| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā |
೫. ಪಞ್ಚಕನಿದ್ದೇಸವಣ್ಣನಾ
5. Pañcakaniddesavaṇṇanā
೧೯೧. ಪಠಮಪಞ್ಚಕೇ ಉದ್ದೇಸೇನೇವ ಪುಗ್ಗಲವಿಭಾಗೋ ವಿಞ್ಞಾಯತೀತಿ ಯಥಾ ತೇಸು ಪಟಿಪಜ್ಜಿತಬ್ಬಂ , ತಾಯ ಪಟಿಪತ್ತಿಯಾ ತೇ ವಿಭಜನ್ತೋ ‘‘ತತ್ರ ಯ್ವಾಯ’’ನ್ತಿಆದಿಮಾಹ। ಆರಮ್ಭಸದ್ದೋತಿ ಆರಮ್ಭಕಿರಿಯಾವಾಚಕೋ ಸದ್ದೋತಿ ಅತ್ಥೋ। ಫಲುಪ್ಪತ್ತಿಯಾ ಮಗ್ಗಕಿಚ್ಚಂ ನಿಟ್ಠಿತಂ ಹೋತೀತಿ ‘‘ಮಗ್ಗಕಿಚ್ಚವಸೇನ ಫಲಮೇವ ವುತ್ತ’’ನ್ತಿ ಆಹ। ಆಯಾಚನಸಾಧೂತಿ ನ ಪಸಂಸನಾದಿಸಾಧೂತಿ ಅತ್ಥೋ।
191. Paṭhamapañcake uddeseneva puggalavibhāgo viññāyatīti yathā tesu paṭipajjitabbaṃ , tāya paṭipattiyā te vibhajanto ‘‘tatra yvāya’’ntiādimāha. Ārambhasaddoti ārambhakiriyāvācako saddoti attho. Phaluppattiyā maggakiccaṃ niṭṭhitaṃ hotīti ‘‘maggakiccavasena phalameva vutta’’nti āha. Āyācanasādhūti na pasaṃsanādisādhūti attho.
೧೯೨. ಆದಿತೋ ಧೇಯ್ಯಂ ಠಪೇತಬ್ಬಂ ಆಧೇಯ್ಯಂ, ದಸ್ಸನಸವನಪಟಿವಚನದಾನವಸೇನ ಮುಖೇನ ವಿಯ ಪವತ್ತಂ ಗಹಣಂ ಮುಖನ್ತಿ ದಟ್ಠಬ್ಬಂ। ತಂ ಮುಖಂ ಆಧೇಯ್ಯಂ, ಗಹಣತ್ಥಂ ಪಕತಿಮುಖಮೇವ ವಾ ಆಧೇಯ್ಯಂ ಯಸ್ಸ ಸೋ ಆಧೇಯ್ಯಮುಖೋ, ಅವಿಚಾರೇತ್ವಾ ಆದಿಕಥಾಯ ಏವ ಠಪಿತಗಹಣೋತಿ ವುತ್ತಂ ಹೋತಿ।
192. Ādito dheyyaṃ ṭhapetabbaṃ ādheyyaṃ, dassanasavanapaṭivacanadānavasena mukhena viya pavattaṃ gahaṇaṃ mukhanti daṭṭhabbaṃ. Taṃ mukhaṃ ādheyyaṃ, gahaṇatthaṃ pakatimukhameva vā ādheyyaṃ yassa so ādheyyamukho, avicāretvā ādikathāya eva ṭhapitagahaṇoti vuttaṃ hoti.
೧೯೪. ರಜಗ್ಗಸ್ಮಿನ್ತಿ ರಜಗ್ಗಭಾವೇ।
194. Rajaggasminti rajaggabhāve.
೧೯೯. ಗವಾ ಖೀರಂ ಅಗ್ಗಮಕ್ಖಾಯತೀತಿ ನ ಏವಂ ಸಮ್ಬನ್ಧೋ, ಉಪ್ಪತ್ತಿತೋ ಪನ ಪಞ್ಚ ಗೋರಸೇ ದಸ್ಸೇತ್ವಾ ತೇಸು ಸಪ್ಪಿಮಣ್ಡಸ್ಸ ಅಗ್ಗಭಾವದಸ್ಸನತ್ಥಂ ‘‘ಗವಾ ಖೀರ’’ನ್ತಿಆದಿ ವುತ್ತಂ। ತೇನಾಹ ‘‘ಗಾವಿತೋ ಖೀರಂ ನಾಮ ಹೋತೀ’’ತಿಆದಿ।
199. Gavā khīraṃ aggamakkhāyatīti na evaṃ sambandho, uppattito pana pañca gorase dassetvā tesu sappimaṇḍassa aggabhāvadassanatthaṃ ‘‘gavā khīra’’ntiādi vuttaṃ. Tenāha ‘‘gāvito khīraṃ nāma hotī’’tiādi.
ಪಞ್ಚಕನಿದ್ದೇಸವಣ್ಣನಾ ನಿಟ್ಠಿತಾ।
Pañcakaniddesavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಪುಗ್ಗಲಪಞ್ಞತ್ತಿಪಾಳಿ • Puggalapaññattipāḷi / ೫. ಪಞ್ಚಕಪುಗ್ಗಲಪಞ್ಞತ್ತಿ • 5. Pañcakapuggalapaññatti
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೫. ಪಞ್ಚಕನಿದ್ದೇಸವಣ್ಣನಾ • 5. Pañcakaniddesavaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೫. ಪಞ್ಚಕನಿದ್ದೇಸವಣ್ಣನಾ • 5. Pañcakaniddesavaṇṇanā
