| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੭. ਪਞ੍ਚਾਲਚਣ੍ਡਸੁਤ੍ਤવਣ੍ਣਨਾ
7. Pañcālacaṇḍasuttavaṇṇanā
੮੮. ਸਮ੍ਬਾਧੇਤਿ ਸਮ੍ਪੀਲ਼ਿਤਤਣ੍ਹਾਕਿਲੇਸਾਦਿਨਾ ਸਉਪ੍ਪੀਲ਼ਤਾਯ ਪਰਮਸਮ੍ਬਾਧੇ। ਅਤਿવਿਯ ਸਙ੍ਕਾਰਟ੍ਠਾਨਭੂਤੋ ਹਿ ਨੀવਰਣਸਮ੍ਬਾਧੋ ਅਧਿਪ੍ਪੇਤੋ। ਸੋ ਹਿ ਦੁਗ੍ਗਹਨੋ ਤਸ੍ਮਿਂ ਅਸਤਿ ਕਾਮਗੁਣਸਮ੍ਬਾਧੋ ਅਨવਸਰੋ ਏવ ਸੇਯ੍ਯਥਾਪਿ ਮਹਾਕਸ੍ਸਪਾਦੀਨਂ। ਓਕਾਸਨ੍ਤਿ ਝਾਨਸ੍ਸੇਤਂ ਨਾਮਂ ਨੀવਰਣਸਮ੍ਬਾਧਾਭਾવਤੋ। ਅਸਮ੍ਬਾਧਭਾવੇਨ ਹਿ ਝਾਨਂ ਇਧ ‘‘ਓਕਾਸੋ’’ਤਿ વੁਤ੍ਤਂ, ਤਞ੍ਚ ਖੋ ਅਚ੍ਚਨ੍ਤਾਸਮ੍ਬਾਧਟ੍ਠਾਨਤਾਯ વਿਪਸ੍ਸਨਾਪਾਦਕਤਾਯ । ਤਥਾ ਹਿ ਪਾਲ਼ਿਯਂ ‘‘ਅવਿਨ੍ਦੀ’’ਤਿਆਦਿ વੁਤ੍ਤਂ। ਤਤ੍ਥ ਅવਿਨ੍ਦੀਤਿ વਿਨ੍ਦਿ ਪਟਿਲਭਿ। ਭੂਰਿਮੇਧਸੋਤਿ ਮਹਾਪਞ੍ਞੋ, ਸਪਞ੍ਞੋਤਿ ਅਤ੍ਥੋ। ਅਬੁਜ੍ਝੀਤਿ ਬੁਜ੍ਝਿ ਪਟਿવਿਜ੍ਝਿ। ਪਟਿਲੀਨੋ ਹੁਤ੍વਾ ਸੇਟ੍ਠੋ, ਪਟਿਲੀਨਾਨਂ વਾ ਸੇਟ੍ਠੋਤਿ ਪਟਿਲੀਨਸੇਟ੍ਠੋ। ਮਾਨੁਸ੍ਸਯવਸੇਨ ਉਨ੍ਨਤਭਾવਤੋ ਪਟਿਲੀਨੋ ਨਾਮ ਪਹੀਨਮਾਨੋ। ਪਟਿਲਭਿਂਸੂਤਿ ਕਾਮਗੁਣਸਮ੍ਬਾਧੇਪਿ ‘‘ਇਮੇ ਕਾਮਗੁਣਾ ਮਾਦਿਸਾਨਂ ਕਿਂ ਕਰਿਸ੍ਸਨ੍ਤੀ’’ਤਿ? ਤੇ ਅਭਿਭੁਯ੍ਯ ਨਿਬ੍ਬਾਨਪ੍ਪਤ੍ਤਿਯਾ ਸਮ੍ਮਾਸਤਿਂ ਪਟਿਲਭਿਂਸੁ। ਤੇਨ ਸਮ੍ਪਯੁਤ੍ਤੇਨ ਲੋਕੁਤ੍ਤਰਸਮਾਧਿਨਾਪਿ ਸੁਟ੍ਠੁ ਸਮਾਹਿਤਾ।
88.Sambādheti sampīḷitataṇhākilesādinā sauppīḷatāya paramasambādhe. Ativiya saṅkāraṭṭhānabhūto hi nīvaraṇasambādho adhippeto. So hi duggahano tasmiṃ asati kāmaguṇasambādho anavasaro eva seyyathāpi mahākassapādīnaṃ. Okāsanti jhānassetaṃ nāmaṃ nīvaraṇasambādhābhāvato. Asambādhabhāvena hi jhānaṃ idha ‘‘okāso’’ti vuttaṃ, tañca kho accantāsambādhaṭṭhānatāya vipassanāpādakatāya . Tathā hi pāḷiyaṃ ‘‘avindī’’tiādi vuttaṃ. Tattha avindīti vindi paṭilabhi. Bhūrimedhasoti mahāpañño, sapaññoti attho. Abujjhīti bujjhi paṭivijjhi. Paṭilīno hutvā seṭṭho, paṭilīnānaṃ vā seṭṭhoti paṭilīnaseṭṭho. Mānussayavasena unnatabhāvato paṭilīno nāma pahīnamāno. Paṭilabhiṃsūti kāmaguṇasambādhepi ‘‘ime kāmaguṇā mādisānaṃ kiṃ karissantī’’ti? Te abhibhuyya nibbānappattiyā sammāsatiṃ paṭilabhiṃsu. Tena sampayuttena lokuttarasamādhināpi suṭṭhu samāhitā.
ਅਯਂ ਕਿਰ ਦੇવਪੁਤ੍ਤੋ ਇਤੋ ਪੁਰਿਮવਾਰੇ ਅਤ੍ਤਭਾવੇ ਪਠਮਜ੍ਝਾਨਲਾਭੀ ਹੁਤ੍વਾ ਤਤੋ ਚવਿਤ੍વਾ ਬ੍ਰਹ੍ਮਕਾਯਿਕਾਸੁ ਨਿਬ੍ਬਤ੍ਤਿਤ੍વਾ ਤਤ੍ਥ ਝਾਨਸੁਖਂ ਅਨੁਭવਿਤ੍વਾ ਤਤੋ ਚੁਤੋ ਇਦਾਨਿ ਕਾਮਭવੇ ਨਿਬ੍ਬਤ੍ਤੋ, ਤਸ੍ਮਾ ਤਂ ਝਾਨਂ ਸਮ੍ਭਾવੇਨ੍ਤੋ ‘‘ਤਾਦਿਸਸ੍ਸ ਨਾਮ ਝਾਨਸੁਖਸ੍ਸ ਲਾਭੀ ਭਗવਾ’’ਤਿ ਤੇਨ ਗੁਣੇਨ ਭਗવਨ੍ਤਂ ਅਭਿਤ੍ਥવਨ੍ਤੋ ‘‘ਸਮ੍ਬਾਧੇ વਤਾ’’ਤਿ ਗਾਥਂ ਅਭਾਸਿ। ਅਥਸ੍ਸ ਭਗવਾ ਯਥਾ ਨਾਮ ਅਟ੍ਠਸਟ੍ਠਿਯੋਜਨਸਤਸਹਸ੍ਸੁਬ੍ਬੇਧਸਿਨੇਰੁਪਬ੍ਬਤਰਾਜਂ ਉਪਾਦਾਯ ਸਾਸਪੋ ਨ ਕਿਞ੍ਚਿ ਹੋਤਿ, ਏવਂ ਅਨਨ੍ਤਾਪਰਿਮੇਯ੍ਯਬੁਦ੍ਧਗੁਣੇ ਉਪਾਦਾਯ ਰੂਪਾવਚਰਪਠਮਜ੍ਝਾਨਂ ਨ ਕਿਞ੍ਚਿ ਹੋਤੀਤਿ ਦਸ੍ਸੇਨ੍ਤੋ ‘‘ਯੇ ਸਤਿ’’ਨ੍ਤਿਆਦਿਨਾ ਅਨੁਤ੍ਤਰਗੁਣਾਧਿਗਮਂ ਪવੇਦੇਸਿ। ਤਤ੍ਥ ਸਤਿਨ੍ਤਿ વਿਪਸ੍ਸਨਾਸਤਿਯਾ ਸਦ੍ਧਿਂ ਅਰਿਯਮਗ੍ਗਸਤਿਂ। ਸੁਸਮਾਹਿਤਾਤਿ ਲੋਕਿਯਸਮਾਧਿਨਾ ਚੇવ ਲੋਕੁਤ੍ਤਰਸਮਾਧਿਨਾ ਚ ਸੁਟ੍ਠੁ ਸਮਾਹਿਤਾ। ਤੇ ਹਿ ਅਚ੍ਚਨ੍ਤਂ ਸੁਸਮਾਹਿਤਾ, ਨ ਝਾਨਮਤ੍ਤਲਾਭਿਨੋ ਅਕੁਪ੍ਪਧਮ੍ਮਤ੍ਤਾ। ਕੇਚਿ ‘‘ਕਮ੍ਮਨ੍ਤੇ ਸੁਸਮਾਹਿਤਾ’’ਤਿ ਪਾਠਂ વਤ੍વਾ ‘‘ਮਗ੍ਗਸਮਾਹਿਤਾ’’ਤਿ ਅਤ੍ਥਂ વਦਨ੍ਤਿ।
Ayaṃ kira devaputto ito purimavāre attabhāve paṭhamajjhānalābhī hutvā tato cavitvā brahmakāyikāsu nibbattitvā tattha jhānasukhaṃ anubhavitvā tato cuto idāni kāmabhave nibbatto, tasmā taṃ jhānaṃ sambhāvento ‘‘tādisassa nāma jhānasukhassa lābhī bhagavā’’ti tena guṇena bhagavantaṃ abhitthavanto ‘‘sambādhe vatā’’ti gāthaṃ abhāsi. Athassa bhagavā yathā nāma aṭṭhasaṭṭhiyojanasatasahassubbedhasinerupabbatarājaṃ upādāya sāsapo na kiñci hoti, evaṃ anantāparimeyyabuddhaguṇe upādāya rūpāvacarapaṭhamajjhānaṃ na kiñci hotīti dassento ‘‘ye sati’’ntiādinā anuttaraguṇādhigamaṃ pavedesi. Tattha satinti vipassanāsatiyā saddhiṃ ariyamaggasatiṃ. Susamāhitāti lokiyasamādhinā ceva lokuttarasamādhinā ca suṭṭhu samāhitā. Te hi accantaṃ susamāhitā, na jhānamattalābhino akuppadhammattā. Keci ‘‘kammante susamāhitā’’ti pāṭhaṃ vatvā ‘‘maggasamāhitā’’ti atthaṃ vadanti.
ਪਞ੍ਚਾਲਚਣ੍ਡਸੁਤ੍ਤવਣ੍ਣਨਾ ਨਿਟ੍ਠਿਤਾ।
Pañcālacaṇḍasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੭. ਪਞ੍ਚਾਲਚਣ੍ਡਸੁਤ੍ਤਂ • 7. Pañcālacaṇḍasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੭. ਪਞ੍ਚਾਲਚਣ੍ਡਸੁਤ੍ਤવਣ੍ਣਨਾ • 7. Pañcālacaṇḍasuttavaṇṇanā
