| Library / Tipiṭaka / తిపిటక • Tipiṭaka / ధమ్మసఙ్గణి-అట్ఠకథా • Dhammasaṅgaṇi-aṭṭhakathā |
పఞ్చకనిద్దేసవణ్ణనా
Pañcakaniddesavaṇṇanā
౯౬౭. పఞ్చవిధసఙ్గహనిద్దేసే కక్ఖళన్తి థద్ధం. ఖరమేవ ఖరగతం, ఫరుసన్తి అత్థో. ఇతరే ద్వేపి సభావనిద్దేసా ఏవ. అజ్ఝత్తన్తి నియకజ్ఝత్తం. బహిద్ధాతి బాహిరం. ఉపాదిణ్ణన్తి న కమ్మసముట్ఠానమేవ. అవిసేసేన పన సరీరట్ఠకస్సేతం గహణం. సరీరట్ఠకఞ్హి ఉపాదిణ్ణం వా హోతు అనుపాదిణ్ణం వా, ఆదిన్నగహితపరామట్ఠవసేన సబ్బం ఉపాదిణ్ణమేవ నామ.
967. Pañcavidhasaṅgahaniddese kakkhaḷanti thaddhaṃ. Kharameva kharagataṃ, pharusanti attho. Itare dvepi sabhāvaniddesā eva. Ajjhattanti niyakajjhattaṃ. Bahiddhāti bāhiraṃ. Upādiṇṇanti na kammasamuṭṭhānameva. Avisesena pana sarīraṭṭhakassetaṃ gahaṇaṃ. Sarīraṭṭhakañhi upādiṇṇaṃ vā hotu anupādiṇṇaṃ vā, ādinnagahitaparāmaṭṭhavasena sabbaṃ upādiṇṇameva nāma.
౯౬౯. తేజోగతన్తి సబ్బతేజేసు గతం ఉణ్హత్తలక్ఖణం, తేజో ఏవ వా తేజోభావం గతన్తి ‘తేజోగతం’. ఉస్మాతి ఉస్మాకారో. ఉస్మాగతన్తి ఉస్మాభావం గతం. ఉస్మాకారస్సేవేతం నామం. ఉసుమన్తి బలవఉస్మా. ఉసుమమేవ ఉసుమభావం గతన్తి ఉసుమగతం.
969. Tejogatanti sabbatejesu gataṃ uṇhattalakkhaṇaṃ, tejo eva vā tejobhāvaṃ gatanti ‘tejogataṃ’. Usmāti usmākāro. Usmāgatanti usmābhāvaṃ gataṃ. Usmākārassevetaṃ nāmaṃ. Usumanti balavausmā. Usumameva usumabhāvaṃ gatanti usumagataṃ.
౯౭౦. వాయనకవసేన వాయో. వాయోవ వాయోభావం గతత్తా వాయోగతం. థమ్భితత్తన్తి ఉప్పలనాళతచాదీనం వియ వాతపుణ్ణానం థమ్భితభావో రూపస్స.
970. Vāyanakavasena vāyo. Vāyova vāyobhāvaṃ gatattā vāyogataṃ. Thambhitattanti uppalanāḷatacādīnaṃ viya vātapuṇṇānaṃ thambhitabhāvo rūpassa.
Related texts:
తిపిటక (మూల) • Tipiṭaka (Mūla) / అభిధమ్మపిటక • Abhidhammapiṭaka / ధమ్మసఙ్గణీపాళి • Dhammasaṅgaṇīpāḷi / రూపవిభత్తి • Rūpavibhatti
టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / ధమ్మసఙ్గణీ-మూలటీకా • Dhammasaṅgaṇī-mūlaṭīkā / పఞ్చకనిద్దేసవణ్ణనా • Pañcakaniddesavaṇṇanā
టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / ధమ్మసఙ్గణీ-అనుటీకా • Dhammasaṅgaṇī-anuṭīkā / పఞ్చకనిద్దేసవణ్ణనా • Pañcakaniddesavaṇṇanā
