| Library / Tipiṭaka / ཏིཔིཊཀ • Tipiṭaka / ཝིམཏིཝིནོདནཱི-ཊཱིཀཱ • Vimativinodanī-ṭīkā |
༦. བྷེསཛྫཀྑནྡྷཀོ
6. Bhesajjakkhandhako
པཉྩབྷེསཛྫཱདིཀཐཱཝཎྞནཱ
Pañcabhesajjādikathāvaṇṇanā
༢༦༠. བྷེསཛྫཀྑནྡྷཀེ པིཏྟཾ ཀོཊྛབྦྷནྟརགཏཾ ཧོཏཱིཏི བཧིསརཱིརེ བྱཱཔེཏྭཱ ཋིཏཾ ཨབདྡྷཔིཏྟཾ ཀོཊྛབྦྷནྟརགཏཾ ཧོཏི, ཏེན པིཏྟཾ ཀུཔིཏཾ ཧོཏཱིཏི ཨདྷིཔྤཱཡོ།
260. Bhesajjakkhandhake pittaṃ koṭṭhabbhantaragataṃ hotīti bahisarīre byāpetvā ṭhitaṃ abaddhapittaṃ koṭṭhabbhantaragataṃ hoti, tena pittaṃ kupitaṃ hotīti adhippāyo.
༢༦༡-༢. པཱལི༹ཡཾ ནཙྪཱདེནྟཱིཏི རུཙིཾ ན ཨུཔྤཱདེནྟི། སུསུཀཱཏི སམུདྡེ ཨེཀཱ མཙྪཛཱཏི, ཀུམྦྷིལཱཏིཔི ཝདནྟི། སཾསཊྛནྟི པརིསྶཱཝིཏཾ།
261-2. Pāḷiyaṃ nacchādentīti ruciṃ na uppādenti. Susukāti samudde ekā macchajāti, kumbhilātipi vadanti. Saṃsaṭṭhanti parissāvitaṃ.
༢༦༣. པིཊྛེཧཱིཏི པིསིཏེཧི། ཀསཱཝེཧཱིཏི ཏཙཱདཱིནི ཨུདཀེ ཏཱཔེཏྭཱ གཧིཏཨཱུསརེཧི། ཨུབྦྷིདནྟི ཨཱུསརཔཾསུམཡཾ། ལོཎབིལནྟི ལོཎཝིསེསོ།
263.Piṭṭhehīti pisitehi. Kasāvehīti tacādīni udake tāpetvā gahitaūsarehi. Ubbhidanti ūsarapaṃsumayaṃ. Loṇabilanti loṇaviseso.
༢༦༤-༥. ཚཀཎནྟི གོམཡཾ། པཱཀཏིཀཙུཎྞནྟི ཨཔཀྐཀསཱཝཙུཎྞཾ, གནྡྷཙུཎྞཾ པན ན ཝཊྚཏི། པཱལི༹ཡཾ ཙུཎྞཙཱལིནིནྟི ཨུདུཀྑལེ ཀོཊྚིཏཙུཎྞཔརིསྶཱཝནིཾ། སུཝཎྞགེརུཀོཏི སུཝཎྞཏུཏྠཱདི། པཱལི༹ཡཾ ཨཉྫནཱུཔཔིསནནྟི ཨཉྫནེ ཨུཔནེཏུཾ པིསིཏབྦབྷེསཛྫཾ།
264-5.Chakaṇanti gomayaṃ. Pākatikacuṇṇanti apakkakasāvacuṇṇaṃ, gandhacuṇṇaṃ pana na vaṭṭati. Pāḷiyaṃ cuṇṇacālininti udukkhale koṭṭitacuṇṇaparissāvaniṃ. Suvaṇṇagerukoti suvaṇṇatutthādi. Pāḷiyaṃ añjanūpapisananti añjane upanetuṃ pisitabbabhesajjaṃ.
༢༦༧-༩. ཀབལི༹ཀཱཏི ཨུཔནཱཧབྷེསཛྫཾ། གྷརདིནྣཀཱབཱདྷོ ནཱམ གྷརཎིཡཱ དིནྣཝསཱིཀརཎབྷེསཛྫསམུཊྛིཏཨཱབཱདྷོ། ཏཱཡ ཚཱརིཀཱཡ པགྒྷརིཏཾ ཁཱརོདཀནྟི པརིསྶཱཝནེ ཏཙྪཱརིཀཾ པཀྑིཔིཏྭཱ ཨུདཀེ ཨབྷིསིཉྩིཏེ ཏཏོ ཚཱརིཀཏོ ཧེཊྛཱ པགྒྷརིཏཾ ཁཱརོདཀཾ། པཱལི༹ཡཾ ཨཀཊཡཱུསེནཱཏི ཨནབྷིསངྑཏེན མུགྒཡཱུསེན། ཀཊཱཀཊེནཱཏི མུགྒེ པཙིཏྭཱ ཨཙཱལེཏྭཱ པརིསྶཱཝིཏེན མུགྒཡཱུསེནཱཏི ཝདནྟི།
267-9.Kabaḷikāti upanāhabhesajjaṃ. Gharadinnakābādho nāma gharaṇiyā dinnavasīkaraṇabhesajjasamuṭṭhitaābādho. Tāya chārikāya paggharitaṃ khārodakanti parissāvane tacchārikaṃ pakkhipitvā udake abhisiñcite tato chārikato heṭṭhā paggharitaṃ khārodakaṃ. Pāḷiyaṃ akaṭayūsenāti anabhisaṅkhatena muggayūsena. Kaṭākaṭenāti mugge pacitvā acāletvā parissāvitena muggayūsenāti vadanti.
པཉྩབྷེསཛྫཱདིཀཐཱཝཎྞནཱ ནིཊྛིཏཱ།
Pañcabhesajjādikathāvaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝགྒཔཱལི༹ • Mahāvaggapāḷi
༡༦༠. པཉྩབྷེསཛྫཀཐཱ • 160. Pañcabhesajjakathā
༡༦༡. མཱུལཱདིབྷེསཛྫཀཐཱ • 161. Mūlādibhesajjakathā
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / པཉྩབྷེསཛྫཱདིཀཐཱ • Pañcabhesajjādikathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / པཉྩབྷེསཛྫཱདིཀཐཱཝཎྞནཱ • Pañcabhesajjādikathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / པཉྩབྷེསཛྫཱདིཀཐཱཝཎྞནཱ • Pañcabhesajjādikathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi
༡༦༠. པཉྩབྷེསཛྫཱདིཀཐཱ • 160. Pañcabhesajjādikathā
༡༦༡. མཱུལཱདིབྷེསཛྫཀཐཱ • 161. Mūlādibhesajjakathā
