| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੭. ਪਞ੍ਚਦੀਪਕਤ੍ਥੇਰਅਪਦਾਨવਣ੍ਣਨਾ
7. Pañcadīpakattheraapadānavaṇṇanā
ਪਦੁਮੁਤ੍ਤਰਬੁਦ੍ਧਸ੍ਸਾਤਿਆਦਿਕਂ ਆਯਸ੍ਮਤੋ ਪਞ੍ਚਦੀਪਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਉਪ੍ਪਨ੍ਨੁਪ੍ਪਨ੍ਨਭવੇਸੁ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਪਦੁਮੁਤ੍ਤਰਸ੍ਸ ਭਗવਤੋ ਕਾਲੇ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਘਰਾવਾਸੇ વਸਨ੍ਤੋ ਭਗવਤੋ ਧਮ੍ਮਂ ਸੁਤ੍વਾ ਸਮ੍ਮਾਦਿਟ੍ਠਿਯਂ ਪਤਿਟ੍ਠਿਤੋ ਸਦ੍ਧੋ ਪਸਨ੍ਨੋ ਮਹਾਜਨੇਹਿ ਬੋਧਿਪੂਜਂ ਕਯਿਰਮਾਨਂ ਦਿਸ੍વਾ ਸਯਮ੍ਪਿ ਬੋਧਿਂ ਪਰਿવਾਰੇਤ੍વਾ ਦੀਪਂ ਜਾਲੇਤ੍વਾ ਪੂਜੇਸਿ। ਸੋ ਤੇਨ ਪੁਞ੍ਞਕਮ੍ਮੇਨ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਚਕ੍ਕવਤ੍ਤਿਸਮ੍ਪਤ੍ਤਿਆਦਯੋ ਅਨੁਭવਿਤ੍વਾ ਸਬ੍ਬਤ੍ਥੇવ ਉਪ੍ਪਨ੍ਨਭવੇ ਜਲਮਾਨੋ ਜੋਤਿਸਮ੍ਪਨ੍ਨવਿਮਾਨਾਦੀਸੁ વਸਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਏਕਸ੍ਮਿਂ વਿਭવਸਮ੍ਪਨ੍ਨੇ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਪ੍ਪਤ੍ਤੋ ਸਦ੍ਧਾਜਾਤੋ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਅਹੋਸਿ, ਦੀਪਪੂਜਾਨਿਸ੍ਸਨ੍ਦੇਨ ਦੀਪਕਤ੍ਥੇਰੋਤਿ ਪਾਕਟੋ।
Padumuttarabuddhassātiādikaṃ āyasmato pañcadīpakattherassa apadānaṃ. Ayampi purimabuddhesu katādhikāro uppannuppannabhavesu vivaṭṭūpanissayāni puññāni upacinanto padumuttarassa bhagavato kāle kulagehe nibbatto vuddhimanvāya gharāvāse vasanto bhagavato dhammaṃ sutvā sammādiṭṭhiyaṃ patiṭṭhito saddho pasanno mahājanehi bodhipūjaṃ kayiramānaṃ disvā sayampi bodhiṃ parivāretvā dīpaṃ jāletvā pūjesi. So tena puññakammena devamanussesu saṃsaranto cakkavattisampattiādayo anubhavitvā sabbattheva uppannabhave jalamāno jotisampannavimānādīsu vasitvā imasmiṃ buddhuppāde ekasmiṃ vibhavasampanne kulagehe nibbatto vuddhippatto saddhājāto pabbajitvā nacirasseva arahā ahosi, dīpapūjānissandena dīpakattheroti pākaṭo.
੫੦. ਸੋ ਏਕਦਿવਸਂ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਪਦੁਮੁਤ੍ਤਰਬੁਦ੍ਧਸ੍ਸਾਤਿਆਦਿਮਾਹ। ਤਂ વੁਤ੍ਤਤ੍ਥਮੇવ। ਉਜੁਦਿਟ੍ਠਿ ਅਹੋਸਹਨ੍ਤਿ વਙ੍ਕਂ ਮਿਚ੍ਛਾਦਿਟ੍ਠਿਂ ਛਡ੍ਡੇਤ੍વਾ ਉਜੁ ਅવਙ੍ਕਂ ਨਿਬ੍ਬਾਨਾਭਿਮੁਖਂ ਪਾਪੁਣਨਸਮ੍ਮਾਦਿਟ੍ਠਿ ਅਹੋਸਿਨ੍ਤਿ ਅਤ੍ਥੋ।
50. So ekadivasaṃ attano pubbakammaṃ saritvā somanassajāto pubbacaritāpadānaṃ pakāsento padumuttarabuddhassātiādimāha. Taṃ vuttatthameva. Ujudiṭṭhi ahosahanti vaṅkaṃ micchādiṭṭhiṃ chaḍḍetvā uju avaṅkaṃ nibbānābhimukhaṃ pāpuṇanasammādiṭṭhi ahosinti attho.
੫੧. ਪਦੀਪਦਾਨਂ ਪਾਦਾਸਿਨ੍ਤਿ ਏਤ੍ਥ ਪਕਾਰੇਨ ਦਿਬ੍ਬਤਿ ਜੋਤਤੀਤਿ ਪਦੀਪੋ, ਤਸ੍ਸ ਦਾਨਂ ਪਦੀਪਦਾਨਂ, ਤਂ ਅਦਾਸਿਂ ਪਦੀਪਪੂਜਂ ਅਕਾਸਿਨ੍ਤਿ ਅਤ੍ਥੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਤ੍ਥਮੇવਾਤਿ।
51.Padīpadānaṃ pādāsinti ettha pakārena dibbati jotatīti padīpo, tassa dānaṃ padīpadānaṃ, taṃ adāsiṃ padīpapūjaṃ akāsinti attho. Sesaṃ sabbattha uttānatthamevāti.
ਪਞ੍ਚਦੀਪਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Pañcadīpakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੭. ਪਞ੍ਚਦੀਪਕਤ੍ਥੇਰਅਪਦਾਨਂ • 7. Pañcadīpakattheraapadānaṃ
