| Library / Tipiṭaka / තිපිටක • Tipiṭaka / ධම්‌මසඞ්‌ගණි-අට්‌ඨකථා • Dhammasaṅgaṇi-aṭṭhakathā |
පඤ්‌චකනිද්‌දෙසවණ්‌ණනා
Pañcakaniddesavaṇṇanā
967. පඤ්‌චවිධසඞ්‌ගහනිද්‌දෙසෙ කක්‌ඛළන්‌ති ථද්‌ධං. ඛරමෙව ඛරගතං, ඵරුසන්‌ති අත්‌ථො. ඉතරෙ ද්‌වෙපි සභාවනිද්‌දෙසා එව. අජ්‌ඣත්‌තන්‌ති නියකජ්‌ඣත්‌තං. බහිද්‌ධාති බාහිරං. උපාදිණ්‌ණන්‌ති න කම්‌මසමුට්‌ඨානමෙව. අවිසෙසෙන පන සරීරට්‌ඨකස්‌සෙතං ගහණං. සරීරට්‌ඨකඤ්‌හි උපාදිණ්‌ණං වා හොතු අනුපාදිණ්‌ණං වා, ආදින්‌නගහිතපරාමට්‌ඨවසෙන සබ්‌බං උපාදිණ්‌ණමෙව නාම.
967. Pañcavidhasaṅgahaniddese kakkhaḷanti thaddhaṃ. Kharameva kharagataṃ, pharusanti attho. Itare dvepi sabhāvaniddesā eva. Ajjhattanti niyakajjhattaṃ. Bahiddhāti bāhiraṃ. Upādiṇṇanti na kammasamuṭṭhānameva. Avisesena pana sarīraṭṭhakassetaṃ gahaṇaṃ. Sarīraṭṭhakañhi upādiṇṇaṃ vā hotu anupādiṇṇaṃ vā, ādinnagahitaparāmaṭṭhavasena sabbaṃ upādiṇṇameva nāma.
969. තෙජොගතන්‌ති සබ්‌බතෙජෙසු ගතං උණ්‌හත්‌තලක්‌ඛණං, තෙජො එව වා තෙජොභාවං ගතන්‌ති ‘තෙජොගතං’. උස්‌මාති උස්‌මාකාරො. උස්‌මාගතන්‌ති උස්‌මාභාවං ගතං. උස්‌මාකාරස්‌සෙවෙතං නාමං. උසුමන්‌ති බලවඋස්‌මා. උසුමමෙව උසුමභාවං ගතන්‌ති උසුමගතං.
969. Tejogatanti sabbatejesu gataṃ uṇhattalakkhaṇaṃ, tejo eva vā tejobhāvaṃ gatanti ‘tejogataṃ’. Usmāti usmākāro. Usmāgatanti usmābhāvaṃ gataṃ. Usmākārassevetaṃ nāmaṃ. Usumanti balavausmā. Usumameva usumabhāvaṃ gatanti usumagataṃ.
970. වායනකවසෙන වායො. වායොව වායොභාවං ගතත්‌තා වායොගතං. ථම්‌භිතත්‌තන්‌ති උප්‌පලනාළතචාදීනං විය වාතපුණ්‌ණානං ථම්‌භිතභාවො රූපස්‌ස.
970. Vāyanakavasena vāyo. Vāyova vāyobhāvaṃ gatattā vāyogataṃ. Thambhitattanti uppalanāḷatacādīnaṃ viya vātapuṇṇānaṃ thambhitabhāvo rūpassa.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / ධම්‌මසඞ්‌ගණීපාළි • Dhammasaṅgaṇīpāḷi / රූපවිභත්‌ති • Rūpavibhatti
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / ධම්‌මසඞ්‌ගණී-මූලටීකා • Dhammasaṅgaṇī-mūlaṭīkā / පඤ්‌චකනිද්‌දෙසවණ්‌ණනා • Pañcakaniddesavaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / ධම්‌මසඞ්‌ගණී-අනුටීකා • Dhammasaṅgaṇī-anuṭīkā / පඤ්‌චකනිද්‌දෙසවණ්‌ණනා • Pañcakaniddesavaṇṇanā
