| Library / Tipiṭaka / তিপিটক • Tipiṭaka / অপদানপাল়ি • Apadānapāḷi |
৭. পঞ্চদীপকত্থেরঅপদানং
7. Pañcadīpakattheraapadānaṃ
৫০.
50.
‘‘পদুমুত্তরবুদ্ধস্স, সব্বভূতানুকম্পিনো।
‘‘Padumuttarabuddhassa, sabbabhūtānukampino;
৫১.
51.
‘‘পদীপদানং পাদাসিং, পরিৰারেত্ৰান বোধিযং।
‘‘Padīpadānaṃ pādāsiṃ, parivāretvāna bodhiyaṃ;
সদ্দহন্তো পদীপানি, অকরিং তাৰদে অহং॥
Saddahanto padīpāni, akariṃ tāvade ahaṃ.
৫২.
52.
‘‘যং যং যোনুপপজ্জামি, দেৰত্তং অথ মানুসং।
‘‘Yaṃ yaṃ yonupapajjāmi, devattaṃ atha mānusaṃ;
আকাসে উক্কং ধারেন্তি, দীপদানস্সিদং ফলং॥
Ākāse ukkaṃ dhārenti, dīpadānassidaṃ phalaṃ.
৫৩.
53.
‘‘তিরোকুট্টং তিরোসেলং, সমতিগ্গয্হ পব্বতং।
‘‘Tirokuṭṭaṃ tiroselaṃ, samatiggayha pabbataṃ;
সমন্তা যোজনসতং, দস্সনং অনুভোমহং॥
Samantā yojanasataṃ, dassanaṃ anubhomahaṃ.
৫৪.
54.
‘‘তেন কম্মাৰসেসেন, পত্তোম্হি আসৰক্খযং।
‘‘Tena kammāvasesena, pattomhi āsavakkhayaṃ;
ধারেমি অন্তিমং দেহং, দ্ৰিপদিন্দস্স সাসনে॥
Dhāremi antimaṃ dehaṃ, dvipadindassa sāsane.
৫৫.
55.
‘‘চতুত্তিংসে কপ্পসতে, সতচক্খুসনামকা।
‘‘Catuttiṃse kappasate, satacakkhusanāmakā;
রাজাহেসুং মহাতেজা, চক্কৰত্তী মহব্বলা॥
Rājāhesuṃ mahātejā, cakkavattī mahabbalā.
৫৬.
56.
‘‘পটিসম্ভিদা চতস্সো…পে॰… কতং বুদ্ধস্স সাসনং’’॥
‘‘Paṭisambhidā catasso…pe… kataṃ buddhassa sāsanaṃ’’.
ইত্থং সুদং আযস্মা পঞ্চদীপকো থেরো ইমা গাথাযো অভাসিত্থাতি।
Itthaṃ sudaṃ āyasmā pañcadīpako thero imā gāthāyo abhāsitthāti.
পঞ্চদীপকত্থেরস্সাপদানং সত্তমং।
Pañcadīpakattherassāpadānaṃ sattamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / অপদান-অট্ঠকথা • Apadāna-aṭṭhakathā / ৭. পঞ্চদীপকত্থেরঅপদানৰণ্ণনা • 7. Pañcadīpakattheraapadānavaṇṇanā
