| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
பஞ்சகவாரவண்ணனா
Pañcakavāravaṇṇanā
325. ந உபேதி புக்³க³லோ. ‘‘நிமந்திதோ ஸப⁴த்தோ ஸமானோ ஸந்தங் பி⁴க்கு²ங் அனாபுச்சா²’’தி (பாசி॰ 299) வசனதோ நிமந்தனாபா⁴வா பிண்ட³பாதிகஸ்ஸ அனாமந்தசாரோ வட்டதி. ‘‘கி³லானஸமயோ’’திஆதி³னா ஆபோ⁴க³ங் கத்வா போ⁴ஜனங் அதி⁴ட்ட²ஹித்வா போ⁴ஜனங் நாம. ‘‘மய்ஹங் ப⁴த்தபச்சாஸங் இத்த²ன்னாமஸ்ஸ த³ம்மீ’’தி ஏவங் அவிகப்பனா. பரம்முகே² அகு³ணவசனங் அயஸோ. ஸம்முகா² க³ரஹா. ஸீலதி³ட்டி²ப்³யஸனானங் வினயபரியாபன்னத்தா தேஹி ஸத்³தி⁴ங் இதரே பஞ்சகங் பூரேதுங் வுத்தா. ‘‘வினயத⁴ரபஞ்சமேன க³ணேனா’’தி (மஹாவ॰ 259) வுத்தத்தா பஞ்சகங் ஜாதங். அஞ்ஞதரஸ்மிங் விஹாரே ஏகோ தே²ரோதி அத்தோ². ‘‘யோனகவிஸயதோதி சீனட்டா²னா’’தி லிகி²தங். அட்ட² கப்பே அனுஸ்ஸரீதி புப்³பே³னிவாஸஞாணங் நிப்³ப³த்தேஸீதி அத்தோ². அனந்தரே டா²னே ட²த்வாதி அத்தோ². ஞத்தியா கம்மப்பத்தோ ஹுத்வாதி ஞத்திட்ட²பிதகாலே கம்மப்பத்தோ ஹோதி. புன கம்மவாசாய கம்மஸித்³தி⁴. ஞத்திகெ²த்தந்தி ஞத்தியாவ காதப்³ப³ட்டா²னங் தஸ்ஸா கெ²த்தங், ஞத்திது³தியாதி³கம்மே பட²மட்ட²பனங் தஸ்ஸா ஓகாஸோ நாம. ஆரஞ்ஞகே இத³ஞ்சித³ஞ்சானிஸங்ஸந்தி ஏவங் இத³மத்தி²தந்தி அத்தோ².
325.Naupeti puggalo. ‘‘Nimantito sabhatto samāno santaṃ bhikkhuṃ anāpucchā’’ti (pāci. 299) vacanato nimantanābhāvā piṇḍapātikassa anāmantacāro vaṭṭati. ‘‘Gilānasamayo’’tiādinā ābhogaṃ katvā bhojanaṃ adhiṭṭhahitvā bhojanaṃ nāma. ‘‘Mayhaṃ bhattapaccāsaṃ itthannāmassa dammī’’ti evaṃ avikappanā. Parammukhe aguṇavacanaṃ ayaso. Sammukhā garahā. Sīladiṭṭhibyasanānaṃ vinayapariyāpannattā tehi saddhiṃ itare pañcakaṃ pūretuṃ vuttā. ‘‘Vinayadharapañcamena gaṇenā’’ti (mahāva. 259) vuttattā pañcakaṃ jātaṃ. Aññatarasmiṃ vihāre eko theroti attho. ‘‘Yonakavisayatoti cīnaṭṭhānā’’ti likhitaṃ. Aṭṭha kappe anussarīti pubbenivāsañāṇaṃ nibbattesīti attho. Anantare ṭhāne ṭhatvāti attho. Ñattiyā kammappatto hutvāti ñattiṭṭhapitakāle kammappatto hoti. Puna kammavācāya kammasiddhi. Ñattikhettanti ñattiyāva kātabbaṭṭhānaṃ tassā khettaṃ, ñattidutiyādikamme paṭhamaṭṭhapanaṃ tassā okāso nāma. Āraññake idañcidañcānisaṃsanti evaṃ idamatthitanti attho.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi / 5. பஞ்சகவாரோ • 5. Pañcakavāro
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பரிவார-அட்ட²கதா² • Parivāra-aṭṭhakathā / பஞ்சகவாரவண்ணனா • Pañcakavāravaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / பஞ்சகவாரவண்ணனா • Pañcakavāravaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / பஞ்சகவாரவண்ணனா • Pañcakavāravaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / ஏகுத்தரிகனயோ பஞ்சகவாரவண்ணனா • Ekuttarikanayo pañcakavāravaṇṇanā
