| Library / Tipiṭaka / तिपिटक • Tipiṭaka / अपदानपाळि • Apadānapāḷi |
७. पञ्चदीपकत्थेरअपदानं
7. Pañcadīpakattheraapadānaṃ
५०.
50.
‘‘पदुमुत्तरबुद्धस्स, सब्बभूतानुकम्पिनो।
‘‘Padumuttarabuddhassa, sabbabhūtānukampino;
५१.
51.
‘‘पदीपदानं पादासिं, परिवारेत्वान बोधियं।
‘‘Padīpadānaṃ pādāsiṃ, parivāretvāna bodhiyaṃ;
सद्दहन्तो पदीपानि, अकरिं तावदे अहं॥
Saddahanto padīpāni, akariṃ tāvade ahaṃ.
५२.
52.
‘‘यं यं योनुपपज्जामि, देवत्तं अथ मानुसं।
‘‘Yaṃ yaṃ yonupapajjāmi, devattaṃ atha mānusaṃ;
आकासे उक्कं धारेन्ति, दीपदानस्सिदं फलं॥
Ākāse ukkaṃ dhārenti, dīpadānassidaṃ phalaṃ.
५३.
53.
‘‘तिरोकुट्टं तिरोसेलं, समतिग्गय्ह पब्बतं।
‘‘Tirokuṭṭaṃ tiroselaṃ, samatiggayha pabbataṃ;
समन्ता योजनसतं, दस्सनं अनुभोमहं॥
Samantā yojanasataṃ, dassanaṃ anubhomahaṃ.
५४.
54.
‘‘तेन कम्मावसेसेन, पत्तोम्हि आसवक्खयं।
‘‘Tena kammāvasesena, pattomhi āsavakkhayaṃ;
धारेमि अन्तिमं देहं, द्विपदिन्दस्स सासने॥
Dhāremi antimaṃ dehaṃ, dvipadindassa sāsane.
५५.
55.
‘‘चतुत्तिंसे कप्पसते, सतचक्खुसनामका।
‘‘Catuttiṃse kappasate, satacakkhusanāmakā;
राजाहेसुं महातेजा, चक्कवत्ती महब्बला॥
Rājāhesuṃ mahātejā, cakkavattī mahabbalā.
५६.
56.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा पञ्चदीपको थेरो इमा गाथायो अभासित्थाति।
Itthaṃ sudaṃ āyasmā pañcadīpako thero imā gāthāyo abhāsitthāti.
पञ्चदीपकत्थेरस्सापदानं सत्तमं।
Pañcadīpakattherassāpadānaṃ sattamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ७. पञ्चदीपकत्थेरअपदानवण्णना • 7. Pañcadīpakattheraapadānavaṇṇanā
