| Library / Tipiṭaka / තිපිටක • Tipiṭaka / පඤ්‌චපකරණ-මූලටීකා • Pañcapakaraṇa-mūlaṭīkā |
5. පඤ්‌චකනිද්‌දෙසවණ්‌ණනා
5. Pañcakaniddesavaṇṇanā
191. පඨමපඤ්‌චකෙ උද්‌දෙසෙනෙව පුග්‌ගලවිභාගො විඤ්‌ඤායතීති යථා තෙසු පටිපජ්‌ජිතබ්‌බං , තාය පටිපත්‌තියා තෙ විභජන්‌තො ‘‘තත්‍ර ය්‌වාය’’න්‌තිආදිමාහ. ආරම්‌භසද්‌දොති ආරම්‌භකිරියාවාචකො සද්‌දොති අත්‌ථො. ඵලුප්‌පත්‌තියා මග්‌ගකිච්‌චං නිට්‌ඨිතං හොතීති ‘‘මග්‌ගකිච්‌චවසෙන ඵලමෙව වුත්‌ත’’න්‌ති ආහ. ආයාචනසාධූති න පසංසනාදිසාධූති අත්‌ථො.
191. Paṭhamapañcake uddeseneva puggalavibhāgo viññāyatīti yathā tesu paṭipajjitabbaṃ , tāya paṭipattiyā te vibhajanto ‘‘tatra yvāya’’ntiādimāha. Ārambhasaddoti ārambhakiriyāvācako saddoti attho. Phaluppattiyā maggakiccaṃ niṭṭhitaṃ hotīti ‘‘maggakiccavasena phalameva vutta’’nti āha. Āyācanasādhūti na pasaṃsanādisādhūti attho.
192. ආදිතො ධෙය්‍යං ඨපෙතබ්‌බං ආධෙය්‍යං, දස්‌සනසවනපටිවචනදානවසෙන මුඛෙන විය පවත්‌තං ගහණං මුඛන්‌ති දට්‌ඨබ්‌බං. තං මුඛං ආධෙය්‍යං, ගහණත්‌ථං පකතිමුඛමෙව වා ආධෙය්‍යං යස්‌ස සො ආධෙය්‍යමුඛො, අවිචාරෙත්‌වා ආදිකථාය එව ඨපිතගහණොති වුත්‌තං හොති.
192. Ādito dheyyaṃ ṭhapetabbaṃ ādheyyaṃ, dassanasavanapaṭivacanadānavasena mukhena viya pavattaṃ gahaṇaṃ mukhanti daṭṭhabbaṃ. Taṃ mukhaṃ ādheyyaṃ, gahaṇatthaṃ pakatimukhameva vā ādheyyaṃ yassa so ādheyyamukho, avicāretvā ādikathāya eva ṭhapitagahaṇoti vuttaṃ hoti.
194. රජග්‌ගස්‌මින්‌ති රජග්‌ගභාවෙ.
194. Rajaggasminti rajaggabhāve.
199. ගවා ඛීරං අග්‌ගමක්‌ඛායතීති න එවං සම්‌බන්‌ධො, උප්‌පත්‌තිතො පන පඤ්‌ච ගොරසෙ දස්‌සෙත්‌වා තෙසු සප්‌පිමණ්‌ඩස්‌ස අග්‌ගභාවදස්‌සනත්‌ථං ‘‘ගවා ඛීර’’න්‌තිආදි වුත්‌තං. තෙනාහ ‘‘ගාවිතො ඛීරං නාම හොතී’’තිආදි.
199. Gavā khīraṃ aggamakkhāyatīti na evaṃ sambandho, uppattito pana pañca gorase dassetvā tesu sappimaṇḍassa aggabhāvadassanatthaṃ ‘‘gavā khīra’’ntiādi vuttaṃ. Tenāha ‘‘gāvito khīraṃ nāma hotī’’tiādi.
පඤ්‌චකනිද්‌දෙසවණ්‌ණනා නිට්‌ඨිතා.
Pañcakaniddesavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / පුග්‌ගලපඤ්‌ඤත්‌තිපාළි • Puggalapaññattipāḷi / 5. පඤ්‌චකපුග්‌ගලපඤ්‌ඤත්‌ති • 5. Pañcakapuggalapaññatti
අට්‌ඨකථා • Aṭṭhakathā / අභිධම්‌මපිටක (අට්‌ඨකථා) • Abhidhammapiṭaka (aṭṭhakathā) / පඤ්‌චපකරණ-අට්‌ඨකථා • Pañcapakaraṇa-aṭṭhakathā / 5. පඤ්‌චකනිද්‌දෙසවණ්‌ණනා • 5. Pañcakaniddesavaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā / 5. පඤ්‌චකනිද්‌දෙසවණ්‌ණනා • 5. Pañcakaniddesavaṇṇanā
