| Library / Tipiṭaka / তিপিটক • Tipiṭaka / সারত্থদীপনী-টীকা • Sāratthadīpanī-ṭīkā |
৬. ভেসজ্জক্খন্ধকং
6. Bhesajjakkhandhakaṃ
পঞ্চভেসজ্জাদিকথাৰণ্ণনা
Pañcabhesajjādikathāvaṇṇanā
২৬১. ভেসজ্জক্খন্ধকে নচ্ছাদেন্তীতি রুচিং ন উপ্পাদেন্তি।
261. Bhesajjakkhandhake nacchādentīti ruciṃ na uppādenti.
২৬২. সুসুকাতি সমুদ্দে ভৰা একা মচ্ছজাতি। কুম্ভীলাতিপি ৰদন্তি। সংসট্ঠন্তি পরিস্সাৰিতং। তেলপরিভোগেনাতি সত্তাহকালিকপরিভোগং সন্ধায ৰুত্তং।
262.Susukāti samudde bhavā ekā macchajāti. Kumbhīlātipi vadanti. Saṃsaṭṭhanti parissāvitaṃ. Telaparibhogenāti sattāhakālikaparibhogaṃ sandhāya vuttaṃ.
২৬৩. পিট্ঠেহীতি পিসিতেহি। উব্ভিদং নাম ঊসরপংসুমযং।
263.Piṭṭhehīti pisitehi. Ubbhidaṃ nāma ūsarapaṃsumayaṃ.
২৬৪. ছকণন্তি গোমযং। পাকতিকচুণ্ণং নাম অপক্ককসাৰচুণ্ণং। তেন ঠপেত্ৰা গন্ধচুণ্ণং সব্বং ৰট্টতীতি ৰদন্তি।
264.Chakaṇanti gomayaṃ. Pākatikacuṇṇaṃ nāma apakkakasāvacuṇṇaṃ. Tena ṭhapetvā gandhacuṇṇaṃ sabbaṃ vaṭṭatīti vadanti.
২৬৫. সুৰণ্ণগেরুকোতি সুৰণ্ণতুত্থাদি। অঞ্জনূপপিসনন্তি অঞ্জনত্থায উপপিসিতব্বং যং কিঞ্চি চুণ্ণজাতং।
265.Suvaṇṇagerukoti suvaṇṇatutthādi. Añjanūpapisananti añjanatthāya upapisitabbaṃ yaṃ kiñci cuṇṇajātaṃ.
২৬৮. সামং গহেত্ৰাতি এত্থ সপ্পদট্ঠস্স অত্থায অঞ্ঞেন ভিক্খুনা গহিতম্পি সামং গহিতসঙ্খমেৰ গচ্ছতীতি ৰেদিতব্বং।
268.Sāmaṃ gahetvāti ettha sappadaṭṭhassa atthāya aññena bhikkhunā gahitampi sāmaṃ gahitasaṅkhameva gacchatīti veditabbaṃ.
২৬৯. ঘরদিন্নকাবাধো নাম ৰসীকরণত্থায ঘরণিযা দিন্নভেসজ্জসমুট্ঠিতো আবাধো। তেনাহ ‘‘ৰসীকরণপাণকসমুট্ঠিতরোগো’’তি। ঘর-সদ্দো চেত্থ অভেদেন ঘরণিযা ৰত্তমানো অধিপ্পেতো। ‘‘অকটযূসেনাতি অনভিসঙ্খতেন মুগ্গযূসেন। কটাকটেনাতি মুগ্গে পচিত্ৰা অচালেত্ৰাৰ পরিস্সাৰিতেন মুগ্গসূপেনা’’তি গণ্ঠিপদেসু ৰুত্তং।
269.Gharadinnakābādho nāma vasīkaraṇatthāya gharaṇiyā dinnabhesajjasamuṭṭhito ābādho. Tenāha ‘‘vasīkaraṇapāṇakasamuṭṭhitarogo’’ti. Ghara-saddo cettha abhedena gharaṇiyā vattamāno adhippeto. ‘‘Akaṭayūsenāti anabhisaṅkhatena muggayūsena. Kaṭākaṭenāti mugge pacitvā acāletvāva parissāvitena muggasūpenā’’ti gaṇṭhipadesu vuttaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi
১৬০. পঞ্চভেসজ্জকথা • 160. Pañcabhesajjakathā
১৬১. মূলাদিভেসজ্জকথা • 161. Mūlādibhesajjakathā
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / পঞ্চভেসজ্জাদিকথা • Pañcabhesajjādikathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / পঞ্চভেসজ্জাদিকথাৰণ্ণনা • Pañcabhesajjādikathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / পঞ্চভেসজ্জাদিকথাৰণ্ণনা • Pañcabhesajjādikathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi
১৬০. পঞ্চভেসজ্জাদিকথা • 160. Pañcabhesajjādikathā
১৬১. মূলাদিভেসজ্জকথা • 161. Mūlādibhesajjakathā
