| Library / Tipiṭaka / তিপিটক • Tipiṭaka / অপদান-অট্ঠকথা • Apadāna-aṭṭhakathā |
৭. পঞ্চদীপকত্থেরঅপদানৰণ্ণনা
7. Pañcadīpakattheraapadānavaṇṇanā
পদুমুত্তরবুদ্ধস্সাতিআদিকং আযস্মতো পঞ্চদীপকত্থেরস্স অপদানং। অযম্পি পুরিমবুদ্ধেসু কতাধিকারো উপ্পন্নুপ্পন্নভৰেসু ৰিৰট্টূপনিস্সযানি পুঞ্ঞানি উপচিনন্তো পদুমুত্তরস্স ভগৰতো কালে কুলগেহে নিব্বত্তো ৰুদ্ধিমন্ৰায ঘরাৰাসে ৰসন্তো ভগৰতো ধম্মং সুত্ৰা সম্মাদিট্ঠিযং পতিট্ঠিতো সদ্ধো পসন্নো মহাজনেহি বোধিপূজং কযিরমানং দিস্ৰা সযম্পি বোধিং পরিৰারেত্ৰা দীপং জালেত্ৰা পূজেসি। সো তেন পুঞ্ঞকম্মেন দেৰমনুস্সেসু সংসরন্তো চক্কৰত্তিসম্পত্তিআদযো অনুভৰিত্ৰা সব্বত্থেৰ উপ্পন্নভৰে জলমানো জোতিসম্পন্নৰিমানাদীসু ৰসিত্ৰা ইমস্মিং বুদ্ধুপ্পাদে একস্মিং ৰিভৰসম্পন্নে কুলগেহে নিব্বত্তো ৰুদ্ধিপ্পত্তো সদ্ধাজাতো পব্বজিত্ৰা নচিরস্সেৰ অরহা অহোসি, দীপপূজানিস্সন্দেন দীপকত্থেরোতি পাকটো।
Padumuttarabuddhassātiādikaṃ āyasmato pañcadīpakattherassa apadānaṃ. Ayampi purimabuddhesu katādhikāro uppannuppannabhavesu vivaṭṭūpanissayāni puññāni upacinanto padumuttarassa bhagavato kāle kulagehe nibbatto vuddhimanvāya gharāvāse vasanto bhagavato dhammaṃ sutvā sammādiṭṭhiyaṃ patiṭṭhito saddho pasanno mahājanehi bodhipūjaṃ kayiramānaṃ disvā sayampi bodhiṃ parivāretvā dīpaṃ jāletvā pūjesi. So tena puññakammena devamanussesu saṃsaranto cakkavattisampattiādayo anubhavitvā sabbattheva uppannabhave jalamāno jotisampannavimānādīsu vasitvā imasmiṃ buddhuppāde ekasmiṃ vibhavasampanne kulagehe nibbatto vuddhippatto saddhājāto pabbajitvā nacirasseva arahā ahosi, dīpapūjānissandena dīpakattheroti pākaṭo.
৫০. সো একদিৰসং অত্তনো পুব্বকম্মং সরিত্ৰা সোমনস্সজাতো পুব্বচরিতাপদানং পকাসেন্তো পদুমুত্তরবুদ্ধস্সাতিআদিমাহ। তং ৰুত্তত্থমেৰ। উজুদিট্ঠি অহোসহন্তি ৰঙ্কং মিচ্ছাদিট্ঠিং ছড্ডেত্ৰা উজু অৰঙ্কং নিব্বানাভিমুখং পাপুণনসম্মাদিট্ঠি অহোসিন্তি অত্থো।
50. So ekadivasaṃ attano pubbakammaṃ saritvā somanassajāto pubbacaritāpadānaṃ pakāsento padumuttarabuddhassātiādimāha. Taṃ vuttatthameva. Ujudiṭṭhi ahosahanti vaṅkaṃ micchādiṭṭhiṃ chaḍḍetvā uju avaṅkaṃ nibbānābhimukhaṃ pāpuṇanasammādiṭṭhi ahosinti attho.
৫১. পদীপদানং পাদাসিন্তি এত্থ পকারেন দিব্বতি জোততীতি পদীপো, তস্স দানং পদীপদানং, তং অদাসিং পদীপপূজং অকাসিন্তি অত্থো। সেসং সব্বত্থ উত্তানত্থমেৰাতি।
51.Padīpadānaṃ pādāsinti ettha pakārena dibbati jotatīti padīpo, tassa dānaṃ padīpadānaṃ, taṃ adāsiṃ padīpapūjaṃ akāsinti attho. Sesaṃ sabbattha uttānatthamevāti.
পঞ্চদীপকত্থেরঅপদানৰণ্ণনা সমত্তা।
Pañcadīpakattheraapadānavaṇṇanā samattā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / খুদ্দকনিকায • Khuddakanikāya / অপদানপাল়ি • Apadānapāḷi / ৭. পঞ্চদীপকত্থেরঅপদানং • 7. Pañcadīpakattheraapadānaṃ
