| Library / Tipiṭaka / තිපිටක • Tipiṭaka / අපදානපාළි • Apadānapāḷi |
5. පඤ්‌චහත්‌ථියත්‌ථෙරඅපදානං
5. Pañcahatthiyattheraapadānaṃ
77.
77.
‘‘සුමෙධො නාම සම්‌බුද්‌ධො, ගච්‌ඡතෙ අන්‌තරාපණෙ;
‘‘Sumedho nāma sambuddho, gacchate antarāpaṇe;
ඔක්‌ඛිත්‌තචක්‌ඛු 1 මිතභාණී, සතිමා සංවුතින්‌ද්‍රියො.
Okkhittacakkhu 2 mitabhāṇī, satimā saṃvutindriyo.
78.
78.
‘‘පඤ්‌ච උප්‌පලහත්‌ථානි, ආවෙළත්‌ථං අහංසු මෙ;
‘‘Pañca uppalahatthāni, āveḷatthaṃ ahaṃsu me;
තෙන බුද්‌ධං අපූජෙසිං, පසන්‌නො සෙහි පාණිභි.
Tena buddhaṃ apūjesiṃ, pasanno sehi pāṇibhi.
79.
79.
‘‘ආරොපිතා ච තෙ පුප්‌ඵා, ඡදනං අස්‌සු සත්‌ථුනො;
‘‘Āropitā ca te pupphā, chadanaṃ assu satthuno;
80.
80.
‘‘තිංසකප්‌පසහස්‌සම්‌හි , යං පුප්‌ඵමභිරොපයිං;
‘‘Tiṃsakappasahassamhi , yaṃ pupphamabhiropayiṃ;
දුග්‌ගතිං නාභිජානාමි, බුද්‌ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
81.
81.
‘‘ඉතො වීසකප්‌පසතෙ, අහෙසුං පඤ්‌ච ඛත්‌තියා;
‘‘Ito vīsakappasate, ahesuṃ pañca khattiyā;
හත්‌ථියා නාම නාමෙන, චක්‌කවත්‌තී මහබ්‌බලා.
Hatthiyā nāma nāmena, cakkavattī mahabbalā.
82.
82.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා පඤ්‌චහත්‌ථියො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā pañcahatthiyo thero imā gāthāyo abhāsitthāti.
පඤ්‌චහත්‌ථියත්‌ථෙරස්‌සාපදානං පඤ්‌චමං.
Pañcahatthiyattherassāpadānaṃ pañcamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 5. පඤ්‌චහත්‌ථියත්‌ථෙරඅපදානවණ්‌ණනා • 5. Pañcahatthiyattheraapadānavaṇṇanā
