| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༧. པཉྩཱལཙཎྜསུཏྟཝཎྞནཱ
7. Pañcālacaṇḍasuttavaṇṇanā
༨༨. སཏྟམེ སམྦཱདྷེཏི ནཱིཝརཎསམྦཱདྷཾ ཀཱམགུཎསམྦཱདྷནྟི དྭེ སམྦཱདྷཱ། ཏེསུ ཨིདྷ ནཱིཝརཎསམྦཱདྷཾ ཨདྷིཔྤེཏཾ། ཨོཀཱསནྟི ཛྷཱནསྶེཏཾ ནཱམཾ། པཊིལཱིནནིསབྷོཏི པཊིལཱིནསེཊྛོ། པཊིལཱིནོ ནཱམ པཧཱིནམཱནོ ཝུཙྩཏི། ཡཐཱཧ – ‘‘ཀཐཉྩ, བྷིཀྑཝེ, བྷིཀྑུ པཊིལཱིནོ ཧོཏི ། ཨིདྷ, བྷིཀྑཝེ, བྷིཀྑུནོ ཨསྨིམཱནོ པཧཱིནོ ཧོཏི ཨུཙྪིནྣམཱུལོ ཏཱལཱཝཏྠུཀཏོ ཨནབྷཱཝཾཀཏོ ཨཱཡཏིཾ ཨནུཔྤཱདདྷམྨོ’’ཏི (ཨ॰ ནི॰ ༤.༣༨; མཧཱནི॰ ༨༧)། པཙྩལཏྠཾསཱུཏི པཊིལབྷིཾསུ། སམྨཱ ཏེཏི ཡེ ནིབྦཱནཔཏྟིཡཱ སཏིཾ པཊིལབྷིཾསུ, ཏེ ལོཀུཏྟརསམཱདྷིནཱཔི སུསམཱཧིཏཱཏི མིསྶཀཛ྄ཛྷཱནཾ ཀཐིཏཾ། སཏྟམཾ།
88. Sattame sambādheti nīvaraṇasambādhaṃ kāmaguṇasambādhanti dve sambādhā. Tesu idha nīvaraṇasambādhaṃ adhippetaṃ. Okāsanti jhānassetaṃ nāmaṃ. Paṭilīnanisabhoti paṭilīnaseṭṭho. Paṭilīno nāma pahīnamāno vuccati. Yathāha – ‘‘kathañca, bhikkhave, bhikkhu paṭilīno hoti . Idha, bhikkhave, bhikkhuno asmimāno pahīno hoti ucchinnamūlo tālāvatthukato anabhāvaṃkato āyatiṃ anuppādadhammo’’ti (a. ni. 4.38; mahāni. 87). Paccalatthaṃsūti paṭilabhiṃsu. Sammā teti ye nibbānapattiyā satiṃ paṭilabhiṃsu, te lokuttarasamādhināpi susamāhitāti missakajjhānaṃ kathitaṃ. Sattamaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༧. པཉྩཱལཙཎྜསུཏྟཾ • 7. Pañcālacaṇḍasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༧. པཉྩཱལཙཎྜསུཏྟཝཎྞནཱ • 7. Pañcālacaṇḍasuttavaṇṇanā
