| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੯-੧੦. ਪਞ੍ਚਕਙ੍ਗਸੁਤ੍ਤਾਦਿવਣ੍ਣਨਾ
9-10. Pañcakaṅgasuttādivaṇṇanā
੨੬੭-੨੬੮. ਦਣ੍ਡਮੁਗ੍ਗਰਂ ਅਗ੍ਗਸੋਣ੍ਡਮੁਗ੍ਗਰਂ। ਕਾਲ਼ਸੁਤ੍ਤਪਕ੍ਖਿਪਨਂ ਕਾਲ਼ਸੁਤ੍ਤਨਾਲ਼ਿ। વਾਸਿਆਦੀਨਿ ਪਞ੍ਚ ਅਙ੍ਗਾਨਿ ਅਸ੍ਸਾਤਿ ਪਞ੍ਚਕਙ੍ਗੋ। વਤ੍ਥੁવਿਜ੍ਜਾਯ વੁਤ੍ਤવਿਧਿਨਾ ਕਤ੍ਤਬ੍ਬਨਿਸ੍ਸਯਾਨਿ ਠਪੇਤੀਤਿ ਥਪਤਿ। ਪਣ੍ਡਿਤਉਦਾਯਿਤ੍ਥੇਰੋ, ਨ ਲਾਲ਼ੁਦਾਯਿਤ੍ਥੇਰੋ। ਦ੍વੇਪਾਨਨ੍ਦਾਤਿ ਅਟ੍ਠਕਥਾਯ ਪਦੁਦ੍ਧਾਰੋ ਕਤੋ – ‘‘ਦ੍વੇਪਿ ਮਯਾ ਆਨਨ੍ਦਾ’’ਤਿ ਪਨ ਪਾਲ਼ਿਯਂ। ਪਸਾਦਕਾਯਸਨ੍ਨਿਸ੍ਸਿਤਾ ਕਾਯਿਕਾ, ਚੇਤੋਸਨ੍ਨਿਸ੍ਸਿਤਾ ਚੇਤਸਿਕਾ। ਆਧਿਪਚ੍ਚਟ੍ਠੇਨ ਸੁਖਮੇવ ਇਨ੍ਦ੍ਰਿਯਨ੍ਤਿ ਸੁਖਿਨ੍ਦ੍ਰਿਯਂ। ਉਪવਿਚਾਰવਸੇਨਾਤਿ ਰੂਪਾਦੀਨਿ ਉਪੇਚ੍ਚ વਿਚਰਣવਸੇਨ। ਅਤੀਤੇ ਆਰਮ੍ਮਣੇ। ਪਚ੍ਚੁਪ੍ਪਨ੍ਨੇਤਿ ਅਦ੍ਧਾਪਚ੍ਚੁਪ੍ਪਨ੍ਨੇ। ਏવਂ ਅਟ੍ਠਾਧਿਕਂ ਸਤਂ ਅਟ੍ਠਸਤਂ।
267-268.Daṇḍamuggaraṃ aggasoṇḍamuggaraṃ. Kāḷasuttapakkhipanaṃ kāḷasuttanāḷi. Vāsiādīni pañca aṅgāni assāti pañcakaṅgo. Vatthuvijjāya vuttavidhinā kattabbanissayāni ṭhapetīti thapati. Paṇḍitaudāyitthero, na lāḷudāyitthero. Dvepānandāti aṭṭhakathāya paduddhāro kato – ‘‘dvepi mayā ānandā’’ti pana pāḷiyaṃ. Pasādakāyasannissitā kāyikā, cetosannissitā cetasikā. Ādhipaccaṭṭhena sukhameva indriyanti sukhindriyaṃ. Upavicāravasenāti rūpādīni upecca vicaraṇavasena. Atīte ārammaṇe. Paccuppanneti addhāpaccuppanne. Evaṃ aṭṭhādhikaṃ sataṃ aṭṭhasataṃ.
ਪਾਟਿਯੇਕ੍ਕੋ ਅਨੁਸਨ੍ਧੀਤਿ ਪੁਚ੍ਛਾਨੁਸਨ੍ਧਿਆਦੀਹਿ વਿਸੁਂ ਤੇਹਿ ਅਸਮ੍ਮਿਸ੍ਸੋ ਏਕੋ ਅਨੁਸਨ੍ਧਿ। ਏਕਾਪਿ વੇਦਨਾ ਕਥਿਤਾ ‘‘ਤਤ੍ਰ, ਭਿਕ੍ਖવੇ, ਸੁਤવਾ ਅਰਿਯਸਾવਕੋ’’ਤਿ ਆਹਰਿਤ੍વਾ ‘‘ਫਸ੍ਸਪਚ੍ਚਯਾ વੇਦਨਾ’’ਤਿ। ਯਸ੍ਮਾ ਭਗવਾ ਚਤੁਤ੍ਥਜ੍ਝਾਨੁਪੇਕ੍ਖਾવੇਦਨਂ વਤ੍વਾ – ‘‘ਅਤ੍ਥਾਨਨ੍ਦ, ਏਤਸ੍ਮਾ ਸੁਖਾ ਅਞ੍ਞਂ ਸੁਖ’’ਨ੍ਤਿਆਦਿਂ વਦਨ੍ਤੋ ਥਪਤਿਨੋ વਾਦਂ ਉਪਤ੍ਥਮ੍ਭੇਤਿ ਨਾਮ। ਤੇਨ ਹਿ ਉਪੇਕ੍ਖਾવੇਦਨਾ ‘‘ਸੁਖ’’ਨ੍ਤੇવ વੁਤ੍ਤਾ ਸਨ੍ਤਸਭਾવਤ੍ਤਾ। ਅਭਿਕ੍ਕਨ੍ਤਤਰਨ੍ਤਿ ਅਤਿવਿਯ ਕਨ੍ਤਤਰਂ ਮਨੋਰਮਤਰਂ। ਤੇਨਾਹ ‘‘ਸੁਨ੍ਦਰਤਰ’’ਨ੍ਤਿ। ਪਣੀਤਤਰਨ੍ਤਿ ਪਧਾਨਭਾવਂ ਨੀਤਤਾਯ ਉਲ਼ਾਰਤਰਂ। ਤੇਨਾਹ ‘‘ਅਤਪ੍ਪਕਤਰ’’ਨ੍ਤਿ। ਸੁਖਨ੍ਤਿ વੁਤ੍ਤਾ ਪਟਿਪਕ੍ਖਸ੍ਸ ਸੁਟ੍ਠੁ ਖਾਦਨੇਨ, ਸੁਕਰਂ ਓਕਾਸਦਾਨਮਸ੍ਸਾਤਿ વਾ। ਨਿਰੋਧੋ ਸੁਖਂ ਨਾਮ ਸਬ੍ਬਸੋ ਉਦਯਬ੍ਬਯਾਭਾવਤੋ। ਤੇਨਾਹ ‘‘ਨਿਦ੍ਦੁਕ੍ਖਭਾવਸਙ੍ਖਾਤੇਨ ਸੁਖਟ੍ਠੇਨਾ’’ਤਿ।
Pāṭiyekko anusandhīti pucchānusandhiādīhi visuṃ tehi asammisso eko anusandhi. Ekāpi vedanā kathitā ‘‘tatra, bhikkhave, sutavā ariyasāvako’’ti āharitvā ‘‘phassapaccayā vedanā’’ti. Yasmā bhagavā catutthajjhānupekkhāvedanaṃ vatvā – ‘‘atthānanda, etasmā sukhā aññaṃ sukha’’ntiādiṃ vadanto thapatino vādaṃ upatthambheti nāma. Tena hi upekkhāvedanā ‘‘sukha’’nteva vuttā santasabhāvattā. Abhikkantataranti ativiya kantataraṃ manoramataraṃ. Tenāha ‘‘sundaratara’’nti. Paṇītataranti padhānabhāvaṃ nītatāya uḷārataraṃ. Tenāha ‘‘atappakatara’’nti. Sukhanti vuttā paṭipakkhassa suṭṭhu khādanena, sukaraṃ okāsadānamassāti vā. Nirodho sukhaṃ nāma sabbaso udayabbayābhāvato. Tenāha ‘‘niddukkhabhāvasaṅkhātena sukhaṭṭhenā’’ti.
ਸੁਖਸ੍ਮਿਂਯੇવਾਤਿ ਸੁਖਮਿਚ੍ਚੇવ ਪਞ੍ਞਪੇਤਿ। ਨਿਰੋਧਸਮਾਪਤ੍ਤਿਂ ਸੀਸਂ ਕਤ੍વਾਤਿ ਨਿਰੋਧਸਮਾਪਤ੍ਤਿਦੇਸਨਾਯ ਸੀਸਂ ਉਤ੍ਤਮਂ ਕਤ੍વਾ। ਦੇਸਨਾਯ ਉਦ੍ਦੇਸਾਧਿਮੁਤ੍ਤੇ ਉਟ੍ਠਾਪੇਤ੍વਾ વਿਤ੍ਥਾਰਿਤਤ੍ਤਾ ‘‘ਨੇਯ੍ਯਪੁਗ੍ਗਲਸ੍ਸ વਸੇਨਾ’’ਤਿ વੁਤ੍ਤਂ। ਦਸਮਂ ਅਨਨ੍ਤਰਸੁਤ੍ਤੇ વੁਤ੍ਤਨਯਤ੍ਤਾ ਉਤ੍ਤਾਨਤ੍ਥਮੇવ।
Sukhasmiṃyevāti sukhamicceva paññapeti. Nirodhasamāpattiṃ sīsaṃ katvāti nirodhasamāpattidesanāya sīsaṃ uttamaṃ katvā. Desanāya uddesādhimutte uṭṭhāpetvā vitthāritattā ‘‘neyyapuggalassa vasenā’’ti vuttaṃ. Dasamaṃ anantarasutte vuttanayattā uttānatthameva.
ਪਞ੍ਚਕਙ੍ਗਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Pañcakaṅgasuttādivaṇṇanā niṭṭhitā.
ਰਹੋਗਤવਗ੍ਗવਣ੍ਣਨਾ ਨਿਟ੍ਠਿਤਾ।
Rahogatavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya
੯. ਪਞ੍ਚਕਙ੍ਗਸੁਤ੍ਤਂ • 9. Pañcakaṅgasuttaṃ
੧੦. ਭਿਕ੍ਖੁਸੁਤ੍ਤਂ • 10. Bhikkhusuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੯-੧੦. ਪਞ੍ਚਕਙ੍ਗਸੁਤ੍ਤਾਦਿવਣ੍ਣਨਾ • 9-10. Pañcakaṅgasuttādivaṇṇanā
