| Library / Tipiṭaka / ཏིཔིཊཀ • Tipiṭaka / སཱརཏྠདཱིཔནཱི-ཊཱིཀཱ • Sāratthadīpanī-ṭīkā |
༦. བྷེསཛྫཀྑནྡྷཀཾ
6. Bhesajjakkhandhakaṃ
པཉྩབྷེསཛྫཱདིཀཐཱཝཎྞནཱ
Pañcabhesajjādikathāvaṇṇanā
༢༦༡. བྷེསཛྫཀྑནྡྷཀེ ནཙྪཱདེནྟཱིཏི རུཙིཾ ན ཨུཔྤཱདེནྟི།
261. Bhesajjakkhandhake nacchādentīti ruciṃ na uppādenti.
༢༦༢. སུསུཀཱཏི སམུདྡེ བྷཝཱ ཨེཀཱ མཙྪཛཱཏི། ཀུམྦྷཱིལཱཏིཔི ཝདནྟི། སཾསཊྛནྟི པརིསྶཱཝིཏཾ། ཏེལཔརིབྷོགེནཱཏི སཏྟཱཧཀཱལིཀཔརིབྷོགཾ སནྡྷཱཡ ཝུཏྟཾ།
262.Susukāti samudde bhavā ekā macchajāti. Kumbhīlātipi vadanti. Saṃsaṭṭhanti parissāvitaṃ. Telaparibhogenāti sattāhakālikaparibhogaṃ sandhāya vuttaṃ.
༢༦༣. པིཊྛེཧཱིཏི པིསིཏེཧི། ཨུབྦྷིདཾ ནཱམ ཨཱུསརཔཾསུམཡཾ།
263.Piṭṭhehīti pisitehi. Ubbhidaṃ nāma ūsarapaṃsumayaṃ.
༢༦༤. ཚཀཎནྟི གོམཡཾ། པཱཀཏིཀཙུཎྞཾ ནཱམ ཨཔཀྐཀསཱཝཙུཎྞཾ། ཏེན ཋཔེཏྭཱ གནྡྷཙུཎྞཾ སབྦཾ ཝཊྚཏཱིཏི ཝདནྟི།
264.Chakaṇanti gomayaṃ. Pākatikacuṇṇaṃ nāma apakkakasāvacuṇṇaṃ. Tena ṭhapetvā gandhacuṇṇaṃ sabbaṃ vaṭṭatīti vadanti.
༢༦༥. སུཝཎྞགེརུཀོཏི སུཝཎྞཏུཏྠཱདི། ཨཉྫནཱུཔཔིསནནྟི ཨཉྫནཏྠཱཡ ཨུཔཔིསིཏབྦཾ ཡཾ ཀིཉྩི ཙུཎྞཛཱཏཾ།
265.Suvaṇṇagerukoti suvaṇṇatutthādi. Añjanūpapisananti añjanatthāya upapisitabbaṃ yaṃ kiñci cuṇṇajātaṃ.
༢༦༨. སཱམཾ གཧེཏྭཱཏི ཨེཏྠ སཔྤདཊྛསྶ ཨཏྠཱཡ ཨཉྙེན བྷིཀྑུནཱ གཧིཏམྤི སཱམཾ གཧིཏསངྑམེཝ གཙྪཏཱིཏི ཝེདིཏབྦཾ།
268.Sāmaṃ gahetvāti ettha sappadaṭṭhassa atthāya aññena bhikkhunā gahitampi sāmaṃ gahitasaṅkhameva gacchatīti veditabbaṃ.
༢༦༩. གྷརདིནྣཀཱབཱདྷོ ནཱམ ཝསཱིཀརཎཏྠཱཡ གྷརཎིཡཱ དིནྣབྷེསཛྫསམུཊྛིཏོ ཨཱབཱདྷོ། ཏེནཱཧ ‘‘ཝསཱིཀརཎཔཱཎཀསམུཊྛིཏརོགོ’’ཏི། གྷར-སདྡོ ཙེཏྠ ཨབྷེདེན གྷརཎིཡཱ ཝཏྟམཱནོ ཨདྷིཔྤེཏོ། ‘‘ཨཀཊཡཱུསེནཱཏི ཨནབྷིསངྑཏེན མུགྒཡཱུསེན། ཀཊཱཀཊེནཱཏི མུགྒེ པཙིཏྭཱ ཨཙཱལེཏྭཱཝ པརིསྶཱཝིཏེན མུགྒསཱུཔེནཱ’’ཏི གཎྛིཔདེསུ ཝུཏྟཾ།
269.Gharadinnakābādho nāma vasīkaraṇatthāya gharaṇiyā dinnabhesajjasamuṭṭhito ābādho. Tenāha ‘‘vasīkaraṇapāṇakasamuṭṭhitarogo’’ti. Ghara-saddo cettha abhedena gharaṇiyā vattamāno adhippeto. ‘‘Akaṭayūsenāti anabhisaṅkhatena muggayūsena. Kaṭākaṭenāti mugge pacitvā acāletvāva parissāvitena muggasūpenā’’ti gaṇṭhipadesu vuttaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝགྒཔཱལི༹ • Mahāvaggapāḷi
༡༦༠. པཉྩབྷེསཛྫཀཐཱ • 160. Pañcabhesajjakathā
༡༦༡. མཱུལཱདིབྷེསཛྫཀཐཱ • 161. Mūlādibhesajjakathā
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / པཉྩབྷེསཛྫཱདིཀཐཱ • Pañcabhesajjādikathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / པཉྩབྷེསཛྫཱདིཀཐཱཝཎྞནཱ • Pañcabhesajjādikathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / པཉྩབྷེསཛྫཱདིཀཐཱཝཎྞནཱ • Pañcabhesajjādikathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi
༡༦༠. པཉྩབྷེསཛྫཱདིཀཐཱ • 160. Pañcabhesajjādikathā
༡༦༡. མཱུལཱདིབྷེསཛྫཀཐཱ • 161. Mūlādibhesajjakathā
