| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੫. ਪਞ੍ਚਹਤ੍ਥਿਯਤ੍ਥੇਰਅਪਦਾਨવਣ੍ਣਨਾ
5. Pañcahatthiyattheraapadānavaṇṇanā
ਸੁਮੇਧੋ ਨਾਮ ਸਮ੍ਬੁਦ੍ਧੋਤਿਆਦਿਕਂ ਆਯਸ੍ਮਤੋ ਪਞ੍ਚਹਤ੍ਥਿਯਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਸੁਮੇਧਸ੍ਸ ਭਗવਤੋ ਕਾਲੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍વਾ ਰਤਨਤ੍ਤਯੇ ਪਸਨ੍ਨੋ વਿਹਾਸਿ। ਤਸ੍ਮਿਂ ਸਮਯੇ ਪਞ੍ਚਉਪ੍ਪਲਹਤ੍ਥਾਨਿ ਆਨੇਸੁਂ। ਸੋ ਤੇਹਿ ਪਞ੍ਚਉਪ੍ਪਲਹਤ੍ਥੇਹਿ વੀਥਿਯਂ ਚਰਮਾਨਂ ਸੁਮੇਧਂ ਭਗવਨ੍ਤਂ ਪੂਜੇਸਿ। ਤਾਨਿ ਗਨ੍ਤ੍વਾ ਆਕਾਸੇ વਿਤਾਨਂ ਹੁਤ੍વਾ ਛਾਯਂ ਕੁਰੁਮਾਨਾਨਿ ਤਥਾਗਤੇਨੇવ ਸਦ੍ਧਿਂ ਗਚ੍ਛਿਂਸੁ। ਸੋ ਤਂ ਦਿਸ੍વਾ ਸੋਮਨਸ੍ਸਜਾਤੋ ਪੀਤਿਯਾ ਫੁਟ੍ਠਸਰੀਰੋ ਯਾવਜੀવਂ ਤਦੇવ ਪੁਞ੍ਞਂ ਅਨੁਸ੍ਸਰਿਤ੍વਾ ਤਤੋ ਚੁਤੋ ਦੇવਲੋਕੇ ਨਿਬ੍ਬਤ੍ਤੋ ਅਪਰਾਪਰਂ ਸਂਸਰਨ੍ਤੋ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਸਦ੍ਧਾਜਾਤੋ ਪਬ੍ਬਜਿਤ੍વਾ વਿਪਸ੍ਸਨਂ વਡ੍ਢੇਤ੍વਾ ਨਚਿਰਸ੍ਸੇવ ਅਰਹਾ ਅਹੋਸਿ। ਕਤਕੁਸਲਨਾਮੇਨ ਪਞ੍ਚਹਤ੍ਥਿਯਤ੍ਥੇਰੋਤਿ ਪਾਕਟੋ।
Sumedhonāma sambuddhotiādikaṃ āyasmato pañcahatthiyattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto sumedhassa bhagavato kāle ekasmiṃ kulagehe nibbatto viññutaṃ patvā ratanattaye pasanno vihāsi. Tasmiṃ samaye pañcauppalahatthāni ānesuṃ. So tehi pañcauppalahatthehi vīthiyaṃ caramānaṃ sumedhaṃ bhagavantaṃ pūjesi. Tāni gantvā ākāse vitānaṃ hutvā chāyaṃ kurumānāni tathāgateneva saddhiṃ gacchiṃsu. So taṃ disvā somanassajāto pītiyā phuṭṭhasarīro yāvajīvaṃ tadeva puññaṃ anussaritvā tato cuto devaloke nibbatto aparāparaṃ saṃsaranto imasmiṃ buddhuppāde ekasmiṃ kulagehe nibbatto viññutaṃ patto saddhājāto pabbajitvā vipassanaṃ vaḍḍhetvā nacirasseva arahā ahosi. Katakusalanāmena pañcahatthiyattheroti pākaṭo.
੭੭. ਸੋ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਪਚ੍ਚਕ੍ਖਤੋ ਪਞ੍ਞਾਯ ਦਿਟ੍ਠਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਸੁਮੇਧੋ ਨਾਮ ਸਮ੍ਬੁਦ੍ਧੋਤਿਆਦਿਮਾਹ। ਤਤ੍ਥ ਸੁਮੇਧੋਤਿ ਸੁਨ੍ਦਰਾ ਮੇਧਾ ਚਤੁਸਚ੍ਚਪਟਿવੇਧਪਟਿਸਮ੍ਭਿਦਾਦਯੋ ਪਞ੍ਞਾ ਯਸ੍ਸ ਸੋ ਭਗવਾ ਸੁਮੇਧੋ ਸਮ੍ਬੁਦ੍ਧੋ ਅਨ੍ਤਰਾਪਣੇ ਅਨ੍ਤਰવੀਥਿਯਂ ਗਚ੍ਛਤੀਤਿ ਸਮ੍ਬਨ੍ਧੋ। ਓਕ੍ਖਿਤ੍ਤਚਕ੍ਖੂਤਿ ਅਧੋਖਿਤ੍ਤਚਕ੍ਖੁ। ਮਿਤਭਾਣੀਤਿ ਪਮਾਣਂ ਞਤ੍વਾ ਭਣਨਸੀਲੋ, ਪਮਾਣਂ ਜਾਨਿਤ੍વਾ ਧਮ੍ਮਂ ਦੇਸੇਸੀਤਿ ਅਤ੍ਥੋ। ਸੇਸਂ ਸੁવਿਞ੍ਞੇਯ੍ਯਮੇવਾਤਿ।
77. So attano pubbakammaṃ saritvā paccakkhato paññāya diṭṭhapubbacaritāpadānaṃ pakāsento sumedho nāma sambuddhotiādimāha. Tattha sumedhoti sundarā medhā catusaccapaṭivedhapaṭisambhidādayo paññā yassa so bhagavā sumedho sambuddho antarāpaṇe antaravīthiyaṃ gacchatīti sambandho. Okkhittacakkhūti adhokhittacakkhu. Mitabhāṇīti pamāṇaṃ ñatvā bhaṇanasīlo, pamāṇaṃ jānitvā dhammaṃ desesīti attho. Sesaṃ suviññeyyamevāti.
ਪਞ੍ਚਹਤ੍ਥਿਯਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Pañcahatthiyattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੫. ਪਞ੍ਚਹਤ੍ਥਿਯਤ੍ਥੇਰਅਪਦਾਨਂ • 5. Pañcahatthiyattheraapadānaṃ
