| Library / Tipiṭaka / තිපිටක • Tipiṭaka / සාරත්‌ථදීපනී-ටීකා • Sāratthadīpanī-ṭīkā |
6. භෙසජ්‌ජක්‌ඛන්‌ධකං
6. Bhesajjakkhandhakaṃ
පඤ්‌චභෙසජ්‌ජාදිකථාවණ්‌ණනා
Pañcabhesajjādikathāvaṇṇanā
261. භෙසජ්‌ජක්‌ඛන්‌ධකෙ නච්‌ඡාදෙන්‌තීති රුචිං න උප්‌පාදෙන්‌ති.
261. Bhesajjakkhandhake nacchādentīti ruciṃ na uppādenti.
262. සුසුකාති සමුද්‌දෙ භවා එකා මච්‌ඡජාති. කුම්‌භීලාතිපි වදන්‌ති. සංසට්‌ඨන්‌ති පරිස්‌සාවිතං. තෙලපරිභොගෙනාති සත්‌තාහකාලිකපරිභොගං සන්‌ධාය වුත්‌තං.
262.Susukāti samudde bhavā ekā macchajāti. Kumbhīlātipi vadanti. Saṃsaṭṭhanti parissāvitaṃ. Telaparibhogenāti sattāhakālikaparibhogaṃ sandhāya vuttaṃ.
263. පිට්‌ඨෙහීති පිසිතෙහි. උබ්‌භිදං නාම ඌසරපංසුමයං.
263.Piṭṭhehīti pisitehi. Ubbhidaṃ nāma ūsarapaṃsumayaṃ.
264. ඡකණන්‌ති ගොමයං. පාකතිකචුණ්‌ණං නාම අපක්‌කකසාවචුණ්‌ණං. තෙන ඨපෙත්‌වා ගන්‌ධචුණ්‌ණං සබ්‌බං වට්‌ටතීති වදන්‌ති.
264.Chakaṇanti gomayaṃ. Pākatikacuṇṇaṃ nāma apakkakasāvacuṇṇaṃ. Tena ṭhapetvā gandhacuṇṇaṃ sabbaṃ vaṭṭatīti vadanti.
265. සුවණ්‌ණගෙරුකොති සුවණ්‌ණතුත්‌ථාදි. අඤ්‌ජනූපපිසනන්‌ති අඤ්‌ජනත්‌ථාය උපපිසිතබ්‌බං යං කිඤ්‌චි චුණ්‌ණජාතං.
265.Suvaṇṇagerukoti suvaṇṇatutthādi. Añjanūpapisananti añjanatthāya upapisitabbaṃ yaṃ kiñci cuṇṇajātaṃ.
268. සාමං ගහෙත්‌වාති එත්‌ථ සප්‌පදට්‌ඨස්‌ස අත්‌ථාය අඤ්‌ඤෙන භික්‌ඛුනා ගහිතම්‌පි සාමං ගහිතසඞ්‌ඛමෙව ගච්‌ඡතීති වෙදිතබ්‌බං.
268.Sāmaṃ gahetvāti ettha sappadaṭṭhassa atthāya aññena bhikkhunā gahitampi sāmaṃ gahitasaṅkhameva gacchatīti veditabbaṃ.
269. ඝරදින්‌නකාබාධො නාම වසීකරණත්‌ථාය ඝරණියා දින්‌නභෙසජ්‌ජසමුට්‌ඨිතො ආබාධො. තෙනාහ ‘‘වසීකරණපාණකසමුට්‌ඨිතරොගො’’ති. ඝර-සද්‌දො චෙත්‌ථ අභෙදෙන ඝරණියා වත්‌තමානො අධිප්‌පෙතො. ‘‘අකටයූසෙනාති අනභිසඞ්‌ඛතෙන මුග්‌ගයූසෙන. කටාකටෙනාති මුග්‌ගෙ පචිත්‌වා අචාලෙත්‌වාව පරිස්‌සාවිතෙන මුග්‌ගසූපෙනා’’ති ගණ්‌ඨිපදෙසු වුත්‌තං.
269.Gharadinnakābādho nāma vasīkaraṇatthāya gharaṇiyā dinnabhesajjasamuṭṭhito ābādho. Tenāha ‘‘vasīkaraṇapāṇakasamuṭṭhitarogo’’ti. Ghara-saddo cettha abhedena gharaṇiyā vattamāno adhippeto. ‘‘Akaṭayūsenāti anabhisaṅkhatena muggayūsena. Kaṭākaṭenāti mugge pacitvā acāletvāva parissāvitena muggasūpenā’’ti gaṇṭhipadesu vuttaṃ.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi
160. පඤ්‌චභෙසජ්‌ජකථා • 160. Pañcabhesajjakathā
161. මූලාදිභෙසජ්‌ජකථා • 161. Mūlādibhesajjakathā
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā / පඤ්‌චභෙසජ්‌ජාදිකථා • Pañcabhesajjādikathā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / පඤ්‌චභෙසජ්‌ජාදිකථාවණ්‌ණනා • Pañcabhesajjādikathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / පඤ්‌චභෙසජ්‌ජාදිකථාවණ්‌ණනා • Pañcabhesajjādikathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi
160. පඤ්‌චභෙසජ්‌ජාදිකථා • 160. Pañcabhesajjādikathā
161. මූලාදිභෙසජ්‌ජකථා • 161. Mūlādibhesajjakathā
