| Library / Tipiṭaka / တိပိဋက • Tipiṭaka / ဓမ္မသင္ဂဏိ-အဋ္ဌကထာ • Dhammasaṅgaṇi-aṭṭhakathā |
ပဉ္စကနိဒ္ဒေသဝဏ္ဏနာ
Pañcakaniddesavaṇṇanā
၉၆၇. ပဉ္စဝိဓသင္ဂဟနိဒ္ဒေသေ ကက္ခဠန္တိ ထဒ္ဓံ။ ခရမေဝ ခရဂတံ, ဖရုသန္တိ အတ္ထော။ ဣတရေ ဒ္ဝေပိ သဘာဝနိဒ္ဒေသာ ဧဝ။ အဇ္ဈတ္တန္တိ နိယကဇ္ဈတ္တံ။ ဗဟိဒ္ဓာတိ ဗာဟိရံ။ ဥပာဒိဏ္ဏန္တိ န ကမ္မသမုဋ္ဌာနမေဝ။ အဝိသေသေန ပန သရီရဋ္ဌကသ္သေတံ ဂဟဏံ။ သရီရဋ္ဌကဉ္ဟိ ဥပာဒိဏ္ဏံ ဝာ ဟောတု အနုပာဒိဏ္ဏံ ဝာ, အာဒိန္နဂဟိတပရာမဋ္ဌဝသေန သဗ္ဗံ ဥပာဒိဏ္ဏမေဝ နာမ။
967. Pañcavidhasaṅgahaniddese kakkhaḷanti thaddhaṃ. Kharameva kharagataṃ, pharusanti attho. Itare dvepi sabhāvaniddesā eva. Ajjhattanti niyakajjhattaṃ. Bahiddhāti bāhiraṃ. Upādiṇṇanti na kammasamuṭṭhānameva. Avisesena pana sarīraṭṭhakassetaṃ gahaṇaṃ. Sarīraṭṭhakañhi upādiṇṇaṃ vā hotu anupādiṇṇaṃ vā, ādinnagahitaparāmaṭṭhavasena sabbaṃ upādiṇṇameva nāma.
၉၆၉. တေဇောဂတန္တိ သဗ္ဗတေဇေသု ဂတံ ဥဏ္ဟတ္တလက္ခဏံ, တေဇော ဧဝ ဝာ တေဇောဘာဝံ ဂတန္တိ ‘တေဇောဂတံ’။ ဥသ္မာတိ ဥသ္မာကာရော။ ဥသ္မာဂတန္တိ ဥသ္မာဘာဝံ ဂတံ။ ဥသ္မာကာရသ္သေဝေတံ နာမံ။ ဥသုမန္တိ ဗလဝဥသ္မာ။ ဥသုမမေဝ ဥသုမဘာဝံ ဂတန္တိ ဥသုမဂတံ။
969. Tejogatanti sabbatejesu gataṃ uṇhattalakkhaṇaṃ, tejo eva vā tejobhāvaṃ gatanti ‘tejogataṃ’. Usmāti usmākāro. Usmāgatanti usmābhāvaṃ gataṃ. Usmākārassevetaṃ nāmaṃ. Usumanti balavausmā. Usumameva usumabhāvaṃ gatanti usumagataṃ.
၉၇၀. ဝာယနကဝသေန ဝာယော။ ဝာယောဝ ဝာယောဘာဝံ ဂတတ္တာ ဝာယောဂတံ။ ထမ္ဘိတတ္တန္တိ ဥပ္ပလနာဠတစာဒီနံ ဝိယ ဝာတပုဏ္ဏာနံ ထမ္ဘိတဘာဝော ရူပသ္သ။
970. Vāyanakavasena vāyo. Vāyova vāyobhāvaṃ gatattā vāyogataṃ. Thambhitattanti uppalanāḷatacādīnaṃ viya vātapuṇṇānaṃ thambhitabhāvo rūpassa.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ဓမ္မသင္ဂဏီပာဠိ • Dhammasaṅgaṇīpāḷi / ရူပဝိဘတ္တိ • Rūpavibhatti
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ဓမ္မသင္ဂဏီ-မူလဋီကာ • Dhammasaṅgaṇī-mūlaṭīkā / ပဉ္စကနိဒ္ဒေသဝဏ္ဏနာ • Pañcakaniddesavaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ဓမ္မသင္ဂဏီ-အနုဋီကာ • Dhammasaṅgaṇī-anuṭīkā / ပဉ္စကနိဒ္ဒေသဝဏ္ဏနာ • Pañcakaniddesavaṇṇanā
