| Library / Tipiṭaka / д̇ибидага • Tipiṭaka / буг̇г̇алабан̃н̃ад̇д̇ибаал̣и • Puggalapaññattipāḷi |
5. бан̃жагабуг̇г̇алабан̃н̃ад̇д̇и
5. Pañcakapuggalapaññatti
191. д̇ад̇ра явааяам̣ буг̇г̇ало аарабхад̇и жа виббадисаарий жа ход̇и, д̇ан̃жа жзд̇овимуд̇д̇им̣ бан̃н̃аавимуд̇д̇им̣ яат̇аабхууд̇ам̣ наббаж̇аанаад̇и, яад̇т̇асса д̇з уббаннаа баабагаа агусалаа д̇хаммаа абарисзсаа нируж̇жханд̇и , со звамасса важанийяо – ‘‘ааяасмад̇о ко аарамбхаж̇аа 1 аасаваа сам̣виж̇ж̇анд̇и, виббадисаараж̇аа аасаваа бавад̣дханд̇и. саад̇ху вад̇ааяасмаа аарамбхаж̇з аасавз бахааяа виббадисаараж̇з аасавз бадивинод̣̇зд̇ваа жид̇д̇ам̣ бан̃н̃ан̃жа бхаавзд̇у. звамааяасмаа амунаа бан̃жамзна буг̇г̇алзна самасамо бхависсад̇ий’’д̇и.
191. Tatra yvāyaṃ puggalo ārabhati ca vippaṭisārī ca hoti, tañca cetovimuttiṃ paññāvimuttiṃ yathābhūtaṃ nappajānāti, yatthassa te uppannā pāpakā akusalā dhammā aparisesā nirujjhanti , so evamassa vacanīyo – ‘‘āyasmato kho ārambhajā 2 āsavā saṃvijjanti, vippaṭisārajā āsavā pavaḍḍhanti. Sādhu vatāyasmā ārambhaje āsave pahāya vippaṭisāraje āsave paṭivinodetvā cittaṃ paññañca bhāvetu. Evamāyasmā amunā pañcamena puggalena samasamo bhavissatī’’ti.
д̇ад̇ра явааяам̣ буг̇г̇ало аарабхад̇и на виббадисаарий ход̇и, д̇ан̃жа жзд̇овимуд̇д̇им̣ бан̃н̃аавимуд̇д̇им̣ яат̇аабхууд̇ам̣ наббаж̇аанаад̇и, яад̇т̇асса д̇з уббаннаа баабагаа агусалаа д̇хаммаа абарисзсаа нируж̇жханд̇и, со звамасса важанийяо – ‘‘ааяасмад̇о ко аарамбхаж̇аа аасаваа сам̣виж̇ж̇анд̇и, виббадисаараж̇аа аасаваа наббавад̣дханд̇и. саад̇ху вад̇ааяасмаа аарамбхаж̇з аасавз бахааяа жид̇д̇ам̣ бан̃н̃ан̃жа бхаавзд̇у. звамааяасмаа амунаа бан̃жамзна буг̇г̇алзна самасамо бхависсад̇ий’’д̇и.
Tatra yvāyaṃ puggalo ārabhati na vippaṭisārī hoti, tañca cetovimuttiṃ paññāvimuttiṃ yathābhūtaṃ nappajānāti, yatthassa te uppannā pāpakā akusalā dhammā aparisesā nirujjhanti, so evamassa vacanīyo – ‘‘āyasmato kho ārambhajā āsavā saṃvijjanti, vippaṭisārajā āsavā nappavaḍḍhanti. Sādhu vatāyasmā ārambhaje āsave pahāya cittaṃ paññañca bhāvetu. Evamāyasmā amunā pañcamena puggalena samasamo bhavissatī’’ti.
д̇ад̇ра явааяам̣ буг̇г̇ало на аарабхад̇и виббадисаарий ход̇и, д̇ан̃жа жзд̇овимуд̇д̇им̣ бан̃н̃аавимуд̇д̇им̣ яат̇аабхууд̇ам̣ наббаж̇аанаад̇и, яад̇т̇асса д̇з уббаннаа баабагаа агусалаа д̇хаммаа абарисзсаа нируж̇жханд̇и, со звамасса важанийяо – ‘‘ааяасмад̇о ко аарамбхаж̇аа аасаваа на сам̣виж̇ж̇анд̇и, виббадисаараж̇аа аасаваа бавад̣дханд̇и. саад̇ху вад̇ааяасмаа виббадисаараж̇з аасавз бадивинод̣̇зд̇ваа жид̇д̇ам̣ бан̃н̃ан̃жа бхаавзд̇у. звамааяасмаа амунаа бан̃жамзна буг̇г̇алзна самасамо бхависсад̇ий’’д̇и.
Tatra yvāyaṃ puggalo na ārabhati vippaṭisārī hoti, tañca cetovimuttiṃ paññāvimuttiṃ yathābhūtaṃ nappajānāti, yatthassa te uppannā pāpakā akusalā dhammā aparisesā nirujjhanti, so evamassa vacanīyo – ‘‘āyasmato kho ārambhajā āsavā na saṃvijjanti, vippaṭisārajā āsavā pavaḍḍhanti. Sādhu vatāyasmā vippaṭisāraje āsave paṭivinodetvā cittaṃ paññañca bhāvetu. Evamāyasmā amunā pañcamena puggalena samasamo bhavissatī’’ti.
д̇ад̇ра явааяам̣ буг̇г̇ало на аарабхад̇и на виббадисаарий ход̇и, д̇ан̃жа жзд̇овимуд̇д̇им̣ бан̃н̃аавимуд̇д̇им̣ яат̇аабхууд̇ам̣ наббаж̇аанаад̇и, яад̇т̇асса д̇з баабагаа агусалаа д̇хаммаа абарисзсаа нируж̇жханд̇и, со звамасса важанийяо – ‘‘ааяасмад̇о ко аарамбхаж̇аа аасаваа на сам̣виж̇ж̇анд̇и, виббадисаараж̇аа аасаваа наббавад̣дханд̇и. саад̇ху вад̇ааяасмаа жид̇д̇ам̣ бан̃н̃ан̃жа бхаавзд̇у. звамааяасмаа амунаа бан̃жамзна буг̇г̇алзна самасамо бхависсад̇ий’’д̇и. имз жад̇д̇ааро буг̇г̇алаа амунаа бан̃жамзна буг̇г̇алзна звам̣ овад̣̇ияамаанаа звам̣ анусаасияамаанаа анубуб̣б̣зна аасаваанам̣ каяам̣ баабун̣анд̇и.
Tatra yvāyaṃ puggalo na ārabhati na vippaṭisārī hoti, tañca cetovimuttiṃ paññāvimuttiṃ yathābhūtaṃ nappajānāti, yatthassa te pāpakā akusalā dhammā aparisesā nirujjhanti, so evamassa vacanīyo – ‘‘āyasmato kho ārambhajā āsavā na saṃvijjanti, vippaṭisārajā āsavā nappavaḍḍhanti. Sādhu vatāyasmā cittaṃ paññañca bhāvetu. Evamāyasmā amunā pañcamena puggalena samasamo bhavissatī’’ti. Ime cattāro puggalā amunā pañcamena puggalena evaṃ ovadiyamānā evaṃ anusāsiyamānā anupubbena āsavānaṃ khayaṃ pāpuṇanti.
192. гат̇ан̃жа буг̇г̇ало д̣̇ад̇ваа аваж̇аанаад̇и? ид̇хзгажжо буг̇г̇ало яасса буг̇г̇аласса д̣̇зд̇и жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаарам̣, д̇асса звам̣ ход̇и – ‘‘ахам̣ д̣̇амми, аяам̣ 3 бадиг̇г̇ан̣хаад̇ий’’д̇и, д̇амзнам̣ д̣̇ад̇ваа аваж̇аанаад̇и. звам̣ буг̇г̇ало д̣̇ад̇ваа аваж̇аанаад̇и.
192. Kathañca puggalo datvā avajānāti? Idhekacco puggalo yassa puggalassa deti cīvarapiṇḍapātasenāsanagilānapaccayabhesajjaparikkhāraṃ, tassa evaṃ hoti – ‘‘ahaṃ dammi, ayaṃ 4 paṭiggaṇhātī’’ti, tamenaṃ datvā avajānāti. Evaṃ puggalo datvā avajānāti.
гат̇ан̃жа буг̇г̇ало сам̣ваасзна аваж̇аанаад̇и? ид̇хзгажжо буг̇г̇ало язна буг̇г̇алзна сад̣̇д̇хим̣ сам̣васад̇и д̣̇вз ваа д̇ийн̣и ваа вассаани, д̇амзнам̣ сам̣ваасзна аваж̇аанаад̇и. звам̣ буг̇г̇ало сам̣ваасзна аваж̇аанаад̇и.
Kathañca puggalo saṃvāsena avajānāti? Idhekacco puggalo yena puggalena saddhiṃ saṃvasati dve vā tīṇi vā vassāni, tamenaṃ saṃvāsena avajānāti. Evaṃ puggalo saṃvāsena avajānāti.
гат̇ан̃жа буг̇г̇ало аад̇хзяяамуко ход̇и? ид̇хзгажжо буг̇г̇ало барасса ван̣н̣з ваа аван̣н̣з ваа бхаасияамаанз киббан̃н̃зва ад̇химужжид̇аа ход̇и. звам̣ буг̇г̇ало аад̇хзяяамуко ход̇и .
Kathañca puggalo ādheyyamukho hoti? Idhekacco puggalo parassa vaṇṇe vā avaṇṇe vā bhāsiyamāne khippaññeva adhimuccitā hoti. Evaṃ puggalo ādheyyamukho hoti .
гат̇ан̃жа буг̇г̇ало лоло ход̇и? ид̇хзгажжо буг̇г̇ало ид̇д̇арасад̣̇д̇хо ход̇и ид̇д̇арабхад̇д̇ий ид̇д̇арабзмо ид̇д̇араббасаад̣̇о. звам̣ буг̇г̇ало лоло ход̇и.
Kathañca puggalo lolo hoti? Idhekacco puggalo ittarasaddho hoti ittarabhattī ittarapemo ittarappasādo. Evaṃ puggalo lolo hoti.
гат̇ан̃жа буг̇г̇ало манд̣̇о момуухо ход̇и? ид̇хзгажжо буг̇г̇ало гусалаагусалз д̇хаммз на ж̇аанаад̇и, сааваж̇ж̇аанаваж̇ж̇з д̇хаммз на ж̇аанаад̇и, хийнаббан̣ийд̇з д̇хаммз на ж̇аанаад̇и, ган̣хасуггасаббадибхааг̇з д̇хаммз на ж̇аанаад̇и. звам̣ буг̇г̇ало манд̣̇о момуухо ход̇и.
Kathañca puggalo mando momūho hoti? Idhekacco puggalo kusalākusale dhamme na jānāti, sāvajjānavajje dhamme na jānāti, hīnappaṇīte dhamme na jānāti, kaṇhasukkasappaṭibhāge dhamme na jānāti. Evaṃ puggalo mando momūho hoti.
193. д̇ад̇т̇а гад̇амз бан̃жа яод̇хааж̇ийвуубамаа буг̇г̇алаа? бан̃жа яод̇хааж̇ийваа – ид̇хзгажжо яод̇хааж̇ийво раж̇аг̇г̇ан̃н̃зва д̣̇исваа сам̣сийд̣̇ад̇и висийд̣̇ад̇и на сант̇амбхад̇и 5 на саггод̇и сан̇г̇аамам̣ од̇арид̇ум̣. зваруубоби ид̇хзгажжо яод̇хааж̇ийво ход̇и. аяам̣ батамо яод̇хааж̇ийво санд̇о сам̣виж̇ж̇амаано логасмим̣.
193. Tattha katame pañca yodhājīvūpamā puggalā? Pañca yodhājīvā – idhekacco yodhājīvo rajaggaññeva disvā saṃsīdati visīdati na santhambhati 6 na sakkoti saṅgāmaṃ otarituṃ. Evarūpopi idhekacco yodhājīvo hoti. Ayaṃ paṭhamo yodhājīvo santo saṃvijjamāno lokasmiṃ.
буна жабарам̣ ид̇хзгажжо яод̇хааж̇ийво сахад̇и раж̇аг̇г̇ам̣, аби жа ко д̇хаж̇аг̇г̇ан̃н̃зва д̣̇исваа сам̣сийд̣̇ад̇и висийд̣̇ад̇и на сант̇амбхад̇и на саггод̇и сан̇г̇аамам̣ од̇арид̇ум̣. зваруубоби ид̇хзгажжо яод̇хааж̇ийво ход̇и. аяам̣ д̣̇уд̇ияо яод̇хааж̇ийво санд̇о сам̣виж̇ж̇амаано логасмим̣.
Puna caparaṃ idhekacco yodhājīvo sahati rajaggaṃ, api ca kho dhajaggaññeva disvā saṃsīdati visīdati na santhambhati na sakkoti saṅgāmaṃ otarituṃ. Evarūpopi idhekacco yodhājīvo hoti. Ayaṃ dutiyo yodhājīvo santo saṃvijjamāno lokasmiṃ.
буна жабарам̣ ид̇хзгажжо яод̇хааж̇ийво сахад̇и раж̇аг̇г̇ам̣ сахад̇и д̇хаж̇аг̇г̇ам̣, аби жа ко уссааран̣ан̃н̃зва 7 суд̇ваа сам̣сийд̣̇ад̇и висийд̣̇ад̇и на сант̇амбхад̇и на саггод̇и сан̇г̇аамам̣ од̇арид̇ум̣. зваруубоби ид̇хзгажжо яод̇хааж̇ийво ход̇и. аяам̣ д̇ад̇ияо яод̇хааж̇ийво санд̇о сам̣виж̇ж̇амаано логасмим̣.
Puna caparaṃ idhekacco yodhājīvo sahati rajaggaṃ sahati dhajaggaṃ, api ca kho ussāraṇaññeva 8 sutvā saṃsīdati visīdati na santhambhati na sakkoti saṅgāmaṃ otarituṃ. Evarūpopi idhekacco yodhājīvo hoti. Ayaṃ tatiyo yodhājīvo santo saṃvijjamāno lokasmiṃ.
буна жабарам̣ ид̇хзгажжо яод̇хааж̇ийво сахад̇и раж̇аг̇г̇ам̣ сахад̇и д̇хаж̇аг̇г̇ам̣ сахад̇и уссааран̣ам̣, аби жа ко самбахаарз хан̃н̃ад̇и б̣яаабаж̇ж̇ад̇и. зваруубоби ид̇хзгажжо яод̇хааж̇ийво ход̇и. аяам̣ жад̇уд̇т̇о яод̇хааж̇ийво санд̇о сам̣виж̇ж̇амаано логасмим̣.
Puna caparaṃ idhekacco yodhājīvo sahati rajaggaṃ sahati dhajaggaṃ sahati ussāraṇaṃ, api ca kho sampahāre haññati byāpajjati. Evarūpopi idhekacco yodhājīvo hoti. Ayaṃ catuttho yodhājīvo santo saṃvijjamāno lokasmiṃ.
буна жабарам̣ ид̇хзгажжо яод̇хааж̇ийво сахад̇и раж̇аг̇г̇ам̣ сахад̇и д̇хаж̇аг̇г̇ам̣ сахад̇и уссааран̣ам̣ сахад̇и самбахаарам̣. со д̇ам̣ сан̇г̇аамам̣ абхивиж̇инид̇ваа виж̇ид̇асан̇г̇аамо д̇амзва сан̇г̇аамасийсам̣ аж̇жхаавасад̇и. зваруубоби ид̇хзгажжо яод̇хааж̇ийво ход̇и. аяам̣ бан̃жамо яод̇хааж̇ийво санд̇о сам̣виж̇ж̇амаано логасмим̣. имз бан̃жа яод̇хааж̇ийваа санд̇о сам̣виж̇ж̇амаанаа логасмим̣.
Puna caparaṃ idhekacco yodhājīvo sahati rajaggaṃ sahati dhajaggaṃ sahati ussāraṇaṃ sahati sampahāraṃ. So taṃ saṅgāmaṃ abhivijinitvā vijitasaṅgāmo tameva saṅgāmasīsaṃ ajjhāvasati. Evarūpopi idhekacco yodhājīvo hoti. Ayaṃ pañcamo yodhājīvo santo saṃvijjamāno lokasmiṃ. Ime pañca yodhājīvā santo saṃvijjamānā lokasmiṃ.
194. звамзвам̣ бан̃жимз яод̇хааж̇ийвуубамаа буг̇г̇алаа санд̇о сам̣виж̇ж̇амаанаа бхигкуусу. гад̇амз бан̃жа? ид̇хзгажжо бхигку раж̇аг̇г̇ан̃н̃зва д̣̇исваа сам̣сийд̣̇ад̇и висийд̣̇ад̇и на сант̇амбхад̇и на саггод̇и б̣рахмажарияам̣ санд̇хаарзд̇ум̣ 9, сигкаад̣̇уб̣б̣аляам̣ аавигад̇ваа 10 сигкам̣ бажжагкааяа хийнааяаавад̇д̇ад̇и. гимасса раж̇аг̇г̇асмим̣? ид̇ха бхигку сун̣аад̇и – ‘‘асугасмим̣ наама г̇аамз ваа ниг̇амз ваа ид̇т̇ий ваа гумаарий ваа абхируубаа д̣̇ассанийяаа баасаад̣̇игаа барамааяа ван̣н̣абогкарад̇ааяа саманнааг̇ад̇аа’’д̇и. со д̇ам̣ суд̇ваа сам̣сийд̣̇ад̇и висийд̣̇ад̇и на сант̇амбхад̇и на саггод̇и б̣рахмажарияам̣ санд̇хаарзд̇ум̣, сигкаад̣̇уб̣б̣аляам̣ аавигад̇ваа сигкам̣ бажжагкааяа хийнааяаавад̇д̇ад̇и. ид̣̇амасса раж̇аг̇г̇асмим̣.
194. Evamevaṃ pañcime yodhājīvūpamā puggalā santo saṃvijjamānā bhikkhūsu. Katame pañca? Idhekacco bhikkhu rajaggaññeva disvā saṃsīdati visīdati na santhambhati na sakkoti brahmacariyaṃ sandhāretuṃ 11, sikkhādubbalyaṃ āvikatvā 12 sikkhaṃ paccakkhāya hīnāyāvattati. Kimassa rajaggasmiṃ? Idha bhikkhu suṇāti – ‘‘asukasmiṃ nāma gāme vā nigame vā itthī vā kumārī vā abhirūpā dassanīyā pāsādikā paramāya vaṇṇapokkharatāya samannāgatā’’ti. So taṃ sutvā saṃsīdati visīdati na santhambhati na sakkoti brahmacariyaṃ sandhāretuṃ, sikkhādubbalyaṃ āvikatvā sikkhaṃ paccakkhāya hīnāyāvattati. Idamassa rajaggasmiṃ.
сзяяат̇ааби со яод̇хааж̇ийво раж̇аг̇г̇ан̃н̃зва д̣̇исваа сам̣сийд̣̇ад̇и висийд̣̇ад̇и на сант̇амбхад̇и на саггод̇и сан̇г̇аамам̣ од̇арид̇ум̣, д̇ат̇уубамо аяам̣ буг̇г̇ало. зваруубоби ид̇хзгажжо буг̇г̇ало ход̇и. аяам̣ батамо яод̇хааж̇ийвуубамо буг̇г̇ало санд̇о сам̣виж̇ж̇амаано бхигкуусу.
Seyyathāpi so yodhājīvo rajaggaññeva disvā saṃsīdati visīdati na santhambhati na sakkoti saṅgāmaṃ otarituṃ, tathūpamo ayaṃ puggalo. Evarūpopi idhekacco puggalo hoti. Ayaṃ paṭhamo yodhājīvūpamo puggalo santo saṃvijjamāno bhikkhūsu.
195. буна жабарам̣ ид̇хзгажжо бхигку сахад̇и раж̇аг̇г̇ам̣, аби жа ко д̇хаж̇аг̇г̇ан̃н̃зва д̣̇исваа сам̣сийд̣̇ад̇и висийд̣̇ад̇и на сант̇амбхад̇и на саггод̇и б̣рахмажарияам̣ санд̇хаарзд̇ум̣, сигкаад̣̇уб̣б̣аляам̣ аавигад̇ваа сигкам̣ бажжагкааяа хийнааяаавад̇д̇ад̇и. гимасса д̇хаж̇аг̇г̇асмим̣? ид̇ха бхигку на хзва ко сун̣аад̇и – ‘‘асугасмим̣ наама г̇аамз ваа ниг̇амз ваа ид̇т̇ий ваа гумаарий ваа абхируубаа д̣̇ассанийяаа баасаад̣̇игаа барамааяа ван̣н̣абогкарад̇ааяа саманнааг̇ад̇аа’’д̇и, аби жа ко саамам̣ 13 бассад̇и ид̇т̇им̣ ваа гумаарим̣ ваа абхируубам̣ д̣̇ассанийяам̣ баасаад̣̇игам̣ барамааяа ван̣н̣абогкарад̇ааяа саманнааг̇ад̇ам̣. со д̇ам̣ д̣̇исваа сам̣сийд̣̇ад̇и висийд̣̇ад̇и на сант̇амбхад̇и на саггод̇и б̣рахмажарияам̣ санд̇хаарзд̇ум̣, сигкаад̣̇уб̣б̣аляам̣ аавигад̇ваа сигкам̣ бажжагкааяа хийнааяаавад̇д̇ад̇и. ид̣̇амасса д̇хаж̇аг̇г̇асмим̣.
195. Puna caparaṃ idhekacco bhikkhu sahati rajaggaṃ, api ca kho dhajaggaññeva disvā saṃsīdati visīdati na santhambhati na sakkoti brahmacariyaṃ sandhāretuṃ, sikkhādubbalyaṃ āvikatvā sikkhaṃ paccakkhāya hīnāyāvattati. Kimassa dhajaggasmiṃ? Idha bhikkhu na heva kho suṇāti – ‘‘asukasmiṃ nāma gāme vā nigame vā itthī vā kumārī vā abhirūpā dassanīyā pāsādikā paramāya vaṇṇapokkharatāya samannāgatā’’ti, api ca kho sāmaṃ 14 passati itthiṃ vā kumāriṃ vā abhirūpaṃ dassanīyaṃ pāsādikaṃ paramāya vaṇṇapokkharatāya samannāgataṃ. So taṃ disvā saṃsīdati visīdati na santhambhati na sakkoti brahmacariyaṃ sandhāretuṃ, sikkhādubbalyaṃ āvikatvā sikkhaṃ paccakkhāya hīnāyāvattati. Idamassa dhajaggasmiṃ.
сзяяат̇ааби со яод̇хааж̇ийво сахад̇и раж̇аг̇г̇ам̣, аби жа ко д̇хаж̇аг̇г̇ан̃н̃зва д̣̇исваа сам̣сийд̣̇ад̇и висийд̣̇ад̇и на сант̇амбхад̇и на саггод̇и сан̇г̇аамам̣ од̇арид̇ум̣, д̇ат̇уубамо аяам̣ буг̇г̇ало. зваруубоби ид̇хзгажжо буг̇г̇ало ход̇и. аяам̣ д̣̇уд̇ияо яод̇хааж̇ийвуубамо буг̇г̇ало санд̇о сам̣виж̇ж̇амаано бхигкуусу.
Seyyathāpi so yodhājīvo sahati rajaggaṃ, api ca kho dhajaggaññeva disvā saṃsīdati visīdati na santhambhati na sakkoti saṅgāmaṃ otarituṃ, tathūpamo ayaṃ puggalo. Evarūpopi idhekacco puggalo hoti. Ayaṃ dutiyo yodhājīvūpamo puggalo santo saṃvijjamāno bhikkhūsu.
196. буна жабарам̣ ид̇хзгажжо бхигку сахад̇и раж̇аг̇г̇ам̣ сахад̇и д̇хаж̇аг̇г̇ам̣, аби жа ко уссааран̣ан̃н̃зва суд̇ваа сам̣сийд̣̇ад̇и висийд̣̇ад̇и на сант̇амбхад̇и на саггод̇и б̣рахмажарияам̣ санд̇хаарзд̇ум̣, сигкаад̣̇уб̣б̣аляам̣ аавигад̇ваа сигкам̣ бажжагкааяа хийнааяаавад̇д̇ад̇и. гимасса уссааран̣ааяа? ид̇ха бхигкум̣ аран̃н̃аг̇ад̇ам̣ ваа ругкамуулаг̇ад̇ам̣ ваа сун̃н̃ааг̇аараг̇ад̇ам̣ ваа маад̇уг̇аамо убасан̇гамид̇ваа уухасад̇и 15 уллабад̇и уж̇ж̇аг̇гхад̇и уббан̣д̣зд̇и. со маад̇уг̇аамзна уухасияамаано уллабияамаано уж̇ж̇аг̇гхияамаано уббан̣д̣ияамаано сам̣сийд̣̇ад̇и висийд̣̇ад̇и на сант̇амбхад̇и на саггод̇и б̣рахмажарияам̣ санд̇хаарзд̇ум̣, сигкаад̣̇уб̣б̣аляам̣ аавигад̇ваа сигкам̣ бажжагкааяа хийнааяаавад̇д̇ад̇и. ид̣̇амасса уссааран̣ааяа.
196. Puna caparaṃ idhekacco bhikkhu sahati rajaggaṃ sahati dhajaggaṃ, api ca kho ussāraṇaññeva sutvā saṃsīdati visīdati na santhambhati na sakkoti brahmacariyaṃ sandhāretuṃ, sikkhādubbalyaṃ āvikatvā sikkhaṃ paccakkhāya hīnāyāvattati. Kimassa ussāraṇāya? Idha bhikkhuṃ araññagataṃ vā rukkhamūlagataṃ vā suññāgāragataṃ vā mātugāmo upasaṅkamitvā ūhasati 16 ullapati ujjagghati uppaṇḍeti. So mātugāmena ūhasiyamāno ullapiyamāno ujjagghiyamāno uppaṇḍiyamāno saṃsīdati visīdati na santhambhati na sakkoti brahmacariyaṃ sandhāretuṃ, sikkhādubbalyaṃ āvikatvā sikkhaṃ paccakkhāya hīnāyāvattati. Idamassa ussāraṇāya.
сзяяат̇ааби со яод̇хааж̇ийво сахад̇и раж̇аг̇г̇ам̣ сахад̇и д̇хаж̇аг̇г̇ам̣, аби жа ко уссааран̣ан̃н̃зва суд̇ваа сам̣сийд̣̇ад̇и висийд̣̇ад̇и на сант̇амбхад̇и на саггод̇и сан̇г̇аамам̣ од̇арид̇ум̣, д̇ат̇уубамо аяам̣ буг̇г̇ало. зваруубоби ид̇хзгажжо буг̇г̇ало ход̇и. аяам̣ д̇ад̇ияо яод̇хааж̇ийвуубамо буг̇г̇ало санд̇о сам̣виж̇ж̇амаано бхигкуусу.
Seyyathāpi so yodhājīvo sahati rajaggaṃ sahati dhajaggaṃ, api ca kho ussāraṇaññeva sutvā saṃsīdati visīdati na santhambhati na sakkoti saṅgāmaṃ otarituṃ, tathūpamo ayaṃ puggalo. Evarūpopi idhekacco puggalo hoti. Ayaṃ tatiyo yodhājīvūpamo puggalo santo saṃvijjamāno bhikkhūsu.
197. буна жабарам̣ ид̇хзгажжо бхигку сахад̇и раж̇аг̇г̇ам̣ сахад̇и д̇хаж̇аг̇г̇ам̣ сахад̇и уссааран̣ам̣, аби жа ко самбахаарз хан̃н̃ад̇и б̣яаабаж̇ж̇ад̇и. гимасса самбахаарасмим̣? ид̇ха бхигкум̣ аран̃н̃аг̇ад̇ам̣ ваа ругкамуулаг̇ад̇ам̣ ваа сун̃н̃ааг̇аараг̇ад̇ам̣ ваа маад̇уг̇аамо убасан̇гамид̇ваа абхинисийд̣̇ад̇и абхинибаж̇ж̇ад̇и аж̇жход̇т̇арад̇и. со маад̇уг̇аамзна абхинисийд̣̇ияамаано абхинибаж̇ж̇ияамаано аж̇жход̇т̇арияамаано сигкам̣ аббажжагкааяа д̣̇уб̣б̣аляам̣ анаавигад̇ваа мзт̇унам̣ д̇хаммам̣ бадисзвад̇и. ид̣̇амасса самбахаарасмим̣.
197. Puna caparaṃ idhekacco bhikkhu sahati rajaggaṃ sahati dhajaggaṃ sahati ussāraṇaṃ, api ca kho sampahāre haññati byāpajjati. Kimassa sampahārasmiṃ? Idha bhikkhuṃ araññagataṃ vā rukkhamūlagataṃ vā suññāgāragataṃ vā mātugāmo upasaṅkamitvā abhinisīdati abhinipajjati ajjhottharati. So mātugāmena abhinisīdiyamāno abhinipajjiyamāno ajjhotthariyamāno sikkhaṃ appaccakkhāya dubbalyaṃ anāvikatvā methunaṃ dhammaṃ paṭisevati. Idamassa sampahārasmiṃ.
сзяяат̇ааби со яод̇хааж̇ийво сахад̇и раж̇аг̇г̇ам̣ сахад̇и д̇хаж̇аг̇г̇ам̣ сахад̇и уссааран̣ам̣, аби жа ко самбахаарз хан̃н̃ад̇и б̣яаабаж̇ж̇ад̇и, д̇ат̇уубамо аяам̣ буг̇г̇ало. зваруубоби ид̇хзгажжо буг̇г̇ало ход̇и. аяам̣ жад̇уд̇т̇о яод̇хааж̇ийвуубамо буг̇г̇ало санд̇о сам̣виж̇ж̇амаано бхигкуусу.
Seyyathāpi so yodhājīvo sahati rajaggaṃ sahati dhajaggaṃ sahati ussāraṇaṃ, api ca kho sampahāre haññati byāpajjati, tathūpamo ayaṃ puggalo. Evarūpopi idhekacco puggalo hoti. Ayaṃ catuttho yodhājīvūpamo puggalo santo saṃvijjamāno bhikkhūsu.
198. буна жабарам̣ ид̇хзгажжо бхигку сахад̇и раж̇аг̇г̇ам̣ сахад̇и д̇хаж̇аг̇г̇ам̣ сахад̇и уссааран̣ам̣ сахад̇и самбахаарам̣. со д̇ам̣ сан̇г̇аамам̣ абхивиж̇инид̇ваа виж̇ид̇асан̇г̇аамо д̇амзва сан̇г̇аамасийсам̣ аж̇жхаавасад̇и. гимасса сан̇г̇аамавиж̇аяасмим̣? ид̇ха бхигкум̣ аран̃н̃аг̇ад̇ам̣ ваа ругкамуулаг̇ад̇ам̣ ваа сун̃н̃ааг̇аараг̇ад̇ам̣ ваа маад̇уг̇аамо убасан̇гамид̇ваа абхинисийд̣̇ад̇и абхинибаж̇ж̇ад̇и аж̇жход̇т̇арад̇и. со маад̇уг̇аамзна абхинисийд̣̇ияамаано абхинибаж̇ж̇ияамаано аж̇жход̇т̇арияамаано винивзтзд̇ваа виниможзд̇ваа язна гаамам̣ баггамад̇и.
198. Puna caparaṃ idhekacco bhikkhu sahati rajaggaṃ sahati dhajaggaṃ sahati ussāraṇaṃ sahati sampahāraṃ. So taṃ saṅgāmaṃ abhivijinitvā vijitasaṅgāmo tameva saṅgāmasīsaṃ ajjhāvasati. Kimassa saṅgāmavijayasmiṃ? Idha bhikkhuṃ araññagataṃ vā rukkhamūlagataṃ vā suññāgāragataṃ vā mātugāmo upasaṅkamitvā abhinisīdati abhinipajjati ajjhottharati. So mātugāmena abhinisīdiyamāno abhinipajjiyamāno ajjhotthariyamāno viniveṭhetvā vinimocetvā yena kāmaṃ pakkamati.
со вивид̇д̇ам̣ сзнаасанам̣ бхаж̇ад̇и аран̃н̃ам̣ ругкамуулам̣ баб̣б̣ад̇ам̣ ганд̣̇арам̣ г̇ириг̇ухам̣ сусаанам̣ ванабад̇т̇ам̣ аб̣бхогаасам̣ балаалабун̃ж̇ам̣. со аран̃н̃аг̇ад̇о ваа ругкамуулаг̇ад̇о ваа сун̃н̃ааг̇аараг̇ад̇о ваа нисийд̣̇ад̇и баллан̇гам̣ аабхуж̇ид̇ваа уж̇ум̣ гааяам̣ бан̣ид̇хааяа баримукам̣ сад̇им̣ убадтабзд̇ваа. со абхиж̇жхам̣ логз бахааяа виг̇ад̇аабхиж̇жхзна жзд̇асаа вихарад̇и, абхиж̇жхааяа жид̇д̇ам̣ барисод̇хзд̇и; б̣яаабаад̣̇абад̣̇осам̣ бахааяа аб̣яаабаннажид̇д̇о вихарад̇и, саб̣б̣абаан̣абхууд̇ахид̇аанугамбий б̣яаабаад̣̇абад̣̇осаа жид̇д̇ам̣ барисод̇хзд̇и; т̇инамид̣̇д̇хам̣ бахааяа виг̇ад̇ат̇инамид̣̇д̇хо вихарад̇и аалогасан̃н̃ий сад̇о самбаж̇аано, т̇инамид̣̇д̇хаа жид̇д̇ам̣ барисод̇хзд̇и; уд̣̇д̇хажжагуггужжам̣ бахааяа ануд̣̇д̇хад̇о вихарад̇и аж̇жхад̇д̇ам̣ вуубасанд̇ажид̇д̇о, уд̣̇д̇хажжагуггужжаа жид̇д̇ам̣ барисод̇хзд̇и; вижигижчам̣ бахааяа д̇ин̣н̣авижигижчо вихарад̇и агат̇ам̣гат̇ий гусалзсу д̇хаммзсу, вижигижчааяа жид̇д̇ам̣ барисод̇хзд̇и.
So vivittaṃ senāsanaṃ bhajati araññaṃ rukkhamūlaṃ pabbataṃ kandaraṃ giriguhaṃ susānaṃ vanapatthaṃ abbhokāsaṃ palālapuñjaṃ. So araññagato vā rukkhamūlagato vā suññāgāragato vā nisīdati pallaṅkaṃ ābhujitvā ujuṃ kāyaṃ paṇidhāya parimukhaṃ satiṃ upaṭṭhapetvā. So abhijjhaṃ loke pahāya vigatābhijjhena cetasā viharati, abhijjhāya cittaṃ parisodheti; byāpādapadosaṃ pahāya abyāpannacitto viharati, sabbapāṇabhūtahitānukampī byāpādapadosā cittaṃ parisodheti; thinamiddhaṃ pahāya vigatathinamiddho viharati ālokasaññī sato sampajāno, thinamiddhā cittaṃ parisodheti; uddhaccakukkuccaṃ pahāya anuddhato viharati ajjhattaṃ vūpasantacitto, uddhaccakukkuccā cittaṃ parisodheti; vicikicchaṃ pahāya tiṇṇavicikiccho viharati akathaṃkathī kusalesu dhammesu, vicikicchāya cittaṃ parisodheti.
со имз бан̃жа нийваран̣з бахааяа жзд̇асо убаггилзсз бан̃н̃ааяа д̣̇уб̣б̣алийгаран̣з вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и; вид̇аггавижаараанам̣ вуубасамаа д̣̇уд̇ияам̣ жхаанам̣…бз… д̇ад̇ияам̣ жхаанам̣…бз… жад̇уд̇т̇ам̣ жхаанам̣ убасамбаж̇ж̇а вихарад̇и.
So ime pañca nīvaraṇe pahāya cetaso upakkilese paññāya dubbalīkaraṇe vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati; vitakkavicārānaṃ vūpasamā dutiyaṃ jhānaṃ…pe… tatiyaṃ jhānaṃ…pe… catutthaṃ jhānaṃ upasampajja viharati.
со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з аасаваанам̣ каяан̃аан̣ааяа жид̇д̇ам̣ абхининнаамзд̇и. со ‘‘ид̣̇ам̣ д̣̇угка’’нд̇и яат̇аабхууд̇ам̣ баж̇аанаад̇и, ‘‘аяам̣ д̣̇угкасамуд̣̇аяо’’д̇и яат̇аабхууд̇ам̣ баж̇аанаад̇и, ‘‘аяам̣ д̣̇угканирод̇хо’’д̇и яат̇аабхууд̇ам̣ баж̇аанаад̇и, ‘‘аяам̣ д̣̇угканирод̇хаг̇ааминий бадибад̣̇аа’’д̇и яат̇аабхууд̇ам̣ баж̇аанаад̇и, ‘‘имз аасаваа’’д̇и яат̇аабхууд̇ам̣ баж̇аанаад̇и, ‘‘аяам̣ аасавасамуд̣̇аяо’’д̇и яат̇аабхууд̇ам̣ баж̇аанаад̇и , ‘‘аяам̣ аасаванирод̇хо’’д̇и яат̇аабхууд̇ам̣ баж̇аанаад̇и, ‘‘аяам̣ аасаванирод̇хаг̇ааминий бадибад̣̇аа’’д̇и яат̇аабхууд̇ам̣ баж̇аанаад̇и.
So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte āsavānaṃ khayañāṇāya cittaṃ abhininnāmeti. So ‘‘idaṃ dukkha’’nti yathābhūtaṃ pajānāti, ‘‘ayaṃ dukkhasamudayo’’ti yathābhūtaṃ pajānāti, ‘‘ayaṃ dukkhanirodho’’ti yathābhūtaṃ pajānāti, ‘‘ayaṃ dukkhanirodhagāminī paṭipadā’’ti yathābhūtaṃ pajānāti, ‘‘ime āsavā’’ti yathābhūtaṃ pajānāti, ‘‘ayaṃ āsavasamudayo’’ti yathābhūtaṃ pajānāti , ‘‘ayaṃ āsavanirodho’’ti yathābhūtaṃ pajānāti, ‘‘ayaṃ āsavanirodhagāminī paṭipadā’’ti yathābhūtaṃ pajānāti.
д̇асса звам̣ ж̇аанад̇о звам̣ бассад̇о гаамаасавааби жид̇д̇ам̣ вимужжад̇и, бхаваасавааби жид̇д̇ам̣ вимужжад̇и, авиж̇ж̇аасавааби жид̇д̇ам̣ вимужжад̇и. вимуд̇д̇асмим̣ вимуд̇д̇амид̇и н̃аан̣ам̣ ход̇и. ‘‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’’д̇и баж̇аанаад̇и. ид̣̇амасса сан̇г̇аамавиж̇аяасмим̣. сзяяат̇ааби со яод̇хааж̇ийво сахад̇и раж̇аг̇г̇ам̣ сахад̇и д̇хаж̇аг̇г̇ам̣ сахад̇и уссааран̣ам̣ сахад̇и самбахаарам̣, со д̇ам̣ сан̇г̇аамам̣ абхивиж̇инид̇ваа виж̇ид̇асан̇г̇аамо д̇амзва сан̇г̇аамасийсам̣ аж̇жхаавасад̇и, д̇ат̇уубамо аяам̣ буг̇г̇ало. зваруубоби ид̇хзгажжо буг̇г̇ало ход̇и. аяам̣ бан̃жамо яод̇хааж̇ийвуубамо буг̇г̇ало санд̇о сам̣виж̇ж̇амаано бхигкуусу. имз бан̃жа яод̇хааж̇ийвуубамаа буг̇г̇алаа санд̇о сам̣виж̇ж̇амаанаа бхигкуусу.
Tassa evaṃ jānato evaṃ passato kāmāsavāpi cittaṃ vimuccati, bhavāsavāpi cittaṃ vimuccati, avijjāsavāpi cittaṃ vimuccati. Vimuttasmiṃ vimuttamiti ñāṇaṃ hoti. ‘‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’’ti pajānāti. Idamassa saṅgāmavijayasmiṃ. Seyyathāpi so yodhājīvo sahati rajaggaṃ sahati dhajaggaṃ sahati ussāraṇaṃ sahati sampahāraṃ, so taṃ saṅgāmaṃ abhivijinitvā vijitasaṅgāmo tameva saṅgāmasīsaṃ ajjhāvasati, tathūpamo ayaṃ puggalo. Evarūpopi idhekacco puggalo hoti. Ayaṃ pañcamo yodhājīvūpamo puggalo santo saṃvijjamāno bhikkhūsu. Ime pañca yodhājīvūpamā puggalā santo saṃvijjamānā bhikkhūsu.
199. д̇ад̇т̇а гад̇амз бан̃жа бин̣д̣абаад̇игаа? манд̣̇ад̇д̇аа момуухад̇д̇аа бин̣д̣абаад̇иго ход̇и, баабижчо ижчаабагад̇о бин̣д̣абаад̇иго ход̇и, уммаад̣̇аа жид̇д̇авигкзбаа бин̣д̣абаад̇иго ход̇и, ‘‘ван̣н̣ид̇ам̣ б̣уд̣̇д̇хзхи б̣уд̣̇д̇хасаавагзхий’’д̇и бин̣д̣абаад̇иго ход̇и, аби жа аббижчад̇ам̣язва 17 ниссааяа санд̇удтим̣язва ниссааяа саллзкам̣язва ниссааяа ид̣̇амад̇т̇ид̇ам̣язва 18 ниссааяа бин̣д̣абаад̇иго ход̇и. д̇ад̇ра явааяам̣ бин̣д̣абаад̇иго аббижчад̇ам̣язва ниссааяа санд̇удтим̣язва ниссааяа саллзкам̣язва ниссааяа ид̣̇амад̇т̇ид̇ам̣язва ниссааяа бин̣д̣абаад̇иго, аяам̣ имзсам̣ бан̃жаннам̣ бин̣д̣абаад̇игаанам̣ аг̇г̇о жа сздто жа баамогко 19 жа уд̇д̇амо жа баваро жа.
199. Tattha katame pañca piṇḍapātikā? Mandattā momūhattā piṇḍapātiko hoti, pāpiccho icchāpakato piṇḍapātiko hoti, ummādā cittavikkhepā piṇḍapātiko hoti, ‘‘vaṇṇitaṃ buddhehi buddhasāvakehī’’ti piṇḍapātiko hoti, api ca appicchataṃyeva 20 nissāya santuṭṭhiṃyeva nissāya sallekhaṃyeva nissāya idamatthitaṃyeva 21 nissāya piṇḍapātiko hoti. Tatra yvāyaṃ piṇḍapātiko appicchataṃyeva nissāya santuṭṭhiṃyeva nissāya sallekhaṃyeva nissāya idamatthitaṃyeva nissāya piṇḍapātiko, ayaṃ imesaṃ pañcannaṃ piṇḍapātikānaṃ aggo ca seṭṭho ca pāmokkho 22 ca uttamo ca pavaro ca.
сзяяат̇ааби наама г̇аваа кийрам̣, кийрамхаа д̣̇ад̇хи, д̣̇ад̇химхаа наванийд̇ам̣ 23, наванийд̇амхаа сабби, саббимхаа саббиман̣д̣о, саббиман̣д̣ам̣ д̇ад̇т̇а аг̇г̇амагкааяад̇и; звамзвам̣ явааяам̣ бин̣д̣абаад̇иго аббижчад̇ам̣язва ниссааяа санд̇удтим̣язва ниссааяа саллзкам̣язва ниссааяа ид̣̇амад̇т̇ид̇ам̣язва ниссааяа бин̣д̣абаад̇иго ход̇и, аяам̣ имзсам̣ бан̃жаннам̣ бин̣д̣абаад̇игаанам̣ аг̇г̇о жа сздто жа баамогко жа уд̇д̇амо жа баваро жа. имз бан̃жа бин̣д̣абаад̇игаа.
Seyyathāpi nāma gavā khīraṃ, khīramhā dadhi, dadhimhā navanītaṃ 24, navanītamhā sappi, sappimhā sappimaṇḍo, sappimaṇḍaṃ tattha aggamakkhāyati; evamevaṃ yvāyaṃ piṇḍapātiko appicchataṃyeva nissāya santuṭṭhiṃyeva nissāya sallekhaṃyeva nissāya idamatthitaṃyeva nissāya piṇḍapātiko hoti, ayaṃ imesaṃ pañcannaṃ piṇḍapātikānaṃ aggo ca seṭṭho ca pāmokkho ca uttamo ca pavaro ca. Ime pañca piṇḍapātikā.
200. д̇ад̇т̇а гад̇амз бан̃жа калубажчаабхад̇д̇игаа…бз… бан̃жа згаасанигаа…бз… бан̃жа бам̣сугуулигаа…бз… бан̃жа д̇зжийваригаа…бз… бан̃жа ааран̃н̃игаа…бз… бан̃жа ругкамуулигаа …бз… бан̃жа аб̣бхогаасигаа…бз… бан̃жа нзсаж̇ж̇игаа…бз… бан̃жа яат̇аасант̇ад̇игаа…бз….
200. Tattha katame pañca khalupacchābhattikā…pe… pañca ekāsanikā…pe… pañca paṃsukūlikā…pe… pañca tecīvarikā…pe… pañca āraññikā…pe… pañca rukkhamūlikā …pe… pañca abbhokāsikā…pe… pañca nesajjikā…pe… pañca yathāsanthatikā…pe….
201. д̇ад̇т̇а гад̇амз бан̃жа сосаанигаа? манд̣̇ад̇д̇аа момуухад̇д̇аа сосааниго ход̇и, баабижчо ижчаабагад̇о сосааниго ход̇и, уммаад̣̇аа жид̇д̇авигкзбаа сосааниго ход̇и, ‘‘ван̣н̣ид̇ам̣ б̣уд̣̇д̇хзхи б̣уд̣̇д̇хасаавагзхий’’д̇и сосааниго ход̇и, аби жа аббижчад̇ам̣язва ниссааяа санд̇удтим̣язва ниссааяа саллзкам̣язва ниссааяа ид̣̇амад̇т̇ид̇ам̣язва ниссааяа сосааниго ход̇и. д̇ад̇ра явааяам̣ сосааниго аббижчад̇ам̣язва ниссааяа санд̇удтим̣язва ниссааяа саллзкам̣язва ниссааяа ид̣̇амад̇т̇ид̇ам̣язва ниссааяа сосааниго, аяам̣ имзсам̣ бан̃жаннам̣ сосаанигаанам̣ аг̇г̇о жа сздто жа баамогко жа уд̇д̇амо жа баваро жа.
201. Tattha katame pañca sosānikā? Mandattā momūhattā sosāniko hoti, pāpiccho icchāpakato sosāniko hoti, ummādā cittavikkhepā sosāniko hoti, ‘‘vaṇṇitaṃ buddhehi buddhasāvakehī’’ti sosāniko hoti, api ca appicchataṃyeva nissāya santuṭṭhiṃyeva nissāya sallekhaṃyeva nissāya idamatthitaṃyeva nissāya sosāniko hoti. Tatra yvāyaṃ sosāniko appicchataṃyeva nissāya santuṭṭhiṃyeva nissāya sallekhaṃyeva nissāya idamatthitaṃyeva nissāya sosāniko, ayaṃ imesaṃ pañcannaṃ sosānikānaṃ aggo ca seṭṭho ca pāmokkho ca uttamo ca pavaro ca.
сзяяат̇ааби наама г̇аваа кийрам̣, кийрамхаа д̣̇ад̇хи, д̣̇ад̇химхаа наванийд̇ам̣, наванийд̇амхаа сабби, саббимхаа саббиман̣д̣о, саббиман̣д̣ам̣ д̇ад̇т̇а аг̇г̇амагкааяад̇и; звамзвам̣ явааяам̣ сосааниго аббижчад̇ам̣язва ниссааяа санд̇удтим̣язва ниссааяа саллзкам̣язва ниссааяа ид̣̇амад̇т̇ид̇ам̣язва ниссааяа сосааниго ход̇и, аяам̣ имзсам̣ бан̃жаннам̣ сосаанигаанам̣ аг̇г̇о жа сздто жа баамогко жа уд̇д̇амо жа баваро жа. имз бан̃жа сосаанигаа.
Seyyathāpi nāma gavā khīraṃ, khīramhā dadhi, dadhimhā navanītaṃ, navanītamhā sappi, sappimhā sappimaṇḍo, sappimaṇḍaṃ tattha aggamakkhāyati; evamevaṃ yvāyaṃ sosāniko appicchataṃyeva nissāya santuṭṭhiṃyeva nissāya sallekhaṃyeva nissāya idamatthitaṃyeva nissāya sosāniko hoti, ayaṃ imesaṃ pañcannaṃ sosānikānaṃ aggo ca seṭṭho ca pāmokkho ca uttamo ca pavaro ca. Ime pañca sosānikā.
бан̃жаганид̣̇д̣̇зсо.
Pañcakaniddeso.
Footnotes:
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 5. бан̃жаганид̣̇д̣̇зсаван̣н̣анаа • 5. Pañcakaniddesavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 5. бан̃жаганид̣̇д̣̇зсаван̣н̣анаа • 5. Pañcakaniddesavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 5. бан̃жаганид̣̇д̣̇зсаван̣н̣анаа • 5. Pañcakaniddesavaṇṇanā
