| Library / Tipiṭaka / ਤਿਪਿਟਕ • Tipiṭaka / ਧਮ੍ਮਸਙ੍ਗਣਿ-ਅਟ੍ਠਕਥਾ • Dhammasaṅgaṇi-aṭṭhakathā |
ਪਞ੍ਚਕਨਿਦ੍ਦੇਸવਣ੍ਣਨਾ
Pañcakaniddesavaṇṇanā
੯੬੭. ਪਞ੍ਚવਿਧਸਙ੍ਗਹਨਿਦ੍ਦੇਸੇ ਕਕ੍ਖਲ਼ਨ੍ਤਿ ਥਦ੍ਧਂ। ਖਰਮੇવ ਖਰਗਤਂ, ਫਰੁਸਨ੍ਤਿ ਅਤ੍ਥੋ। ਇਤਰੇ ਦ੍વੇਪਿ ਸਭਾવਨਿਦ੍ਦੇਸਾ ਏવ। ਅਜ੍ਝਤ੍ਤਨ੍ਤਿ ਨਿਯਕਜ੍ਝਤ੍ਤਂ। ਬਹਿਦ੍ਧਾਤਿ ਬਾਹਿਰਂ। ਉਪਾਦਿਣ੍ਣਨ੍ਤਿ ਨ ਕਮ੍ਮਸਮੁਟ੍ਠਾਨਮੇવ। ਅવਿਸੇਸੇਨ ਪਨ ਸਰੀਰਟ੍ਠਕਸ੍ਸੇਤਂ ਗਹਣਂ। ਸਰੀਰਟ੍ਠਕਞ੍ਹਿ ਉਪਾਦਿਣ੍ਣਂ વਾ ਹੋਤੁ ਅਨੁਪਾਦਿਣ੍ਣਂ વਾ, ਆਦਿਨ੍ਨਗਹਿਤਪਰਾਮਟ੍ਠવਸੇਨ ਸਬ੍ਬਂ ਉਪਾਦਿਣ੍ਣਮੇવ ਨਾਮ।
967. Pañcavidhasaṅgahaniddese kakkhaḷanti thaddhaṃ. Kharameva kharagataṃ, pharusanti attho. Itare dvepi sabhāvaniddesā eva. Ajjhattanti niyakajjhattaṃ. Bahiddhāti bāhiraṃ. Upādiṇṇanti na kammasamuṭṭhānameva. Avisesena pana sarīraṭṭhakassetaṃ gahaṇaṃ. Sarīraṭṭhakañhi upādiṇṇaṃ vā hotu anupādiṇṇaṃ vā, ādinnagahitaparāmaṭṭhavasena sabbaṃ upādiṇṇameva nāma.
੯੬੯. ਤੇਜੋਗਤਨ੍ਤਿ ਸਬ੍ਬਤੇਜੇਸੁ ਗਤਂ ਉਣ੍ਹਤ੍ਤਲਕ੍ਖਣਂ, ਤੇਜੋ ਏવ વਾ ਤੇਜੋਭਾવਂ ਗਤਨ੍ਤਿ ‘ਤੇਜੋਗਤਂ’। ਉਸ੍ਮਾਤਿ ਉਸ੍ਮਾਕਾਰੋ। ਉਸ੍ਮਾਗਤਨ੍ਤਿ ਉਸ੍ਮਾਭਾવਂ ਗਤਂ। ਉਸ੍ਮਾਕਾਰਸ੍ਸੇવੇਤਂ ਨਾਮਂ। ਉਸੁਮਨ੍ਤਿ ਬਲવਉਸ੍ਮਾ। ਉਸੁਮਮੇવ ਉਸੁਮਭਾવਂ ਗਤਨ੍ਤਿ ਉਸੁਮਗਤਂ।
969. Tejogatanti sabbatejesu gataṃ uṇhattalakkhaṇaṃ, tejo eva vā tejobhāvaṃ gatanti ‘tejogataṃ’. Usmāti usmākāro. Usmāgatanti usmābhāvaṃ gataṃ. Usmākārassevetaṃ nāmaṃ. Usumanti balavausmā. Usumameva usumabhāvaṃ gatanti usumagataṃ.
੯੭੦. વਾਯਨਕવਸੇਨ વਾਯੋ। વਾਯੋવ વਾਯੋਭਾવਂ ਗਤਤ੍ਤਾ વਾਯੋਗਤਂ। ਥਮ੍ਭਿਤਤ੍ਤਨ੍ਤਿ ਉਪ੍ਪਲਨਾਲ਼ਤਚਾਦੀਨਂ વਿਯ વਾਤਪੁਣ੍ਣਾਨਂ ਥਮ੍ਭਿਤਭਾવੋ ਰੂਪਸ੍ਸ।
970. Vāyanakavasena vāyo. Vāyova vāyobhāvaṃ gatattā vāyogataṃ. Thambhitattanti uppalanāḷatacādīnaṃ viya vātapuṇṇānaṃ thambhitabhāvo rūpassa.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਧਮ੍ਮਸਙ੍ਗਣੀਪਾਲ਼ਿ • Dhammasaṅgaṇīpāḷi / ਰੂਪવਿਭਤ੍ਤਿ • Rūpavibhatti
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਧਮ੍ਮਸਙ੍ਗਣੀ-ਮੂਲਟੀਕਾ • Dhammasaṅgaṇī-mūlaṭīkā / ਪਞ੍ਚਕਨਿਦ੍ਦੇਸવਣ੍ਣਨਾ • Pañcakaniddesavaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਧਮ੍ਮਸਙ੍ਗਣੀ-ਅਨੁਟੀਕਾ • Dhammasaṅgaṇī-anuṭīkā / ਪਞ੍ਚਕਨਿਦ੍ਦੇਸવਣ੍ਣਨਾ • Pañcakaniddesavaṇṇanā
