| Library / Tipiṭaka / তিপিটক • Tipiṭaka / ধম্মসঙ্গণি-অট্ঠকথা • Dhammasaṅgaṇi-aṭṭhakathā |
পঞ্চকনিদ্দেসৰণ্ণনা
Pañcakaniddesavaṇṇanā
৯৬৭. পঞ্চৰিধসঙ্গহনিদ্দেসে কক্খল়ন্তি থদ্ধং। খরমেৰ খরগতং, ফরুসন্তি অত্থো। ইতরে দ্ৰেপি সভাৰনিদ্দেসা এৰ। অজ্ঝত্তন্তি নিযকজ্ঝত্তং। বহিদ্ধাতি বাহিরং। উপাদিণ্ণন্তি ন কম্মসমুট্ঠানমেৰ। অৰিসেসেন পন সরীরট্ঠকস্সেতং গহণং। সরীরট্ঠকঞ্হি উপাদিণ্ণং ৰা হোতু অনুপাদিণ্ণং ৰা, আদিন্নগহিতপরামট্ঠৰসেন সব্বং উপাদিণ্ণমেৰ নাম।
967. Pañcavidhasaṅgahaniddese kakkhaḷanti thaddhaṃ. Kharameva kharagataṃ, pharusanti attho. Itare dvepi sabhāvaniddesā eva. Ajjhattanti niyakajjhattaṃ. Bahiddhāti bāhiraṃ. Upādiṇṇanti na kammasamuṭṭhānameva. Avisesena pana sarīraṭṭhakassetaṃ gahaṇaṃ. Sarīraṭṭhakañhi upādiṇṇaṃ vā hotu anupādiṇṇaṃ vā, ādinnagahitaparāmaṭṭhavasena sabbaṃ upādiṇṇameva nāma.
৯৬৯. তেজোগতন্তি সব্বতেজেসু গতং উণ্হত্তলক্খণং, তেজো এৰ ৰা তেজোভাৰং গতন্তি ‘তেজোগতং’। উস্মাতি উস্মাকারো। উস্মাগতন্তি উস্মাভাৰং গতং। উস্মাকারস্সেৰেতং নামং। উসুমন্তি বলৰউস্মা। উসুমমেৰ উসুমভাৰং গতন্তি উসুমগতং।
969. Tejogatanti sabbatejesu gataṃ uṇhattalakkhaṇaṃ, tejo eva vā tejobhāvaṃ gatanti ‘tejogataṃ’. Usmāti usmākāro. Usmāgatanti usmābhāvaṃ gataṃ. Usmākārassevetaṃ nāmaṃ. Usumanti balavausmā. Usumameva usumabhāvaṃ gatanti usumagataṃ.
৯৭০. ৰাযনকৰসেন ৰাযো। ৰাযোৰ ৰাযোভাৰং গতত্তা ৰাযোগতং। থম্ভিতত্তন্তি উপ্পলনাল়তচাদীনং ৰিয ৰাতপুণ্ণানং থম্ভিতভাৰো রূপস্স।
970. Vāyanakavasena vāyo. Vāyova vāyobhāvaṃ gatattā vāyogataṃ. Thambhitattanti uppalanāḷatacādīnaṃ viya vātapuṇṇānaṃ thambhitabhāvo rūpassa.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / ধম্মসঙ্গণীপাল়ি • Dhammasaṅgaṇīpāḷi / রূপৰিভত্তি • Rūpavibhatti
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / ধম্মসঙ্গণী-মূলটীকা • Dhammasaṅgaṇī-mūlaṭīkā / পঞ্চকনিদ্দেসৰণ্ণনা • Pañcakaniddesavaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / ধম্মসঙ্গণী-অনুটীকা • Dhammasaṅgaṇī-anuṭīkā / পঞ্চকনিদ্দেসৰণ্ণনা • Pañcakaniddesavaṇṇanā
