| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
੬. ਭੇਸਜ੍ਜਕ੍ਖਨ੍ਧਕਂ
6. Bhesajjakkhandhakaṃ
ਪਞ੍ਚਭੇਸਜ੍ਜਾਦਿਕਥਾ
Pañcabhesajjādikathā
੨੬੦. ਭੇਸਜ੍ਜਕ੍ਖਨ੍ਧਕੇ – ਸਾਰਦਿਕੇਨ ਆਬਾਧੇਨਾਤਿ ਸਰਦਕਾਲੇ ਉਪ੍ਪਨ੍ਨੇਨ ਪਿਤ੍ਤਾਬਾਧੇਨ, ਤਸ੍ਮਿਞ੍ਹਿ ਕਾਲੇ વਸ੍ਸੋਦਕੇਨਪਿ ਤੇਮੇਨ੍ਤਿ, ਕਦ੍ਦਮਮ੍ਪਿ ਮਦ੍ਦਨ੍ਤਿ, ਅਨ੍ਤਰਨ੍ਤਰਾ ਆਤਪੋਪਿ ਖਰੋ ਹੋਤਿ, ਤੇਨ ਤੇਸਂ ਪਿਤ੍ਤਂ ਕੋਟ੍ਠਬ੍ਭਨ੍ਤਰਗਤਂ ਹੋਤਿ। ਆਹਾਰਤ੍ਥਞ੍ਚ ਫਰੇਯ੍ਯਾਤਿ ਆਹਾਰਤ੍ਥਂ ਸਾਧੇਯ੍ਯ।
260. Bhesajjakkhandhake – sāradikena ābādhenāti saradakāle uppannena pittābādhena, tasmiñhi kāle vassodakenapi tementi, kaddamampi maddanti, antarantarā ātapopi kharo hoti, tena tesaṃ pittaṃ koṭṭhabbhantaragataṃ hoti. Āhāratthañca phareyyāti āhāratthaṃ sādheyya.
੨੬੧. ਨਚ੍ਛਾਦੇਨ੍ਤੀਤਿ ਨ ਜਿਰਨ੍ਤਿ, ਨ વਾਤਰੋਗਂ ਪਟਿਪ੍ਪਸ੍ਸਮ੍ਭੇਤੁਂ ਸਕ੍ਕੋਨ੍ਤਿ। ਸੇਨੇਸਿਤਾਨੀਤਿ ਸਿਨਿਦ੍ਧਾਨਿ। ਭਤ੍ਤਾਚ੍ਛਾਦਕੇਨਾਤਿ ਭਤ੍ਤਂ ਅਰੋਚਿਕੇਨ।
261.Nacchādentīti na jiranti, na vātarogaṃ paṭippassambhetuṃ sakkonti. Senesitānīti siniddhāni. Bhattācchādakenāti bhattaṃ arocikena.
੨੬੨. ਅਚ੍ਛવਸਨ੍ਤਿਆਦੀਸੁ ਨਿਸ੍ਸਗ੍ਗਿਯવਣ੍ਣਨਾਯਂ વੁਤ੍ਤਨਯੇਨੇવ વਿਨਿਚ੍ਛਯੋ વੇਦਿਤਬ੍ਬੋ। ਕਾਲੇ ਪਟਿਗ੍ਗਹਿਤਨ੍ਤਿਆਦੀਸੁ ਮਜ੍ਝਨ੍ਹਿਕੇ ਅવੀਤਿવਤ੍ਤੇ ਪਟਿਗ੍ਗਹੇਤ੍વਾ ਪਚਿਤ੍વਾ ਪਰਿਸ੍ਸਾવੇਤ੍વਾ ਚਾਤਿ ਅਤ੍ਥੋ। ਤੇਲਪਰਿਭੋਗੇਨ ਪਰਿਭੁਞ੍ਜਿਤੁਨ੍ਤਿ ਸਤ੍ਤਾਹਕਾਲਿਕਤੇਲਪਰਿਭੋਗੇਨ ਪਰਿਭੁਞ੍ਜਿਤੁਂ।
262.Acchavasantiādīsu nissaggiyavaṇṇanāyaṃ vuttanayeneva vinicchayo veditabbo. Kāle paṭiggahitantiādīsu majjhanhike avītivatte paṭiggahetvā pacitvā parissāvetvā cāti attho. Telaparibhogenaparibhuñjitunti sattāhakālikatelaparibhogena paribhuñjituṃ.
੨੬੩. ਮੂਲਭੇਸਜ੍ਜਾਦਿ વਿਨਿਚ੍ਛਯੋਪਿ ਖੁਦ੍ਦਕવਣ੍ਣਨਾਯਂ વੁਤ੍ਤੋਯੇવ। ਤਸ੍ਮਾ ਇਧ ਯਂ ਯਂ ਪੁਬ੍ਬੇ ਅવੁਤ੍ਤਂ ਤਂ ਤਦੇવ વਣ੍ਣਯਿਸ੍ਸਾਮ। વਚਤ੍ਤਨ੍ਤਿ ਸੇਤવਚਂ। ਨਿਸਦਂ ਨਿਸਦਪੋਤਕਨ੍ਤਿ ਪਿਸਨਸਿਲਾ ਚ ਪਿਸਨਪੋਤੋ ਚ। ਫਗ੍ਗવਨ੍ਤਿ ਲਤਾਜਾਤਿ। ਨਤ੍ਤਮਾਲਨ੍ਤਿ ਕਰਞ੍ਜਂ। ਹਿਙ੍ਗੁਹਿਙ੍ਗੁਜਤੁਹਿਙ੍ਗੁਸਿਪਾਟਿਕਾ ਹਿਙ੍ਗੁਜਾਤਿਯੋਯੇવ। ਤਕਤਕਪਤ੍ਤਿਤਕਪਣ੍ਣਿਯੋ ਲਾਖਾਜਾਤਿਯੋ।
263.Mūlabhesajjādi vinicchayopi khuddakavaṇṇanāyaṃ vuttoyeva. Tasmā idha yaṃ yaṃ pubbe avuttaṃ taṃ tadeva vaṇṇayissāma. Vacattanti setavacaṃ. Nisadaṃ nisadapotakanti pisanasilā ca pisanapoto ca. Phaggavanti latājāti. Nattamālanti karañjaṃ. Hiṅguhiṅgujatuhiṅgusipāṭikā hiṅgujātiyoyeva. Takatakapattitakapaṇṇiyo lākhājātiyo.
ਸਾਮੁਦ੍ਦਨ੍ਤਿ ਸਮੁਦ੍ਦਤੀਰੇ વਾਲੁਕਾ વਿਯ ਸਨ੍ਤਿਟ੍ਠਤਿ। ਕਾਲ਼ਲੋਣਨ੍ਤਿ ਪਕਤਿਲੋਣਂ। ਸਿਨ੍ਧવਨ੍ਤਿ ਸੇਤવਣ੍ਣਂ ਪਬ੍ਬਤੇ ਉਟ੍ਠਹਤਿ। ਉਬ੍ਭਿਦਨ੍ਤਿ ਭੂਮਿਤੋ ਅਙ੍ਕੁਰਂ ਉਟ੍ਠਹਤਿ। ਬਿਲਨ੍ਤਿ ਦਬ੍ਬਸਮ੍ਭਾਰੇਹਿ ਸਦ੍ਧਿਂ ਪਚਿਤਂ, ਤਂ ਰਤ੍ਤવਣ੍ਣਂ।
Sāmuddanti samuddatīre vālukā viya santiṭṭhati. Kāḷaloṇanti pakatiloṇaṃ. Sindhavanti setavaṇṇaṃ pabbate uṭṭhahati. Ubbhidanti bhūmito aṅkuraṃ uṭṭhahati. Bilanti dabbasambhārehi saddhiṃ pacitaṃ, taṃ rattavaṇṇaṃ.
੨੬੪-੬. ਕਾਯੋ વਾ ਦੁਗ੍ਗਨ੍ਧੋਤਿ ਕਸ੍ਸਚਿ ਅਸ੍ਸਾਦੀਨਂ વਿਯ ਕਾਯਗਨ੍ਧੋ ਹੋਤਿ, ਤਸ੍ਸਾਪਿ ਸਿਰੀਸਕੋਸੁਮ੍ਬਾਦਿਚੁਣ੍ਣਾਨਿ વਾ ਗਨ੍ਧਚੁਣ੍ਣਾਨਿ વਾ ਸਬ੍ਬਾਨਿ વਟ੍ਟਨ੍ਤਿ। ਛਕਣਨ੍ਤਿ ਗੋਮਯਂ। ਰਜਨਨਿਪ੍ਪਕ੍ਕਨ੍ਤਿ ਰਜਨਕਸਟਂ। ਪਾਕਤਿਕਚੁਣ੍ਣਮ੍ਪਿ ਕੋਟ੍ਟੇਤ੍વਾ ਉਦਕੇਨ ਤੇਮੇਤ੍વਾ ਨ੍ਹਾਯਿਤੁਂ વਟ੍ਟਤਿ; ਏਤਮ੍ਪਿ ਰਜਨਨਿਪ੍ਪਕ੍ਕਸਙ੍ਖੇਪਮੇવ ਗਚ੍ਛਤਿ।
264-6.Kāyo vā duggandhoti kassaci assādīnaṃ viya kāyagandho hoti, tassāpi sirīsakosumbādicuṇṇāni vā gandhacuṇṇāni vā sabbāni vaṭṭanti. Chakaṇanti gomayaṃ. Rajananippakkanti rajanakasaṭaṃ. Pākatikacuṇṇampi koṭṭetvā udakena temetvā nhāyituṃ vaṭṭati; etampi rajananippakkasaṅkhepameva gacchati.
ਆਮਕਮਂਸਞ੍ਚ ਖਾਦਿ ਆਮਕਲੋਹਿਤਞ੍ਚ ਪਿવੀਤਿ ਨ ਤਂ ਭਿਕ੍ਖੁ ਖਾਦਿ ਨ ਪਿવਿ, ਅਮਨੁਸ੍ਸੋ ਖਾਦਿਤ੍વਾ ਚ ਪਿવਿਤ੍વਾ ਚ ਪਕ੍ਕਨ੍ਤੋ, ਤੇਨ વੁਤ੍ਤਂ – ‘‘ਤਸ੍ਸ ਸੋ ਅਮਨੁਸ੍ਸਿਕਾਬਾਧੋ ਪਟਿਪ੍ਪਸ੍ਸਮ੍ਭੀ’’ਤਿ।
Āmakamaṃsañcakhādi āmakalohitañca pivīti na taṃ bhikkhu khādi na pivi, amanusso khāditvā ca pivitvā ca pakkanto, tena vuttaṃ – ‘‘tassa so amanussikābādho paṭippassambhī’’ti.
ਅਞ੍ਜਨਨ੍ਤਿ ਸਬ੍ਬਸਙ੍ਗਾਹਿਕવਚਨਮੇਤਂ। ਕਾਲ਼੍ਞ੍ਜਨਨ੍ਤਿ ਏਕਾ ਅਞ੍ਜਨਜਾਤਿ। ਰਸਞ੍ਜਨਂ ਨਾਨਾਸਮ੍ਭਾਰੇਹਿ ਕਤਂ। ਸੋਤਞ੍ਜਨਨ੍ਤਿ ਨਦੀਸੋਤਾਦੀਸੁ ਉਪ੍ਪਜ੍ਜਨਕਂ ਅਞ੍ਜਨਂ। ਗੇਰੁਕੋ ਨਾਮ ਸੁવਣ੍ਣਗੇਰੁਕੋ। ਕਪਲ੍ਲਨ੍ਤਿ ਦੀਪਸਿਖਤੋ ਗਹਿਤਮਸਿ। ਅਞ੍ਜਨੂਪਪਿਂਸਨੇਹੀਤਿ ਅਞ੍ਜਨੇਨ ਸਦ੍ਧਿਂ ਏਕਤੋ ਪਿਂਸਿਤਬ੍ਬੇਹਿ, ਨ ਹਿ ਕਿਞ੍ਚਿ ਅਞ੍ਞਨੂਪਪਿਂਸਨਂ ਨ વਟ੍ਟਤਿ। ਚਨ੍ਦਨਨ੍ਤਿ ਲੋਹਿਤਚਨ੍ਦਨਾਦਿਕਂ ਯਂਕਿਞ੍ਚਿ। ਤਗਰਾਦੀਨਿ ਪਾਕਟਾਨਿ, ਅਞ੍ਞਾਨਿਪਿ ਨੀਲੁਪ੍ਪਲਾਦੀਨਿ વਟ੍ਟਨ੍ਤਿਯੇવ।
Añjananti sabbasaṅgāhikavacanametaṃ. Kāḷñjananti ekā añjanajāti. Rasañjanaṃ nānāsambhārehi kataṃ. Sotañjananti nadīsotādīsu uppajjanakaṃ añjanaṃ. Geruko nāma suvaṇṇageruko. Kapallanti dīpasikhato gahitamasi. Añjanūpapiṃsanehīti añjanena saddhiṃ ekato piṃsitabbehi, na hi kiñci aññanūpapiṃsanaṃ na vaṭṭati. Candananti lohitacandanādikaṃ yaṃkiñci. Tagarādīni pākaṭāni, aññānipi nīluppalādīni vaṭṭantiyeva.
ਅਟ੍ਠਿਮਯਨ੍ਤਿ ਮਨੁਸ੍ਸਟ੍ਠਿਂ ਠਪੇਤ੍વਾ ਅવਸੇਸਅਟ੍ਠਿਮਯਂ। ਦਨ੍ਤਮਯਨ੍ਤਿ ਹਤ੍ਥਿਦਨ੍ਤਾਦਿਸਬ੍ਬਦਨ੍ਤਮਯਂ। વਿਸਾਣਮਯੇਪਿ ਅਕਪ੍ਪਿਯਂ ਨਾਮ ਨਤ੍ਥਿ, ਨਲ਼ਮਯਾਦਯੋ ਏਕਨ੍ਤਕਪ੍ਪਿਯਾਯੇવ। ਸਲਾਕਟ੍ਠਾਨਿਯਨ੍ਤਿ ਯਤ੍ਥ ਸਲਾਕਂ ਓਦਹਨ੍ਤਿ, ਤਂ ਸੁਸਿਰਦਣ੍ਡਕਂ વਾ ਥવਿਕਂ વਾ ਅਨੁਜਾਨਾਮੀਤਿ ਅਤ੍ਥੋ। ਅਂਸਬਦ੍ਧਕੋਤਿ ਅਞ੍ਜਨਿਤ੍ਥવਿਕਾਯ ਅਂਸਬਦ੍ਧਕੋ। ਯਮਕਨਤ੍ਥੁਕਰਣਿਨ੍ਤਿ ਸਮਸੋਤਾਹਿ ਦ੍વੀਹਿ ਪਨਾਲ਼ਿਕਾਹਿ ਏਕਂ ਨਤ੍ਥੁਕਰਣਿਂ।
Aṭṭhimayanti manussaṭṭhiṃ ṭhapetvā avasesaaṭṭhimayaṃ. Dantamayanti hatthidantādisabbadantamayaṃ. Visāṇamayepi akappiyaṃ nāma natthi, naḷamayādayo ekantakappiyāyeva. Salākaṭṭhāniyanti yattha salākaṃ odahanti, taṃ susiradaṇḍakaṃ vā thavikaṃ vā anujānāmīti attho. Aṃsabaddhakoti añjanitthavikāya aṃsabaddhako. Yamakanatthukaraṇinti samasotāhi dvīhi panāḷikāhi ekaṃ natthukaraṇiṃ.
੨੬੭. ਅਨੁਜਾਨਾਮਿ ਭਿਕ੍ਖવੇ ਤੇਲਪਾਕਨ੍ਤਿ ਯਂਕਿਞ੍ਚਿ ਭੇਸਜ੍ਜਪਕ੍ਖਿਤ੍ਤਂ ਸਬ੍ਬਂ ਅਨੁਞ੍ਞਾਤਮੇવ ਹੋਤਿ। ਅਤਿਪਕ੍ਖਿਤ੍ਤਮਜ੍ਜਾਨੀਤਿ ਅਤਿવਿਯ ਖਿਤ੍ਤਮਜ੍ਜਾਨਿ; ਬਹੁਂ ਮਜ੍ਜਂ ਪਕ੍ਖਿਪਿਤ੍વਾ ਯੋਜਿਤਾਨੀਤਿ ਅਤ੍ਥੋ।
267.Anujānāmi bhikkhave telapākanti yaṃkiñci bhesajjapakkhittaṃ sabbaṃ anuññātameva hoti. Atipakkhittamajjānīti ativiya khittamajjāni; bahuṃ majjaṃ pakkhipitvā yojitānīti attho.
ਅਙ੍ਗવਾਤੋਤਿ ਹਤ੍ਥਪਾਦੇ વਾਤੋ। ਸਮ੍ਭਾਰਸੇਦਨ੍ਤਿ ਨਾਨਾવਿਧਪਣ੍ਣਭਙ੍ਗਸੇਦਂ। ਮਹਾਸੇਦਨ੍ਤਿ ਮਹਨ੍ਤਂ ਸੇਦਂ; ਪੋਰਿਸਪ੍ਪਮਾਣਂ ਆવਾਟਂ ਅਙ੍ਗਾਰਾਨਂ ਪੂਰੇਤ੍વਾ ਪਂਸੁવਾਲਿਕਾਦੀਹਿ ਪਿਦਹਿਤ੍વਾ ਤਤ੍ਥ ਨਾਨਾવਿਧਾਨਿ વਾਤਹਰਣਪਣ੍ਣਾਨਿ ਸਨ੍ਥਰਿਤ੍વਾ ਤੇਲਮਕ੍ਖਿਤੇਨ ਗਤ੍ਤੇਨ ਤਤ੍ਥ ਨਿਪਜ੍ਜਿਤ੍વਾ ਸਮ੍ਪਰਿવਤ੍ਤਨ੍ਤੇਨ ਸਰੀਰਂ ਸੇਦੇਤੁਂ ਅਨੁਜਾਨਾਮੀਤਿ ਅਤ੍ਥੋ। ਭਙ੍ਗੋਦਕਨ੍ਤਿ ਨਾਨਾਪਣ੍ਣਭਙ੍ਗਕੁਥਿਤਂ ਉਦਕਂ; ਤੇਹਿ ਪਣ੍ਣੇਹਿ ਚ ਉਦਕੇਨ ਚ ਸਿਞ੍ਚਿਤ੍વਾ ਸਿਞ੍ਚਿਤ੍વਾ ਸੇਦੇਤਬ੍ਬੋ। ਉਦਕਕੋਟ੍ਠਕਨ੍ਤਿ ਉਦਕਕੋਟ੍ਠੇ ਚਾਟਿਂ વਾ ਦੋਣਿਂ વਾ ਉਣ੍ਹੋਦਕਸ੍ਸ ਪੂਰੇਤ੍વਾ ਤਤ੍ਥ ਪવਿਸਿਤ੍વਾ ਸੇਦਕਮ੍ਮਕਰਣਂ ਅਨੁਜਾਨਾਮੀਤਿ ਅਤ੍ਥੋ।
Aṅgavātoti hatthapāde vāto. Sambhārasedanti nānāvidhapaṇṇabhaṅgasedaṃ. Mahāsedanti mahantaṃ sedaṃ; porisappamāṇaṃ āvāṭaṃ aṅgārānaṃ pūretvā paṃsuvālikādīhi pidahitvā tattha nānāvidhāni vātaharaṇapaṇṇāni santharitvā telamakkhitena gattena tattha nipajjitvā samparivattantena sarīraṃ sedetuṃ anujānāmīti attho. Bhaṅgodakanti nānāpaṇṇabhaṅgakuthitaṃ udakaṃ; tehi paṇṇehi ca udakena ca siñcitvā siñcitvā sedetabbo. Udakakoṭṭhakanti udakakoṭṭhe cāṭiṃ vā doṇiṃ vā uṇhodakassa pūretvā tattha pavisitvā sedakammakaraṇaṃ anujānāmīti attho.
ਪਬ੍ਬવਾਤੋ ਹੋਤੀਤਿ ਪਬ੍ਬੇ ਪਬ੍ਬੇ વਾਤੋ વਿਜ੍ਝਤਿ। ਲੋਹਿਤਂ ਮੋਚੇਤੁਨ੍ਤਿ ਸਤ੍ਥਕੇਨ ਲੋਹਿਤਂ ਮੋਚੇਤੁਂ। ਪਜ੍ਜਂ ਅਭਿਸਙ੍ਖਰਿਤੁਨ੍ਤਿ ਯੇਨ ਫਾਲਿਤਪਾਦਾ ਪਾਕਤਿਕਾ ਹੋਨ੍ਤਿ; ਤਂ ਨਾਲ਼ਿਕੇਰਾਦੀਸੁ ਨਾਨਾਭੇਸਜ੍ਜਾਨਿ ਪਕ੍ਖਿਪਿਤ੍વਾ ਪਜ੍ਜਂ ਅਭਿਸਙ੍ਖਰਿਤੁਂ; ਪਾਦਾਨਂ ਸਪ੍ਪਾਯਭੇਸਜ੍ਜਂ ਪਚਿਤੁਨ੍ਤਿ ਅਤ੍ਥੋ। ਤਿਲਕਕ੍ਕੇਨ ਅਤ੍ਥੋਤਿ ਪਿਟ੍ਠੇਹਿ ਤਿਲੇਹਿ ਅਤ੍ਥੋ। ਕਬਲ਼ਿਕਨ੍ਤਿ વਣਮੁਖੇ ਸਤ੍ਤੁਪਿਣ੍ਡਂ ਪਕ੍ਖਿਪਿਤੁਂ। ਸਾਸਪਕੁਡ੍ਡੇਨਾਤਿ ਸਾਸਪਪਿਟ੍ਠੇਨ। વਡ੍ਢਮਂਸਨ੍ਤਿ ਅਧਿਕਮਂਸਂ ਆਣਿ વਿਯ ਉਟ੍ਠਹਤਿ। ਲੋਣਸਕ੍ਖਰਿਕਾਯ ਛਿਨ੍ਦਿਤੁਨ੍ਤਿ ਖੁਰੇਨ ਛਿਨ੍ਦਿਤੁਂ। વਿਕਾਸਿਕਨ੍ਤਿ ਤੇਲਰੁਨ੍ਧਨਪਿਲੋਤਿਕਂ। ਸਬ੍ਬਂ વਣਪਟਿਕਮ੍ਮਨ੍ਤਿ ਯਂਕਿਞ੍ਚਿ વਣਪਰਿਕਮ੍ਮਂ ਨਾਮ ਅਤ੍ਥਿ; ਸਬ੍ਬਂ ਅਨੁਜਾਨਾਮੀਤਿ ਅਤ੍ਥੋ।
Pabbavātohotīti pabbe pabbe vāto vijjhati. Lohitaṃ mocetunti satthakena lohitaṃ mocetuṃ. Pajjaṃ abhisaṅkharitunti yena phālitapādā pākatikā honti; taṃ nāḷikerādīsu nānābhesajjāni pakkhipitvā pajjaṃ abhisaṅkharituṃ; pādānaṃ sappāyabhesajjaṃ pacitunti attho. Tilakakkena atthoti piṭṭhehi tilehi attho. Kabaḷikanti vaṇamukhe sattupiṇḍaṃ pakkhipituṃ. Sāsapakuḍḍenāti sāsapapiṭṭhena. Vaḍḍhamaṃsanti adhikamaṃsaṃ āṇi viya uṭṭhahati. Loṇasakkharikāya chinditunti khurena chindituṃ. Vikāsikanti telarundhanapilotikaṃ. Sabbaṃ vaṇapaṭikammanti yaṃkiñci vaṇaparikammaṃ nāma atthi; sabbaṃ anujānāmīti attho.
੨੬੮. ਸਾਮਂ ਗਹੇਤ੍વਾਤਿ ਇਦਂ ਨ ਕੇવਲਂ ਸਪ੍ਪਦਟ੍ਠਸ੍ਸੇવ, ਅਞ੍ਞਸ੍ਮਿਮ੍ਪਿ ਦਟ੍ਠવਿਸੇ ਸਤਿ ਸਾਮਂ ਗਹੇਤ੍વਾ ਪਰਿਭੁਞ੍ਜਿਤਬ੍ਬਂ; ਅਞ੍ਞੇਸੁ ਪਨ ਕਾਰਣੇਸੁ ਪਟਿਗ੍ਗਹਿਤਮੇવ વਟ੍ਟਤਿ। ਕਤੋ ਨ ਪੁਨ ਪਟਿਗ੍ਗਹੇਤਬ੍ਬੋਤਿ ਸਚੇ ਭੂਮਿਪ੍ਪਤ੍ਤੋ, ਪਟਿਗ੍ਗਹੇਤਬ੍ਬੋ; ਅਪ੍ਪਤ੍ਤਂ ਪਨ ਗਹੇਤੁਂ વਟ੍ਟਤਿ।
268.Sāmaṃ gahetvāti idaṃ na kevalaṃ sappadaṭṭhasseva, aññasmimpi daṭṭhavise sati sāmaṃ gahetvā paribhuñjitabbaṃ; aññesu pana kāraṇesu paṭiggahitameva vaṭṭati. Kato na puna paṭiggahetabboti sace bhūmippatto, paṭiggahetabbo; appattaṃ pana gahetuṃ vaṭṭati.
੨੬੯. ਘਰਦਿਨ੍ਨਕਾਬਾਧੋਤਿ વਸੀਕਰਣਪਾਨਕਸਮੁਟ੍ਠਿਤਰੋਗੋ। ਸੀਤਾਲੋਲ਼ਿਨ੍ਤਿ ਨਙ੍ਗਲੇਨ ਕਸਨ੍ਤਸ੍ਸ ਫਾਲੇ ਲਗ੍ਗਮਤ੍ਤਿਕਂ ਉਦਕੇਨ ਆਲੋਲ਼ੇਤ੍વਾ ਪਾਯੇਤੁਂ ਅਨੁਜਾਨਾਮੀਤਿ ਅਤ੍ਥੋ।
269.Gharadinnakābādhoti vasīkaraṇapānakasamuṭṭhitarogo. Sītāloḷinti naṅgalena kasantassa phāle laggamattikaṃ udakena āloḷetvā pāyetuṃ anujānāmīti attho.
ਦੁਟ੍ਠਗਹਣਿਕੋਤਿ વਿਪਨ੍ਨਗਹਣਿਕੋ; ਕਿਚ੍ਛੇਨ ਉਚ੍ਚਾਰੋ ਨਿਕ੍ਖਮਤੀਤਿ ਅਤ੍ਥੋ। ਆਮਿਸਖਾਰਨ੍ਤਿ ਸੁਕ੍ਖੋਦਨਂ ਝਾਪੇਤ੍વਾ ਤਾਯ ਛਾਰਿਕਾਯ ਪਗ੍ਘਰਿਤਂ ਖਾਰੋਦਕਂ। ਮੁਤ੍ਤਹਰੀਤਕਨ੍ਤਿ ਗੋਮੁਤ੍ਤਪਰਿਭਾવਿਤਂ ਹਰੀਤਕਂ। ਅਭਿਸਨ੍ਨਕਾਯੋਤਿ ਉਸ੍ਸਨ੍ਨਦੋਸਕਾਯੋ। ਅਚ੍ਛਕਞ੍ਜਿਯਨ੍ਤਿ ਤਣ੍ਡੁਲੋਦਕਮਣ੍ਡੋ। ਅਕਟਯੁਸਨ੍ਤਿ ਅਸਿਨਿਦ੍ਧੋ ਮੁਗ੍ਗਪਚਿਤਪਾਨੀਯੋ। ਕਟਾਕਟਨ੍ਤਿ ਸੋવ ਧੋਤਸਿਨਿਦ੍ਧੋ। ਪਟਿਚ੍ਛਾਦਨੀਯੇਨਾਤਿ ਮਂਸਰਸੇਨ।
Duṭṭhagahaṇikoti vipannagahaṇiko; kicchena uccāro nikkhamatīti attho. Āmisakhāranti sukkhodanaṃ jhāpetvā tāya chārikāya paggharitaṃ khārodakaṃ. Muttaharītakanti gomuttaparibhāvitaṃ harītakaṃ. Abhisannakāyoti ussannadosakāyo. Acchakañjiyanti taṇḍulodakamaṇḍo. Akaṭayusanti asiniddho muggapacitapānīyo. Kaṭākaṭanti sova dhotasiniddho. Paṭicchādanīyenāti maṃsarasena.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi
੧੬੦. ਪਞ੍ਚਭੇਸਜ੍ਜਕਥਾ • 160. Pañcabhesajjakathā
੧੬੧. ਮੂਲਾਦਿਭੇਸਜ੍ਜਕਥਾ • 161. Mūlādibhesajjakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪਞ੍ਚਭੇਸਜ੍ਜਾਦਿਕਥਾવਣ੍ਣਨਾ • Pañcabhesajjādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਪਞ੍ਚਭੇਸਜ੍ਜਾਦਿਕਥਾવਣ੍ਣਨਾ • Pañcabhesajjādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਪਞ੍ਚਭੇਸਜ੍ਜਾਦਿਕਥਾવਣ੍ਣਨਾ • Pañcabhesajjādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi
੧੬੦. ਪਞ੍ਚਭੇਸਜ੍ਜਾਦਿਕਥਾ • 160. Pañcabhesajjādikathā
੧੬੧. ਮੂਲਾਦਿਭੇਸਜ੍ਜਕਥਾ • 161. Mūlādibhesajjakathā
