| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
бан̃жагаваараван̣н̣анаа
Pañcakavāravaṇṇanā
325. бан̃жагзсу ‘‘ниманд̇ид̇о сабхад̇д̇о самаано санд̇ам̣ бхигкум̣ анаабужчаа’’д̇и (баажи. 294-297) важанад̇о агаббияаниманд̇анам̣ саад̣̇ияанд̇ассзва анааманд̇ажааро на ваддад̇ийд̇и ‘‘бин̣д̣абаад̇игасса габбанд̇ий’’д̇и вуд̇д̇ам̣. г̇ан̣абхож̇анаад̣̇ийсуби зсзва наяо. ад̇хидтахид̇ваа бхож̇ананд̇и ‘‘г̇илаанасамаяо’’д̇иаад̣̇инаа аабхог̇ам̣ гад̇ваа бхож̇анам̣. авигаббанаад̇и ‘‘маяхам̣ бхад̇д̇абажжаасам̣ ид̇т̇аннаамасса д̣̇аммий’’д̇и звам̣ авигаббанаа.
325. Pañcakesu ‘‘nimantito sabhatto samāno santaṃ bhikkhuṃ anāpucchā’’ti (pāci. 294-297) vacanato akappiyanimantanaṃ sādiyantasseva anāmantacāro na vaṭṭatīti ‘‘piṇḍapātikassa kappantī’’ti vuttaṃ. Gaṇabhojanādīsupi eseva nayo. Adhiṭṭhahitvā bhojananti ‘‘gilānasamayo’’tiādinā ābhogaṃ katvā bhojanaṃ. Avikappanāti ‘‘mayhaṃ bhattapaccāsaṃ itthannāmassa dammī’’ti evaṃ avikappanā.
аяасад̇о ваа г̇арахад̇о ваад̇и зд̇т̇а бараммукаа аг̇ун̣аважанам̣ аяасо. саммукаа г̇арахаа. вияасад̇ийд̇и б̣яасанам̣, хид̇асукам̣ кибад̇и вид̣̇д̇хам̣сзд̇ийд̇и ад̇т̇о. н̃аад̇ийнам̣ б̣яасанам̣ н̃аад̇иб̣яасанам̣, жорарог̇абхаяаад̣̇ийхи н̃аад̇ивинаасод̇и ад̇т̇о. бхог̇аанам̣ б̣яасанам̣ бхог̇аб̣яасанам̣, рааж̇ажораад̣̇ивасзна бхог̇авинаасод̇и ад̇т̇о. рог̇о зва б̣яасанам̣ рог̇аб̣яасанам̣. рог̇о хи аарог̇яам̣ б̣яасад̇и винаасзд̇ийд̇и б̣яасанам̣. сийласса б̣яасанам̣ сийлаб̣яасанам̣, д̣̇уссийляассзд̇ам̣ наамам̣. саммаад̣̇идтим̣ винаасаяамаанаа уббаннаа д̣̇идтиязва б̣яасанам̣ д̣̇идтиб̣яасанам̣. н̃аад̇исамбад̣̇аад̇и н̃аад̇ийнам̣ самбад̣̇аа баарибуури б̣ахубхааво . бхог̇асамбад̣̇ааяаби зсзва наяо. аарог̇яасса самбад̣̇аа аарог̇яасамбад̣̇аа. баарибуури д̣̇ийгхарад̇д̇ам̣ арог̇ад̇аа. сийлад̣̇идтисамбад̣̇аасуби зсзва наяо.
Ayasato vā garahato vāti ettha parammukhā aguṇavacanaṃ ayaso. Sammukhā garahā. Viyasatīti byasanaṃ, hitasukhaṃ khipati viddhaṃsetīti attho. Ñātīnaṃ byasanaṃ ñātibyasanaṃ, corarogabhayādīhi ñātivināsoti attho. Bhogānaṃ byasanaṃ bhogabyasanaṃ, rājacorādivasena bhogavināsoti attho. Rogo eva byasanaṃ rogabyasanaṃ. Rogo hi ārogyaṃ byasati vināsetīti byasanaṃ. Sīlassa byasanaṃ sīlabyasanaṃ, dussīlyassetaṃ nāmaṃ. Sammādiṭṭhiṃ vināsayamānā uppannā diṭṭhiyeva byasanaṃ diṭṭhibyasanaṃ. Ñātisampadāti ñātīnaṃ sampadā pāripūri bahubhāvo . Bhogasampadāyapi eseva nayo. Ārogyassa sampadā ārogyasampadā. Pāripūri dīgharattaṃ arogatā. Sīladiṭṭhisampadāsupi eseva nayo.
вад̇д̇ам̣ барижчинд̣̇ийд̇и д̇асмим̣ д̣̇ивасз гаад̇аб̣б̣авад̇д̇ам̣ нидтаабзси. адта габбз ануссарийд̇иаад̣̇инаа д̇асмим̣ кан̣з жхаанам̣ ниб̣б̣ад̇д̇зд̇ваа буб̣б̣зниваасан̃аан̣ам̣ ниб̣б̣ад̇д̇зсийд̇и д̣̇ийбзд̇и. н̃ад̇д̇ияаа гаммаббад̇д̇о худ̇ваад̇и н̃ад̇д̇ияаа табид̇ааяа ануссааванагаммаббад̇д̇о худ̇ваад̇и ад̇т̇о.
Vattaṃ paricchindīti tasmiṃ divase kātabbavattaṃ niṭṭhāpesi. Aṭṭha kappe anussarītiādinā tasmiṃ khaṇe jhānaṃ nibbattetvā pubbenivāsañāṇaṃ nibbattesīti dīpeti. Ñattiyā kammappatto hutvāti ñattiyā ṭhapitāya anussāvanakammappatto hutvāti attho.
манд̣̇ад̇д̇аа момуухад̇д̇аад̇и нзва самаад̣̇аанам̣ ж̇аанаад̇и, на аанисам̣сам̣, ад̇д̇ано бана манд̣̇ад̇д̇аа момуухад̇д̇аа ан̃н̃аан̣знзва ааран̃н̃иго ход̇и. баабижчо ижчаабагад̇од̇и ‘‘аран̃н̃з мз вихаранд̇асса ‘аяам̣ ааран̃н̃иго’д̇и жад̇уббажжаяасаггаарам̣ гариссанд̇и, ‘аяам̣ бхигку лаж̇ж̇ий бавивид̇д̇о’д̇иаад̣̇ийхи жа г̇ун̣зхи самбхаавзссанд̇ий’’д̇и звам̣ баабигааяа ижчааяа тад̇ваа д̇ааяа зва ижчааяа абхибхууд̇о худ̇ваа ааран̃н̃иго ход̇ийд̇и ад̇т̇о. д̇знааха ‘‘аран̃н̃аваасзна бажжаяалаабхам̣ бад̇т̇аяамаано’’д̇и. уммаад̣̇авасзна аран̃н̃ам̣ бависид̇ваа вихаранд̇о уммаад̣̇аа жид̇д̇агкзбаа ааран̃н̃иго наама ход̇и. ван̣н̣ид̇анд̇и ид̣̇ам̣ ааран̃н̃иган̇г̇ам̣ наама б̣уд̣̇д̇хзхи б̣уд̣̇д̇хасаавагзхи жа ван̣н̣ид̇ам̣ басад̇т̇анд̇и ааран̃н̃иго ход̇и.
Mandattā momūhattāti neva samādānaṃ jānāti, na ānisaṃsaṃ, attano pana mandattā momūhattā aññāṇeneva āraññiko hoti. Pāpiccho icchāpakatoti ‘‘araññe me viharantassa ‘ayaṃ āraññiko’ti catuppaccayasakkāraṃ karissanti, ‘ayaṃ bhikkhu lajjī pavivitto’tiādīhi ca guṇehi sambhāvessantī’’ti evaṃ pāpikāya icchāya ṭhatvā tāya eva icchāya abhibhūto hutvā āraññiko hotīti attho. Tenāha ‘‘araññavāsena paccayalābhaṃ patthayamāno’’ti. Ummādavasena araññaṃ pavisitvā viharanto ummādā cittakkhepā āraññiko nāma hoti. Vaṇṇitanti idaṃ āraññikaṅgaṃ nāma buddhehi buddhasāvakehi ca vaṇṇitaṃ pasatthanti āraññiko hoti.
бан̃жагаваараван̣н̣анаа нидтид̇аа.
Pañcakavāravaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 5. бан̃жагавааро • 5. Pañcakavāro
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / бан̃жагаваараван̣н̣анаа • Pañcakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бан̃жагаваараван̣н̣анаа • Pañcakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бан̃жагаваараван̣н̣анаа • Pañcakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / згуд̇д̇ариганаяо бан̃жагаваараван̣н̣анаа • Ekuttarikanayo pañcakavāravaṇṇanā
