| Library / Tipiṭaka / তিপিটক • Tipiṭaka / পঞ্চপকরণ-মূলটীকা • Pañcapakaraṇa-mūlaṭīkā |
৫. পঞ্চকনিদ্দেসৰণ্ণনা
5. Pañcakaniddesavaṇṇanā
১৯১. পঠমপঞ্চকে উদ্দেসেনেৰ পুগ্গলৰিভাগো ৰিঞ্ঞাযতীতি যথা তেসু পটিপজ্জিতব্বং , তায পটিপত্তিযা তে ৰিভজন্তো ‘‘তত্র য্ৰায’’ন্তিআদিমাহ। আরম্ভসদ্দোতি আরম্ভকিরিযাৰাচকো সদ্দোতি অত্থো। ফলুপ্পত্তিযা মগ্গকিচ্চং নিট্ঠিতং হোতীতি ‘‘মগ্গকিচ্চৰসেন ফলমেৰ ৰুত্ত’’ন্তি আহ। আযাচনসাধূতি ন পসংসনাদিসাধূতি অত্থো।
191. Paṭhamapañcake uddeseneva puggalavibhāgo viññāyatīti yathā tesu paṭipajjitabbaṃ , tāya paṭipattiyā te vibhajanto ‘‘tatra yvāya’’ntiādimāha. Ārambhasaddoti ārambhakiriyāvācako saddoti attho. Phaluppattiyā maggakiccaṃ niṭṭhitaṃ hotīti ‘‘maggakiccavasena phalameva vutta’’nti āha. Āyācanasādhūti na pasaṃsanādisādhūti attho.
১৯২. আদিতো ধেয্যং ঠপেতব্বং আধেয্যং, দস্সনসৰনপটিৰচনদানৰসেন মুখেন ৰিয পৰত্তং গহণং মুখন্তি দট্ঠব্বং। তং মুখং আধেয্যং, গহণত্থং পকতিমুখমেৰ ৰা আধেয্যং যস্স সো আধেয্যমুখো, অৰিচারেত্ৰা আদিকথায এৰ ঠপিতগহণোতি ৰুত্তং হোতি।
192. Ādito dheyyaṃ ṭhapetabbaṃ ādheyyaṃ, dassanasavanapaṭivacanadānavasena mukhena viya pavattaṃ gahaṇaṃ mukhanti daṭṭhabbaṃ. Taṃ mukhaṃ ādheyyaṃ, gahaṇatthaṃ pakatimukhameva vā ādheyyaṃ yassa so ādheyyamukho, avicāretvā ādikathāya eva ṭhapitagahaṇoti vuttaṃ hoti.
১৯৪. রজগ্গস্মিন্তি রজগ্গভাৰে।
194. Rajaggasminti rajaggabhāve.
১৯৯. গৰা খীরং অগ্গমক্খাযতীতি ন এৰং সম্বন্ধো, উপ্পত্তিতো পন পঞ্চ গোরসে দস্সেত্ৰা তেসু সপ্পিমণ্ডস্স অগ্গভাৰদস্সনত্থং ‘‘গৰা খীর’’ন্তিআদি ৰুত্তং। তেনাহ ‘‘গাৰিতো খীরং নাম হোতী’’তিআদি।
199. Gavā khīraṃ aggamakkhāyatīti na evaṃ sambandho, uppattito pana pañca gorase dassetvā tesu sappimaṇḍassa aggabhāvadassanatthaṃ ‘‘gavā khīra’’ntiādi vuttaṃ. Tenāha ‘‘gāvito khīraṃ nāma hotī’’tiādi.
পঞ্চকনিদ্দেসৰণ্ণনা নিট্ঠিতা।
Pañcakaniddesavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / পুগ্গলপঞ্ঞত্তিপাল়ি • Puggalapaññattipāḷi / ৫. পঞ্চকপুগ্গলপঞ্ঞত্তি • 5. Pañcakapuggalapaññatti
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৫. পঞ্চকনিদ্দেসৰণ্ণনা • 5. Pañcakaniddesavaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৫. পঞ্চকনিদ্দেসৰণ্ণনা • 5. Pañcakaniddesavaṇṇanā
