| Library / Tipiṭaka / തിപിടക • Tipiṭaka / ധമ്മസങ്ഗണി-അട്ഠകഥാ • Dhammasaṅgaṇi-aṭṭhakathā |
പഞ്ചകനിദ്ദേസവണ്ണനാ
Pañcakaniddesavaṇṇanā
൯൬൭. പഞ്ചവിധസങ്ഗഹനിദ്ദേസേ കക്ഖളന്തി ഥദ്ധം. ഖരമേവ ഖരഗതം, ഫരുസന്തി അത്ഥോ. ഇതരേ ദ്വേപി സഭാവനിദ്ദേസാ ഏവ. അജ്ഝത്തന്തി നിയകജ്ഝത്തം. ബഹിദ്ധാതി ബാഹിരം. ഉപാദിണ്ണന്തി ന കമ്മസമുട്ഠാനമേവ. അവിസേസേന പന സരീരട്ഠകസ്സേതം ഗഹണം. സരീരട്ഠകഞ്ഹി ഉപാദിണ്ണം വാ ഹോതു അനുപാദിണ്ണം വാ, ആദിന്നഗഹിതപരാമട്ഠവസേന സബ്ബം ഉപാദിണ്ണമേവ നാമ.
967. Pañcavidhasaṅgahaniddese kakkhaḷanti thaddhaṃ. Kharameva kharagataṃ, pharusanti attho. Itare dvepi sabhāvaniddesā eva. Ajjhattanti niyakajjhattaṃ. Bahiddhāti bāhiraṃ. Upādiṇṇanti na kammasamuṭṭhānameva. Avisesena pana sarīraṭṭhakassetaṃ gahaṇaṃ. Sarīraṭṭhakañhi upādiṇṇaṃ vā hotu anupādiṇṇaṃ vā, ādinnagahitaparāmaṭṭhavasena sabbaṃ upādiṇṇameva nāma.
൯൬൯. തേജോഗതന്തി സബ്ബതേജേസു ഗതം ഉണ്ഹത്തലക്ഖണം, തേജോ ഏവ വാ തേജോഭാവം ഗതന്തി ‘തേജോഗതം’. ഉസ്മാതി ഉസ്മാകാരോ. ഉസ്മാഗതന്തി ഉസ്മാഭാവം ഗതം. ഉസ്മാകാരസ്സേവേതം നാമം. ഉസുമന്തി ബലവഉസ്മാ. ഉസുമമേവ ഉസുമഭാവം ഗതന്തി ഉസുമഗതം.
969. Tejogatanti sabbatejesu gataṃ uṇhattalakkhaṇaṃ, tejo eva vā tejobhāvaṃ gatanti ‘tejogataṃ’. Usmāti usmākāro. Usmāgatanti usmābhāvaṃ gataṃ. Usmākārassevetaṃ nāmaṃ. Usumanti balavausmā. Usumameva usumabhāvaṃ gatanti usumagataṃ.
൯൭൦. വായനകവസേന വായോ. വായോവ വായോഭാവം ഗതത്താ വായോഗതം. ഥമ്ഭിതത്തന്തി ഉപ്പലനാളതചാദീനം വിയ വാതപുണ്ണാനം ഥമ്ഭിതഭാവോ രൂപസ്സ.
970. Vāyanakavasena vāyo. Vāyova vāyobhāvaṃ gatattā vāyogataṃ. Thambhitattanti uppalanāḷatacādīnaṃ viya vātapuṇṇānaṃ thambhitabhāvo rūpassa.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / ധമ്മസങ്ഗണീപാളി • Dhammasaṅgaṇīpāḷi / രൂപവിഭത്തി • Rūpavibhatti
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / ധമ്മസങ്ഗണീ-മൂലടീകാ • Dhammasaṅgaṇī-mūlaṭīkā / പഞ്ചകനിദ്ദേസവണ്ണനാ • Pañcakaniddesavaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / ധമ്മസങ്ഗണീ-അനുടീകാ • Dhammasaṅgaṇī-anuṭīkā / പഞ്ചകനിദ്ദേസവണ്ണനാ • Pañcakaniddesavaṇṇanā
