| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೭. ಪಞ್ಚದೀಪಕತ್ಥೇರಅಪದಾನಂ
7. Pañcadīpakattheraapadānaṃ
೫೦.
50.
‘‘ಪದುಮುತ್ತರಬುದ್ಧಸ್ಸ, ಸಬ್ಬಭೂತಾನುಕಮ್ಪಿನೋ।
‘‘Padumuttarabuddhassa, sabbabhūtānukampino;
೫೧.
51.
‘‘ಪದೀಪದಾನಂ ಪಾದಾಸಿಂ, ಪರಿವಾರೇತ್ವಾನ ಬೋಧಿಯಂ।
‘‘Padīpadānaṃ pādāsiṃ, parivāretvāna bodhiyaṃ;
ಸದ್ದಹನ್ತೋ ಪದೀಪಾನಿ, ಅಕರಿಂ ತಾವದೇ ಅಹಂ॥
Saddahanto padīpāni, akariṃ tāvade ahaṃ.
೫೨.
52.
‘‘ಯಂ ಯಂ ಯೋನುಪಪಜ್ಜಾಮಿ, ದೇವತ್ತಂ ಅಥ ಮಾನುಸಂ।
‘‘Yaṃ yaṃ yonupapajjāmi, devattaṃ atha mānusaṃ;
ಆಕಾಸೇ ಉಕ್ಕಂ ಧಾರೇನ್ತಿ, ದೀಪದಾನಸ್ಸಿದಂ ಫಲಂ॥
Ākāse ukkaṃ dhārenti, dīpadānassidaṃ phalaṃ.
೫೩.
53.
‘‘ತಿರೋಕುಟ್ಟಂ ತಿರೋಸೇಲಂ, ಸಮತಿಗ್ಗಯ್ಹ ಪಬ್ಬತಂ।
‘‘Tirokuṭṭaṃ tiroselaṃ, samatiggayha pabbataṃ;
ಸಮನ್ತಾ ಯೋಜನಸತಂ, ದಸ್ಸನಂ ಅನುಭೋಮಹಂ॥
Samantā yojanasataṃ, dassanaṃ anubhomahaṃ.
೫೪.
54.
‘‘ತೇನ ಕಮ್ಮಾವಸೇಸೇನ, ಪತ್ತೋಮ್ಹಿ ಆಸವಕ್ಖಯಂ।
‘‘Tena kammāvasesena, pattomhi āsavakkhayaṃ;
ಧಾರೇಮಿ ಅನ್ತಿಮಂ ದೇಹಂ, ದ್ವಿಪದಿನ್ದಸ್ಸ ಸಾಸನೇ॥
Dhāremi antimaṃ dehaṃ, dvipadindassa sāsane.
೫೫.
55.
‘‘ಚತುತ್ತಿಂಸೇ ಕಪ್ಪಸತೇ, ಸತಚಕ್ಖುಸನಾಮಕಾ।
‘‘Catuttiṃse kappasate, satacakkhusanāmakā;
ರಾಜಾಹೇಸುಂ ಮಹಾತೇಜಾ, ಚಕ್ಕವತ್ತೀ ಮಹಬ್ಬಲಾ॥
Rājāhesuṃ mahātejā, cakkavattī mahabbalā.
೫೬.
56.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಪಞ್ಚದೀಪಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā pañcadīpako thero imā gāthāyo abhāsitthāti.
ಪಞ್ಚದೀಪಕತ್ಥೇರಸ್ಸಾಪದಾನಂ ಸತ್ತಮಂ।
Pañcadīpakattherassāpadānaṃ sattamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೭. ಪಞ್ಚದೀಪಕತ್ಥೇರಅಪದಾನವಣ್ಣನಾ • 7. Pañcadīpakattheraapadānavaṇṇanā
