| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
பஞ்சகவாரவண்ணனா
Pañcakavāravaṇṇanā
325. பஞ்சகேஸு ஆபுச்சி²த்வா சாரஸ்ஸ அபா⁴வோதி பிண்ட³பாதிகஸ்ஸ ‘‘நிமந்திதோ ஸப⁴த்தோ’’தி இமஸ்ஸ அங்க³ஸ்ஸ அபா⁴வா தேன ஸிக்கா²பதே³ன தஸ்ஸ ஸப்³ப³தா² அனாபத்தீதி அதி⁴ப்பாயோ . ஸுஸானங் நெத்வா புன ஆனீதகந்தி ஸுஸானே பேதகிச்சங் கத்வா நிக்க²ந்தேஹி ந்ஹத்வா ச²ட்³டி³தானி நிவத்த²பாருதவத்தா²னி ஏவங் வுச்சந்தி.
325. Pañcakesu āpucchitvā cārassa abhāvoti piṇḍapātikassa ‘‘nimantito sabhatto’’ti imassa aṅgassa abhāvā tena sikkhāpadena tassa sabbathā anāpattīti adhippāyo . Susānaṃ netvā puna ānītakanti susāne petakiccaṃ katvā nikkhantehi nhatvā chaḍḍitāni nivatthapārutavatthāni evaṃ vuccanti.
பாளியங் பஞ்சஹாகாரேஹீதி பஞ்சஹி அவஹாரங்கே³ஹி. வத்து²தோ பன க³ருகலஹுகபே⁴தே³ன பாராஜிகது²ல்லச்சயது³க்கடானி வுத்தானி. இத்தி²புரிஸஸங்யோகா³தி³கங் கிலேஸஸமுதா³சாரஹேதுகங் படிபா⁴னசித்தகம்மங் நாம. பஞ்ஹாஸஹஸ்ஸங் புச்சீ²தி ஸமத²விபஸ்ஸனாகம்மட்டா²னேஸு பஞ்ஹாஸஹஸ்ஸங் ஸம்மஜ்ஜித்வா டி²தங் த³ஹரங் புச்சி². இதரோபி த³ஹரோ அத்தனோ க³தமக்³க³த்தா ஸப்³ப³ங் விஸ்ஸஜ்ஜேஸி, தேன தே²ரோ பஸீதி³. வத்தங் பரிச்சி²ந்தீ³தி வத்தங் நிட்டா²பேஸி. கிங் த்வங் ஆவுஸோதிஆதி³கங் தே²ரோ கீ²ணாஸவோ ஸம்மஜ்ஜனானிஸங்ஸங் ஸப்³பே³ஸங் பாகடங் காதுங் அவோசாதி த³ட்ட²ப்³ப³ங்.
Pāḷiyaṃ pañcahākārehīti pañcahi avahāraṅgehi. Vatthuto pana garukalahukabhedena pārājikathullaccayadukkaṭāni vuttāni. Itthipurisasaṃyogādikaṃ kilesasamudācārahetukaṃ paṭibhānacittakammaṃ nāma. Pañhāsahassaṃ pucchīti samathavipassanākammaṭṭhānesu pañhāsahassaṃ sammajjitvā ṭhitaṃ daharaṃ pucchi. Itaropi daharo attano gatamaggattā sabbaṃ vissajjesi, tena thero pasīdi. Vattaṃ paricchindīti vattaṃ niṭṭhāpesi. Kiṃ tvaṃ āvusotiādikaṃ thero khīṇāsavo sammajjanānisaṃsaṃ sabbesaṃ pākaṭaṃ kātuṃ avocāti daṭṭhabbaṃ.
‘‘ஜண்ணுகேஹி பதிட்டா²ய பத³சேதிய’’ந்தி பாட²ஸேஸோ. சோத³னங் காரெஸ்ஸாமீதி ப⁴க³வதா அத்தானங் சோதா³பெஸ்ஸாமி, அத்தானங் நிக்³க³ண்ஹாபெஸ்ஸாமீதி அத்தோ².
‘‘Jaṇṇukehi patiṭṭhāya padacetiya’’nti pāṭhaseso. Codanaṃ kāressāmīti bhagavatā attānaṃ codāpessāmi, attānaṃ niggaṇhāpessāmīti attho.
எத்தகங் க³ய்ஹூபக³ந்தி எத்தகங் அதி⁴கரணவூபஸமத்தா²ய க³ஹேதப்³ப³வசனந்தி யதா² ஸுத்வா விஞ்ஞாதுங் ஸக்கோதி, ஏவங் அனுக்³க³ண்ஹந்தோதி யோஜனா. எத்த² ச ‘‘அத்தனோ பா⁴ஸபரியந்தங் அனுக்³க³ஹெத்வா பரஸ்ஸ பா⁴ஸபரியந்தங் அனுக்³க³ஹெத்வா’’தி ஏகங், ‘‘அத⁴ம்மேன கரோதீ’’தி ஏகங், ‘‘அப்படிஞ்ஞாயா’’தி ஏகஞ்ச கத்வா புரிமேஹி த்³வீஹி பஞ்சங்கா³னி வேதி³தப்³பா³னி. வத்து²ந்தி மேது²னாதி³வீதிக்கமங். கதா²னுஸந்தி⁴வினிச்ச²யானுலோமஸந்தி⁴வஸேன வத்து²ங் ந ஜானாதீதி சோத³கேன வா சுதி³தகேன வா வுத்தகதா²னுஸந்தி⁴னா தேஸங் வசனபடிவசனானுரூபேன வத³ந்தோ கதா²னுஸந்தி⁴னா வத்து²ங் ந ஜானாதி நாம, தஞ்ச ஸுத்தவிப⁴ங்கே³ வினீதவத்து²ஸங்கா²தேன வினிச்ச²யானுலோமேனேவ வத³ந்தோ வினிச்ச²யானுலோமஸந்தி⁴வஸேன வத்து²ங் ந ஜானாதி நாம. ஞத்திகம்மங் நாம ஹோதீதி ஞத்திகம்மங் நிட்டி²தங் நாம ஹோதீதி ந ஜானாதீதி ஸம்ப³ந்தோ⁴. ஞத்தியா கம்மப்பத்தோதி ஞத்தியா நிட்டி²தாயபி கம்மப்பத்தோ ஏவ ஹோதி. அனுஸ்ஸாவனட்டா²னே ஏவ கம்மங் நிட்டி²தங் ஹோதீதி ஞத்திகம்மங் நிட்டி²தங் நாம ஹோதி, தங் ஞத்தியா காரணங் ந ஜானாதீதி அத்தோ².
Ettakaṃ gayhūpaganti ettakaṃ adhikaraṇavūpasamatthāya gahetabbavacananti yathā sutvā viññātuṃ sakkoti, evaṃ anuggaṇhantoti yojanā. Ettha ca ‘‘attano bhāsapariyantaṃ anuggahetvā parassa bhāsapariyantaṃ anuggahetvā’’ti ekaṃ, ‘‘adhammena karotī’’ti ekaṃ, ‘‘appaṭiññāyā’’ti ekañca katvā purimehi dvīhi pañcaṅgāni veditabbāni. Vatthunti methunādivītikkamaṃ. Kathānusandhivinicchayānulomasandhivasena vatthuṃ na jānātīti codakena vā cuditakena vā vuttakathānusandhinā tesaṃ vacanapaṭivacanānurūpena vadanto kathānusandhinā vatthuṃ na jānāti nāma, tañca suttavibhaṅge vinītavatthusaṅkhātena vinicchayānulomeneva vadanto vinicchayānulomasandhivasena vatthuṃ na jānāti nāma. Ñattikammaṃ nāma hotīti ñattikammaṃ niṭṭhitaṃ nāma hotīti na jānātīti sambandho. Ñattiyā kammappattoti ñattiyā niṭṭhitāyapi kammappatto eva hoti. Anussāvanaṭṭhāne eva kammaṃ niṭṭhitaṃ hotīti ñattikammaṃ niṭṭhitaṃ nāma hoti, taṃ ñattiyā kāraṇaṃ na jānātīti attho.
பாளியங் பஞ்ச விஸுத்³தி⁴யோதி ஆபத்திதோ விஸுத்³தி⁴ஹேதுத்தா, விஸுத்³தே⁴ஹி கத்தப்³ப³தோ ச பாதிமொக்கு²த்³தே³ஸா வுத்தா.
Pāḷiyaṃ pañca visuddhiyoti āpattito visuddhihetuttā, visuddhehi kattabbato ca pātimokkhuddesā vuttā.
பஞ்சகவாரவண்ணனா நிட்டி²தா.
Pañcakavāravaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi / 5. பஞ்சகவாரோ • 5. Pañcakavāro
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பரிவார-அட்ட²கதா² • Parivāra-aṭṭhakathā / பஞ்சகவாரவண்ணனா • Pañcakavāravaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / பஞ்சகவாரவண்ணனா • Pañcakavāravaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / பஞ்சகவாரவண்ணனா • Pañcakavāravaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / ஏகுத்தரிகனயோ பஞ்சகவாரவண்ணனா • Ekuttarikanayo pañcakavāravaṇṇanā
