| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
6. бхзсаж̇ж̇агканд̇хагам̣
6. Bhesajjakkhandhakaṃ
160. бан̃жабхзсаж̇ж̇аад̣̇игат̇аа
160. Pañcabhesajjādikathā
260. бхзсаж̇ж̇агканд̇хагз сарад̣̇агаалз уббанно саарад̣̇игод̇и ад̇т̇ам̣ д̣̇ассзнд̇о ааха ‘‘сарад̣̇агаалз уббаннзнаа’’д̇и. ‘‘бид̇д̇ааб̣аад̇хзнаа’’д̇и иминаа ааб̣аад̇хасса саруубам̣ д̣̇ассзд̇и. бид̇д̇ааб̣аад̇хасса гааран̣ам̣ вид̇т̇аарзнд̇о ааха ‘‘д̇асмим̣ хий’’д̇иаад̣̇и. д̇знаад̇и хзд̇унаа. д̇зсанд̇и бхигкуунам̣. годтаб̣бханд̇араг̇ад̇анд̇и годтасса аб̣бханд̇арам̣ г̇ад̇ам̣. анд̇асса анд̇о бависанам̣ ход̇ийд̇и ад̇хиббааяо. аахаарад̇т̇анд̇и аахаарасса гижжам̣, аахаарзна ваа гад̇д̇аб̣б̣ам̣ гижжам̣.
260. Bhesajjakkhandhake saradakāle uppanno sāradikoti atthaṃ dassento āha ‘‘saradakāle uppannenā’’ti. ‘‘Pittābādhenā’’ti iminā ābādhassa sarūpaṃ dasseti. Pittābādhassa kāraṇaṃ vitthārento āha ‘‘tasmiṃ hī’’tiādi. Tenāti hetunā. Tesanti bhikkhūnaṃ. Koṭṭhabbhantaragatanti koṭṭhassa abbhantaraṃ gataṃ. Antassa anto pavisanaṃ hotīti adhippāyo. Āhāratthanti āhārassa kiccaṃ, āhārena vā kattabbaṃ kiccaṃ.
261. нажчаад̣̇знд̇ийд̇и д̇аани бхзсаж̇ж̇аани бхож̇анаани нажчаад̣̇знд̇и. гасмаа? бхож̇анаанам̣ аж̇ийран̣ад̇д̇аа . ид̇и имамад̇т̇ам̣ д̣̇ассзнд̇о ааха ‘‘на ж̇ийранд̇ий’’д̇и. нажчаад̣̇ад̇д̇аа на ваад̇арог̇ам̣ бадиббассамбхзд̇ум̣ саггонд̇и. зд̇т̇а жа ‘‘на ж̇ийранд̇ий’’д̇и иминаа нажчаад̣̇анасса гааран̣ам̣ д̣̇ассзд̇и. ‘‘на ваад̇а…бз… саггонд̇ий’’д̇и иминаа д̇ассзва палам̣ д̣̇ассзд̇ийд̇и д̣̇адтаб̣б̣ам̣. ‘‘синид̣̇д̇хааний’’д̇и иминаа синиханд̇ийд̇и сзнзхигаанийд̇и ад̇т̇ам̣ д̣̇ассзд̇и. бхад̇д̇ажчаннагзнаад̇и зд̇т̇а бхад̇д̇асса ажчаннагам̣ наама бхад̇д̇асса арожигам̣ бхад̇д̇асса ружияаа ануббаад̣̇аганд̇и ааха ‘‘бхад̇д̇аарожагзнаа’’д̇и.
261.Nacchādentīti tāni bhesajjāni bhojanāni nacchādenti. Kasmā? Bhojanānaṃ ajīraṇattā . Iti imamatthaṃ dassento āha ‘‘na jīrantī’’ti. Nacchādattā na vātarogaṃ paṭippassambhetuṃ sakkonti. Ettha ca ‘‘na jīrantī’’ti iminā nacchādanassa kāraṇaṃ dasseti. ‘‘Na vāta…pe… sakkontī’’ti iminā tasseva phalaṃ dassetīti daṭṭhabbaṃ. ‘‘Siniddhānī’’ti iminā sinihantīti senehikānīti atthaṃ dasseti. Bhattacchannakenāti ettha bhattassa acchannakaṃ nāma bhattassa arocikaṃ bhattassa ruciyā anuppādakanti āha ‘‘bhattārocakenā’’ti.
262. ажчавасанд̇иаад̣̇ийсу винижчаяо взд̣̇ид̇аб̣б̣од̇и яож̇анаа. баал̣ияам̣ ‘‘бадиг̇г̇ахид̇ам̣ ниббаггам̣ сам̣садта’’нд̇и бад̣̇аанам̣ гирияаависзсанам̣ гад̇ваа ‘‘барибхун̃ж̇ид̇у’’нд̇и бад̣̇зна самб̣анд̇хид̇аб̣б̣абхаавам̣ д̣̇ассзд̇ум̣ вуд̇д̇ам̣ ‘‘гаалз бадиг̇г̇ахид̇анд̇и аад̣̇ийсуу’’д̇иаад̣̇и. д̇злабарибхог̇зна барибхун̃ж̇ид̇унд̇и зд̇т̇а гид̇д̇агам̣ гаалам̣ д̇злабарибхог̇зна барибхун̃ж̇ид̇аб̣б̣анд̇и ааха ‘‘сад̇д̇аахагаала’’нд̇и.
262.Acchavasantiādīsu vinicchayo veditabboti yojanā. Pāḷiyaṃ ‘‘paṭiggahitaṃ nippakkaṃ saṃsaṭṭha’’nti padānaṃ kiriyāvisesanaṃ katvā ‘‘paribhuñjitu’’nti padena sambandhitabbabhāvaṃ dassetuṃ vuttaṃ ‘‘kāle paṭiggahitanti ādīsū’’tiādi. Telaparibhogena paribhuñjitunti ettha kittakaṃ kālaṃ telaparibhogena paribhuñjitabbanti āha ‘‘sattāhakāla’’nti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 160. бан̃жабхзсаж̇ж̇агат̇аа • 160. Pañcabhesajjakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / бан̃жабхзсаж̇ж̇аад̣̇игат̇аа • Pañcabhesajjādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бан̃жабхзсаж̇ж̇аад̣̇игат̇ааван̣н̣анаа • Pañcabhesajjādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бан̃жабхзсаж̇ж̇аад̣̇игат̇ааван̣н̣анаа • Pañcabhesajjādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бан̃жабхзсаж̇ж̇аад̣̇игат̇ааван̣н̣анаа • Pañcabhesajjādikathāvaṇṇanā
