| Library / Tipiṭaka / තිපිටක • Tipiṭaka / අපදානපාළි • Apadānapāḷi |
7. පඤ්‌චදීපකත්‌ථෙරඅපදානං
7. Pañcadīpakattheraapadānaṃ
50.
50.
‘‘පදුමුත්‌තරබුද්‌ධස්‌ස, සබ්‌බභූතානුකම්‌පිනො;
‘‘Padumuttarabuddhassa, sabbabhūtānukampino;
51.
51.
‘‘පදීපදානං පාදාසිං, පරිවාරෙත්‌වාන බොධියං;
‘‘Padīpadānaṃ pādāsiṃ, parivāretvāna bodhiyaṃ;
සද්‌දහන්‌තො පදීපානි, අකරිං තාවදෙ අහං.
Saddahanto padīpāni, akariṃ tāvade ahaṃ.
52.
52.
‘‘යං යං යොනුපපජ්‌ජාමි, දෙවත්‌තං අථ මානුසං;
‘‘Yaṃ yaṃ yonupapajjāmi, devattaṃ atha mānusaṃ;
ආකාසෙ උක්‌කං ධාරෙන්‌ති, දීපදානස්‌සිදං ඵලං.
Ākāse ukkaṃ dhārenti, dīpadānassidaṃ phalaṃ.
53.
53.
‘‘තිරොකුට්‌ටං තිරොසෙලං, සමතිග්‌ගය්‌හ පබ්‌බතං;
‘‘Tirokuṭṭaṃ tiroselaṃ, samatiggayha pabbataṃ;
සමන්‌තා යොජනසතං, දස්‌සනං අනුභොමහං.
Samantā yojanasataṃ, dassanaṃ anubhomahaṃ.
54.
54.
‘‘තෙන කම්‌මාවසෙසෙන, පත්‌තොම්‌හි ආසවක්‌ඛයං;
‘‘Tena kammāvasesena, pattomhi āsavakkhayaṃ;
ධාරෙමි අන්‌තිමං දෙහං, ද්‌විපදින්‌දස්‌ස සාසනෙ.
Dhāremi antimaṃ dehaṃ, dvipadindassa sāsane.
55.
55.
‘‘චතුත්‌තිංසෙ කප්‌පසතෙ, සතචක්‌ඛුසනාමකා;
‘‘Catuttiṃse kappasate, satacakkhusanāmakā;
රාජාහෙසුං මහාතෙජා, චක්‌කවත්‌තී මහබ්‌බලා.
Rājāhesuṃ mahātejā, cakkavattī mahabbalā.
56.
56.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා පඤ්‌චදීපකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā pañcadīpako thero imā gāthāyo abhāsitthāti.
පඤ්‌චදීපකත්‌ථෙරස්‌සාපදානං සත්‌තමං.
Pañcadīpakattherassāpadānaṃ sattamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 7. පඤ්‌චදීපකත්‌ථෙරඅපදානවණ්‌ණනා • 7. Pañcadīpakattheraapadānavaṇṇanā
