| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
5. бан̃жахад̇т̇ияад̇т̇зраабад̣̇аанаван̣н̣анаа
5. Pañcahatthiyattheraapadānavaṇṇanā
сумзд̇хо наама самб̣уд̣̇д̇ход̇иаад̣̇игам̣ ааяасмад̇о бан̃жахад̇т̇ияад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о сумзд̇хасса бхаг̇авад̇о гаалз згасмим̣ гулаг̇зхз ниб̣б̣ад̇д̇о вин̃н̃уд̇ам̣ бад̇ваа рад̇анад̇д̇аяз басанно вихааси. д̇асмим̣ самаяз бан̃жауббалахад̇т̇аани аанзсум̣. со д̇зхи бан̃жауббалахад̇т̇зхи вийт̇ияам̣ жарамаанам̣ сумзд̇хам̣ бхаг̇аванд̇ам̣ бууж̇зси. д̇аани г̇анд̇ваа аагаасз вид̇аанам̣ худ̇ваа чааяам̣ гурумаанаани д̇ат̇ааг̇ад̇знзва сад̣̇д̇хим̣ г̇ажчим̣су. со д̇ам̣ д̣̇исваа соманассаж̇аад̇о бийд̇ияаа пудтасарийро яааваж̇ийвам̣ д̇ад̣̇зва бун̃н̃ам̣ ануссарид̇ваа д̇ад̇о жуд̇о д̣̇звалогз ниб̣б̣ад̇д̇о абараабарам̣ сам̣саранд̇о имасмим̣ б̣уд̣̇д̇хуббаад̣̇з згасмим̣ гулаг̇зхз ниб̣б̣ад̇д̇о вин̃н̃уд̇ам̣ бад̇д̇о сад̣̇д̇хааж̇аад̇о баб̣б̣аж̇ид̇ваа вибассанам̣ вад̣дхзд̇ваа нажирассзва арахаа ахоси. гад̇агусаланаамзна бан̃жахад̇т̇ияад̇т̇зрод̇и баагадо.
Sumedhonāma sambuddhotiādikaṃ āyasmato pañcahatthiyattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto sumedhassa bhagavato kāle ekasmiṃ kulagehe nibbatto viññutaṃ patvā ratanattaye pasanno vihāsi. Tasmiṃ samaye pañcauppalahatthāni ānesuṃ. So tehi pañcauppalahatthehi vīthiyaṃ caramānaṃ sumedhaṃ bhagavantaṃ pūjesi. Tāni gantvā ākāse vitānaṃ hutvā chāyaṃ kurumānāni tathāgateneva saddhiṃ gacchiṃsu. So taṃ disvā somanassajāto pītiyā phuṭṭhasarīro yāvajīvaṃ tadeva puññaṃ anussaritvā tato cuto devaloke nibbatto aparāparaṃ saṃsaranto imasmiṃ buddhuppāde ekasmiṃ kulagehe nibbatto viññutaṃ patto saddhājāto pabbajitvā vipassanaṃ vaḍḍhetvā nacirasseva arahā ahosi. Katakusalanāmena pañcahatthiyattheroti pākaṭo.
77. со ад̇д̇ано буб̣б̣агаммам̣ сарид̇ваа бажжагкад̇о бан̃н̃ааяа д̣̇идтабуб̣б̣ажарид̇аабад̣̇аанам̣ багаасзнд̇о сумзд̇хо наама самб̣уд̣̇д̇ход̇иаад̣̇имааха. д̇ад̇т̇а сумзд̇ход̇и сунд̣̇араа мзд̇хаа жад̇усажжабадивзд̇хабадисамбхид̣̇аад̣̇аяо бан̃н̃аа яасса со бхаг̇аваа сумзд̇хо самб̣уд̣̇д̇хо анд̇араабан̣з анд̇аравийт̇ияам̣ г̇ажчад̇ийд̇и самб̣анд̇хо. огкид̇д̇ажагкууд̇и ад̇хокид̇д̇ажагку. мид̇абхаан̣ийд̇и бамаан̣ам̣ н̃ад̇ваа бхан̣анасийло, бамаан̣ам̣ ж̇аанид̇ваа д̇хаммам̣ д̣̇зсзсийд̇и ад̇т̇о. сзсам̣ сувин̃н̃зяяамзваад̇и.
77. So attano pubbakammaṃ saritvā paccakkhato paññāya diṭṭhapubbacaritāpadānaṃ pakāsento sumedho nāma sambuddhotiādimāha. Tattha sumedhoti sundarā medhā catusaccapaṭivedhapaṭisambhidādayo paññā yassa so bhagavā sumedho sambuddho antarāpaṇe antaravīthiyaṃ gacchatīti sambandho. Okkhittacakkhūti adhokhittacakkhu. Mitabhāṇīti pamāṇaṃ ñatvā bhaṇanasīlo, pamāṇaṃ jānitvā dhammaṃ desesīti attho. Sesaṃ suviññeyyamevāti.
бан̃жахад̇т̇ияад̇т̇зраабад̣̇аанаван̣н̣анаа самад̇д̇аа.
Pañcahatthiyattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 5. бан̃жахад̇т̇ияад̇т̇зраабад̣̇аанам̣ • 5. Pañcahatthiyattheraapadānaṃ
