| Library / Tipiṭaka / திபிடக • Tipiṭaka / த⁴ம்மஸங்க³ணீ-மூலடீகா • Dhammasaṅgaṇī-mūlaṭīkā |
பஞ்சகனயவண்ணனா
Pañcakanayavaṇṇanā
167. யஸ்ஸா பன த⁴ம்மதா⁴துயாதி ஸப்³ப³ஞ்ஞுதஞ்ஞாணஸ்ஸ. தேன ஹி த⁴ம்மானங் ஆகாரபே⁴த³ங் ஞத்வா தத³னுரூபங் தே³ஸனங் நியாமேதீதி. எத்த² ச பஞ்சகனயே து³தியஜ்ஜா²னங் சதுக்கனயே து³தியஜ்ஜா²னபக்கி²கங் கத்வா விப⁴த்தங் ‘‘யஸ்மிங்…பே॰… மக்³க³ங் பா⁴வேதி அவிதக்கங் விசாரமத்தங் ஸமாதி⁴ஜங் பீதிஸுக²ங் து³தியஜ்ஜா²னங் உபஸம்பஜ்ஜ விஹரதீ’’தி. கஸ்மா? ஏகத்தகாயனானத்தஸஞ்ஞீஸத்தாவாஸப²லதாய து³தியஜ்ஜா²னேன ஸமானப²லத்தா பட²மஜ்ஜா²னஸமாதி⁴தோ ஜாதத்தா ச. பட²மஜ்ஜா²னமேவ ஹி காமேஹி அகுஸலேஹி ச விவித்தந்தி தத³பா⁴வா ந இத⁴ ‘‘விவிச்சேவ காமேஹி விவிச்ச அகுஸலேஹீ’’தி ஸக்கா வத்துங், நாபி ‘‘விவேகஜ’’ந்தி. ஸுத்தந்ததே³ஸனாஸு ச பஞ்சகனயே து³தியததியஜ்ஜா²னானி து³தியஜ்ஜா²னமேவ ப⁴ஜந்தி விதக்கவூபஸமா விசாரவூபஸமா அவிதக்கத்தா அவிசாரத்தா சாதி.
167. Yassā pana dhammadhātuyāti sabbaññutaññāṇassa. Tena hi dhammānaṃ ākārabhedaṃ ñatvā tadanurūpaṃ desanaṃ niyāmetīti. Ettha ca pañcakanaye dutiyajjhānaṃ catukkanaye dutiyajjhānapakkhikaṃ katvā vibhattaṃ ‘‘yasmiṃ…pe… maggaṃ bhāveti avitakkaṃ vicāramattaṃ samādhijaṃ pītisukhaṃ dutiyajjhānaṃ upasampajja viharatī’’ti. Kasmā? Ekattakāyanānattasaññīsattāvāsaphalatāya dutiyajjhānena samānaphalattā paṭhamajjhānasamādhito jātattā ca. Paṭhamajjhānameva hi kāmehi akusalehi ca vivittanti tadabhāvā na idha ‘‘vivicceva kāmehi vivicca akusalehī’’ti sakkā vattuṃ, nāpi ‘‘vivekaja’’nti. Suttantadesanāsu ca pañcakanaye dutiyatatiyajjhānāni dutiyajjhānameva bhajanti vitakkavūpasamā vicāravūpasamā avitakkattā avicārattā cāti.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / த⁴ம்மஸங்க³ணீபாளி • Dhammasaṅgaṇīpāḷi / ரூபாவசரகுஸலங் • Rūpāvacarakusalaṃ
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / த⁴ம்மஸங்க³ணி-அட்ட²கதா² • Dhammasaṅgaṇi-aṭṭhakathā / பஞ்சகனயோ • Pañcakanayo
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / த⁴ம்மஸங்க³ணீ-அனுடீகா • Dhammasaṅgaṇī-anuṭīkā / பஞ்சகனயவண்ணனா • Pañcakanayavaṇṇanā
