| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੯-੧੦. ਪਞ੍ਚਕਙ੍ਗਸੁਤ੍ਤਾਦਿવਣ੍ਣਨਾ
9-10. Pañcakaṅgasuttādivaṇṇanā
੨੬੭-੨੬੮. ਨવਮੇ ਪਞ੍ਚਕਙ੍ਗੋ ਥਪਤੀਤਿ ਪਞ੍ਚਕਙ੍ਗੋਤਿ ਤਸ੍ਸ ਨਾਮਂ, વਾਸਿਫਰਸੁਨਿਖਾਦਨਦਣ੍ਡਮੁਗ੍ਗਰਕਾਲ਼ਸੁਤ੍ਤਨਾਲ਼ਿਸਙ੍ਖਾਤੇਹਿ વਾ ਪਞ੍ਚਹਿ ਅਙ੍ਗੇਹਿ ਸਮਨ੍ਨਾਗਤਤ੍ਤਾ ਸੋ ਪਞ੍ਚਕਙ੍ਗੋਤਿ ਪਞ੍ਞਾਤੋ। ਥਪਤੀਤਿ વਡ੍ਢਕੀਜੇਟ੍ਠਕੋ। ਉਦਾਯੀਤਿ ਪਣ੍ਡਿਤਉਦਾਯਿਤ੍ਥੇਰੋ। ਪਰਿਯਾਯਨ੍ਤਿ ਕਾਰਣਂ। ਦ੍વੇਪਾਨਨ੍ਦਾਤਿ ਦ੍વੇਪਿ, ਆਨਨ੍ਦ, ਪਰਿਯਾਯੇਨਾਤਿ ਕਾਰਣੇਨ। ਏਤ੍ਥ ਚ ਕਾਯਿਕਚੇਤਸਿਕવਸੇਨ ਦ੍વੇ વੇਦਿਤਬ੍ਬਾ, ਸੁਖਾਦਿવਸੇਨ ਤਿਸ੍ਸੋਪਿ, ਇਨ੍ਦ੍ਰਿਯવਸੇਨ ਸੁਖਿਨ੍ਦ੍ਰਿਯਾਦਿਕਾ ਪਞ੍ਚ, ਦ੍વਾਰવਸੇਨ ਚਕ੍ਖੁਸਮ੍ਫਸ੍ਸਜਾਦਿਕਾ ਛ, ਉਪવਿਚਾਰવਸੇਨ ‘‘ਚਕ੍ਖੁਨਾ ਰੂਪਂ ਦਿਸ੍વਾ ਸੋਮਨਸ੍ਸਠਾਨਿਯਂ ਰੂਪਂ ਉਪવਿਚਰਤੀ’’ਤਿਆਦਿਕਾ ਅਟ੍ਠਾਰਸ, ਛ ਗੇਹਸਿਤਾਨਿ ਸੋਮਨਸ੍ਸਾਨਿ, ਛ ਨੇਕ੍ਖਮ੍ਮਸਿਤਾਨਿ, ਛ ਗੇਹਸਿਤਾਨਿ ਦੋਮਨਸ੍ਸਾਨਿ, ਛ ਨੇਕ੍ਖਮ੍ਮਸਿਤਾਨਿ, ਛ ਗੇਹਸਿਤਾ ਉਪੇਕ੍ਖਾ, ਛ ਨੇਕ੍ਖਮ੍ਮਸਿਤਾਤਿ ਏવਂ ਛਤ੍ਤਿਂਸ। ਤਾ ਅਤੀਤੇ ਛਤ੍ਤਿਂਸ, ਅਨਾਗਤੇ ਛਤ੍ਤਿਂਸ, ਪਚ੍ਚੁਪ੍ਪਨ੍ਨੇ ਛਤ੍ਤਿਂਸਾਤਿ ਏવਂ ਅਟ੍ਠਸਤਂ વੇਦਨਾ વੇਦਿਤਬ੍ਬਾ।
267-268. Navame pañcakaṅgo thapatīti pañcakaṅgoti tassa nāmaṃ, vāsipharasunikhādanadaṇḍamuggarakāḷasuttanāḷisaṅkhātehi vā pañcahi aṅgehi samannāgatattā so pañcakaṅgoti paññāto. Thapatīti vaḍḍhakījeṭṭhako. Udāyīti paṇḍitaudāyitthero. Pariyāyanti kāraṇaṃ. Dvepānandāti dvepi, ānanda, pariyāyenāti kāraṇena. Ettha ca kāyikacetasikavasena dve veditabbā, sukhādivasena tissopi, indriyavasena sukhindriyādikā pañca, dvāravasena cakkhusamphassajādikā cha, upavicāravasena ‘‘cakkhunā rūpaṃ disvā somanassaṭhāniyaṃ rūpaṃ upavicaratī’’tiādikā aṭṭhārasa, cha gehasitāni somanassāni, cha nekkhammasitāni, cha gehasitāni domanassāni, cha nekkhammasitāni, cha gehasitā upekkhā, cha nekkhammasitāti evaṃ chattiṃsa. Tā atīte chattiṃsa, anāgate chattiṃsa, paccuppanne chattiṃsāti evaṃ aṭṭhasataṃ vedanā veditabbā.
ਪਞ੍ਚਿਮੇ ਆਨਨ੍ਦ ਕਾਮਗੁਣਾਤਿ ਅਯਂ ਪਾਟਿਯੇਕ੍ਕੋ ਅਨੁਸਨ੍ਧਿ। ਨ ਕੇવਲਞ੍ਹਿ ਦ੍વੇ ਆਦਿਂ ਕਤ੍વਾ વੇਦਨਾ ਭਗવਤਾ ਪਞ੍ਞਤ੍ਤਾ, ਪਰਿਯਾਯੇਨ ਏਕਾਪਿ વੇਦਨਾ ਕਥਿਤਾ, ਤਂ ਦਸ੍ਸੇਨ੍ਤੋ ਪਞ੍ਚਕਙ੍ਗਸ੍ਸ ਥਪਤਿਨੋ વਾਦਂ ਉਪਤ੍ਥਮ੍ਭੇਤੁਂ ਇਮਂ ਦੇਸਨਂ ਆਰਭਿ। ਅਭਿਕ੍ਕਨ੍ਤਤਰਨ੍ਤਿ ਸੁਨ੍ਦਰਤਰਂ। ਪਣੀਤਤਰਨ੍ਤਿ ਅਤਪ੍ਪਕਤਰਂ। ਏਤ੍ਥ ਚ ਚਤੁਤ੍ਥਜ੍ਝਾਨਤੋ ਪਟ੍ਠਾਯ ਅਦੁਕ੍ਖਮਸੁਖਾ વੇਦਨਾ, ਸਾਪਿ ਸਨ੍ਤਟ੍ਠੇਨ ਪਣੀਤਟ੍ਠੇਨ ਚ ਸੁਖਨ੍ਤਿ વੁਤ੍ਤਾ। ਨਿਰੋਧੋ ਅવੇਦਯਿਤਸੁਖવਸੇਨ ਸੁਖਂ ਨਾਮ ਜਾਤੋ। ਪਞ੍ਚਕਾਮਗੁਣવਸੇਨ ਹਿ ਅਟ੍ਠਸਮਾਪਤ੍ਤਿવਸੇਨ ਚ ਉਪ੍ਪਨ੍ਨਂ વੇਦਯਿਤਂ ਸੁਖਂ ਨਾਮ, ਨਿਰੋਧੋ ਅવੇਦਯਿਤਸੁਖਂ ਨਾਮ। ਇਤਿ વੇਦਯਿਤਸੁਖਂ વਾ ਹੋਤੁ ਅવੇਦਯਿਤਸੁਖਂ વਾ, ਨਿਦ੍ਦੁਕ੍ਖਭਾવਸਙ੍ਖਾਤੇਨ ਸੁਖਟ੍ਠੇਨ ਏਕਨ੍ਤਸੁਖਮੇવ ਜਾਤਂ।
Pañcimeānanda kāmaguṇāti ayaṃ pāṭiyekko anusandhi. Na kevalañhi dve ādiṃ katvā vedanā bhagavatā paññattā, pariyāyena ekāpi vedanā kathitā, taṃ dassento pañcakaṅgassa thapatino vādaṃ upatthambhetuṃ imaṃ desanaṃ ārabhi. Abhikkantataranti sundarataraṃ. Paṇītataranti atappakataraṃ. Ettha ca catutthajjhānato paṭṭhāya adukkhamasukhā vedanā, sāpi santaṭṭhena paṇītaṭṭhena ca sukhanti vuttā. Nirodho avedayitasukhavasena sukhaṃ nāma jāto. Pañcakāmaguṇavasena hi aṭṭhasamāpattivasena ca uppannaṃ vedayitaṃ sukhaṃ nāma, nirodho avedayitasukhaṃ nāma. Iti vedayitasukhaṃ vā hotu avedayitasukhaṃ vā, niddukkhabhāvasaṅkhātena sukhaṭṭhena ekantasukhameva jātaṃ.
ਯਤ੍ਥ ਯਤ੍ਥਾਤਿ ਯਸ੍ਮਿਂ ਯਸ੍ਮਿਂ ਠਾਨੇ। ਸੁਖਂ ਉਪਲਬ੍ਭਤੀਤਿ વੇਦਯਿਤਂ ਸੁਖਂ વਾ ਅવੇਦਯਿਤਂ ਸੁਖਂ વਾ ਉਪਲਬ੍ਭਤਿ। ਤਂ ਤਂ ਤਥਾਗਤੋ ਸੁਖਸ੍ਮਿਂ ਪਞ੍ਞਪੇਤਿ, ਤਂ ਸਬ੍ਬਂ ਤਥਾਗਤੋ ਨਿਦ੍ਦੁਕ੍ਖਭਾવਂ ਸੁਖਸ੍ਮਿਂਯੇવ ਪਞ੍ਞਪੇਤੀਤਿ ਇਧ ਭਗવਾ ਨਿਰੋਧਸਮਾਪਤ੍ਤਿਂ ਸੀਸਂ ਕਤ੍વਾ ਨੇਯ੍ਯਪੁਗ੍ਗਲਸ੍ਸ વਸੇਨ ਅਰਹਤ੍ਤਨਿਕੂਟੇਨੇવ ਦੇਸਨਂ ਨਿਟ੍ਠਾਪੇਸਿ। ਦਸਮਂ ਉਤ੍ਤਾਨਤ੍ਥਮੇવਾਤਿ।
Yattha yatthāti yasmiṃ yasmiṃ ṭhāne. Sukhaṃ upalabbhatīti vedayitaṃ sukhaṃ vā avedayitaṃ sukhaṃ vā upalabbhati. Taṃ taṃ tathāgato sukhasmiṃ paññapeti, taṃ sabbaṃ tathāgato niddukkhabhāvaṃ sukhasmiṃyeva paññapetīti idha bhagavā nirodhasamāpattiṃ sīsaṃ katvā neyyapuggalassa vasena arahattanikūṭeneva desanaṃ niṭṭhāpesi. Dasamaṃ uttānatthamevāti.
ਰਹੋਗਤવਗ੍ਗੋ ਦੁਤਿਯੋ।
Rahogatavaggo dutiyo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya
੯. ਪਞ੍ਚਕਙ੍ਗਸੁਤ੍ਤਂ • 9. Pañcakaṅgasuttaṃ
੧੦. ਭਿਕ੍ਖੁਸੁਤ੍ਤਂ • 10. Bhikkhusuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੯-੧੦. ਪਞ੍ਚਕਙ੍ਗਸੁਤ੍ਤਾਦਿવਣ੍ਣਨਾ • 9-10. Pañcakaṅgasuttādivaṇṇanā
