| Library / Tipiṭaka / တိပိဋက • Tipiṭaka / ဝိမတိဝိနောဒနီ-ဋီကာ • Vimativinodanī-ṭīkā |
၆. ဘေသဇ္ဇက္ခန္ဓကော
6. Bhesajjakkhandhako
ပဉ္စဘေသဇ္ဇာဒိကထာဝဏ္ဏနာ
Pañcabhesajjādikathāvaṇṇanā
၂၆၀. ဘေသဇ္ဇက္ခန္ဓကေ ပိတ္တံ ကောဋ္ဌဗ္ဘန္တရဂတံ ဟောတီတိ ဗဟိသရီရေ ဗ္ယာပေတ္ဝာ ဌိတံ အဗဒ္ဓပိတ္တံ ကောဋ္ဌဗ္ဘန္တရဂတံ ဟောတိ, တေန ပိတ္တံ ကုပိတံ ဟောတီတိ အဓိပ္ပာယော။
260. Bhesajjakkhandhake pittaṃ koṭṭhabbhantaragataṃ hotīti bahisarīre byāpetvā ṭhitaṃ abaddhapittaṃ koṭṭhabbhantaragataṃ hoti, tena pittaṃ kupitaṃ hotīti adhippāyo.
၂၆၁-၂. ပာဠိယံ နစ္ဆာဒေန္တီတိ ရုစိံ န ဥပ္ပာဒေန္တိ။ သုသုကာတိ သမုဒ္ဒေ ဧကာ မစ္ဆဇာတိ, ကုမ္ဘိလာတိပိ ဝဒန္တိ။ သံသဋ္ဌန္တိ ပရိသ္သာဝိတံ။
261-2. Pāḷiyaṃ nacchādentīti ruciṃ na uppādenti. Susukāti samudde ekā macchajāti, kumbhilātipi vadanti. Saṃsaṭṭhanti parissāvitaṃ.
၂၆၃. ပိဋ္ဌေဟီတိ ပိသိတေဟိ။ ကသာဝေဟီတိ တစာဒီနိ ဥဒကေ တာပေတ္ဝာ ဂဟိတဦသရေဟိ။ ဥဗ္ဘိဒန္တိ ဦသရပံသုမယံ။ လောဏဗိလန္တိ လောဏဝိသေသော။
263.Piṭṭhehīti pisitehi. Kasāvehīti tacādīni udake tāpetvā gahitaūsarehi. Ubbhidanti ūsarapaṃsumayaṃ. Loṇabilanti loṇaviseso.
၂၆၄-၅. ဆကဏန္တိ ဂောမယံ။ ပာကတိကစုဏ္ဏန္တိ အပက္ကကသာဝစုဏ္ဏံ, ဂန္ဓစုဏ္ဏံ ပန န ဝဋ္ဋတိ။ ပာဠိယံ စုဏ္ဏစာလိနိန္တိ ဥဒုက္ခလေ ကောဋ္ဋိတစုဏ္ဏပရိသ္သာဝနိံ။ သုဝဏ္ဏဂေရုကောတိ သုဝဏ္ဏတုတ္ထာဒိ။ ပာဠိယံ အဉ္ဇနူပပိသနန္တိ အဉ္ဇနေ ဥပနေတုံ ပိသိတဗ္ဗဘေသဇ္ဇံ။
264-5.Chakaṇanti gomayaṃ. Pākatikacuṇṇanti apakkakasāvacuṇṇaṃ, gandhacuṇṇaṃ pana na vaṭṭati. Pāḷiyaṃ cuṇṇacālininti udukkhale koṭṭitacuṇṇaparissāvaniṃ. Suvaṇṇagerukoti suvaṇṇatutthādi. Pāḷiyaṃ añjanūpapisananti añjane upanetuṃ pisitabbabhesajjaṃ.
၂၆၇-၉. ကဗဠိကာတိ ဥပနာဟဘေသဇ္ဇံ။ ဃရဒိန္နကာဗာဓော နာမ ဃရဏိယာ ဒိန္နဝသီကရဏဘေသဇ္ဇသမုဋ္ဌိတအာဗာဓော။ တာယ ဆာရိကာယ ပဂ္ဃရိတံ ခာရောဒကန္တိ ပရိသ္သာဝနေ တစ္ဆာရိကံ ပက္ခိပိတ္ဝာ ဥဒကေ အဘိသိဉ္စိတေ တတော ဆာရိကတော ဟေဋ္ဌာ ပဂ္ဃရိတံ ခာရောဒကံ။ ပာဠိယံ အကဋယူသေနာတိ အနဘိသင္ခတေန မုဂ္ဂယူသေန။ ကဋာကဋေနာတိ မုဂ္ဂေ ပစိတ္ဝာ အစာလေတ္ဝာ ပရိသ္သာဝိတေန မုဂ္ဂယူသေနာတိ ဝဒန္တိ။
267-9.Kabaḷikāti upanāhabhesajjaṃ. Gharadinnakābādho nāma gharaṇiyā dinnavasīkaraṇabhesajjasamuṭṭhitaābādho. Tāya chārikāya paggharitaṃ khārodakanti parissāvane tacchārikaṃ pakkhipitvā udake abhisiñcite tato chārikato heṭṭhā paggharitaṃ khārodakaṃ. Pāḷiyaṃ akaṭayūsenāti anabhisaṅkhatena muggayūsena. Kaṭākaṭenāti mugge pacitvā acāletvā parissāvitena muggayūsenāti vadanti.
ပဉ္စဘေသဇ္ဇာဒိကထာဝဏ္ဏနာ နိဋ္ဌိတာ။
Pañcabhesajjādikathāvaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi
၁၆၀. ပဉ္စဘေသဇ္ဇကထာ • 160. Pañcabhesajjakathā
၁၆၁. မူလာဒိဘေသဇ္ဇကထာ • 161. Mūlādibhesajjakathā
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / ပဉ္စဘေသဇ္ဇာဒိကထာ • Pañcabhesajjādikathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ပဉ္စဘေသဇ္ဇာဒိကထာဝဏ္ဏနာ • Pañcabhesajjādikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ပဉ္စဘေသဇ္ဇာဒိကထာဝဏ္ဏနာ • Pañcabhesajjādikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi
၁၆၀. ပဉ္စဘေသဇ္ဇာဒိကထာ • 160. Pañcabhesajjādikathā
၁၆၁. မူလာဒိဘေသဇ္ဇကထာ • 161. Mūlādibhesajjakathā
