| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
6. бхзсаж̇ж̇агканд̇хагаван̣н̣анаа
6. Bhesajjakkhandhakavaṇṇanā
бан̃жабхзсаж̇ж̇аад̣̇игат̇ааван̣н̣анаа
Pañcabhesajjādikathāvaṇṇanā
260. ‘‘яам̣ бхзсаж̇ж̇ан̃жзва ассаа’’д̇и барад̇о ‘‘д̇ад̣̇убхаязна бхияяосо мад̇д̇ааяа гиссаа хонд̇ий’’д̇иаад̣̇инаа вирод̇хад̣̇ассанад̇о нид̣̇аанаанабзгкам̣ яат̇аалаабхавасзна вуд̇д̇анд̇и взд̣̇ид̇аб̣б̣ам̣. яат̇аанид̣̇аанам̣ гасмаа на вуд̇д̇анд̇и жз? д̇ад̣̇ан̃н̃аабзгкаад̇хиббааяад̇о. саб̣б̣аб̣уд̣̇д̇хагаалзби хи саббиаад̣̇ийнам̣ сад̇д̇аахагаалигабхааваабзгкаад̇и д̇ат̇аа важанзна бхаг̇авад̇о ад̇хиббааяо, д̇знзва ‘‘аахаарад̇т̇ан̃жа парзяяа, на жа ол̣аариго аахааро бан̃н̃ааязяяаа’’д̇и вуд̇д̇ам̣. д̇ат̇аа хи гаалз бадиг̇г̇ахзд̇ваа гаалз барибхун̃ж̇ид̇унд̇и зд̇т̇а жа гаалабарижчзд̣̇о на гад̇о. гуд̇оязва бана лаб̣бхаа д̇ад̣̇ан̃н̃аабзгкаад̇хиббааяо бхаг̇авад̇о муулабхзсаж̇ж̇аад̣̇ийни д̇аани бадиг̇г̇ахзд̇ваа яааваж̇ийванд̇и гаалабарижчзд̣̇о. яам̣ бана ‘‘ануж̇аанаами, бхигкавз, д̇аани бан̃жа бхзсаж̇ж̇аани гаалз бадиг̇г̇ахзд̇ваа гаалз барибхун̃ж̇ид̇у’’нд̇и важанам̣, д̇ам̣ ‘‘саннид̇хим̣ гад̇ваа абараабарасмим̣ д̣̇ивасз гаалз зва барибхун̃ж̇ид̇ум̣ ануж̇аанаамий’’д̇и ад̇хиббааяад̇о вуд̇д̇анд̇и взд̣̇ид̇аб̣б̣ам̣. ан̃н̃ат̇аа ад̇исаяад̇д̇аабхаавад̇о ‘‘яам̣ бхзсаж̇ж̇ан̃жзва ассаа’’д̇иаад̣̇и вид̇аггуббаад̣̇о на самбхавад̇и. бан̣ийд̇абхож̇анаанумад̇ияаа басид̣̇д̇хад̇д̇аа ааб̣аад̇хаануруубасаббааяаабзгкааяа вуд̇д̇аанийд̇и жз? д̇ан̃жа на, бхияяосо мад̇д̇ааяа гисаад̣̇ибхааваабад̇д̇ид̣̇ассанад̇о. яат̇аа ‘‘ужчурасам̣ убаад̣̇ааяа паан̣ид̇а’’нд̇и вуд̇д̇ам̣, д̇ат̇аа ‘‘наванийд̇ам̣ убаад̣̇ааяа сабби’’нд̇и вад̇д̇аб̣б̣ад̇о наванийд̇ам̣ висум̣ на вад̇д̇аб̣б̣анд̇и жз? на, висзсад̣̇ассанаад̇хиббааяад̇о. яат̇аа паан̣ид̇аг̇г̇ахан̣зна сид̣̇д̇хзби барад̇о ужчурасо висум̣ анун̃н̃аад̇о ужчусааман̃н̃ад̇о г̇ул̣од̣̇агадтаанз табанаад̇хиббааяад̇о. д̇ат̇аа наванийд̇з висзсавид̇хид̣̇ассанаад̇хиббааяад̇о наванийд̇ам̣ висум̣ анун̃н̃аад̇анд̇и взд̣̇ид̇аб̣б̣ам̣. висзсавид̇хи банасса бхзсаж̇ж̇асигкаабад̣̇адтагат̇аавасзна взд̣̇ид̇аб̣б̣ам̣. вуд̇д̇ан̃хи д̇ад̇т̇а ‘‘бажид̇ваа саббим̣ гад̇ваа барибхун̃ж̇ид̇угаамзна ад̇ход̇амби бажид̇ум̣ ваддад̇ий’’д̇и (баараа. адта. 2.622). д̇ад̇т̇а сабби баггаава ход̇и, наабаггаа. д̇ат̇аа паан̣ид̇амби. наванийд̇ам̣ абаггамзва.
260.‘‘Yaṃbhesajjañceva assā’’ti parato ‘‘tadubhayena bhiyyoso mattāya kissā hontī’’tiādinā virodhadassanato nidānānapekkhaṃ yathālābhavasena vuttanti veditabbaṃ. Yathānidānaṃ kasmā na vuttanti ce? Tadaññāpekkhādhippāyato. Sabbabuddhakālepi hi sappiādīnaṃ sattāhakālikabhāvāpekkhāti tathā vacanena bhagavato adhippāyo, teneva ‘‘āhāratthañca phareyya, na ca oḷāriko āhāro paññāyeyyā’’ti vuttaṃ. Tathā hi kāle paṭiggahetvā kāle paribhuñjitunti ettha ca kālaparicchedo na kato. Kutoyeva pana labbhā tadaññāpekkhādhippāyo bhagavato mūlabhesajjādīni tāni paṭiggahetvā yāvajīvanti kālaparicchedo. Yaṃ pana ‘‘anujānāmi, bhikkhave, tāni pañca bhesajjāni kāle paṭiggahetvā kāle paribhuñjitu’’nti vacanaṃ, taṃ ‘‘sannidhiṃ katvā aparāparasmiṃ divase kāle eva paribhuñjituṃ anujānāmī’’ti adhippāyato vuttanti veditabbaṃ. Aññathā atisayattābhāvato ‘‘yaṃ bhesajjañceva assā’’tiādi vitakkuppādo na sambhavati. Paṇītabhojanānumatiyā pasiddhattā ābādhānurūpasappāyāpekkhāya vuttānīti ce? Tañca na, bhiyyoso mattāya kisādibhāvāpattidassanato. Yathā ‘‘ucchurasaṃ upādāya phāṇita’’nti vuttaṃ, tathā ‘‘navanītaṃ upādāya sappi’’nti vattabbato navanītaṃ visuṃ na vattabbanti ce? Na, visesadassanādhippāyato. Yathā phāṇitaggahaṇena siddhepi parato ucchuraso visuṃ anuññāto ucchusāmaññato guḷodakaṭṭhāne ṭhapanādhippāyato. Tathā navanīte visesavidhidassanādhippāyato navanītaṃ visuṃ anuññātanti veditabbaṃ. Visesavidhi panassa bhesajjasikkhāpadaṭṭhakathāvasena veditabbaṃ. Vuttañhi tattha ‘‘pacitvā sappiṃ katvā paribhuñjitukāmena adhotampi pacituṃ vaṭṭatī’’ti (pārā. aṭṭha. 2.622). Tattha sappi pakkāva hoti, nāpakkā. Tathā phāṇitampi. Navanītaṃ apakkameva.
зд̇т̇ааха – наванийд̇ам̣ вияа ужчурасоби сад̇д̇аахагаалигабаал̣ияам̣ зва вад̇д̇аб̣б̣од̇и? на вад̇д̇аб̣б̣о. гасмаа? сад̇д̇аахагаалигабаал̣ияам̣ вуд̇д̇з ужчурасо г̇ул̣аабад̣̇зсзна яат̇аа аг̇илаанасса паан̣ид̇ам̣ бадисид̣̇д̇хам̣, д̇ат̇аа ужчурасобийд̇и аабаж̇ж̇ад̇и, авуд̇д̇з бана г̇ул̣ам̣ вияа со паан̣ид̇асан̇кяам̣ на г̇ажчад̇и. ид̇ха авад̇ваа бажчаа важанзна г̇ул̣од̣̇агадтаанзва табид̇о ход̇и. д̇ад̣̇ад̇т̇амзва бажчаабхад̇д̇ам̣ вадданагабаанагаад̇хигаарз вуд̇д̇о, д̇асмаа зва яаамагаалигод̇и жз? на, адтагат̇аавирод̇хад̇о. на убаад̣̇ааяад̇т̇асса ниссаяад̇т̇ад̇д̇аад̇и жз? гим̣ вуд̇д̇ам̣ ход̇и – ‘‘ужчурасам̣ убаад̣̇ааяа ужчувигад̇и паан̣ид̇анд̇и взд̣̇ид̇аб̣б̣аа’’д̇и (баараа. адта. 2.623) яад̣̇зд̇ам̣ ниссаг̇г̇ияадтагат̇ааважанам̣, д̇ад̇т̇а ‘‘убаад̣̇ааяаа’’д̇и имасса ниссааяа бажжаяам̣ гад̇ваад̇и ад̇т̇од̇и. на, барад̇о абарагирияааяа ад̣̇ассанад̇о. яат̇аа ‘‘жагкун̃жа бадижжа руубз жаа’’д̇иаад̣̇ийсу (ма. ни. 1.204, 400; 3.421, 425; сам̣. ни. 2.43) ‘‘бадижжаа’’д̇и имасса уссуггаважанасса ‘‘уббаж̇ж̇ад̇ий’’д̇и абарагирияаа д̣̇иссад̇и, на д̇ат̇аа ‘‘ужчурасам̣ убаад̣̇ааяаа’’д̇и зд̇т̇а абарагирияаа д̣̇иссад̇ийд̇и. аяуд̇д̇амзд̇ам̣ д̇ад̇т̇а д̇ад̣̇абхаавзби сид̣̇д̇хад̇д̇аа. яат̇аа ‘‘жад̇д̇ааро жа махаабхууд̇аа жад̇уннан̃жа махаабхууд̇аанам̣ убаад̣̇ааяа рууба’’нд̇и (д̇ха. са. 584) зд̇т̇а абарагирияааяа абхаавзби уссуггаважанам̣ сид̣̇д̇хам̣, д̇ат̇аа зд̇т̇ааби сияаад̇и? на, д̇ад̇т̇а баатасзсаабзгкад̇д̇аа. яат̇аа жад̇д̇ааро махаабхууд̇аа убаад̣̇ааяа вуд̇д̇ам̣, бавад̇д̇агам̣ ваа руубанд̇и имам̣ баатасзсам̣ саа баал̣и абзгкад̇и, на д̇ат̇аа ид̣̇ам̣ адтагат̇ааважанам̣ ган̃жи баатам̣ абзгкад̇и. барибун̣н̣аваад̣̇ино хи адтагат̇аажарияаа. сан̃н̃аагаран̣амад̇д̇ам̣ ваа д̇асса руубасса. ‘‘ад̇т̇и руубам̣ убаад̣̇ааяаа’’д̇иаад̣̇ийсу (д̇ха. са. 584) хи сан̃н̃аагаран̣амад̇д̇ам̣, звамид̇хаабийд̇и взд̣̇ид̇аб̣б̣ам̣. ид̇ха бана ‘‘ужчурасам̣ убаад̣̇ааяаа’’д̇и ужчурасам̣ аад̣̇им̣ гад̇ваа, д̇ад̇о бадтааяаад̇и ад̇т̇о, д̇асмаа ‘‘ужчурасзна сам̣садтам̣ бхад̇д̇ам̣ аг̇илаано бхигку вин̃н̃аабзд̇ваа бхун̃ж̇анд̇о бан̣ийд̇абхож̇анасигкаабад̣̇зна гаарзд̇аб̣б̣о, бхигкуний баадид̣̇зсаниязнаа’’д̇и вуд̇д̇ам̣, д̇ам̣ аяуд̇д̇анд̇и згз. д̇з висзсахзд̇уно абхаавам̣ д̣̇ассзд̇ваа бан̃н̃аабзд̇аб̣б̣аа.
Etthāha – navanītaṃ viya ucchurasopi sattāhakālikapāḷiyaṃ eva vattabboti? Na vattabbo. Kasmā? Sattāhakālikapāḷiyaṃ vutte ucchuraso guḷāpadesena yathā agilānassa phāṇitaṃ paṭisiddhaṃ, tathā ucchurasopīti āpajjati, avutte pana guḷaṃ viya so phāṇitasaṅkhyaṃ na gacchati. Idha avatvā pacchā vacanena guḷodakaṭṭhāneva ṭhapito hoti. Tadatthameva pacchābhattaṃ vaṭṭanakapānakādhikāre vutto, tasmā eva yāmakālikoti ce? Na, aṭṭhakathāvirodhato. Na upādāyatthassa nissayatthattāti ce? Kiṃ vuttaṃ hoti – ‘‘ucchurasaṃ upādāya ucchuvikati phāṇitanti veditabbā’’ti (pārā. aṭṭha. 2.623) yadetaṃ nissaggiyaṭṭhakathāvacanaṃ, tattha ‘‘upādāyā’’ti imassa nissāya paccayaṃ katvāti atthoti. Na, parato aparakiriyāya adassanato. Yathā ‘‘cakkhuñca paṭicca rūpe cā’’tiādīsu (ma. ni. 1.204, 400; 3.421, 425; saṃ. ni. 2.43) ‘‘paṭiccā’’ti imassa ussukkavacanassa ‘‘uppajjatī’’ti aparakiriyā dissati, na tathā ‘‘ucchurasaṃ upādāyā’’ti ettha aparakiriyā dissatīti. Ayuttametaṃ tattha tadabhāvepi siddhattā. Yathā ‘‘cattāro ca mahābhūtā catunnañca mahābhūtānaṃ upādāya rūpa’’nti (dha. sa. 584) ettha aparakiriyāya abhāvepi ussukkavacanaṃ siddhaṃ, tathā etthāpi siyāti? Na, tattha pāṭhasesāpekkhattā. Yathā cattāro mahābhūtā upādāya vuttaṃ, pavattakaṃ vā rūpanti imaṃ pāṭhasesaṃ sā pāḷi apekkhati, na tathā idaṃ aṭṭhakathāvacanaṃ kañci pāṭhaṃ apekkhati. Paripuṇṇavādino hi aṭṭhakathācariyā. Saññākaraṇamattaṃ vā tassa rūpassa. ‘‘Atthi rūpaṃ upādāyā’’tiādīsu (dha. sa. 584) hi saññākaraṇamattaṃ, evamidhāpīti veditabbaṃ. Idha pana ‘‘ucchurasaṃ upādāyā’’ti ucchurasaṃ ādiṃ katvā, tato paṭṭhāyāti attho, tasmā ‘‘ucchurasena saṃsaṭṭhaṃ bhattaṃ agilāno bhikkhu viññāpetvā bhuñjanto paṇītabhojanasikkhāpadena kāretabbo, bhikkhunī pāṭidesaniyenā’’ti vuttaṃ, taṃ ayuttanti eke. Te visesahetuno abhāvaṃ dassetvā paññāpetabbā.
зд̇д̇аавад̇аа ‘‘ужчурасам̣ убаад̣̇ааяаад̇и ужчурасам̣ аад̣̇им̣ гад̇ваа’’д̇иаад̣̇ийнам̣ бад̣̇аанам̣ ад̇т̇ам̣ мижчаа г̇ахзд̇ваа яад̣̇и ‘‘ужчурасам̣ убаад̣̇ааяаа’’д̇и важанзна ужчурасо паан̣ид̇ам̣ сияаа, ‘‘абаггаа ваа’’д̇и важанам̣ нирад̇т̇агам̣ абаггаважанзна ужчурасасса г̇ахид̇ад̇д̇аа. ат̇а ‘‘баггаа ваа’’д̇и важанзна ужчурасо паан̣ид̇анд̇и сид̣̇д̇хам̣, ‘‘ужчурасам̣ убаад̣̇ааяаа’’д̇и важанам̣ нирад̇т̇аганд̇и уд̇д̇арам̣ вуд̇д̇ам̣, д̇ам̣ ануд̇д̇аранд̇и саад̇хид̇ам̣ ход̇и. со жзд̇зхи абаггаа ваад̇и саамам̣ бхигкунаа абаггаа ваа. авад̇т̇угабаггаа ваад̇и бхигкунаава саамам̣ винаа вад̇т̇унаа баггаа ваад̇и ад̇т̇о. д̇асмаа ан̃н̃ат̇аа ‘‘савад̇т̇угабаггаа ваа’’д̇и жа вад̇д̇аб̣б̣анд̇и ад̇т̇о д̣̇ассид̇о, со д̣̇удту д̣̇ассид̇о. гасмаа? махааадтагат̇ааяам̣ ‘‘жхаамаужчупаан̣ид̇ам̣ ваа годдид̇аужчупаан̣ид̇ам̣ ваа бурзбхад̇д̇амзва ваддад̇ий’’д̇и вуд̇д̇ад̇д̇аа, ‘‘савад̇т̇угабаггаа ваа’’д̇и важанасса жа лад̣̇д̇хивирод̇хад̇о авуд̇д̇ад̇д̇аа. ‘‘махаабажжарияам̣ бана ‘зд̇ам̣ савад̇т̇угабаггам̣ ваддад̇и но ваддад̇ий’д̇и бужчам̣ гад̇ваа ‘ужчупаан̣ид̇ам̣ бажчаабхад̇д̇ам̣ но вадданагам̣ наама над̇т̇ий’д̇и вуд̇д̇ам̣, д̇ам̣ яуд̇д̇а’’нд̇и (баараа. адта. 2.623) вуд̇д̇ад̇д̇аа жа савад̇т̇угабаггаа ваад̇и ад̇т̇о жа вуд̇д̇оязва ход̇и, д̇асмаа д̣̇уд̣̇д̣̇ассид̇од̇и сид̣̇д̇хам̣. аахаарад̇т̇анд̇и аахаарабаяож̇анам̣. аахаарагижжам̣ яаабананд̇и ад̇т̇од̇и жа.
Ettāvatā ‘‘ucchurasaṃ upādāyāti ucchurasaṃ ādiṃ katvā’’tiādīnaṃ padānaṃ atthaṃ micchā gahetvā yadi ‘‘ucchurasaṃ upādāyā’’ti vacanena ucchuraso phāṇitaṃ siyā, ‘‘apakkā vā’’ti vacanaṃ niratthakaṃ apakkavacanena ucchurasassa gahitattā. Atha ‘‘pakkā vā’’ti vacanena ucchuraso phāṇitanti siddhaṃ, ‘‘ucchurasaṃ upādāyā’’ti vacanaṃ niratthakanti uttaraṃ vuttaṃ, taṃ anuttaranti sādhitaṃ hoti. So cetehi apakkā vāti sāmaṃ bhikkhunā apakkā vā. Avatthukapakkā vāti bhikkhunāva sāmaṃ vinā vatthunā pakkā vāti attho. Tasmā aññathā ‘‘savatthukapakkā vā’’ti ca vattabbanti attho dassito, so duṭṭhu dassito. Kasmā? Mahāaṭṭhakathāyaṃ ‘‘jhāmaucchuphāṇitaṃ vā koṭṭitaucchuphāṇitaṃ vā purebhattameva vaṭṭatī’’ti vuttattā, ‘‘savatthukapakkā vā’’ti vacanassa ca laddhivirodhato avuttattā. ‘‘Mahāpaccariyaṃ pana ‘etaṃ savatthukapakkaṃ vaṭṭati no vaṭṭatī’ti pucchaṃ katvā ‘ucchuphāṇitaṃ pacchābhattaṃ no vaṭṭanakaṃ nāma natthī’ti vuttaṃ, taṃ yutta’’nti (pārā. aṭṭha. 2.623) vuttattā ca savatthukapakkā vāti attho ca vuttoyeva hoti, tasmā duddassitoti siddhaṃ. Āhāratthanti āhārapayojanaṃ. Āhārakiccaṃ yāpananti atthoti ca.
262. д̇злабарибхог̇знаад̇и сад̇д̇аахагаалигабарибхог̇зна.
262.Telaparibhogenāti sattāhakālikaparibhogena.
263. сад̇и бажжаязд̇и зд̇т̇а сад̇ибажжаяад̇аа г̇илаанааг̇илаанавасзна д̣̇вид̇хаа взд̣̇ид̇аб̣б̣аа. вигаалабхож̇анасигкаабад̣̇асса хи анаабад̇д̇иваарз яаамагаалигаад̣̇ийнам̣ д̇ин̣н̣амби ависзсзна сад̇ибажжаяад̇аа вуд̇д̇аа. имасмим̣ канд̇хагз ‘‘ануж̇аанаами, бхигкавз, г̇илаанасса г̇ул̣ам̣, аг̇илаанасса г̇ул̣од̣̇агам̣, ануж̇аанаами, бхигкавз, г̇илаанасса лон̣асовийрагам̣, аг̇илаанасса уд̣̇агасамбхинна’’нд̇и вуд̇д̇ам̣. д̇асмаа сид̣̇д̇хам̣ сад̇ибажжаяад̇аа г̇илаанааг̇илаанавасзна д̣̇увид̇хаад̇и. ан̃н̃ат̇аа асад̇и бажжаяз г̇ул̣од̣̇агаад̣̇ийсу аабаж̇ж̇ад̇и. д̇ад̇о жа баал̣ивирод̇хо.
263.Sati paccayeti ettha satipaccayatā gilānāgilānavasena dvidhā veditabbā. Vikālabhojanasikkhāpadassa hi anāpattivāre yāmakālikādīnaṃ tiṇṇampi avisesena satipaccayatā vuttā. Imasmiṃ khandhake ‘‘anujānāmi, bhikkhave, gilānassa guḷaṃ, agilānassa guḷodakaṃ, anujānāmi, bhikkhave, gilānassa loṇasovīrakaṃ, agilānassa udakasambhinna’’nti vuttaṃ. Tasmā siddhaṃ satipaccayatā gilānāgilānavasena duvidhāti. Aññathā asati paccaye guḷodakādīsu āpajjati. Tato ca pāḷivirodho.
бидтзхийд̇и бисид̇ад̇злзхи. годтапаланд̇и годтаругкасса палам̣. ‘‘мад̣̇анапалам̣ ваа’’д̇и жа ликид̇ам̣. хин̇г̇уж̇ад̇у наама хин̇г̇уругкасса д̣̇ан̣д̣абаллавабаваал̣абааганибпаннаа. хин̇г̇усибаадигаа наама д̇асса мууласаакабааганибпаннаа. д̇агам̣ наама д̇асса ругкасса д̇ажабаагод̣̇агам̣. д̇агабад̇д̇ийд̇и д̇асса бад̇д̇абаагод̣̇агам̣. д̇агабан̣н̣ийд̇и д̇асса палабаагод̣̇агам̣. ат̇а ваа ‘‘д̇агам̣ наама лаакаа. д̇агабад̇д̇ийд̇и гид̇д̇ималомалаакаа. д̇агабан̣н̣ийд̇и баггалаакаа’’д̇и ликид̇ам̣. уб̣бхид̣̇ам̣ наама уусабам̣сумаяам̣.
Piṭṭhehīti pisitatelehi. Koṭṭhaphalanti koṭṭharukkhassa phalaṃ. ‘‘Madanaphalaṃ vā’’ti ca likhitaṃ. Hiṅgujatu nāma hiṅgurukkhassa daṇḍapallavapavāḷapākanipphannā. Hiṅgusipāṭikā nāma tassa mūlasākhapākanipphannā. Takaṃ nāma tassa rukkhassa tacapākodakaṃ. Takapattīti tassa pattapākodakaṃ. Takapaṇṇīti tassa phalapākodakaṃ. Atha vā ‘‘takaṃ nāma lākhā. Takapattīti kittimalomalākhā. Takapaṇṇīti pakkalākhā’’ti likhitaṃ. Ubbhidaṃ nāma ūsapaṃsumayaṃ.
264. чаган̣ам̣ г̇омаяам̣. баагад̇игажун̣н̣ам̣ наама абаггагасааважун̣н̣ам̣, д̇зна ‘‘табзд̇ваа г̇анд̇хажун̣н̣ам̣ саб̣б̣ам̣ ваддад̇ий’’д̇и вад̣̇анд̇и. жаалид̇зхийд̇и бариссаавид̇зхи.
264.Chakaṇaṃ gomayaṃ. Pākatikacuṇṇaṃ nāma apakkakasāvacuṇṇaṃ, tena ‘‘ṭhapetvā gandhacuṇṇaṃ sabbaṃ vaṭṭatī’’ti vadanti. Cālitehīti parissāvitehi.
265. наанаасамбхаарзхи гад̇анд̇и нааносад̇хзхи.
265.Nānāsambhārehi katanti nānosadhehi.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
160. бан̃жабхзсаж̇ж̇агат̇аа • 160. Pañcabhesajjakathā
161. муулаад̣̇ибхзсаж̇ж̇агат̇аа • 161. Mūlādibhesajjakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / бан̃жабхзсаж̇ж̇аад̣̇игат̇аа • Pañcabhesajjādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бан̃жабхзсаж̇ж̇аад̣̇игат̇ааван̣н̣анаа • Pañcabhesajjādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бан̃жабхзсаж̇ж̇аад̣̇игат̇ааван̣н̣анаа • Pañcabhesajjādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi
160. бан̃жабхзсаж̇ж̇аад̣̇игат̇аа • 160. Pañcabhesajjādikathā
161. муулаад̣̇ибхзсаж̇ж̇агат̇аа • 161. Mūlādibhesajjakathā
