| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
бан̃жаганаяо
Pañcakanayo
167. ид̣̇аани гад̇амз д̇хаммаа гусалаад̇и бан̃жаганаяо аарад̣̇д̇хо. гасмаад̇и жз, буг̇г̇алаж̇жхаасаяавасзна жзва д̣̇зсанаавилаасзна жа. саннисиннад̣̇звабарисааяа гира згажжаанам̣ д̣̇зваанам̣ вид̇агго зва ол̣ааригад̇о убадтааси, вижаарабийд̇исукажид̇д̇згаг̇г̇ад̇аа санд̇ад̇о. д̇зсам̣ саббааяавасзна сад̇т̇аа жад̇уран̇г̇игам̣ авид̇аггам̣ вижаарамад̇д̇ам̣ д̣̇уд̇ияаж̇жхаанам̣ наама бхааж̇зси. згажжаанам̣ вижааро ол̣ааригад̇о убадтааси, бийд̇исукажид̇д̇згаг̇г̇ад̇аа санд̇ад̇о. д̇зсам̣ саббааяавасзна д̇иван̇г̇игам̣ д̇ад̇ияаж̇жхаанам̣ наама бхааж̇зси. згажжаанам̣ бийд̇и ол̣ааригад̇о убадтааси, сукажид̇д̇згаг̇г̇ад̇аа санд̇ад̇о. д̇зсам̣ саббааяавасзна д̣̇уван̇г̇игам̣ жад̇уд̇т̇аж̇жхаанам̣ наама бхааж̇зси. згажжаанам̣ сукам̣ ол̣ааригад̇о убадтааси, убзгкаажид̇д̇згаг̇г̇ад̇аа санд̇ад̇о. д̇зсам̣ саббааяавасзна д̣̇уван̇г̇игам̣ бан̃жамаж̇жхаанам̣ наама бхааж̇зси. аяам̣ д̇аава ‘буг̇г̇алаж̇жхаасаяо’.
167. Idāni katame dhammā kusalāti pañcakanayo āraddho. Kasmāti ce, puggalajjhāsayavasena ceva desanāvilāsena ca. Sannisinnadevaparisāya kira ekaccānaṃ devānaṃ vitakko eva oḷārikato upaṭṭhāsi, vicārapītisukhacittekaggatā santato. Tesaṃ sappāyavasena satthā caturaṅgikaṃ avitakkaṃ vicāramattaṃ dutiyajjhānaṃ nāma bhājesi. Ekaccānaṃ vicāro oḷārikato upaṭṭhāsi, pītisukhacittekaggatā santato. Tesaṃ sappāyavasena tivaṅgikaṃ tatiyajjhānaṃ nāma bhājesi. Ekaccānaṃ pīti oḷārikato upaṭṭhāsi, sukhacittekaggatā santato. Tesaṃ sappāyavasena duvaṅgikaṃ catutthajjhānaṃ nāma bhājesi. Ekaccānaṃ sukhaṃ oḷārikato upaṭṭhāsi, upekkhācittekaggatā santato. Tesaṃ sappāyavasena duvaṅgikaṃ pañcamajjhānaṃ nāma bhājesi. Ayaṃ tāva ‘puggalajjhāsayo’.
яассаа бана д̇хаммад̇хаад̇уяаа суббадивид̣̇д̇хад̇д̇аа д̣̇зсанаавилаасаббад̇д̇о наама ход̇и – саа д̇ат̇ааг̇ад̇асса судту бадивид̣̇д̇хаа – д̇асмаа н̃аан̣амахад̇д̇ад̇ааяа д̣̇зсанаавид̇хаанзсу гусало д̣̇зсанаавилаасаббад̇д̇о сад̇т̇аа яам̣ яам̣ ан̇г̇ам̣ лаб̣бхад̇и д̇асса д̇асса васзна яат̇аа яат̇аа ижчад̇и д̇ат̇аа д̇ат̇аа д̣̇зсанам̣ нияаамзд̇ийд̇и со ид̇ха бан̃жан̇г̇игам̣ батамаж̇жхаанам̣ бхааж̇зси, жад̇уран̇г̇игам̣ авид̇аггам̣ вижаарамад̇д̇ам̣ д̣̇уд̇ияаж̇жхаанам̣, бхааж̇зси д̇иван̇г̇игам̣ д̇ад̇ияаж̇жхаанам̣, бхааж̇зси д̣̇уван̇г̇игам̣ жад̇уд̇т̇аж̇жхаанам̣, д̣̇уван̇г̇игамзва бан̃жамаж̇жхаанам̣ бхааж̇зси. аяам̣ ‘д̣̇зсанаавилаасо’ наама.
Yassā pana dhammadhātuyā suppaṭividdhattā desanāvilāsappatto nāma hoti – sā tathāgatassa suṭṭhu paṭividdhā – tasmā ñāṇamahattatāya desanāvidhānesu kusalo desanāvilāsappatto satthā yaṃ yaṃ aṅgaṃ labbhati tassa tassa vasena yathā yathā icchati tathā tathā desanaṃ niyāmetīti so idha pañcaṅgikaṃ paṭhamajjhānaṃ bhājesi, caturaṅgikaṃ avitakkaṃ vicāramattaṃ dutiyajjhānaṃ, bhājesi tivaṅgikaṃ tatiyajjhānaṃ, bhājesi duvaṅgikaṃ catutthajjhānaṃ, duvaṅgikameva pañcamajjhānaṃ bhājesi. Ayaṃ ‘desanāvilāso’ nāma.
абижа яз бхаг̇авад̇аа ‘‘д̇аяомз, бхигкавз, самаад̇хий – савид̇аггасавижааро самаад̇хи, авид̇аггавижаарамад̇д̇о самаад̇хи, авид̇аггаавижааро самаад̇хий’’д̇и (д̣̇ий. ни. 3.305) суд̇д̇анд̇з д̇аяо самаад̇хий д̣̇зсид̇аа, д̇зсу хздтаа савид̇аггасавижааро самаад̇хи авид̇аггаавижааро самаад̇хи жа бхааж̇зд̇ваа д̣̇ассид̇о, авид̇аггавижаарамад̇д̇о на д̣̇ассид̇о. д̇ам̣ д̣̇ассзд̇умби аяам̣ бан̃жаганаяо аарад̣̇д̇ход̇и взд̣̇ид̇аб̣б̣о.
Apica ye bhagavatā ‘‘tayome, bhikkhave, samādhī – savitakkasavicāro samādhi, avitakkavicāramatto samādhi, avitakkaavicāro samādhī’’ti (dī. ni. 3.305) suttante tayo samādhī desitā, tesu heṭṭhā savitakkasavicāro samādhi avitakkaavicāro samādhi ca bhājetvā dassito, avitakkavicāramatto na dassito. Taṃ dassetumpi ayaṃ pañcakanayo āraddhoti veditabbo.
д̇ад̇т̇а д̣̇уд̇ияаж̇жхаананид̣̇д̣̇зсз пассаад̣̇ийсу вид̇аггамад̇д̇ам̣ барихааяад̇и, годтаасаваарз ‘‘жад̇уран̇г̇игам̣ жхаанам̣ ход̇и жад̇уран̇г̇иго маг̇г̇о ход̇ий’’д̇и аяамзва висзсо. сзсам̣ саб̣б̣ам̣ батамаж̇жхаанасад̣̇исамзва. яаани жа жад̇угганаяз д̣̇уд̇ияад̇ад̇ияажад̇уд̇т̇аани д̇аанзва ид̇ха д̇ад̇ияажад̇уд̇т̇абан̃жамаани. д̇зсам̣ ад̇хиг̇амабадибаадид̣̇ийбанад̇т̇ам̣ аяам̣ наяо взд̣̇ид̇аб̣б̣о –
Tattha dutiyajjhānaniddese phassādīsu vitakkamattaṃ parihāyati, koṭṭhāsavāre ‘‘caturaṅgikaṃ jhānaṃ hoti caturaṅgiko maggo hotī’’ti ayameva viseso. Sesaṃ sabbaṃ paṭhamajjhānasadisameva. Yāni ca catukkanaye dutiyatatiyacatutthāni tāneva idha tatiyacatutthapañcamāni. Tesaṃ adhigamapaṭipāṭidīpanatthaṃ ayaṃ nayo veditabbo –
зго гира амажжабуд̇д̇о рааж̇аанам̣ убадтаад̇ум̣ ж̇анабад̣̇ад̇о наг̇арам̣ ааг̇ад̇о. со згад̣̇ивасамзва рааж̇аанам̣ д̣̇исваа баанаб̣яасанзна саб̣б̣ам̣ вибхаваж̇аад̇ам̣ наасзси. д̇ам̣ згад̣̇ивасам̣ сураамад̣̇амад̇д̇ам̣ нижжол̣ам̣ гад̇ваа ж̇ин̣н̣агадасаарагамад̇д̇зна бадижчаад̣̇зд̇ваа баанааг̇аарад̇о нийхарим̣су. д̇амзнам̣ сан̇гаарагуудз нибаж̇ж̇ид̇ваа нид̣̇д̣̇ааяанд̇ам̣ зго ан̇г̇авиж̇ж̇аабаатаго д̣̇исваа ‘аяам̣ бурисо махааж̇анасса авассаяо бхависсад̇и, бадиж̇аг̇г̇ид̇аб̣б̣о зсо’д̇и саннидтаанам̣ гад̇ваа мад̇д̇игааяа нхаабзд̇ваа т̇ууласаадагаяуг̇ам̣ ниваасаабзд̇ваа буна г̇анд̇ход̣̇агзна нхаабзд̇ваа сукумзна д̣̇угуулаяуг̇ал̣зна ажчаад̣̇зд̇ваа баасаад̣̇ам̣ ааробзд̇ваа субхож̇анам̣ бхож̇зд̇ваа ‘звам̣ нам̣ барижаарзяяаат̇аа’д̇и барижаарагз бадибаад̣̇зд̇ваа баггаами. ат̇а нам̣ д̇з саяанам̣ ааробзсум̣. баанааг̇аараг̇аманабадиб̣ааханад̇т̇ан̃жа нам̣ жад̇д̇ааро д̇аава ж̇анаа жад̇уусу хад̇т̇абаад̣̇зсу уббийл̣зд̇ваа адтам̣су. зго баад̣̇з баримаж̇ж̇и. зго д̇аалаван̣дам̣ г̇ахзд̇ваа б̣ийж̇и. зго вийн̣ам̣ ваад̣̇аяамаано г̇ааяанд̇о нисийд̣̇и.
Eko kira amaccaputto rājānaṃ upaṭṭhātuṃ janapadato nagaraṃ āgato. So ekadivasameva rājānaṃ disvā pānabyasanena sabbaṃ vibhavajātaṃ nāsesi. Taṃ ekadivasaṃ surāmadamattaṃ niccoḷaṃ katvā jiṇṇakaṭasārakamattena paṭicchādetvā pānāgārato nīhariṃsu. Tamenaṃ saṅkārakūṭe nipajjitvā niddāyantaṃ eko aṅgavijjāpāṭhako disvā ‘ayaṃ puriso mahājanassa avassayo bhavissati, paṭijaggitabbo eso’ti sanniṭṭhānaṃ katvā mattikāya nhāpetvā thūlasāṭakayugaṃ nivāsāpetvā puna gandhodakena nhāpetvā sukhumena dukūlayugaḷena acchādetvā pāsādaṃ āropetvā subhojanaṃ bhojetvā ‘evaṃ naṃ paricāreyyāthā’ti paricārake paṭipādetvā pakkāmi. Atha naṃ te sayanaṃ āropesuṃ. Pānāgāragamanapaṭibāhanatthañca naṃ cattāro tāva janā catūsu hatthapādesu uppīḷetvā aṭṭhaṃsu. Eko pāde parimajji. Eko tālavaṇṭaṃ gahetvā bīji. Eko vīṇaṃ vādayamāno gāyanto nisīdi.
со саяанубаг̇аманзна виг̇ад̇агиламат̇о т̇огам̣ нид̣̇д̣̇ааяид̇ваа вудтид̇о хад̇т̇абаад̣̇аниббийл̣анам̣ асахамаано ‘го мз хад̇т̇абаад̣̇з уббийл̣зд̇и? абаг̇ажчат̇аа’д̇и д̇аж̇ж̇зси. д̇з згаважанзнзва абаг̇ажчим̣су. д̇ад̇о буна т̇огам̣ нид̣̇д̣̇ааяид̇ваа вудтид̇о баад̣̇абаримаж̇ж̇анам̣ асахамаано ‘го мз баад̣̇з баримаж̇ж̇ад̇и? абаг̇ажчаа’д̇и ааха. соби згаважанзнзва абаг̇ажчи. буна т̇огам̣ нид̣̇д̣̇ааяид̇ваа вудтид̇о ваад̇авудти вияа д̇аалаван̣даваад̇ам̣ асаханд̇о ‘го зса? абаг̇ажчад̇уу’д̇и ааха. соби згаважанзнзва абаг̇ажчи. буна т̇огам̣ нид̣̇д̣̇ааяид̇ваа вудтид̇о ган̣н̣асуулам̣ вияа г̇ийд̇аваад̣̇ид̇асад̣̇д̣̇ам̣ асахамаано вийн̣ааваад̣̇агам̣ д̇аж̇ж̇зси. соби згаважанзнзва абаг̇ажчи. ат̇звам̣ ануггамзна бахийнагиламат̇уббийл̣анабаримаж̇ж̇анаваад̇аббахаараг̇ийд̇аваад̣̇ид̇асад̣̇д̣̇убад̣̇д̣̇аво сукам̣ саяид̇ваа вудтааяа ран̃н̃о санд̇игам̣ аг̇амааси. рааж̇аабисса маханд̇ам̣ иссарияамад̣̇ааси. со махааж̇анасса авассаяо ж̇аад̇о.
So sayanupagamanena vigatakilamatho thokaṃ niddāyitvā vuṭṭhito hatthapādanippīḷanaṃ asahamāno ‘ko me hatthapāde uppīḷeti? Apagacchathā’ti tajjesi. Te ekavacaneneva apagacchiṃsu. Tato puna thokaṃ niddāyitvā vuṭṭhito pādaparimajjanaṃ asahamāno ‘ko me pāde parimajjati? Apagacchā’ti āha. Sopi ekavacaneneva apagacchi. Puna thokaṃ niddāyitvā vuṭṭhito vātavuṭṭhi viya tālavaṇṭavātaṃ asahanto ‘ko esa? Apagacchatū’ti āha. Sopi ekavacaneneva apagacchi. Puna thokaṃ niddāyitvā vuṭṭhito kaṇṇasūlaṃ viya gītavāditasaddaṃ asahamāno vīṇāvādakaṃ tajjesi. Sopi ekavacaneneva apagacchi. Athevaṃ anukkamena pahīnakilamathuppīḷanaparimajjanavātappahāragītavāditasaddupaddavo sukhaṃ sayitvā vuṭṭhāya rañño santikaṃ agamāsi. Rājāpissa mahantaṃ issariyamadāsi. So mahājanassa avassayo jāto.
д̇ад̇т̇а баанаб̣яасанзна баариж̇ун̃н̃аббад̇д̇о со амажжабуд̇д̇о вияа анзгаб̣яасанабаариж̇ун̃н̃аббад̇д̇о гхарааваасаг̇ад̇о гулабуд̇д̇о д̣̇адтаб̣б̣о. ан̇г̇авиж̇ж̇аабаатаго бурисо вияа д̇ат̇ааг̇ад̇о. д̇асса бурисасса ‘аяам̣ махааж̇анасса авассаяо бхависсад̇и, бадиж̇аг̇г̇анам̣ арахад̇ий’д̇и саннидтаанам̣ вияа д̇ат̇ааг̇ад̇асса ‘аяам̣ махааж̇анасса авассаяо бхависсад̇и, баб̣б̣аж̇ж̇ам̣ арахад̇и гулабуд̇д̇о’д̇и саннидтаанагаран̣ам̣.
Tattha pānabyasanena pārijuññappatto so amaccaputto viya anekabyasanapārijuññappatto gharāvāsagato kulaputto daṭṭhabbo. Aṅgavijjāpāṭhako puriso viya tathāgato. Tassa purisassa ‘ayaṃ mahājanassa avassayo bhavissati, paṭijagganaṃ arahatī’ti sanniṭṭhānaṃ viya tathāgatassa ‘ayaṃ mahājanassa avassayo bhavissati, pabbajjaṃ arahati kulaputto’ti sanniṭṭhānakaraṇaṃ.
ат̇асса амажжабуд̇д̇асса мад̇д̇игаамад̇д̇зна нхаабанам̣ вияа гулабуд̇д̇ассааби баб̣б̣аж̇ж̇аабадилаабхо. ат̇асса т̇ууласаадаганиваасанам̣ вияа имассааби д̣̇асасигкаабад̣̇асан̇каад̇асийлавад̇т̇аниваасанам̣. буна д̇асса г̇анд̇ход̣̇аганхаабанам̣ вияа имассааби баад̇имогкасам̣вараад̣̇исийлаг̇анд̇ход̣̇аганхаабанам̣. буна д̇асса сукумад̣̇угуулаяуг̇ал̣ажчаад̣̇анам̣ вияа имассааби яат̇аавуд̇д̇асийлависуд̣̇д̇хисамбад̣̇аасан̇каад̇ад̣̇угуулажчаад̣̇анам̣.
Athassa amaccaputtassa mattikāmattena nhāpanaṃ viya kulaputtassāpi pabbajjāpaṭilābho. Athassa thūlasāṭakanivāsanaṃ viya imassāpi dasasikkhāpadasaṅkhātasīlavatthanivāsanaṃ. Puna tassa gandhodakanhāpanaṃ viya imassāpi pātimokkhasaṃvarādisīlagandhodakanhāpanaṃ. Puna tassa sukhumadukūlayugaḷacchādanaṃ viya imassāpi yathāvuttasīlavisuddhisampadāsaṅkhātadukūlacchādanaṃ.
д̣̇угуулажчаад̣̇ид̇асса банасса баасаад̣̇ааробанам̣ вияа имассааби сийлависуд̣̇д̇хид̣̇угуулажчаад̣̇ид̇асса самаад̇хибхааванаабаасаад̣̇аароханам̣. д̇ад̇о д̇асса субхож̇анабхун̃ж̇анам̣ вияа имассааби самаад̇хиубагаарагасад̇исамбаж̇ан̃н̃аад̣̇ид̇хаммаамад̇абарибхун̃ж̇анам̣.
Dukūlacchāditassa panassa pāsādāropanaṃ viya imassāpi sīlavisuddhidukūlacchāditassa samādhibhāvanāpāsādārohanaṃ. Tato tassa subhojanabhuñjanaṃ viya imassāpi samādhiupakārakasatisampajaññādidhammāmataparibhuñjanaṃ.
бхуд̇д̇абхож̇анасса бана д̇асса барижаарагзхи саяанааробанам̣ вияа имассааби вид̇аггаад̣̇ийхи убажаараж̇жхаанааробанам̣. буна д̇асса баанааг̇аараг̇аманабадиб̣ааханад̇т̇ам̣ хад̇т̇абаад̣̇уббийл̣анагабурисажад̇уггам̣ вияа имассааби гаамасан̃н̃аабхимукаг̇аманабадиб̣ааханад̇т̇ам̣ аарамман̣з жид̇д̇уббийл̣анаго нзгкаммавид̇агго. д̇асса баад̣̇абаримаж̇ж̇агабурисо вияа имассааби аарамман̣з жид̇д̇аанумаж̇ж̇анаго вижааро. д̇асса д̇аалаван̣даваад̇ад̣̇ааяаго вияа имассааби жзд̇асо сийд̇алабхаавад̣̇ааяигаа бийд̇и.
Bhuttabhojanassa pana tassa paricārakehi sayanāropanaṃ viya imassāpi vitakkādīhi upacārajjhānāropanaṃ. Puna tassa pānāgāragamanapaṭibāhanatthaṃ hatthapāduppīḷanakapurisacatukkaṃ viya imassāpi kāmasaññābhimukhagamanapaṭibāhanatthaṃ ārammaṇe cittuppīḷanako nekkhammavitakko. Tassa pādaparimajjakapuriso viya imassāpi ārammaṇe cittānumajjanako vicāro. Tassa tālavaṇṭavātadāyako viya imassāpi cetaso sītalabhāvadāyikā pīti.
д̇асса сод̇аануг̇г̇ахагаро г̇анд̇хаб̣б̣абурисо вияа имассааби жид̇д̇аануг̇г̇аахагам̣ соманассам̣. д̇асса саяанубаг̇аманзна виг̇ад̇агиламат̇асса т̇огам̣ нид̣̇д̣̇убаг̇аманам̣ вияа имассааби убажаараж̇жхаанасанниссаязна виг̇ад̇анийваран̣агиламат̇асса батамаж̇жхаанубаг̇аманам̣.
Tassa sotānuggahakaro gandhabbapuriso viya imassāpi cittānuggāhakaṃ somanassaṃ. Tassa sayanupagamanena vigatakilamathassa thokaṃ niddupagamanaṃ viya imassāpi upacārajjhānasannissayena vigatanīvaraṇakilamathassa paṭhamajjhānupagamanaṃ.
ат̇асса нид̣̇д̣̇ааяид̇ваа вудтид̇асса хад̇т̇абаад̣̇уббийл̣анаасаханзна хад̇т̇абаад̣̇уббийл̣агаанам̣ санд̇аж̇ж̇анам̣ д̇зсан̃жа абаг̇аманзна буна т̇огам̣ нид̣̇д̣̇убаг̇аманам̣ вияа имассааби батамаж̇жхаанад̇о вудтид̇асса жид̇д̇уббийл̣агавид̇аггаасаханзна вид̇аггад̣̇осад̣̇ассанам̣, вид̇аггаббахаанаа жа буна авид̇аггавижаарамад̇д̇ад̣̇уд̇ияаж̇жхаанубаг̇аманам̣.
Athassa niddāyitvā vuṭṭhitassa hatthapāduppīḷanāsahanena hatthapāduppīḷakānaṃ santajjanaṃ tesañca apagamanena puna thokaṃ niddupagamanaṃ viya imassāpi paṭhamajjhānato vuṭṭhitassa cittuppīḷakavitakkāsahanena vitakkadosadassanaṃ, vitakkappahānā ca puna avitakkavicāramattadutiyajjhānupagamanaṃ.
д̇ад̇о д̇асса бунаббунам̣ нид̣̇д̣̇ааяид̇ваа вудтид̇асса яат̇аавуд̇д̇зна гамзна баад̣̇абаримаж̇ж̇анаад̣̇ийнам̣ асаханзна бадибаадияаа баад̣̇абаримаж̇ж̇агаад̣̇ийнам̣ санд̇аж̇ж̇анам̣, д̇зсам̣ д̇зсан̃жа абаг̇аманзна бунаббунам̣ т̇огам̣ нид̣̇д̣̇убаг̇аманам̣ вияа имассааби бунаббунам̣ д̣̇уд̇ияаад̣̇ийхи жхаанзхи вудтид̇асса яат̇аавуд̇д̇ад̣̇осаанам̣ вижаараад̣̇ийнам̣ асаханзна бадибаадияаа вижаараад̣̇ид̣̇осад̣̇ассанам̣. д̇зсам̣ д̇зсан̃жа бахаанаа бунаббунам̣ авид̇аггаавижаараниббийд̇ига бахийнасоманассаж̇жхаанубаг̇аманам̣.
Tato tassa punappunaṃ niddāyitvā vuṭṭhitassa yathāvuttena kamena pādaparimajjanādīnaṃ asahanena paṭipāṭiyā pādaparimajjakādīnaṃ santajjanaṃ, tesaṃ tesañca apagamanena punappunaṃ thokaṃ niddupagamanaṃ viya imassāpi punappunaṃ dutiyādīhi jhānehi vuṭṭhitassa yathāvuttadosānaṃ vicārādīnaṃ asahanena paṭipāṭiyā vicārādidosadassanaṃ. Tesaṃ tesañca pahānā punappunaṃ avitakkaavicāranippītika pahīnasomanassajjhānupagamanaṃ.
д̇асса бана саяанаа вудтааяа ран̃н̃о санд̇игам̣ г̇ад̇асса иссарияаббад̇д̇и вияа имассааби бан̃жамаж̇жхаанад̇о вудтид̇асса вибассанаа маг̇г̇ам̣ убаг̇ад̇асса арахад̇д̇аббад̇д̇и.
Tassa pana sayanā vuṭṭhāya rañño santikaṃ gatassa issariyappatti viya imassāpi pañcamajjhānato vuṭṭhitassa vipassanā maggaṃ upagatassa arahattappatti.
д̇асса бад̇д̇иссарияасса б̣ахуунам̣ ж̇анаанам̣ авассаяабхааво вияа имассааби арахад̇д̇аббад̇д̇асса б̣ахуунам̣ авассаяабхааво взд̣̇ид̇аб̣б̣о. зд̇д̇аавад̇аа хи зса ануд̇д̇арам̣ бун̃н̃агкзд̇д̇ам̣ наама ход̇ийд̇и.
Tassa pattissariyassa bahūnaṃ janānaṃ avassayabhāvo viya imassāpi arahattappattassa bahūnaṃ avassayabhāvo veditabbo. Ettāvatā hi esa anuttaraṃ puññakkhettaṃ nāma hotīti.
бан̃жаганаяо нидтид̇о.
Pañcakanayo niṭṭhito.
зд̇д̇аавад̇аа жад̇уггабан̃жаганаяад̣̇ваяабхзд̣̇о суд̣̇д̇хиганаваго наама багаасид̇о ход̇и. ад̇т̇ад̇о банзса бан̃жаганаяз жад̇угганаяасса бавидтад̇д̇аа жхаанабан̃жаго зваад̇и взд̣̇ид̇аб̣б̣о.
Ettāvatā catukkapañcakanayadvayabhedo suddhikanavako nāma pakāsito hoti. Atthato panesa pañcakanaye catukkanayassa paviṭṭhattā jhānapañcako evāti veditabbo.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / руубааважарагусалам̣ • Rūpāvacarakusalaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / бан̃жаганаяаван̣н̣анаа • Pañcakanayavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / бан̃жаганаяаван̣н̣анаа • Pañcakanayavaṇṇanā
