| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
9-10. бан̃жаган̇г̇асуд̇д̇аад̣̇иван̣н̣анаа
9-10. Pañcakaṅgasuttādivaṇṇanā
267-268. навамз бан̃жаган̇г̇о т̇абад̇ийд̇и бан̃жаган̇г̇од̇и д̇асса наамам̣, ваасипарасуникаад̣̇анад̣̇ан̣д̣амуг̇г̇арагаал̣асуд̇д̇анаал̣исан̇каад̇зхи ваа бан̃жахи ан̇г̇зхи саманнааг̇ад̇ад̇д̇аа со бан̃жаган̇г̇од̇и бан̃н̃аад̇о. т̇абад̇ийд̇и вад̣дхагийж̇здтаго. уд̣̇ааяийд̇и бан̣д̣ид̇ауд̣̇ааяид̇т̇зро. барияааяанд̇и гааран̣ам̣. д̣̇взбаананд̣̇аад̇и д̣̇взби, аананд̣̇а, барияааязнаад̇и гааран̣зна. зд̇т̇а жа гааяигажзд̇асигавасзна д̣̇вз взд̣̇ид̇аб̣б̣аа, сукаад̣̇ивасзна д̇иссоби, инд̣̇рияавасзна сукинд̣̇рияаад̣̇игаа бан̃жа, д̣̇вааравасзна жагкусампассаж̇аад̣̇игаа ча, убавижааравасзна ‘‘жагкунаа руубам̣ д̣̇исваа соманассатаанияам̣ руубам̣ убавижарад̇ий’’д̇иаад̣̇игаа адтаараса, ча г̇зхасид̇аани соманассаани, ча нзгкаммасид̇аани, ча г̇зхасид̇аани д̣̇оманассаани, ча нзгкаммасид̇аани, ча г̇зхасид̇аа убзгкаа, ча нзгкаммасид̇аад̇и звам̣ чад̇д̇им̣са. д̇аа ад̇ийд̇з чад̇д̇им̣са, анааг̇ад̇з чад̇д̇им̣са, бажжуббаннз чад̇д̇им̣саад̇и звам̣ адтасад̇ам̣ взд̣̇анаа взд̣̇ид̇аб̣б̣аа.
267-268. Navame pañcakaṅgo thapatīti pañcakaṅgoti tassa nāmaṃ, vāsipharasunikhādanadaṇḍamuggarakāḷasuttanāḷisaṅkhātehi vā pañcahi aṅgehi samannāgatattā so pañcakaṅgoti paññāto. Thapatīti vaḍḍhakījeṭṭhako. Udāyīti paṇḍitaudāyitthero. Pariyāyanti kāraṇaṃ. Dvepānandāti dvepi, ānanda, pariyāyenāti kāraṇena. Ettha ca kāyikacetasikavasena dve veditabbā, sukhādivasena tissopi, indriyavasena sukhindriyādikā pañca, dvāravasena cakkhusamphassajādikā cha, upavicāravasena ‘‘cakkhunā rūpaṃ disvā somanassaṭhāniyaṃ rūpaṃ upavicaratī’’tiādikā aṭṭhārasa, cha gehasitāni somanassāni, cha nekkhammasitāni, cha gehasitāni domanassāni, cha nekkhammasitāni, cha gehasitā upekkhā, cha nekkhammasitāti evaṃ chattiṃsa. Tā atīte chattiṃsa, anāgate chattiṃsa, paccuppanne chattiṃsāti evaṃ aṭṭhasataṃ vedanā veditabbā.
бан̃жимз аананд̣̇а гаамаг̇ун̣аад̇и аяам̣ баадиязгго анусанд̇хи. на гзвалан̃хи д̣̇вз аад̣̇им̣ гад̇ваа взд̣̇анаа бхаг̇авад̇аа бан̃н̃ад̇д̇аа, барияааязна згааби взд̣̇анаа гат̇ид̇аа, д̇ам̣ д̣̇ассзнд̇о бан̃жаган̇г̇асса т̇абад̇ино ваад̣̇ам̣ убад̇т̇амбхзд̇ум̣ имам̣ д̣̇зсанам̣ аарабхи. абхигганд̇ад̇аранд̇и сунд̣̇арад̇арам̣. бан̣ийд̇ад̇аранд̇и ад̇аббагад̇арам̣. зд̇т̇а жа жад̇уд̇т̇аж̇жхаанад̇о бадтааяа ад̣̇угкамасукаа взд̣̇анаа, сааби санд̇адтзна бан̣ийд̇адтзна жа суканд̇и вуд̇д̇аа. нирод̇хо авзд̣̇аяид̇асукавасзна сукам̣ наама ж̇аад̇о. бан̃жагаамаг̇ун̣авасзна хи адтасамаабад̇д̇ивасзна жа уббаннам̣ взд̣̇аяид̇ам̣ сукам̣ наама, нирод̇хо авзд̣̇аяид̇асукам̣ наама. ид̇и взд̣̇аяид̇асукам̣ ваа ход̇у авзд̣̇аяид̇асукам̣ ваа, нид̣̇д̣̇угкабхаавасан̇каад̇зна сукадтзна зганд̇асукамзва ж̇аад̇ам̣.
Pañcimeānanda kāmaguṇāti ayaṃ pāṭiyekko anusandhi. Na kevalañhi dve ādiṃ katvā vedanā bhagavatā paññattā, pariyāyena ekāpi vedanā kathitā, taṃ dassento pañcakaṅgassa thapatino vādaṃ upatthambhetuṃ imaṃ desanaṃ ārabhi. Abhikkantataranti sundarataraṃ. Paṇītataranti atappakataraṃ. Ettha ca catutthajjhānato paṭṭhāya adukkhamasukhā vedanā, sāpi santaṭṭhena paṇītaṭṭhena ca sukhanti vuttā. Nirodho avedayitasukhavasena sukhaṃ nāma jāto. Pañcakāmaguṇavasena hi aṭṭhasamāpattivasena ca uppannaṃ vedayitaṃ sukhaṃ nāma, nirodho avedayitasukhaṃ nāma. Iti vedayitasukhaṃ vā hotu avedayitasukhaṃ vā, niddukkhabhāvasaṅkhātena sukhaṭṭhena ekantasukhameva jātaṃ.
яад̇т̇а яад̇т̇аад̇и яасмим̣ яасмим̣ таанз. сукам̣ убалаб̣бхад̇ийд̇и взд̣̇аяид̇ам̣ сукам̣ ваа авзд̣̇аяид̇ам̣ сукам̣ ваа убалаб̣бхад̇и. д̇ам̣ д̇ам̣ д̇ат̇ааг̇ад̇о сукасмим̣ бан̃н̃абзд̇и, д̇ам̣ саб̣б̣ам̣ д̇ат̇ааг̇ад̇о нид̣̇д̣̇угкабхаавам̣ сукасмим̣язва бан̃н̃абзд̇ийд̇и ид̇ха бхаг̇аваа нирод̇хасамаабад̇д̇им̣ сийсам̣ гад̇ваа нзяяабуг̇г̇аласса васзна арахад̇д̇анигуудзнзва д̣̇зсанам̣ нидтаабзси. д̣̇асамам̣ уд̇д̇аанад̇т̇амзваад̇и.
Yattha yatthāti yasmiṃ yasmiṃ ṭhāne. Sukhaṃ upalabbhatīti vedayitaṃ sukhaṃ vā avedayitaṃ sukhaṃ vā upalabbhati. Taṃ taṃ tathāgato sukhasmiṃ paññapeti, taṃ sabbaṃ tathāgato niddukkhabhāvaṃ sukhasmiṃyeva paññapetīti idha bhagavā nirodhasamāpattiṃ sīsaṃ katvā neyyapuggalassa vasena arahattanikūṭeneva desanaṃ niṭṭhāpesi. Dasamaṃ uttānatthamevāti.
рахог̇ад̇аваг̇г̇о д̣̇уд̇ияо.
Rahogatavaggo dutiyo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya
9. бан̃жаган̇г̇асуд̇д̇ам̣ • 9. Pañcakaṅgasuttaṃ
10. бхигкусуд̇д̇ам̣ • 10. Bhikkhusuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9-10. бан̃жаган̇г̇асуд̇д̇аад̣̇иван̣н̣анаа • 9-10. Pañcakaṅgasuttādivaṇṇanā
