| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๗. ปญฺจาลจณฺฑสุตฺตวณฺณนา
7. Pañcālacaṇḍasuttavaṇṇanā
๘๘. สตฺตเม สมฺพาเธติ นีวรณสมฺพาธํ กามคุณสมฺพาธนฺติ เทฺว สมฺพาธาฯ เตสุ อิธ นีวรณสมฺพาธํ อธิเปฺปตํฯ โอกาสนฺติ ฌานเสฺสตํ นามํฯ ปฎิลีนนิสโภติ ปฎิลีนเสโฎฺฐฯ ปฎิลีโน นาม ปหีนมาโน วุจฺจติฯ ยถาห – ‘‘กถญฺจ, ภิกฺขเว, ภิกฺขุ ปฎิลีโน โหติ ฯ อิธ, ภิกฺขเว, ภิกฺขุโน อสฺมิมาโน ปหีโน โหติ อุจฺฉินฺนมูโล ตาลาวตฺถุกโต อนภาวํกโต อายติํ อนุปฺปาทธโมฺม’’ติ (อ. นิ. ๔.๓๘; มหานิ. ๘๗)ฯ ปจฺจลตฺถํสูติ ปฎิลภิํสุฯ สมฺมา เตติ เย นิพฺพานปตฺติยา สติํ ปฎิลภิํสุ, เต โลกุตฺตรสมาธินาปิ สุสมาหิตาติ มิสฺสกชฺฌานํ กถิตํฯ สตฺตมํฯ
88. Sattame sambādheti nīvaraṇasambādhaṃ kāmaguṇasambādhanti dve sambādhā. Tesu idha nīvaraṇasambādhaṃ adhippetaṃ. Okāsanti jhānassetaṃ nāmaṃ. Paṭilīnanisabhoti paṭilīnaseṭṭho. Paṭilīno nāma pahīnamāno vuccati. Yathāha – ‘‘kathañca, bhikkhave, bhikkhu paṭilīno hoti . Idha, bhikkhave, bhikkhuno asmimāno pahīno hoti ucchinnamūlo tālāvatthukato anabhāvaṃkato āyatiṃ anuppādadhammo’’ti (a. ni. 4.38; mahāni. 87). Paccalatthaṃsūti paṭilabhiṃsu. Sammā teti ye nibbānapattiyā satiṃ paṭilabhiṃsu, te lokuttarasamādhināpi susamāhitāti missakajjhānaṃ kathitaṃ. Sattamaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๗. ปญฺจาลจณฺฑสุตฺตํ • 7. Pañcālacaṇḍasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๗. ปญฺจาลจณฺฑสุตฺตวณฺณนา • 7. Pañcālacaṇḍasuttavaṇṇanā
