| Library / Tipiṭaka / ཏིཔིཊཀ • Tipiṭaka / དྷམྨསངྒཎི-ཨཊྛཀཐཱ • Dhammasaṅgaṇi-aṭṭhakathā |
པཉྩཀནིདྡེསཝཎྞནཱ
Pañcakaniddesavaṇṇanā
༩༦༧. པཉྩཝིདྷསངྒཧནིདྡེསེ ཀཀྑལ༹ནྟི ཐདྡྷཾ། ཁརམེཝ ཁརགཏཾ, ཕརུསནྟི ཨཏྠོ། ཨིཏརེ དྭེཔི སབྷཱཝནིདྡེསཱ ཨེཝ། ཨཛ྄ཛྷཏྟནྟི ནིཡཀཛ྄ཛྷཏྟཾ། བཧིདྡྷཱཏི བཱཧིརཾ། ཨུཔཱདིཎྞནྟི ན ཀམྨསམུཊྛཱནམེཝ། ཨཝིསེསེན པན སརཱིརཊྛཀསྶེཏཾ གཧཎཾ། སརཱིརཊྛཀཉྷི ཨུཔཱདིཎྞཾ ཝཱ ཧོཏུ ཨནུཔཱདིཎྞཾ ཝཱ, ཨཱདིནྣགཧིཏཔརཱམཊྛཝསེན སབྦཾ ཨུཔཱདིཎྞམེཝ ནཱམ།
967. Pañcavidhasaṅgahaniddese kakkhaḷanti thaddhaṃ. Kharameva kharagataṃ, pharusanti attho. Itare dvepi sabhāvaniddesā eva. Ajjhattanti niyakajjhattaṃ. Bahiddhāti bāhiraṃ. Upādiṇṇanti na kammasamuṭṭhānameva. Avisesena pana sarīraṭṭhakassetaṃ gahaṇaṃ. Sarīraṭṭhakañhi upādiṇṇaṃ vā hotu anupādiṇṇaṃ vā, ādinnagahitaparāmaṭṭhavasena sabbaṃ upādiṇṇameva nāma.
༩༦༩. ཏེཛོགཏནྟི སབྦཏེཛེསུ གཏཾ ཨུཎྷཏྟལཀྑཎཾ, ཏེཛོ ཨེཝ ཝཱ ཏེཛོབྷཱཝཾ གཏནྟི ‘ཏེཛོགཏཾ’། ཨུསྨཱཏི ཨུསྨཱཀཱརོ། ཨུསྨཱགཏནྟི ཨུསྨཱབྷཱཝཾ གཏཾ། ཨུསྨཱཀཱརསྶེཝེཏཾ ནཱམཾ། ཨུསུམནྟི བལཝཨུསྨཱ། ཨུསུམམེཝ ཨུསུམབྷཱཝཾ གཏནྟི ཨུསུམགཏཾ།
969. Tejogatanti sabbatejesu gataṃ uṇhattalakkhaṇaṃ, tejo eva vā tejobhāvaṃ gatanti ‘tejogataṃ’. Usmāti usmākāro. Usmāgatanti usmābhāvaṃ gataṃ. Usmākārassevetaṃ nāmaṃ. Usumanti balavausmā. Usumameva usumabhāvaṃ gatanti usumagataṃ.
༩༧༠. ཝཱཡནཀཝསེན ཝཱཡོ། ཝཱཡོཝ ཝཱཡོབྷཱཝཾ གཏཏྟཱ ཝཱཡོགཏཾ། ཐམྦྷིཏཏྟནྟི ཨུཔྤལནཱལ༹ཏཙཱདཱིནཾ ཝིཡ ཝཱཏཔུཎྞཱནཾ ཐམྦྷིཏབྷཱཝོ རཱུཔསྶ།
970. Vāyanakavasena vāyo. Vāyova vāyobhāvaṃ gatattā vāyogataṃ. Thambhitattanti uppalanāḷatacādīnaṃ viya vātapuṇṇānaṃ thambhitabhāvo rūpassa.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / དྷམྨསངྒཎཱིཔཱལི༹ • Dhammasaṅgaṇīpāḷi / རཱུཔཝིབྷཏྟི • Rūpavibhatti
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / དྷམྨསངྒཎཱི-མཱུལཊཱིཀཱ • Dhammasaṅgaṇī-mūlaṭīkā / པཉྩཀནིདྡེསཝཎྞནཱ • Pañcakaniddesavaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / དྷམྨསངྒཎཱི-ཨནུཊཱིཀཱ • Dhammasaṅgaṇī-anuṭīkā / པཉྩཀནིདྡེསཝཎྞནཱ • Pañcakaniddesavaṇṇanā
