| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
бан̃жагаваараван̣н̣анаа
Pañcakavāravaṇṇanā
325. на убзд̇и буг̇г̇ало. ‘‘ниманд̇ид̇о сабхад̇д̇о самаано санд̇ам̣ бхигкум̣ анаабужчаа’’д̇и (баажи. 299) важанад̇о ниманд̇анаабхааваа бин̣д̣абаад̇игасса анааманд̇ажааро ваддад̇и. ‘‘г̇илаанасамаяо’’д̇иаад̣̇инаа аабхог̇ам̣ гад̇ваа бхож̇анам̣ ад̇хидтахид̇ваа бхож̇анам̣ наама. ‘‘маяхам̣ бхад̇д̇абажжаасам̣ ид̇т̇аннаамасса д̣̇аммий’’д̇и звам̣ авигаббанаа. бараммукз аг̇ун̣аважанам̣ аяасо. саммукаа г̇арахаа. сийлад̣̇идтиб̣яасанаанам̣ винаяабарияаабаннад̇д̇аа д̇зхи сад̣̇д̇хим̣ ид̇арз бан̃жагам̣ буурзд̇ум̣ вуд̇д̇аа. ‘‘винаяад̇харабан̃жамзна г̇ан̣знаа’’д̇и (махаава. 259) вуд̇д̇ад̇д̇аа бан̃жагам̣ ж̇аад̇ам̣. ан̃н̃ад̇арасмим̣ вихаарз зго т̇зрод̇и ад̇т̇о. ‘‘яонагависаяад̇од̇и жийнадтаанаа’’д̇и ликид̇ам̣. адта габбз ануссарийд̇и буб̣б̣зниваасан̃аан̣ам̣ ниб̣б̣ад̇д̇зсийд̇и ад̇т̇о. ананд̇арз таанз тад̇ваад̇и ад̇т̇о. н̃ад̇д̇ияаа гаммаббад̇д̇о худ̇ваад̇и н̃ад̇д̇идтабид̇агаалз гаммаббад̇д̇о ход̇и. буна гаммаваажааяа гаммасид̣̇д̇хи. н̃ад̇д̇икзд̇д̇анд̇и н̃ад̇д̇ияаава гаад̇аб̣б̣адтаанам̣ д̇ассаа кзд̇д̇ам̣, н̃ад̇д̇ид̣̇уд̇ияаад̣̇игаммз батамадтабанам̣ д̇ассаа огаасо наама. ааран̃н̃агз ид̣̇ан̃жид̣̇ан̃жаанисам̣санд̇и звам̣ ид̣̇амад̇т̇ид̇анд̇и ад̇т̇о.
325.Naupeti puggalo. ‘‘Nimantito sabhatto samāno santaṃ bhikkhuṃ anāpucchā’’ti (pāci. 299) vacanato nimantanābhāvā piṇḍapātikassa anāmantacāro vaṭṭati. ‘‘Gilānasamayo’’tiādinā ābhogaṃ katvā bhojanaṃ adhiṭṭhahitvā bhojanaṃ nāma. ‘‘Mayhaṃ bhattapaccāsaṃ itthannāmassa dammī’’ti evaṃ avikappanā. Parammukhe aguṇavacanaṃ ayaso. Sammukhā garahā. Sīladiṭṭhibyasanānaṃ vinayapariyāpannattā tehi saddhiṃ itare pañcakaṃ pūretuṃ vuttā. ‘‘Vinayadharapañcamena gaṇenā’’ti (mahāva. 259) vuttattā pañcakaṃ jātaṃ. Aññatarasmiṃ vihāre eko theroti attho. ‘‘Yonakavisayatoti cīnaṭṭhānā’’ti likhitaṃ. Aṭṭha kappe anussarīti pubbenivāsañāṇaṃ nibbattesīti attho. Anantare ṭhāne ṭhatvāti attho. Ñattiyā kammappatto hutvāti ñattiṭṭhapitakāle kammappatto hoti. Puna kammavācāya kammasiddhi. Ñattikhettanti ñattiyāva kātabbaṭṭhānaṃ tassā khettaṃ, ñattidutiyādikamme paṭhamaṭṭhapanaṃ tassā okāso nāma. Āraññake idañcidañcānisaṃsanti evaṃ idamatthitanti attho.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 5. бан̃жагавааро • 5. Pañcakavāro
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / бан̃жагаваараван̣н̣анаа • Pañcakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бан̃жагаваараван̣н̣анаа • Pañcakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бан̃жагаваараван̣н̣анаа • Pañcakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / згуд̇д̇ариганаяо бан̃жагаваараван̣н̣анаа • Ekuttarikanayo pañcakavāravaṇṇanā
