| Library / Tipiṭaka / ติปิฎก • Tipiṭaka / วชิรพุทฺธิ-ฎีกา • Vajirabuddhi-ṭīkā |
ปญฺจกวารวณฺณนา
Pañcakavāravaṇṇanā
๓๒๕. น อุเปติ ปุคฺคโลฯ ‘‘นิมนฺติโต สภโตฺต สมาโน สนฺตํ ภิกฺขุํ อนาปุจฺฉา’’ติ (ปาจิ. ๒๙๙) วจนโต นิมนฺตนาภาวา ปิณฺฑปาติกสฺส อนามนฺตจาโร วฎฺฎติฯ ‘‘คิลานสมโย’’ติอาทินา อาโภคํ กตฺวา โภชนํ อธิฎฺฐหิตฺวา โภชนํ นามฯ ‘‘มยฺหํ ภตฺตปจฺจาสํ อิตฺถนฺนามสฺส ทมฺมี’’ติ เอวํ อวิกปฺปนาฯ ปรมฺมุเข อคุณวจนํ อยโสฯ สมฺมุขา ครหาฯ สีลทิฎฺฐิพฺยสนานํ วินยปริยาปนฺนตฺตา เตหิ สทฺธิํ อิตเร ปญฺจกํ ปูเรตุํ วุตฺตาฯ ‘‘วินยธรปญฺจเมน คเณนา’’ติ (มหาว. ๒๕๙) วุตฺตตฺตา ปญฺจกํ ชาตํฯ อญฺญตรสฺมิํ วิหาเร เอโก เถโรติ อโตฺถฯ ‘‘โยนกวิสยโตติ จีนฎฺฐานา’’ติ ลิขิตํฯ อฎฺฐ กเปฺป อนุสฺสรีติ ปุเพฺพนิวาสญาณํ นิพฺพเตฺตสีติ อโตฺถฯ อนนฺตเร ฐาเน ฐตฺวาติ อโตฺถฯ ญตฺติยา กมฺมปฺปโตฺต หุตฺวาติ ญตฺติฎฺฐปิตกาเล กมฺมปฺปโตฺต โหติฯ ปุน กมฺมวาจาย กมฺมสิทฺธิฯ ญตฺติเขตฺตนฺติ ญตฺติยาว กาตพฺพฎฺฐานํ ตสฺสา เขตฺตํ, ญตฺติทุติยาทิกเมฺม ปฐมฎฺฐปนํ ตสฺสา โอกาโส นามฯ อารญฺญเก อิทญฺจิทญฺจานิสํสนฺติ เอวํ อิทมตฺถิตนฺติ อโตฺถฯ
325.Naupeti puggalo. ‘‘Nimantito sabhatto samāno santaṃ bhikkhuṃ anāpucchā’’ti (pāci. 299) vacanato nimantanābhāvā piṇḍapātikassa anāmantacāro vaṭṭati. ‘‘Gilānasamayo’’tiādinā ābhogaṃ katvā bhojanaṃ adhiṭṭhahitvā bhojanaṃ nāma. ‘‘Mayhaṃ bhattapaccāsaṃ itthannāmassa dammī’’ti evaṃ avikappanā. Parammukhe aguṇavacanaṃ ayaso. Sammukhā garahā. Sīladiṭṭhibyasanānaṃ vinayapariyāpannattā tehi saddhiṃ itare pañcakaṃ pūretuṃ vuttā. ‘‘Vinayadharapañcamena gaṇenā’’ti (mahāva. 259) vuttattā pañcakaṃ jātaṃ. Aññatarasmiṃ vihāre eko theroti attho. ‘‘Yonakavisayatoti cīnaṭṭhānā’’ti likhitaṃ. Aṭṭha kappe anussarīti pubbenivāsañāṇaṃ nibbattesīti attho. Anantare ṭhāne ṭhatvāti attho. Ñattiyā kammappatto hutvāti ñattiṭṭhapitakāle kammappatto hoti. Puna kammavācāya kammasiddhi. Ñattikhettanti ñattiyāva kātabbaṭṭhānaṃ tassā khettaṃ, ñattidutiyādikamme paṭhamaṭṭhapanaṃ tassā okāso nāma. Āraññake idañcidañcānisaṃsanti evaṃ idamatthitanti attho.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ปริวารปาฬิ • Parivārapāḷi / ๕. ปญฺจกวาโร • 5. Pañcakavāro
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / ปริวาร-อฎฺฐกถา • Parivāra-aṭṭhakathā / ปญฺจกวารวณฺณนา • Pañcakavāravaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ปญฺจกวารวณฺณนา • Pañcakavāravaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ปญฺจกวารวณฺณนา • Pañcakavāravaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / เอกุตฺตริกนโย ปญฺจกวารวณฺณนา • Ekuttarikanayo pañcakavāravaṇṇanā
