³மத்திகங் உத³கேன ஆலோளெத்வா பாயேதுங் அனுஜானாமீதி அத்தோ².
269.Gharadinnakābādhoti vasīkaraṇapānakasamuṭṭhitarogo. Sītāloḷinti naṅgalena kasantassa phāle laggamattikaṃ udakena āloḷetvā pāyetuṃ anujānāmīti attho.
து³ட்ட²க³ஹணிகோதி விபன்னக³ஹணிகோ; கிச்சே²ன உச்சாரோ நிக்க²மதீதி அத்தோ². ஆமிஸகா²ரந்தி ஸுக்கோ²த³னங் ஜா²பெத்வா தாய சா²ரிகாய பக்³க⁴ரிதங் கா²ரோத³கங். முத்தஹரீதகந்தி கோ³முத்தபரிபா⁴விதங் ஹரீதகங். அபி⁴ஸன்னகாயோதி உஸ்ஸன்னதோ³ஸகாயோ. அச்ச²கஞ்ஜியந்தி தண்டு³லோத³கமண்டோ³. அகடயுஸந்தி அஸினித்³தோ⁴ முக்³க³பசிதபானீயோ. கடாகடந்தி ஸோவ தோ⁴தஸினித்³தோ⁴. படிச்சா²த³னீயேனாதி மங்ஸரஸேன.
Duṭṭhagahaṇikoti vipannagahaṇiko; kicchena uccāro nikkhamatīti attho. Āmisakhāranti sukkhodanaṃ jhāpetvā tāya chārikāya paggharitaṃ khārodakaṃ. Muttaharītakanti gomuttaparibhāvitaṃ harītakaṃ. Abhisannakāyoti ussannadosakāyo. Acchakañjiyanti taṇḍulodakamaṇḍo. Akaṭayusanti asiniddho muggapacitapānīyo. Kaṭākaṭanti sova dhotasiniddho. Paṭicchādanīyenāti maṃsarasena.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi
160. பஞ்சபே⁴ஸஜ்ஜகதா² • 160. Pañcabhesajjakathā
161. மூலாதி³பே⁴ஸஜ்ஜகதா² • 161. Mūlādibhesajjakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / பஞ்சபே⁴ஸஜ்ஜாதி³கதா²வண்ணனா • Pañcabhesajjādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / பஞ்சபே⁴ஸஜ்ஜாதி³கதா²வண்ணனா • Pañcabhesajjādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / பஞ்சபே⁴ஸஜ்ஜாதி³கதா²வண்ணனா • Pañcabhesajjādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi
160. பஞ்சபே⁴ஸஜ்ஜாதி³கதா² • 160. Pañcabhesajjādikathā
161. மூலாதி³பே⁴ஸஜ்ஜகதா² • 161. Mūlādibhesajjakathā
