| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៧. បញ្ចាលចណ្ឌសុត្តវណ្ណនា
7. Pañcālacaṇḍasuttavaṇṇanā
៨៨. សត្តមេ សម្ពាធេតិ នីវរណសម្ពាធំ កាមគុណសម្ពាធន្តិ ទ្វេ សម្ពាធា។ តេសុ ឥធ នីវរណសម្ពាធំ អធិប្បេតំ។ ឱកាសន្តិ ឈានស្សេតំ នាមំ។ បដិលីននិសភោតិ បដិលីនសេដ្ឋោ។ បដិលីនោ នាម បហីនមានោ វុច្ចតិ។ យថាហ – ‘‘កថញ្ច, ភិក្ខវេ, ភិក្ខុ បដិលីនោ ហោតិ ។ ឥធ, ភិក្ខវេ, ភិក្ខុនោ អស្មិមានោ បហីនោ ហោតិ ឧច្ឆិន្នមូលោ តាលាវត្ថុកតោ អនភាវំកតោ អាយតិំ អនុប្បាទធម្មោ’’តិ (អ. និ. ៤.៣៨; មហានិ. ៨៧)។ បច្ចលត្ថំសូតិ បដិលភិំសុ។ សម្មា តេតិ យេ និព្ពានបត្តិយា សតិំ បដិលភិំសុ, តេ លោកុត្តរសមាធិនាបិ សុសមាហិតាតិ មិស្សកជ្ឈានំ កថិតំ។ សត្តមំ។
88. Sattame sambādheti nīvaraṇasambādhaṃ kāmaguṇasambādhanti dve sambādhā. Tesu idha nīvaraṇasambādhaṃ adhippetaṃ. Okāsanti jhānassetaṃ nāmaṃ. Paṭilīnanisabhoti paṭilīnaseṭṭho. Paṭilīno nāma pahīnamāno vuccati. Yathāha – ‘‘kathañca, bhikkhave, bhikkhu paṭilīno hoti . Idha, bhikkhave, bhikkhuno asmimāno pahīno hoti ucchinnamūlo tālāvatthukato anabhāvaṃkato āyatiṃ anuppādadhammo’’ti (a. ni. 4.38; mahāni. 87). Paccalatthaṃsūti paṭilabhiṃsu. Sammā teti ye nibbānapattiyā satiṃ paṭilabhiṃsu, te lokuttarasamādhināpi susamāhitāti missakajjhānaṃ kathitaṃ. Sattamaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៧. បញ្ចាលចណ្ឌសុត្តំ • 7. Pañcālacaṇḍasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៧. បញ្ចាលចណ្ឌសុត្តវណ្ណនា • 7. Pañcālacaṇḍasuttavaṇṇanā
