| Library / Tipiṭaka / ತಿಪಿಟಕ • Tipiṭaka / ಧಮ್ಮಸಙ್ಗಣಿ-ಅಟ್ಠಕಥಾ • Dhammasaṅgaṇi-aṭṭhakathā |
ಪಞ್ಚಕನಿದ್ದೇಸವಣ್ಣನಾ
Pañcakaniddesavaṇṇanā
೯೬೭. ಪಞ್ಚವಿಧಸಙ್ಗಹನಿದ್ದೇಸೇ ಕಕ್ಖಳನ್ತಿ ಥದ್ಧಂ। ಖರಮೇವ ಖರಗತಂ, ಫರುಸನ್ತಿ ಅತ್ಥೋ। ಇತರೇ ದ್ವೇಪಿ ಸಭಾವನಿದ್ದೇಸಾ ಏವ। ಅಜ್ಝತ್ತನ್ತಿ ನಿಯಕಜ್ಝತ್ತಂ। ಬಹಿದ್ಧಾತಿ ಬಾಹಿರಂ। ಉಪಾದಿಣ್ಣನ್ತಿ ನ ಕಮ್ಮಸಮುಟ್ಠಾನಮೇವ। ಅವಿಸೇಸೇನ ಪನ ಸರೀರಟ್ಠಕಸ್ಸೇತಂ ಗಹಣಂ। ಸರೀರಟ್ಠಕಞ್ಹಿ ಉಪಾದಿಣ್ಣಂ ವಾ ಹೋತು ಅನುಪಾದಿಣ್ಣಂ ವಾ, ಆದಿನ್ನಗಹಿತಪರಾಮಟ್ಠವಸೇನ ಸಬ್ಬಂ ಉಪಾದಿಣ್ಣಮೇವ ನಾಮ।
967. Pañcavidhasaṅgahaniddese kakkhaḷanti thaddhaṃ. Kharameva kharagataṃ, pharusanti attho. Itare dvepi sabhāvaniddesā eva. Ajjhattanti niyakajjhattaṃ. Bahiddhāti bāhiraṃ. Upādiṇṇanti na kammasamuṭṭhānameva. Avisesena pana sarīraṭṭhakassetaṃ gahaṇaṃ. Sarīraṭṭhakañhi upādiṇṇaṃ vā hotu anupādiṇṇaṃ vā, ādinnagahitaparāmaṭṭhavasena sabbaṃ upādiṇṇameva nāma.
೯೬೯. ತೇಜೋಗತನ್ತಿ ಸಬ್ಬತೇಜೇಸು ಗತಂ ಉಣ್ಹತ್ತಲಕ್ಖಣಂ, ತೇಜೋ ಏವ ವಾ ತೇಜೋಭಾವಂ ಗತನ್ತಿ ‘ತೇಜೋಗತಂ’। ಉಸ್ಮಾತಿ ಉಸ್ಮಾಕಾರೋ। ಉಸ್ಮಾಗತನ್ತಿ ಉಸ್ಮಾಭಾವಂ ಗತಂ। ಉಸ್ಮಾಕಾರಸ್ಸೇವೇತಂ ನಾಮಂ। ಉಸುಮನ್ತಿ ಬಲವಉಸ್ಮಾ। ಉಸುಮಮೇವ ಉಸುಮಭಾವಂ ಗತನ್ತಿ ಉಸುಮಗತಂ।
969. Tejogatanti sabbatejesu gataṃ uṇhattalakkhaṇaṃ, tejo eva vā tejobhāvaṃ gatanti ‘tejogataṃ’. Usmāti usmākāro. Usmāgatanti usmābhāvaṃ gataṃ. Usmākārassevetaṃ nāmaṃ. Usumanti balavausmā. Usumameva usumabhāvaṃ gatanti usumagataṃ.
೯೭೦. ವಾಯನಕವಸೇನ ವಾಯೋ। ವಾಯೋವ ವಾಯೋಭಾವಂ ಗತತ್ತಾ ವಾಯೋಗತಂ। ಥಮ್ಭಿತತ್ತನ್ತಿ ಉಪ್ಪಲನಾಳತಚಾದೀನಂ ವಿಯ ವಾತಪುಣ್ಣಾನಂ ಥಮ್ಭಿತಭಾವೋ ರೂಪಸ್ಸ।
970. Vāyanakavasena vāyo. Vāyova vāyobhāvaṃ gatattā vāyogataṃ. Thambhitattanti uppalanāḷatacādīnaṃ viya vātapuṇṇānaṃ thambhitabhāvo rūpassa.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಧಮ್ಮಸಙ್ಗಣೀಪಾಳಿ • Dhammasaṅgaṇīpāḷi / ರೂಪವಿಭತ್ತಿ • Rūpavibhatti
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಧಮ್ಮಸಙ್ಗಣೀ-ಮೂಲಟೀಕಾ • Dhammasaṅgaṇī-mūlaṭīkā / ಪಞ್ಚಕನಿದ್ದೇಸವಣ್ಣನಾ • Pañcakaniddesavaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಧಮ್ಮಸಙ್ಗಣೀ-ಅನುಟೀಕಾ • Dhammasaṅgaṇī-anuṭīkā / ಪಞ್ಚಕನಿದ್ದೇಸವಣ್ಣನಾ • Pañcakaniddesavaṇṇanā
